الحادث في يمين ... والزحمة في اليسار
 

اغرب شئ تشوفه في الرياض الوضع العجيب اذا صار حادث زحمة ولمة وعالم ملتمة ومحد يساعد يتفرجون بس واللي مطلع عياله فوق التندى واذا صار الحادث قوي ادهر الجوال والكل يكلم ربعه الحقوا لا يفوتكم المنظر ويجون الربع قبل لا توصل الشرطة او الإسعاف

شئ غريب هل هو فراغ او لا مبالاة او هل هذا هم اهل الرياض البحث عن شئ يشغلهم
قبل اسبوعين صار حريقة في شقة عبى طريق الملك فهد مقابل ( شارع الحوامل) او سور وزارة المعارف

بلا مبالغة اللي يشمون وقفوا والشارع وقف والدفاع المدني عجز يوصل من الزحمة وبعد ما انطفت الحريقة وصل واحد هو وعياله وقال بحسرة .. يعني لو استنوا شو كان لحقنا على النار (والله العظيم هذا كلامه)

تخيل طالع هو وعياله يبون يشوفون المسرحية النارية

انا ما انسى كلمة قالها لنا دكتور كندي في الجامعة
قال اكثر ما استغربت منه في الرياض ان الحادث يكون في الجهة اليمنى من الشارع والزحة تكون في الجهة الشمالية او العكس

الله يستر علينا وعليكم من الحوادث ... قولوا آمين

اخيرا .. لاتنسون حزام الامام ... مو الأمان

ما ينلامون عايشين في مدينة كئيبة صيفاً وشتاءاً

أنت ليه ما إتصلت علي يوم شفت الحريقه ؟؟ :mad: ,,,

فاتتنا والله :( .... لكن بشر عسى الحريقه كانت تستاهل الواحد يشوفها :rolleyes: ,,,

أجل صار عندكم دكتور كندي يالأولاني !! ,,,

طيب كيف كنت تفهم عليه وأنت ماعندك إلا لغة شمال الكونككاف <=== هذي من متى صارت لغه !! ,,,

هذا يسمونه يالأولاني حرمان من الأحداث المثيره .... صارت حياة الشباب مليئه بالفراغ والروتين الممل ..... يعني أنا يوم كنت في أدغال فيتنام ماكان يجيني هالشعور :) , بالعكس كنت أتمنى أرتاح من المغامرات الكثيره اللي كانت تمر علي يوميا , لكن بعد سنه من رجوعي سالما إلى أرض الوطن حنيت لمغامرتي وعلشان كذا نزلت الجزء الثالث من شريطي " الدم الأول " في أفغانستان :rolleyes: ,,,

شخصيا..... أنصح الشباب بالأرهاب وممارسة مختلف أنواع الإجرام والإنضمام إلى عصابات المافيا التابعه لحارتهم :rolleyes: ,,,

أجل دكتور كندي هاه :D ...

وأنت يالإعصار جاي تمشي طبلونك ومصدق هاللي قضى على مخه رونالدو وباجيو وطقتهم :p ...

ياحبي لك يا هيمو أجل فيتنام كخخخخخخخ :D ...

ولكم تحياتي ...

أخوكم / سفر المرزوقي .

يارجال الرياض حر وشمس وطفش
وين يروحون يعني
مافيه الا طعوس الثمامه ولا الدايري ولا مقاهي مو انترنت لا شيشه