السلام عليكم ورحمة الله وبركاته

اخواني الزعماء الف الف مبروك الكاس وعقبال بقية البطولات امين يارب

زعيمنا بالامس اقتحم القلعه بقيادة:-

البطل وحامي العرين الازرق علي جبلي ارفع القبعة احتراما لهذا الحارس وبكذا اطمانيت على موقع الحراسه والله بطل ياجبلي

تفاريس صخرة الدفاع الهلالي وكل اللي اقوله لك هدي اللعب

القائد فهد المفرج ابدعت ونظمت الدفاع مع تفاريس وسلامات على الاصابه

العصفور ابارك لك اول بطولة مع الهلال وبصراحه كنت صقر في اداءك ويعطيك العافيه

الخثران لعب رجولي من لاعب كبير لاعبين عالميين اخذوا كرووت حمر وابدعت يعطيك العافيه

خالد عزيز الجندي المجهول يعطيك الف عافيه وبصراحه انت سر باكيتا المعلن

عمر الغامدي تميزت وابدعت وان شاء الله الاخضر ينتظرك

كماتشو لو اكتب من هنا الين ماتخلص بطولات الهلال ما اقدر اوفيك ابداعك يامبدع وصاحب اللمسات السحريه

الشلهوب الله لايحرمنا من ابداعاتك يافنان شوية تفاهم مع ياسر وراح تسوون سمفونيه ولا اروع

ياسر القحطاني القناص احرجوك جماهير الهلال بس لازم تتعود عليهم والف مبروك اول بطوله مع الهلال وعقبال البطولات الجايه

ريحت العنبر واصله الين هنا عندي في جدة ولو اكتب من هنا الين ماتخلص بطولات الهلال ماراح اوفيك حقك يامبدع يافنان ياهداف لاعدمناك والله الكلام حايس في مخي لمن اجي اتكلم عنك ياعنبر بس يكفي ان هذي البطولة لازم تكون بتوقيعك العام وهذا الموسم

القـــــــــــــائد التيماط الكابتن نواف التريمومتر الهلالي اللي بدخوله تغيرت الموازين ورجحت كفة الزعيم وبراسية ولا اروع اثبت ان البطوله هلاليه والف مبروك رفعت الكاس لك وانت كابتن ياكابتن

الفلته الصويلح يعطيك العافيه وغربلت الدفاع الاهلاوي بدخولك اللي كان متاخر

----------------------------------------------------------------------------------------------------------------------------------------------
فاصله،،،،
امس ابدع الاهلي وكان يخوف وطلعنا بماراه جميله مع شقيقنا النادي الاهلي وكل اللي اقوله لهم خيرها في غيرها يا اهلي
---------------------------------------------------------------------------------------------------------------------------------------------
اعجاب,,,,
اللاعب الاهلاوي المحترف في صفوفهم عبدالحق العريفي ابدي اعجابي بهذا اللاعب الموهوب والفنان اللي بصراحه ابدع بالامس وخوفنا كثير والله احترامي لرئيس النادي الدكتور عبدالرزاق على اختيار هذا اللاعب امبدع
---------------------------------------------------------------------------------------------------------------------------------------------
فشــــــــــــــــــل&&&
القناة الرياضيه بالامس نقلت الخيل ونسيت ان فيه مباراه كبيره وعلى نهائي ثالث اهم بطولة في السعوديه بين الزعيم والقلعه غريبه .


تحياتي لكم عبدالله بن سعد والف مبروك البطولة مره ثانيه