اللي يخبر لي واحد (vip) يخش ابيه بموضوع
 

بالعربي انا جيت الرياض ولا عندي جوال وسيارتي بعتها هناك

والشايب حقنا يوم شاف المستوى انبسط قال: لا زين ما رحتا تغازل فيذاك

المهم قرر يشتري لي سياره وجوال (يحليله) فالله لا يهينكم كانكم تعرفون لي واسطه

في المرور ولا الاتصالات لا تبخلون علي

لوحة السياره ابيها هـ ن ف 999 (او اي ارقام متشابهه)

الجوال الله لا يهينكم ابيه مميز يسدح اللي في التوقيع

واحد من اخويانا معه جوال مميز بالحيل 0533.3.33 مع المعلوميه انه الفواصل ارقام متشابهه

وطالب فيه 20 الف... مدري هو يسوى ولا يضحك علي لانه من جد مميز

وانا اخبر واحد من الاعضاء يقال له Y2K انه يشتغل في الاتصالات مدري يا الحبيب كانك تقدر تخدمنا والرسوم ازهلها علي بس نق لي واحد مضبوط لا هنت

واللي عنده معلومات ولا واسطات يرسلها لي خاص مشكورا

ولو اني متاكد ان ما راح ينفعني الا عاشق النمر تدرون ليه؟؟

تخبرون يوم صادوه بالبكيني اكيد ذيك الساعه تعرف له على لواء ولا عقيد في التحقيق
:D :D :D

أما بهذي صدقت .... ماراح ينفعك إلا عاشق النمر , يحلفون ويقسمون إنه كل يوم وهو في سهره شكل ومايركب إلا بشبحات ولا بي إمّات .... الله يرحم أيام الددسن المرهّم:cool: ,,,

<==== ترك الوضوع الرئيسي ومسك خط الخدمه :rolleyes: ,,,

أنا جوالي ثلاث خمسات ورقمين متشابهه وش رايك " أنصب " عليك فيه مادام قروشك زايده ؟؟ ,,,

<==== نصاب محترم ...... ياخذ راي الضحيه ويستأذنه :cool: ,,,

أقول يالغالي ...

عندي لوحة ر ي م 999 ...

شفتها في الحلم مع الفياجرا هذا ...

http://albeed.com/vb/attachment.php?s=&postid=160167

وفي المسجل أبو نوره يصدح ويرنح ويقول يا ريم الناس عنك أقلقوني :D ...

وشفت يميني رامبو وتعوذت من ابليس همن طلع الشكل الحقيقي اللي أنا أتمناه :p ...

أقول يالحبيب الإتصالات كسر ظهر والرقم المميز عندي لكن بكم تشتري :D ...

***&&&054

طبعاً ثلاثة متشابهة وثلاثة متشابة رقم خطيييييييييييير :eek: ...

ولك تحياتي ...

أخوك / سفر المرزوقي .

اجتمعوا زعماء الدجه والاقلاع صفر ورامبو

وكل واحد يسرقك وانت تضحك ومبسوط لا وبيجيك بعد شوي عاشق النمر عز الله اكتملت

المهم يا ولد النجيدي ارسل علي رقمك برقم لك فيه خدامتنا الفرنسيه ثمن بساومك

صفر/ الله يرجني وياك قل تم

انا قريت اخر رد سا9م9ي قلت بس الفرج وجانا ويوم اناظر ريم 999 قمت ابشر شايبي

المسيكين كان راقد واقومه اقول: ابشر يا ابو محمد لقيت لي لوحة زينه والله ما شفت لك الا ذاك الزبيري الماشي 5000 كلم/ساعه

فكنا من الهرج الزايدانا بعد الظهر بروح جده وابغى الردود على الموضوع ذا full

ويا ولد المرزوقي جوالك مميز مميز ولا مميز مميز (الاولى ولا الثانيه) ما فيه حذف اجابتين

المهم عسى الخدمه رجعت له يا الطفران

تعال يا ملك العشاق عندي لك لوحة سياره تعجبك


رقم اللوحه وهو999 ث و ر


هي مميزه بس مشكلتها الحروف


وش رايك اسعالك فيها يا ............

ابشر والله


ورايك بهاللوحه مزنه 999:D :D :D

وبالنسبه للجوال راجعنا بكرة ;) ;) ;) ;)

والله شكل وراك دراهم:D
انا راح اخدمك بس لازم ( العموله):D

وش رايك في جوال يبدأ ب55555 والباقي مشلفت;)
والا فيه جوال 055555 وثلاثه ارقام متشابهه وفي الاخير رقم مختلف;)

واذا بغيت تطير مره( عندي رقم خاص) يعني تتصل على اي واحد مستحيل يطلع رقمك, ويطلع للي تتصل عنده كلمه (( رقم خاص )):eek:

انا ماني مثل النصابين اللي فوق:p
تراني صاااااااااادق;)


بس الله الله بالعموله
:D

الشايب فهد والله اللي عندي لك ازين لوحه راكبه عليك ي م ن 999

الناقد والله شكل وراك خير انت ولانتب هين يا ولد

الحين ما همك الا العموله لا تخاف بس اهم شي ما يتجاوز العشرين تكفى خل الباقي للبي ام

المهم البي ام لوحته اهم عندي بكثير من الجوال (والجوال مهم بعد) لكن مانه الا خراطين

الناقد والذيب وبس عجلوا علي والدراهم جاهزه

ولا جاوبتوني على سؤالي الرقم اللي فوق يسوى عشرين ؟؟؟؟

بصراحه مايسوي عشرين والله:D

انا مستعد اتنازل عن رقم جوالي

:D

053 بعدين رقمين زي بعض بعدين 7 بعدين رقمين زي بعض بعدين 7

والله اتكلم من جد

بس اهم شي $$$$$ وتراي ما اطلب واجد:D :D :D :D :D

بصراحه يوم شفت هالشله اجتمعوا عليك قلت ياولد لازم تنقذه من بين ايديهم :o

اسمعني بس وخذ العلم منيى وماراح تندم وكل اليل ابيه منك بس تركبني معك في البي ام وتاخذ بي لفه

في شارع العليا واكشخ معك شوي بس (هذا طموحه مسكين :rolleyes: )

اذا تبي 055 فانا يقولي واحد في الاتصالات انهم الاسبوع الجاي ان شاءالله بيصرفون ارقام 055

وبالسعر العادي اللي هو 800 ريال :) (بس للحين ماتأكد الخبر )

واذا تبي 054 مميز وحلييييو بصراحه فيه واحد بيبيع جواله بستة الاف ريال فقط لاغير :) بس مايحضرني الرقم الحين :(

هذا مايخص الجوال :)

نجي لرقم السياره تبي لوحة ثلاث حروف متشابهه وارقام مختلفه :) مثلا ق ق ق واي ثلاث ارقام :)

فيه واحد يطلعها لك :) ( اقصد يطلع اللوحات طبعا :D )

بس زي ماقلت لك شرطي الوحيد تاخذ بي لفه في شارع العليا :)

عندي لك واسطة بالمرور وحايعطيك لوحة مميزة بس المشكلة في اللوحة ان الاحرف لاتتفق مع الرقم
وهي كالتالي ع ر ق 999 وصراحة اخاف عليك منها ها خبرني ويش رايك

الحمدلله الشكر لله هذا اخر طموحك جوال مميز وولوحه مميزه :rolleyes:




على الاقل فكر في شي مفيد ينفعك وخل الخرابيط



بس بالنسبه لي ترى انا رقم لوحتي ( داج 911 ) طبعاً على فياقرا 2002... بس اسف ماهي للبيع :cool:



وجوالي رقمه ××××××055 ست ارقام متشابهه ;) واذا منت مصدق ممكن تتاكد من حبيب قلبي (هاجس) بس بعد الجوال ماهو للبيع :rolleyes:



تبي رائيي خذلك جوال العائله ورقم لوحة 186 ت خ ب :D




وتخب عليك بعد :rolleyes: