10/10/2005, 11:59 AM
|
| زعيــم مميــز | | تاريخ التسجيل: 14/07/2005 المكان: في عالم الزعامه
مشاركات: 1,895
| |
|
منتدى البلوي ينافس منتدى الزعيم بـ100 الف عضو
السلام عليكم ورحمة الله وبركاته
ارحب بكل الزعماء ذكورا واناثا واتمنى ان يفهموا قصدي من الموضوع
راح ادخل بالموضوع على طول
* البلوي يأمر التلفزيون السعودي بعدم نقل مباراة الهلال والاتفاق
* البلوي هو السبب في عدم نقل مباراة الاهلي والهلال
* البلوي يريد نواف التمياط
* شوفوا ايش يقول البلوي
*البلوي يهدد بتدمير اسطورة الزعامه
* حسبي الله عليه حرمنا من مشاهدة الهلال
البلوي يقول والبلوي يفعل ومصادر مقربه من البلوي والبلوي وهو نايم كان يقول كذا وكذا
البوي قبل مايشرب كاس المويه هدد الهلال بالتدمير والبلوي وهو راكب سيارته قال لواحد
راح احطم الهلال والبلوي .....................
ذبحتونا ياخلق الله ماصارت وماعاد نبي اي شي عن البلوي
انا ادخل منتدى الزعيم ابي اخبار عن الزعيم وعن حاضره وماضيه ومستقبله
ومابي اعرف البلوي وش قال ووش سوى
وشفتوا المواضيع المكتوبه عن البلوي
والله العظيم متأكد ان 90 % منها بدون مصادر وكلام ماله وجود
لايكون البلوي اكبر همكم ؟؟ والا النادي الفلاني اكبر همكم ؟؟
وبعدين خافوا ربكم سب وشتم وغيبه في الرجال مهما كان مانرضى ياخذ اجرنا وحسناتنا
انا اعترف انه يبي يتجاوز الهلال بك لشي وهذا حق مشروع له جالس يدفع لناديه عشان هالشي واذا كانت الطريقه مو مشروعه وتدل على دنائه فجمهور الهلال يرفضها والعاقلون يرفضونها
ومالنا دخل فيه يسوي اللي يبيه ويحفر في كل مكان الزعيم مايهاب الاشياء هذي لأنه متعود الفرق والاتحادات تحفر له وهو يمشي ملكا يحقق بطوله ورى بطوله
وانا اتمنى من الاعضاء الزعماء انهم يفكوننا من البلوي ونسب كل شي للبلوي
والله ماهو ملك ولا امير عشان توصل يده لكل شي وماله صلاحيات يمنع نقل مباراة والا يلغى مباراة مابقى الا بكره تقولون البلوي يهدي كاس العالم للاتحاد وبطولة القارت للمنتخبات شارك فيها الاتحاد بأمر من البلوي ؟؟ بصراحه قاعد اقراء نكت رمضانيه
اتمنى مايزعلون اللي كم مره كتبوا عن البلوي ووصفوه بأبشع الاوصاف وهو من خلق الله ومسلم يصلي ويصوم لاتكسبوا اثاااااااااااااااااااااااام بسبب منافس مهما كانت طريقته شريفه والا لا
ارجوا ان نمتنع الا عن المواضيع المهمه للبيت الهلال والبلوي مواضيعه في منتديات العميد والاتحاد روحوا هناك واكتبوا عنه وهنا بس عن الفريق الهلالي والرئيس الهلالي والاعضاء الهلاليين
كنا نضحك على النصراويين ونقول منتداهم كله عن الهلال وبعدين قلبوا اتحاد والحين صرنا حولهم اتمنى نترك البلوي وغيره ونهتم بفريقنا اللي ماراح يفيده الا نحن جمهوره ومحبينه
وتحية كبيره لكل زعيم وزعيمه
وفمان الله |
واتحداك تنكر هذا الشيء 
الوضع العادي
