سمبوسة وفيمتو ومسواك (1)
 

السلام عليكم ورحمة الله وبركاته

في الصالة ...

دحيم : يبه يبه
بو دحيم : خيير وش تبي تراك ازعجتنا
دحيم : ترى اليوم 29 شعبان يعني باكر رمضان وشرايك نروح نشتري مقاضي رمضان ؟
بو دحيم : ايييه والله نسيت لازم ندعس الحين لبندة
دحيم : يالله انا بروح اشغل السيارة وانتظرك

في بندة ....
ياخذ بو دحيم عربيتين وولده ياخذ عربية ويعبونها من كل المأكولات والعصيرات والفطاير والمعلبات وكل شئ يخطر ببالك ..

عند المحاسب ....
حط الاغراض بالاكياس وتطلع الفاتورة 2451 ريال ؟؟؟!!!

عند باب البيت ...
استعان بو دحيم بثلاث عمال من الجنسية الهندية علشان يدخلون الاغراض في البيت واخرتها عطى كل عامل عشرة ريال ..

السحور وصلاة الفجر ...

طبعا السحور كان وجبة دسمة من اللحم والدجاج والجريش والرز
وصلاة الفجر كانت في الايام العادية لا تتعدى صف ونص اما في اول ايام رمضان فوصلت الى اربعة صفوف ؟؟!!

صبيحه اول يوم من رمضان ...

يذهب دحيم الى المدرسة طبعا هو صف ثاني ثانوي والدوام يبدا من الساعه 9 ونص ويوم وصل لباب المدرسة يلقى زحمة طلاب على بنقالي ...
قرب منهم يبي يشوف وش السالفه اخرتها طلع البنقالي يبيع مسواك الله اعلم هو اصلي و لاتقليد .... ويشتري له مسواك عرضة 3 سم ...

في المدرسة ...

انواع الطفش والملل والزهق والكآبة الواحد ينتظر متى تخلص الحصة الاخيرة علشان يروح للبيت ويسحبها نومه الى اذان المغرب .

عند الخروج من المدرسة ....

دحيم يطلع وهو ما يشوف الدرب ويركب اول تكسي على بيتهم ..

في البيت ...

دخل دحيم البيت ويلقى ام دحيم تسوي الشوربة واخته تقلي السمبوسة والخدامة تحط عصير فيمتو في الثلاجة ...

في صلاة العصر ...

الناس رايحين يصلون على عجل فأكثر المصلين يقرأ جزء بعد الصلاة والبعض يبي يلحق على مسلسل واخرين يطلعون يضيعون وقت العصرية في التمشي ...

على اذان المغرب ...

اول شئ نوصف لكم سفرة الطعام
تمر اشكال وانواع ولبن و حلا و عصيرات منها فيمتو وبرتقال وفراولة واشياء اول مرة اشوفها وسمبوسة وشوربة وكريمة و جلي الوان مختلفة وكناقة وشعيرية ومكرونه ...

بعد صلاة المغرب ...
على طول اكثر من 90% من سكان المملكة جالسين قدام التلفزيون علشان مسلسل طاش ما طاش ..

صلاة العشاء والتروايح ..

دحيم وابوه ما شاء الله عليهم صلوا العشاء والتراويح مع بعض ..

في ليلة اليوم الثاني من رمضان ....

راح دحيم على دروسة يذاكر ما اخذه في الصباح ويحضر دروس باكر


( طبعا هذا حال الناس تقريبا اول عشرة ايام رمضان )

وانتظرونا في حال الناس بعد 10 من رمضان

دمتم سالمين

مشكـوور يالغـلا s60s


ننتظـر الجديـد :rolleyes:

مشكووور :laugh:

مشكور وما قصرت
..


الله يعطيك العافيه
..

مشكـــورر

مشكووووووووووووووووووووور

بس ياريت تسويها مسلسل خهههههههههه

جديد ننتظر هههههههههه

حلــــو ..!!


بانتظار الأحلى ..!! :)

انا من رأيي ان اغلب الشعب السعودي

شعب مسرف ومبذر فما يصدقون يجي رمضان الا والسوبرماركات مليييييييييييييييانه

كلن يتقضى اللي يشوفهم يقول مساكين ماعندهم آكل ويرحمهم

ولو تدخل بيوتهم تلقى الثلاجات مليانه


مانقول الا الله يديمها من نعمه غيرنا ما لقاء شي ياكله وحنا نتفنن في الاكل

فلذلك اكثرو من شكر النعم ( لئن شكرتم لأزيدنكم ولأن كفرتم إن عذابي قريب )

وآسف على الاطاله000 :nono:

يعطيكم العافيه اخواني على مروركم

ومشكوور اخوي الفريق المميز على اضافتك الجيدة

مشكووووور موضوعك s60s s60s