نادي الهلال السعودي - شبكة الزعيم - الموقع الرسمي - من اجل الزعيم .. ومنتدى الزعيم.. نريد التواصل

[align=center]السلام عليكم ورحمة الله وبركاته

اول شي مبارك عليكم الشهر حميعا والله يعنا على صيامه وقيامه ويعيده علينا اعوام عديده

بدون مقدمات لاني ما احب هالاسلوب

يعني على قولة اخوانا السودانيين ( دغري )

المهم ياجماعة الخير انا لاحظت في خطوه رااائعه او اكثر من رااائعه وهي التوامه اللي صارت

بين منتديات النمر ومنتدى الهلاليين في موقع الاقلاع ومنتدى القناص ياسر القحطاني

شي جميل ومييز ان حنا نشوف المنتديات الهلاليه كلها قلب واحد وبينهم تواصل

مادام هالشي في خدمة الزعيم <<<< على طاري الزعيم مبروك البطوله s60s

عندي استفساربسيط وياليت اخواني المشرفين على المنتدى يجاوبوني عليه

ليه منتدى بعيد عن هالشي وهو الموقع الرسمي لنادي الهلال ؟

هذا من ناحية التوامه واللي اطالب الادارة بالانضام معهم لنسير للافضل في خدمة الهلال

في جميع المنتديات الهلاليه

ثانيا :
بما ان موقع الزعيم هو الرسمي لنادي الهلال ليه مانشوف لاعبين الهلال ورؤساء النادي

يتواصلون مع جمهور الهلال عبر النتدى وهو اسهل طريقه للتواصل والتشاور بما فيه مصلحة الهلال

ليه مانشوف نواف ؟ ليه مانشوف الشلهوب ؟ ليه مانشوف الدعيع ؟ والمفرج وياسر و العنبر

وغيرهم من نجوم الهلال

(( انا ماقلت سامي لاني قد شفت له كتابات هنا لكن محدودة بس العوض ولا القطيعه على قولتهم))

ياجماعة في جميع المنتديات الرسميه للانديه العالميه نشوف ابرز النجوم يتواصلون مع جمهورهم اسبوعيا عن طريق الموقع الرسمي للنادي

وحنا ليه لا ؟ :confused:

وهذا رايح يكون شي مميز للمنتدى بيكون اول موقع سعودي ان ماكان عربي رئيس النادي ونجوم النادي يتواصلون مع الجماهير ويتبادلون الاقتراحات والتشاور في مصلحة الهلال

اتمنى تعطوني رايكم الله لايهينكم .. يعني لااحد يدخل ولايرد تكفون

ولكم كل التحايا ....[/align]