13/10/2005, 06:10 PM
|
زعيــم مميــز | | تاريخ التسجيل: 14/07/2005 المكان: في عالم الزعامه
مشاركات: 1,895
| |
الحضور - دعم البلوي - الاستقاله - تراني معصب بسم الله الرحمن الرحيم
اولا اوجه كلامي لمعظم اعضاء المنتدى وبدون زعل مع اني متنرفز وزعلان منهم لكن ابييهم يسمعون كلامي
البارح كنت في الملعب دخلت وشفت حضور متوسط والافضل انه كان جمهور متحمس ويشجع مو نايم وتفاعلنا مع الرابطه واعجبنا بالمباراة اللي مستواها هابط نسبيا وادخل المنتدى اليوم واقراء كلام استقل يابوسلطان والجمهور يفشل وماعندك احد جمهور الرياض
انا هنا ارد واتكلم واقول لايكون مافي فريق في المملكه الا الاتفاق ولا يكون الاتفاق هو بطل دوري ولا يكون الاتفاق اقوى من الهلال ؟؟ في فرق ياناس بين هلال واتفاق وهلال واتحاد في كل النواحي حضوريا ومعنويا وحتى على مستوى الصحافه وفي كل دول العالم معروف الشي هذا للمبارة مقياس تقيس عليه حضور الجماهير والتغطيه الاعلاميه وكل شي وبعدين وش عندكم ياجماهير اسبانيا يوم انكم تتكلمون على جمهور الرياض لايكون بدينا شغل الاحزاب والتعصب لايكون بدينا زرع الفتن والكره لبعض ؟؟ هذا اللي اشوفه
مع احترامي لكم كلام لايمت للعقل بأي شكل من الاشكال وانا ماراح ادافع عن جمهور الرياض ولا راح اقول ياللي تقولون جمهور الشرقيه وجمهور جده و و و وياناس الهلال كم مباراة يلعبها في الشرقيه والا جده في الموسم يمكن اربع مبارايات اذا ماحضرها جمهور فهذي مصيبه لكن الهلال يلعب في الرياض قرابة 12 مباراة للدوري في الرياض والحضور لابد يكون متفاوت من فريق لفريق وحضور مبارة امس كان جيد والدليل على كلامي تصريح محمد بن فيصل لجريدة الجزيره عندما سئل عن بطاقة جيلسون قال : ان النادي ينتظر وصولها خلال اليومين القادمين وان الموسم مازال طويلا ولاخوف على الفريق خلال هذه الفتره مبديا رضاه عن فوز الفريق في ثالث مبارياته امام الاتفاق والمستوى اللذي قدمه اللاعبون كمما شكر الجماهير الحاضرة بأعداد جيده على دعمها المتواصل ) ماقال القليله قال الجيده لأنه يعرف مقياس المبارة وانتم ياللي جالسيت تخربون البيت الهلالي وتحاولون تزرعون فتنه بين الرئيس والجمهور همكم هو اسقاط الفريق صح والا انا غلطان ؟؟ ماتوقع انكم تبحثون عن مصلحة الفريق بكلامكم هذا وعلى العموم مو مهم هالكلام لأن الكل يعرف الصح من الغلط جمهور الهلال واحد عمره ماتفرق وقال نجد والا شرقيه والا غربيه لكن في هالوقت انتم راح تخلقون هالشي اللي مامنه فايده
ثانيا يامن طالب محمد بن فيصل بالاستقاله انا اقول كلمه وحده
استقال محمد بن فيصل ولا تقدم احد يرئس النادي وضعنا بين الرؤساء المكلفين وضاع الفريق وبعدين وش استفدنا ؟؟ بس كلام مامنه فوايد ؟؟
ثالثا اللي يشوفكم يقول خلاص كل اعضاء الشرف قطعوا علاقتهم بالفريق ياما صارت مشاكل دعم لأعضاء الشرف وكانت تنحل لكن اللي كبرها عندكم انه ماحد حضر طيب وانا اقول لكم الدعم في الطريق وراح نسمع في الايام الجايه عن دعم وراح اشوف اقلامكم وش راح تكتب ؟؟ ثالثا عسى ماجتكم جلطه والا سكته يوم سمعتوا البلوي بيدعم الهلال ؟؟ وحطيتوها مذله وان الهلال عليه السلام خلاص انتهى وودع وراح فيها و و و و و
اقول انتم اللي حطيتونا في الموقف هذا سب وشتم في الرجال وتصغير واهانه له و و و و وفي الاخير رد عليكم وبغيتوا تموتون وهو ماسبكم بالعكس يدعم ادارة محمد بن فيصل شفتوا الحين يوم قلنا لكم خلوكم من الرجال ومن السب والشتم والتلعين جاكم نصيبكم والله يمهل ولا يهمل للأسف اني اشوف كلام ومصطلحات عن البلوي وتواقيع وشي مايرضاه احد على نفسه مسوينه وسبحان الله الله اراد انه يرد اللي توونه في الرجال فيكم وبطريقه عاديه لكن حسستكم بالذل وان الهلال محتاج فلوس البلوي ولكن انا اقول لمحمد بن فيصل لاتفقد الامل في بعض الاعضاء راح يدعمون صدقني راح يدعمون وانا متأكد من الشي هذا
لكن اللي بقوله للأعضاء فكوكم من البلوي ومن اهاناته وملاحقه عشان مايتبدل الحال بكره وتصيرون تندبون حضكم ويصير هو يصرف على ناديكم بعدها بسألكم راح تتركون تشجيع نادي الهلال ؟؟ ماراح تتركون وراح تندمون على هالوضع لأنها عقوبه من الله لكم ,, فكروا بالطريقه الصح وكيف الاعضاء ترجع للنادي وكيف الجمهور يتواصل بالدعم وكررنا وقلنا اشتروا بطاقات الهلال العضويه بكذا تدعمون ولكن ماحد يسمع
[mark=6699FF]اللي وصل هنا وماقراء الموضوع كامل اقول له رجاء لاترد الا بعد ماتقراء الموضوع كامل[/mark] |