#1  
قديم 12/10/2005, 07:07 AM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
وش هالطفش في رمضان !!!!!!!

[align=center]بسم الله الرحمن الرحيم


للاسف هذا اغلب حالنا حنا يالشباب في رمضان

طفش طفش طفش

نوم ودوران وضحك واستهبال وبعدين اذا رجع للبيت قابل هالتلفزيون واذا راح ينوم قال وش

هالطفش مااقدر انوم طفشان زهقان

وعلى نفس الحالة طووووووول رمضان يدخل رمضان ويخلص ولا حرك فيه شئ

يدخل رمضان ويخلص والناس من هم من غفر له ومن هم من عتق من النيران ومن هم من قام ليلة القدر

خير من الف شهر وحنا على نفس حالنا

قال رسول الله - صلى الله عليه وسلم - " خاب وخسر من ادرك رمضان ولم يغفر له " ، " رغم أنف

رجل

دخل عليه رمضان ثم انسلخ قبل أن يغفر له
" ، " من أدرك رمضان ولم يغفر له وجبت له النار " .

[line]


شباب من تجربة شخصية وانا انسان عادي لا تحسبون اني (مطوع) ولكن حبيت اني انصحكم

هالنصائح لاني زي مااحب الخير لنفسي احبه لكم من باب قوله عليه افضل الصلاة واتم التسليم

((لا يؤمن احدكم حتى يحب اخيه مايحب لنفسه ))

والله ياشباب اني قبل سنتين او اكثر كنت مقصر رمضان يعني الحمدلله اصلي الفروض واصلي بعض

التراويح ولكن كانت الدنيا شاغلتني من تلفزيون واصدقاء ونوم ودراسة وكنت اصلي التراويح

وتفكيري برا اقول متى يخلص وكنت اقرا قران اول الايام ثمن بعدين ابرد

طلعات ودوران وتلفزيون واخوياء وكل هذا وترجع للبيت تحس انك طفشان كاره نفسك (( ومن اعرض عن ذكري فان له معيشة ضنكا ))

الى ان جاء رمضان العام قلت لازم اغير وضعي في رمضان ليييييه هالناس يتلذذون ويحترون رمضان

طول السنه وانا اقول متى يخلص بس

ليييييه الناس يبكون على فراقة وحنا نقول الله يجيب العيد

قعدت افكر قلت خلني اغير في نفسي شوي

وبديت ولله الحمد وغيرت في نفسي على شوي وشوي وبديت اصلي مع القراء المشهورين وهذا

الرابط للي يبي مساجدهم

مواقع مساجد افضل القراء


وبديت احس اني تغيرت بديت احس بطمانينة براحة بهدوء

بديت اتلذذ بقراءة القران

بعد ماكنت احتري الامام يخلص صرت ودي ان الامام مايقضى

ابعدت عن اخوياي خاصة جمعات التلفزيون والدوران اللي ماله سنع

قللت جدا من مشاهدة التلفزيون

الا ان جاءت العشر

في العشر سويت برنامج ثاني بديت اطلع من بعد الفطور واروح اصلي في مسجد ياسر الدوسري

او اللحيدان واقعد في المسجد والله تحس براحة ماراح تصدقني الا اذا جربتها بين قراءة قراااان

وصلاة وتسبيح الا ان يصلي القيام

والله عندها عرفت لييييييه الناس يبكون على وداع رمضان

عندها عرفت وش قيمة رمضان

عندها عرفت اني اول محروم من لذة وراحة ماكنت اتوقعها

فلذلك هذي نصائح لكم اخواني اتمنى انك تجربها في رمضان وترد علي والله ماراح تخسر شئ

واذا كنت جاد في انك تجربها فهذة بعض النصائح لك

@@ حاول انك تبعد شوي عن اخوياك خاصة حقين المقاهي والشقق وحقين الدوران

@@ رح للمساجد اللي فيها القراء المشهورين لانك اذا شفت جموع المصلين تتحمس وتحس انك مقصر اذا شفت الصغير والكبير والمراة والرجل
@@
قلل من مشاهدة التلفزيون بقدر ماتستطيع واترك سماع الاغاني لو في هالشهر بس @@ اسمع شريط الشيخ خالد الراشد غربة صائم او عذرا رمضان فان فيها فوائد كثيرة


امنية
اتمنى من كل من يقرا هذا الموضوع ان يقف عند التسجيلات الاسلامية ويشتري شريط يومئذ

يتفرقون للشيخ الدكتور عبدالمحسن الاحمد ووالله لن تندم فيه قصة اتمنى من كل شاب انه يسمعها [/align]




[align=center]انظروا لهذا واسالوا انفسكم ماذا قدمتم [/align]

[align=center]شباب اليوم وانا اصلي التراويح كان قدامي رجال اعطية بين الثلاثين والاربعين رجلة اليسرى

مقطوعة ومركب رجل بلاستيكية والله يوم شفته دمعت عيوني الله معطينا الصحة والعافية ونمن

بعباداتنا وهو مقطوعة رجلة وقايم الصلاة قلها بس مانقول الا الله يثبتة ويرزقنا وياه جنات عرضها

السماوات والارض ويجعلنا ممن قام رمضان وصامة ايمانا واحتسابا ويجعلنا ممن قام ليلة القدر [/align]



[align=center] اخيراااااااااا[/align]


[align=center]اذا ماقرينا القرااان في شهر الذي انزل فيه القرااااان متى بنقراااااااه[/align]
]

اخر تعديل كان بواسطة » FhOoOoO في يوم » 12/10/2005 عند الساعة » 08:23 AM
اضافة رد مع اقتباس
  #2  
قديم 12/10/2005, 07:44 AM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
الله يجزاك الف خير ويضعها في مواضيع حسناتك
اضافة رد مع اقتباس
  #3  
قديم 12/10/2005, 07:45 AM
زعيــم نشيــط
تاريخ التسجيل: 10/05/2005
المكان: عاصمة البطولات
مشاركات: 870
[align=center]الله يعطيك العافيه

بصراحة موضوع يحرك المشاعر لمن له ضمير حي

ويحرك الاحاسيس لمن اراد الترفع

اهنيك على اسلوبك ودقه اختيارك لهالموضوع

بهالوقت بالذات ..

انشهد انك جبتها صح ..
عموما انا اعجبني من نصايحك

[blink]عبارة اننا نبتعد عن اخويا المقاهي والشقق[/blink]
والله انك صادق

هم اصدقاء مانقول شيئ

بس الابتعاد بطريقه مؤدبه توح بانك تقدم عمل

يرضى الله ورسوله وسيله حلوة وقد تكون محببه للاصدقاء

في الحذو حذوك ..

اهنيك .. واتمنى ان يصل صدى موضوعك

للاخوان والاخوات .. للاستفادة

موضوع جدير

بالرد

وبالقراءة

وبالعمل به

وبالتصديق عليه

والاتيان بمثله


تقبل تحياتي يابطل ..

ودمت ذخر لدينك ولوطنك [/align]
اضافة رد مع اقتباس
  #4  
قديم 12/10/2005, 12:31 PM
زعيــم مميــز
تاريخ التسجيل: 27/04/2005
المكان: الرياض
مشاركات: 1,929
[align=center]بارك الله فيك

الاحساس بالطفش والملل دليل على ضعف الايمان والبعد عن الله سبحانه وتعالى ..[/align]
اضافة رد مع اقتباس
  #5  
قديم 12/10/2005, 01:25 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
الله يعطيك العافية ..
رسالة أحسبها من القلب لعلها تجد طريقاً للقلوب ..

تقبل الله منا و منكم صالح الأعمال ..
اضافة رد مع اقتباس
  #6  
قديم 12/10/2005, 01:41 PM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772
الله يجزاك بالخير..


صدقني رسالتك لها تاثير كبير واتمنى ان يستفيد منها الجميع..


بالفعل الغالبية في غفله ولا حول ولاقوة الا بالله ..


كما ذكرت اخي الكريم.. الاصدقاء لهم التاثير الاكبر عليك .. فاصدق من يصدقك فقط..
اضافة رد مع اقتباس
  #7  
قديم 12/10/2005, 02:13 PM
زعيــم فعــال
تاريخ التسجيل: 19/09/2005
المكان: @قـ9ل9ب@
مشاركات: 308
اضافة رد مع اقتباس
  #8  
قديم 12/10/2005, 02:26 PM
زعيــم متألــق
تاريخ التسجيل: 19/08/2005
المكان: مــقـر الزع ـامه ..!
مشاركات: 1,448
مشكوررررررررر الله يجزاك خير
اضافة رد مع اقتباس
  #9  
قديم 12/10/2005, 03:16 PM
زعيــم جديــد
تاريخ التسجيل: 25/08/2005
المكان: في قلب كل هلالي ....
مشاركات: 9
مشكور .. أخوووووووي

وجعل الله في ميزان حسناتك ............................


تحياتي .......................
اضافة رد مع اقتباس
  #10  
قديم 12/10/2005, 04:50 PM
زعيــم متألــق
تاريخ التسجيل: 07/09/2005
المكان: كــنــدا
مشاركات: 1,455
جزاك الله خير
اضافة رد مع اقتباس
  #11  
قديم 13/10/2005, 02:16 AM
زعيــم مميــز
تاريخ التسجيل: 15/08/2005
المكان: الريــاض
مشاركات: 2,898
مشكور

وجزاك الله الف خير
اضافة رد مع اقتباس
  #12  
قديم 13/10/2005, 05:59 AM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
الله يجزاك خير على الموضوع الاكثر من رائع والله يجعلها في موازين حسناتك والله انك صادق هذا حال بعض الشباب في رمضان 0الله يهدينا واياهم اجمعين


00000(نرجومن ادارة المنتدى تثبيت الموضوع)0000000000
اضافة رد مع اقتباس
  #13  
قديم 13/10/2005, 08:31 PM
الصورة الرمزية الخاصة بـ ano0o0s
زعيــم مميــز
تاريخ التسجيل: 15/01/2005
المكان: بين جماهير الزعيم الهلالي
مشاركات: 4,351
جزاك الله خير


مع تحياتي : الشاااكي
اضافة رد مع اقتباس
  #14  
قديم 15/10/2005, 09:53 PM
زعيــم متواصــل
تاريخ التسجيل: 06/05/2005
مشاركات: 181
مشكووووووووووور ويعطيك ألف عافية


وأتمنى تثبيت الموضوووووووووووووووووووووووووووووووووووع
اضافة رد مع اقتباس
  #15  
قديم 17/10/2005, 03:06 PM
الصورة الرمزية الخاصة بـ Yssoor1
زعيــم نشيــط
تاريخ التسجيل: 30/06/2004
المكان: السعودية
مشاركات: 692
موضوع جميل جدا وأسلوب سلس ورائع

جزاك الله خيرا وجعله في ميزان حسناتك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:35 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube