نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   مسلسل مكسيكي بطله فارس ,,, قصته للحين كما المرمى بلا حارس .. (http://vb.alhilal.com/t240833.html)

إلـيـاسـانـدرو 10/10/2005 06:26 AM

مسلسل مكسيكي بطله فارس ,,, قصته للحين كما المرمى بلا حارس ..
 
[align=center]السلام علكيم جميعا

-------{ مــداخـــلـــة }-------

الكل يلاحظ اني اغلب مواضيعي بهالشبكة الغاليه هي عن شباب الزعيم
والله من جد يا اخوان
يحتاجون لمساندة لدعم لكلمه حلوة لتشجيع صادق
بهالمعاني نكون نموذج لجمهور حي وحقيقي
ع العموم موضوعي ..فيه شيئ من المطالبات لمن يخصهم الامر وفيه ذكر بعض الشواهد والبراهين

-------{ فارسنا القادم }-------

الكل قرأ هنا في الشبكة موضوع انضمام اللاعب للكتيبة الزرقاء
والكل يقرأ في الصحف هنا وهناك .. والكل يتداول اخر اخبار الزعيم ومن ينتمون له

موضوعي في شوية من علامات الاستفهام اتركها وانتظر اجابتها ..!!

مضى على اللاعب وقت وهو يتمرن ..من اول تمرين شد انتباه المدرب
وامر بتواجده في اليوم التالي في التمرين

http://vb.alhilal.com/news/faris_02_.jpg

واصبح يتمرن بشكل شبه يومي ايمانا من المسؤولين بقدرات هذا الفارس
وفرحت وفرح غيري بقدوم موهبه جديدة من منطلق لسان ادارة الاخبار هنا

وصرنا نبحث اكثر عن هاللاعب .. لقيناه من افضل من مر على حواري الرياض
بحثنا اكثر لقينا آخر اسمه القحطاني
يعني فيه امل ان ياسر القحطاني يصير مستنسخ
<<< ياحبني لهم والله :)

واظب وتمرن وثابر وابدع في وديات كثر
وعلى ما اعتقد انه لعب ضد الدرعيه وسجل
(( اذا المعلومه غلط لحد يدقق بس نبهوني بالخاص :D ))

يا اخوان انا بحثت عن هاللاعب من واقع اخبار متناقله فيها من الثقه الشيئ الكثير
لقيت انه من اطيب الناس
محبوب ممن حوليه .. صادق صدوق ..
ماهر لدرجه فنان في مركز الوسط ..
غير متغطرس او شيئ من هالكلام
هادي حد الثماله

-------{ خــشــة غلــط وموب غلـــط }-------

يا ناس لازم ننظر للمستقبل بنظرة ثاقب متمعن
ليش نخلي ابو سلطان وحده اللي يتعب ويشقى وكل شيئ
وبالاخير قد يصيب وقد يخيب
وكالعاده الجمهور لا يرحم
ليش مانكون عون لابو سلطان والقائمين

ليش ما حنا نكتب وهو يرتب
والله يااصل الصوت ولامنه كان في المصلحه العامه وتم التشاور
صدقوني ياخذون به ويعتمدونه
بس يبي لنا نظرة زي ماقلت ويبي لنا صبر وتحمل مسؤوليه عامه
نطالب نطالب نطالب ..

-------{ وقــفـــة }-------

مستقبلك ينادي يازعيم النوادي
نظرة عامه للزعيم ككل
لن يبقى سامي في الملاعب اكثر مما راح
ولا نواف ولا خثران ولا دعيعنا ولا ولا ولا ...

طيب من راح يخلفهم ويشغل خاناتهم

اكيد مع الزعيم .. هناك خير خلف لخير سلف
<<< يصلح للدعايات :razz:

-------{الخــلاصــة }-------

ماعلينا نرجع لموضوعنا .. فيه لاعبين كثر يحتاجون لوقفه واقتران
بس الفارس مشغلن بالي
وماكلن الجو بهالموضوع لذا بديت فيه وبانتهي فيه
لولا ثقتي بالله عز وجل وبقدرات هاللاعب
ماكان تعنيت وكتبت وتحملت مسؤوليه كتابتي


بس ..!!

وياشين هالكلمه بعض الاحيان ...

للاسف لقينا المسؤولين على وضع الصامت لا حس ولا خبر
هالسكوت حرّك مشاعر غيرنا ممن للزعيم لقمة حارة على السنتهم

طالعتنا بعض الصحف باخبار محاولة تغيير مسار الفارس الى فريق اخر
مايهمني صدق هالاخبار من كذبها بقدر مايهمني المطالبه بمفهوم واضح من المسؤولين
يهمني ان يخرج لنا مسؤول ويحكي واقع الحقيقه المنتظرة
عشان تمون مسكته لبعض المطبلين ومسكته لمن في قلبه مثقال حقد وكراهيه
فتبا لهؤلاء الحدقه من الوريد للوريد
تركنا لهم دور الذبابه واذا هم يصولون ويجولون من غير رقيب وحسيب
ولكن من طرفهم الاخر ..!!

الزعيم برجالاته .. بكفائاته .. بخبراته الادرايه بكل شيئ

يهمني ان ارى هذا اللاعب موقعا رسميا في كشوفات النادي
وله من عقد رسمي مثل ما لغيره كي تكون سندا له في ابداعاته
وعونا بعد الله في التألق ومدخل رزق له
وان يعامل كغيره .. يمجّد وقت مايبدع .. ويحذّر وقت الغلط .. ويُنصح ويرشد ..


يهمني ان ينتهي المسلسل المكسيكي المخيّب لآمالنا ..

ويبدأ مسلسل جديد هو فارس بلا جواد .. نهايته ذهب وليس مرمى بلا حارس ..

-------{أمنـيــة}-------

اتمنى ثم اتمنى ثم اتمنى ان هالموضوع مايكون مثل سابقاته في هالشبكة لعدد من الاعضاء
نلقى في الردود من اللوم ونلقى العتب والاستخفاف .. ان كان هناك من عاقل يقرأ ويفهم

فاظن انه بيكون في صفي لدعم موهبه عشان ماتلحق ببدر ابانمي والمسيطير ... الله يذكرهم بالخير يارب

واتمنى والله اني القى ردود تليق بنا كجمهور ..

ما ابي عبارة شكر لي وتمجيد لموضوعي وكلمه مشكور وعبارة ( خير الكلام ماقل ودل )
ابي ردود تليق بكل واحد يبي يرد

ابي نقد لكلامي ان لقيت .. وابي توجيه لي في غلطي .. وابي نصيحه ان وجدت ..
وابي مجاراتي في حوار وسياق الموضوع

عشان نخرج بفائدة تصب للاعب اولا ومن ثم تفيد للكاتب نفسه

فاتمنى يكون النوع الاول من النقد .. النقد البنّاء .. هو هدفكم في ردودكم ..

لان والله الهدام منه لايفيد ولا شيئ بس
(( زود مشاركاتك على الفاضي .. وانته ماااشي))

-------{قــفــلـة}-------

اتمنى ان يصل صوتي لمن يهمهم الامر
وان يسارعوا بإطلاق الحقيقه المنتظرة
فنحن شعب آخاذ .. وجمهور متعطش ..
طماعين للحصاد .. سباقين للذهب ..
مانرضى بغير القمة والاول ..

وآآآسف ع الاطاله .. ودمتم ,,,[/align]

زعيمووف 10/10/2005 06:36 AM

قبل ساعه دخلت منتدى النصر وحصلت موضوع كامل بالصور الموجوده بالموضوع وقد كتب احدهم

انه تمرن مع الهلال ولم يسجل حتى الان.. ويطالب بتسجيله بسرعه...

اتمنى تدخل اداره النادى بسرعه ..


مع التحيه

مـجــنـون ســامــــي 10/10/2005 06:46 AM

بصراحه مشكور أخوي على اهتمامك الواضح بالمواهب الشابه ....


وانا بصراحه ما شفت هذا الفارس في مباراه أو تمرين ولكن سمعت عنه أنه لاعب يشق طريقه إلى النجوميه

ومعلومتك عن هدفه بالدرعيه صحيحه لذا أتمنى من المسؤلين سرعة التدخل وحل الأشكال ....

]¦[ هبلبي حبك ]¦[ 10/10/2005 06:48 AM

ماشاءاللـه عليــك يالغالي

كلامـك صحيـح ( 100% )

بـس نبي احـد من المسؤاليـن يعطيـنا الاخبـار الصحيحـه عـن فـارس القحطـاني

واللـه انا خايف هالاعب يروح منـا واتمنـى من الادارهـ الهلاليـه انـ تشوف حل لـ هالموضوع

والجمـاهير الهلاليـه ماراح تقصـر بشـيء بس نبـي العلــوم الاكيـدهـ وحنا مستعديـن للاـي شـيء يخدم الهلال

والهلال فوق كـل شـيء

مع كل الحــب

دمت بوٍد

نزيه المشاعر 10/10/2005 09:54 AM

ان اشاء الله خير

متيمه هلالية 10/10/2005 10:14 AM

ان شاء الله خير والي فيه الخير ربي يكتبه

هلااالي الماااسي 10/10/2005 11:49 AM

وانا بصراحه ما شفت هذا الفارس في مباراه أو تمرين ولكن سمعت عنه أنه لاعب يشق طريقه إلى النجوميه

الكاسر -9 10/10/2005 11:56 AM

اتمنى انو يتعاقد معا النادي ونشوف موهوب جديد ............... بس ودي اعرف يلعب ايسر ولا ايمن ........؟


تحياتي

إلـيـاسـانـدرو 10/10/2005 07:42 PM

إقتباس:

الرسالة الأصلية كتبت بواسطة زعيمووف
كتب احدهم

انه تمرن مع الهلال ولم يسجل حتى الان.. ويطالب بتسجيله بسرعه...

اتمنى تدخل اداره النادى بسرعه ..


مع التحيه


هلا وغلا اخوي الغالي .. كلامك فيه من الصحة الكثير والكثير

وهي الحقيقه للاسف .. للحين مالقينا اجابه شافيه وكافيه ..

ولا لقينا خبر واضح وفاضح ..

الى من يهمهم الامر .. اطلقوا لنا عنان الحقيقه المنتظرة ..

فنحن للذهب محبون .. وللمواهب متعطشون ..

تحياتي لك يالغلا ,,,

إلـيـاسـانـدرو 10/10/2005 08:48 PM

إقتباس:

الرسالة الأصلية كتبت بواسطة مـجــنـون ســامــــي

وانا بصراحه ما شفت هذا الفارس في مباراه أو تمرين ولكن سمعت عنه أنه لاعب يشق طريقه إلى النجوميه


سمعت عنه ..

وغيرك شافه ..

اتمنى يلقى فرصه مثل غيره ..

ونشوفه يتلآلآ في سماء الزعيم ..

مع افراد الكتيبة الحاليه ..

ونفرح بقدوم فارس جديد ..

كل الدعوات بان يختار رب العزة والجلال مافيه خير لنا ولنادينا ..

تحياتي لك .. ولاعدمتك ,,,

إلـيـاسـانـدرو 11/10/2005 02:59 AM

اعطائه مجرد فرصه . وتسجيله رسميا

كفيلة بانها تنهي مسلسل .. ومهاترات ..

آمل كغيري من محبي هالكيان .. ان صدى الصوت يوصل ..

والخيرة فيما اختارها الله ..

إلـيـاسـانـدرو 11/10/2005 06:16 AM

[align=center]
إقتباس:

الرسالة الأصلية كتبت بواسطة ]¦[ هبلبي حبك ]¦[
ماشاءاللـه عليــك يالغالي

كلامـك صحيـح ( 100% )

بـس نبي احـد من المسؤاليـن يعطيـنا الاخبـار الصحيحـه عـن فـارس القحطـاني

واللـه انا خايف هالاعب يروح منـا واتمنـى من الادارهـ الهلاليـه انـ تشوف حل لـ هالموضوع

والجمـاهير الهلاليـه ماراح تقصـر بشـيء بس نبـي العلــوم الاكيـدهـ وحنا مستعديـن للاـي شـيء يخدم الهلال

والهلال فوق كـل شـيء

مع كل الحــب

دمت بوٍد



دمت ذخر لكيان اسمه الزعيم ,,,

وعلى قولتك .. للحين ننتظر خبر بس .. باحد الصوبين

ايه ,,, او لا ..!!!!

وبصراحة امنيه نشوفه بالكتيبة الزرقاء ,,,

:rolleyes: والله العظيم .. لاني اعرفه شخصيا ولا شيئ .. :rolleyes:

مجرد اقتناع بمستواه .. والزعيم لائق عليه ..

وانا بصراحة

انسان يقدر المواهب .. ويقدر مايستجد بالنادي

من نشئ صالح .. ومواهب فذه .. لحد الثمالة ..

لدرجه اغلب مواضيعي .. تورد المشاهدات ضعف الرد ..

:confused: والسبب الصراحة .. ومحاولة التقصي :confused:

وعلى قولتك يالغلا ...

:sad: لا يروح لغير (( الزعيم )) .. ونصبح كالزوج (( العقيم )) .. :sad:

عموما .. مشكور ياغالي على ردك اللي اثلج صدري ..

وان شاء الله .. ماكان فيه خيرة لكياننا .. يختاره لنا رب العزة والجلال ..

تحياتي لك ,,,
[/align]

**ABU S3OOD** 11/10/2005 04:52 PM

ليش ما حنا نكتب وهو يرتب
والله يااصل الصوت ولامنه كان في المصلحه العامه وتم التشاور
صدقوني ياخذون به ويعتمدونه
بس يبي لنا نظرة زي ماقلت ويبي لنا صبر وتحمل مسؤوليه عامه
نطالب نطالب نطالب ..


ياعيني عليك دائما مبدع

9التـــحــليــه9 11/10/2005 08:27 PM

أهلا أخوي إلياساندرو

أنا سمعت عن هذا اللاعب انه حريص على التمرينات ويحاول أنه يشق طريقه للنجوميه

لكن وش أسمه؟؟؟؟؟؟؟


تحياتي,’,’,’,’,’, s60s

"abu rose" 11/10/2005 08:42 PM

إلـيـاسـانـدرو


كلامك صحيح s60s


وفارس القحطاني حتت لاعب ميه على ميه

ولازم نطالب ان بلعب للهلال
ومثل ماقلت اخوي

واصبح يتمرن بشكل شبه يومي ايمانا من المسؤولين بقدرات هذا الفارس
وفرحت وفرح غيري بقدوم موهبه جديدة من منطلق لسان ادارة الاخبار هنا

وصرنا نبحث اكثر عن هاللاعب .. لقيناه من افضل من مر على حواري الرياض
بحثنا اكثر لقينا آخر اسمه القحطاني
يعني فيه امل ان ياسر القحطاني يصير مستنسخ
<<< ياحبني لهم والله

واظب وتمرن وثابر وابدع في وديات كثر
وعلى ما اعتقد انه لعب ضد الدرعيه وسجل
(( اذا المعلومه غلط لحد يدقق بس نبهوني بالخاص ))

يا اخوان انا بحثت عن هاللاعب من واقع اخبار متناقله فيها من الثقه الشيئ الكثير
لقيت انه من اطيب الناس
محبوب ممن حوليه .. صادق صدوق ..
ماهر لدرجه فنان في مركز الوسط ..
غير متغطرس او شيئ من هالكلام
هادي حد الثماله




اخوي إلـيـاسـانـدرو

انت وربي مبدع
ولا تحرمنا من جديدك


الوقت المعتمد في المنتدى بتوقيت جرينتش +3.
الوقت الان » 05:10 AM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd