عمل الطالب : العنـا - نادي الهلال السعودي - شبكة الزعيم

العنـا · #1 08/10/2005, 06:37 AM

[align=justify]السلام عليكم

شخباركم شعلومكم
وينكم من زمان ما شفناكم

الشهر عليكم مبارك والله يعيده علينا وعليكم فحال زينه وجعلكم من صوامه وقوامه ومن المقبولين فيه ان شاءالله هذا اول رمضان اصومه وياكم وعقبال رمضانات كثيرااااااااااااااااات

الله الله برمضان صوم وقرآن وتراويح

مو طاش ماطاش وحور عين

بس سمبوسه وتوت ماعليه نمشيها لكم

واهل الرياض عاد ماشاء الله طب وتخير من قدهم كل يوم بمسجد يوم مع الكلباني ويوم مع الغراب ويوم مع الدوسري ويوم مع الهبدان ويوم مع الجبرين ومن قدهم اهل الرياض ;)
واللي بيصلي بمسجد حارتهم بعد ويترك الروحه والرده هم بعد مهب شينه

وغير كذا وعشان نستشعر رمضان يا ليتنا اذا اذن المغرب وسمينا بناكل نوقف لحظه ونتذكر كم واحد اذان المغرب ما يعني له شي يعني فطوره بالنيه واذا ما فيه احد بالسعوديه اكيد فيه خارج السعوديه او خلونا نتذكر كم واحد مريض ما يقدر ياكل ومحروم من فرحه الفطور وكم واحد بعد يصحى قبل الفجر من النوم ويرد ينوم والسبب ما عنده حاجه يصحى ياكلها وهذا اكيد في السعوديه ناس منهم

الحمدلله والله لا يغير علينا الا باحسن

بخاطري اكتب قلت عاد وش اكتب وش اكتب

قلت خلني افتح جوالي واكتب شي شويات يعني اشي وارد اشي مرسل اشي حافظه يعني مني ومناك

يمكن بعضها تعرفونها بس ما عليه مششششششششي اكيد فيه بعضها ما تعرفونها ;)

عاد اذا اعجبكم شي عادي مو غريبه علي

واذا ما اعجبكم شي علموني اعطيكم رقم المرسل تتفاهمون معه :p

اختي نجمه الابداع مو تقولين في الرد>>>>> واحد واثق انها بترد

اني سارق الفواصل منك؟
من الآن تراي ماخذها من موضوعك فجرها الآن

>>>> تراها تبينا نفجر الموهبه مو شي ثاني

[/align]

[align=center]

ودنا بالطيب بس الدهر يجحد الطيب # كل ما تخلص مع الناس كنك تغشها
يدك لا مدت وفا لا تنتظر وش تجيب # كان جتك سالمه احمد ربك وخشها
وكل ما واجهت بالزمن فعل غريب # مثل ما قال المثل (كانها تمشي مشها)

أحبك وش بقى مني حطام العاشق المغرور # مااظن الزمان اللي مضى يرجع من اسبابك
ولكن صدقني الصدق في هذا الزمن شعور # يحبك من صدقلك مره ماااااااهمه ابد عتابك

يسخر من الجروح كل من لا يعرف الالم

سرقت العمر مني وغديت بعبرتي مخنوق # تمنيت الوصال اللي عليه النفس تواقه
كيف صرت السارق ويفخر بك المسروق # امانه شفت لك مسروق يتباهى بسراقه

يا طير بلغ صاحبي كان تلقاه # يا طير عن فرقاي يا ما نهيته
يا طير عقبه مقعد الطيب عفناه # والهم بين ضلوع صدري طويته
يا طير ذا منزله وذاك ماطاه # وهذا مراحه وذا يوم التقيته
يا طير هذي قصتي كان تلقاه # عطه القصيد كان مرك وجيته

الموت ما هو لا تكفنت بتراب # الموت لا فارقت حي تحبه

تسلم عيون بالمحبه خذتني # طال الزمان وما تغير هواها
تستاهل التقدير ياهي قدرتني # لكن انا وشلون الحق جزاها
من حسن حظي بالغلا بادلتني # ماشفتها تبخل علي في وفاها
حكم الزمن لو انها فارقتني # لاهو خطا مني ولاهو خطاها

غالي ولك باب الغلا دوم مفتوووح # وانا في بحر ودك على الدوم سباح
البعد عنك يسبب لقلبي جرووووح # وقربك يسر القلب ويصير مرتااح
غلاك ما يحتاج تفسير وشروووح # مثل القمر دايم على الكون وضااح

انا انساك؟؟؟؟؟؟
ما انساك لو ينسى الكحل سود الاهداب!
قلي وشلون تنسى العين صافي نظرها؟

اروي ظما غيري وانا يابس الريق # واضحك واجامل ولو ماني برايق
ان قعدت اسلي خاطري بالطواريق # واستلهم بعض الفرحة لنفسي دقايق
وان مرني طيفك وبخاطري ضيق # انزاح هم القلب واصبحت رايق !!

دايم لكل انسان ميزه تحليه # وانت بعيني شي ماالحق على اقصاااااه
الله يطول عمر قلبك ويبقيه # لشخص يشوفك انت احلى هدايااااااااااه

يا كثر ما اذكرك لا صرت وحدي # ويا كثر ما تنسى واقول معذوووور
تضوي نجوم الليل ويزيييد عشقي # واذرف دموع الحب لا شك مجبور
ارجوك تذكريني ولو طااال بعدي # تذكري حبيب لك من الحب محروم

باوعدك وانا على الوعد ابتديت # شوقي بقلبي!! وانا قد الوعد
واعرف اني بالوفا منك شرييت # عشرتك ومحبتك طول الامد
شايل قلبي على كفي وجيييت # خذ حياتي؟ بس ابي قلبك بعد
وش اكثر من احساسي وهدييت # وش اعطيك من عمري بعد

ما علموك ان الغلا دنيا من المشاعر ..
اعلاها يلوموني فيك وادناها مااقدر اخليك ..

القى خيالك في خيالي واضمممه # واشوف طيفك بين رمشي وعيني
يمرني طاريك عجلن والمممممممه # من لهفتي تسبق عيوني يديني
مثل العبير يفوح عطرك واشمممه # في لحظة تسوى بقايا سنيني
احتاج لك حاجه وريدي لدمممممه # ترد لي روح تروح وتجيني

ان مت لك بالقلب صفحن وغفراان # وان عشت لك بالروح صافي الموده
لك في ضميري حب ما طاله انسان # وفي جبهتي من لوعه الحب سجده
اشهد صدق من قال للحب سلطااان # يا ماخذ قلبي من الجوف ردددددده

انت الغلا كله و انت السؤال الصعب وانت حله
انت خيال الروح وانت ظله وانت بعد للقلب خله
انت سواد العين و البياض كله وسارق العقل كله

الغدر وانا وصديق العمر عزمنا الرحيل # اتفقنا بسفرنا على الاخوة واتفقنا على الوفا
كل يوم يقوم حارس لجلنا لي منه حل ليل # وخوفي من الغدر جمر في فؤادي ماانطفى
وقمت انا بليله صديقي ظامي ابغى الصميل # قمت ولكن كل شين من حولي اختفى
الغدر جاء من صديقي وكنت اظنه مستحيل # وغدرنا اللي انا ما ومنته قال يا حيف وافا
قمت اذكر يوم اظلل صاحبي لي جاء المقيل # ولي ابرد النسناس بشتي يلبسه لاجل الدفا
وبالنهايه جنب راسي بالرمل كاتب (هبيل) # قام الغدر ومسحها وخط (هذي آخرة الوفا)

يقول العقل اثقل وكيف اثقل وانا اهواك؟
ولو اثقل ثقل هالارض بعيونك تحركني!

عطني صبر واصبر على فرقااك # او هات قلبي واتجاهل غيابك
وين الطريق اللي يبعدك ابنساك # كل الدروب تردني عند بااابك
يطيح من عيني على الخد ذكراك # الا اونست بصدري دوي احتطابك
يا صاحبي ضاقت علي بلياااك # وطبعي الا ضاقت اجي واحيا بك
والحين قلي وين غايب ابحياااك # على الاقل قل لي ابحيا سرابك
رجال جيتك فيني دمعه ترجااك # لو شالها كفك بكى لي سحابك
مكسور قلبي ماني قد اتحدااك # قلبي طفل ما هوب قد لعذابك
تسمعه من يوم نادى وناداااااك # او عادي يعني محد درى بك
إلا درى بك يوم تذبح بفرقااااااك # إلا درى بك يوم طول غيابك
إلا درى بك يوم تضرب بشلفااك # إلا درى بك بس يهوى ترابك
عادي ترضى بهمك ويرضااااك # البلا ترضى به وما رضى بك

أكبر عيوبي ما اتحمل غيابك # لا غبت عني كل هم قصدني
عطني جواب الله يخلي شبابك # قلي شللي فيك غصب جذبني
انت سؤال الحب و انا جوابك # انا كتبتك ... والغلا لك كتبني

من غبت عني وخاطري دوم مكسووور # في غربتي أحياك ذكرى و تذكااااااار
احيان اقول إنك على البعد مجبووووور # واحيان احس ان الجفا ما له اعذااااااااار
وكانك تحسب ان الجفا ذنب مغفوووور # غلطان؟ ما تعرف للاشواق مقداااااااااار

خطوتي لك حلم وطيوفك سفرر # لو نسيتك صار نسياني خطااي
وصفك ابعد من خيالات الصور # ما احد بعدك يستاهل وفاااااااي
لو جرحني كذب احساس البشر # يكفي ان صادق احساسك معاي

لو ابتعدنا بداخلي حب ما مااااات # الحب واحد ما يجي حب ثااااااني
يا اجمل ما بعمري من اوقاااااات # يا فرحتن مني سرقها زمااااااااني
افز من نومي على الخد عبرااات # واقول لدموعي ترى ما نساني؟؟

في داخلي لك حب تضيع الدنيا فييه # حب يغطي الارض ويحجب سماااها
حب بروحي اشيله ومن دمي اسقييه # حب ما يبدله لين الايام مع قساااها
باهديك قلبي وهذا اقل شي اهديه # خذالفرح منه وردالاحزان للي هداها

قلبي لك

ان بغيته اسكنه
وان جفيته ادفنه
بالروح تكفى كفنه
ترى كل هذا اهون
من قلب ثاني يحضنه

هذا قلبي
حزن قلبك يحزنه
ولو خانك انا اطعنه

مدري احس ان الزمان وقف ولا مر بمكان
وان الليالي الماضيه كانت ليالي طافيه

واشوف هالدنيا اختفت وايام عمري وقفت
بين الحكي و بين السكوت

اطلبك انا بلحظة امل اني اشوفك
لحظة صغيره كافيه ترد لقلبي الفرح

[/align]

[align=justify]

[align=center]عمل الطالب : العنـا >>>>هذا انا :p [/align]

على طاري عمل الطالب عندنا استاذ اول يقول لا تكتب عمل اكتب اختيار وكم مره خلاني اغير الصحيفه

على الله ما يدري عني يرسل لي عالخاص يقول غيرها

[/align]