نادي الهلال السعودي - شبكة الزعيم - الموقع الرسمي - وش رايـــــــكـــم يــا زعمـــــــــــاء

اولاً احب ابارك لجماهير الزعيم من الخليج الى المحيط
ودامت عليكم الفرحه .. ومن بطوله الى بطوله

ثانياً وهو الاهم ..
البطولات المحليه ملينا منها .. وصار لنا فتره ماتذوقنا طعم البطولات الخارجيه .. وخصوصاً الاسيويه ..
والاسيويه الحين صارت غير .. صارت بنكهه عالميه ..
بطلها مكانه كاس العالم .. وفي كاس العالم انت محتاج فريق لايقهر .. محتاج فريق كامل في جميع صفوفه .. خلونا من آسيا وفرقها الداجه ..

الزبده
بعد رحيل الدوخي ومع احترامي للياس .. ولكن قد تكون قوة هذه الجهه ضعفت بعض الشيء ..
ليش الهلال مايعوضها بالجهه اليسرى ..

الخثران جيد في النواحي الدفاعيه .. ولكن في النواحي الهجوميه بطيء .. او بمعنى ثاني مهوب اللي يبرد القلب "هجومياً"

يعني لاعب مثل حسين عبدالغني لايختلف عليه اثنان ..
مانقول نبي نشتري عقده ونخليه هلالي ..؟ يمكن الاهلاويين مايفرطون فيه بسهوله
نقول نبيه اعاره فقط لمدة موسم ..
وبكذا يستفيد الجميع
يستفيد حسين ، ويستفيد الاهلي .. ويستفيد الهلال !!

حسين عبد الغني افضل لاعب مر على الجهه اليسرى بعد عبدالجواد ..
ووجوده في الهلال يعتبر قوة ضاربه تضاف الى الزعيم

وش رايكم يازعماء ؟؟؟
بامكان الهلال ياخذه بأي طريقه
لو على سبيل المثال :
نعطيهم "الموري" لمدة سنه ( بنظام الاعاره )
مع مبلغ محترم لحسين عبد الغني

وبكذا نعطي الموري فرصه في الاهلي .. بحيث نقدر نوقف على مستواه الحقيقي
وفي نفس الوقت يعقل ويترك حركات لاعبين الحواري ..
وبعد سنه ناخذه جاهز ..
وحسين عبد الغني ينضم للزعيم ونستفيد منه كقوة لايستهان بها في دفاع الزعيم ووسطه وهجومه !!

وبعد لاننسى العلاقه المميزه بين ادارة الهلال والاهلي ..
يعني ماراح يكون فيه اختلاف كبير بينهم
خصوصاً ان الهلال قد عرض لاعبي الهلال على الاهلي في مشاركته الاسيويه

فكرو بالعالميه يازعماء .. وخلوكم من البطولات المحليه

وعطوني رايكم بصراحه