#1  
قديم 01/10/2005, 07:54 PM
زعيــم متواصــل
تاريخ التسجيل: 08/02/2004
المكان: الخبر
مشاركات: 101
Wink جريدة الرياضي.... مش حتقدر تغمض عينيك

[align=center][align=center]صبحهم بالخير جميعاً

وكل عام وأنتم بخير قبل أنسى والله يجعل الشهر الكريم شهر خير ورحمه وغفران لنا جميعاً

وشهر بطولة هلاليه قادمه بإذن الله


تذكرون جريدة خزامي

وتذكرون التهريج اللي كان فيها


والله ياهي وناسه كنت أحب أتفرج عليها وعلى المهرجين اللي كانوا يكتبوا فيها زمان

بداية من الصحفي راعي الإسم المؤنث << غبار الرياض >>

ونهاية برئيس السيرك المهرج الكبير << الجوفي سلطان >>

بس حسافه مايدوم الا وجهه سبحانه

والله ياهي أيام كنت حلووووه << بصراحه >> وكان الضحك والتنكيت له طعم

عموماً كانت مرحله وعدت ولا أدري وش السبب الحقيقي في عدم مواصلة رجال النصر في تكملة مسلسل << هيا بنا نضحك >>

مع اني سمعت أنهم عزلوا وحطوا لوحة على الباب مكتوب فيها

<< للتقبيل لعدم وجود دراهم >>

معذورين وجه نحس وفقر مو كفايه بطولات حتى في الجرايد مطفرين

المهم ماعلينا

خلونا ناخذ فاصل ونواصل

إعلان تجاري

<< هل تزعجك رائحة جسمك ؟؟ هل تجد رائحة كريهه تفوح منك أثناء تشجيعك لفريقك ؟؟ هل تحس أنك عايش وسط بياره ونفسك مكتوم ؟؟

الآن عطر إتي 8 لديه الحل

إذا كنت أحد مشجعي الفريق ذو الروائح النتنه وكنت تجلس في المدرجات القريبه من المنصه حيث يتواجد رجل الإعمال المعروف منصور ولد حمدان

فيجب عليك عزيزي الإتحادي أن تشتري عطر اتي 8 من أقرب بوابه في ملعب جده

وغصباً عنك تشتريه عشان تدعم الفريق

كما ان المنتج متوفر في البسطات والكشكات

وقريباً سنفتتح فروعنا في الكرنتينه وغليل وسوق الصواريخ والبقالات

شعارنا

لسنا الوحيدون ولكننا نحن المفلسون >>




نعود لمحور حديثنا ونعود لجريدة خزامى ياحياة الشقاء ياخزامى :p

البارحه سافرت بالطياره للرياض وكالعاده نعتز بخدمتكم تأخرت في الإقلاع

المهم جلست في الدرجة السياحيه في آخر صف ورى عند القزاز <------<< كان ودي اقول لكم في الدرجة الأولى بس الكذب خيبه :p

وأخاف تسموني مسيلمه الكذاب زي ماسميتوا ذاك المريسل النصراوي في جريدة البياره

وجاب لي المضيف الجرايد يقول تنق ياحبيبي وتخير تدلل ياسمي الظبي وش عاد

قلت الله مير يسلمك ويزوجك تراك احرجتن وش عندك جرايد يابيي

قال عندنا الجزيره والرياض والاقتصاديه وعكاظ والرياضيه والشرق الاوسط وفيه كمان <-----<< كذا قالها الجداوي

فيه الرياضي

بسم الله علي اهب يالواسطه البياره صارت توزع في الطيارات

عموماً ما استغربتها وقلت هات خلني اضحك تراني خواف لما أركب الطيارات وأبي شي يونسني وشي يذكرني بخرابيط يونس شلبي

عاد تصدقون أول مافتحت الجريدة تذكرت ريحة جريدة خزامى سبحان الله نفس الريحه

لا ونفس الكتاب بس متخفين بأسامي جديده عشان مايعرفهم صاحبنا سلطان الجوفي
ويقول لهم ياخاين العشره ياناسيني تركتني لوحدي ورحت لفلوس غيري

آجل بالله عليكم وش يفرق غبار الرياض عن عين البقر

ووش يفرق المريسل اللي في جريدة الرياضي عن مريسل زمان اللي في خزامى ولا كلهم نفس المراسلين ;)

مراسلين في الصباح قصدي مريسلين وفي الليل في منتدياتهم يسمون نفوسهم قاهرين الهلاليين

ياحليلك يامريسل قصدي ياقاهرنا

مادروا عنك البي بي سي ولا كان خلوك تشتغل عندهم يافاضحنا وفاضح أسرارنا وكاشف شبكتنا

أرحمنا ياهوووووه أرحمنا ترى مانقدر على اللي تسويه أرحمنا تراك قالب نهارنا ليل وليلنا نهار ولاعاد لنا حكي غيرك ياولد المريسل

أرحمنا ياشيخ انت واسمك في منتدى التزوير << قاهر الهلاليين >> لا ياشيخ مانقدر على قهرك ولا نقدر على استقعادك

بس حاول تتعلم من صاحبك سلطان اللي يحط راسه براس الزعيم خسران

واسأل الدويش والصرامي المطرود ;)


بس اللي ضحكني أكثر هو وجود الصوت الناعم << خلوود الشعلان >> صار كاتب عندهم ياحليله :p

بعد ماكان ينهق في الفضاء مثل الحمار وبعد ماكان يتقفل في وجهه الخط

صار الحليو له زاويه في صحيفة البياره ولاهي غريبه فهذا مكانه الحقيقي


اللي أستغربته كمان <-------<< مازال متأثر من كلام المضيف الجداوي في الطياره

هو وجود صحفيين واجد من خارج الوطن يدعون حب الوطن في كتاباتهم قصدي مسرحياتهم في ذيك الجريدة

يعني بالله عليكم بالعقل واحدن اسمه عثمان ابو بكر مالي من أشرف قبائل مالي وش دخله يكتب عن وطني وعن خروج سامي من معسكر المانيا
ورى مايهتم بتطوير الرياضه في بلده مو أحسن وأشرف

طيب ماعلينا منه فيه واحد يقال له ابو بكله جنان واحد حليوه ووسيم
اسمه محمد بكيري من بقايا الحجاج اللي انتم خابرينهم جالس ينصح الإتحاد السعودي بالعدل والمساواه في التعامل مع لاعبي وطني
ويصف سامي كابتن وقائد وطني انه لاعب هارب :p

الحين وش يبي ذا ؟؟ من اللي من بلده هارب ياهوووووووو ;)

ليش ماكتبت يابو بكله عن تأخر انضمام مبروك زايد للمعسكر يومين ;)
وليه ماكتبت عن هروب لاعبي السله الإتحاديه عن الإنضمام لمنتخبنا اللي اكلها من الصين بثمانيه وتسعين مقابل عشر نقاط

يمكن مايهمونك بكثر مايهمك لاعب الوطن الحقيقي سامي ;)

او لأنهم ليسوا لاعبين وطن يعتمد عليهم مثل مايعتمد وطني على لاعب بحجم وانجازات سامي

أقول يابكيري توقع لاتفقع

وأنتبه بس على البكله وترى السكسوكه شي


ياناس ياهوه مافيه ولا صحفي سعودي

حتى عبدالعزيز شرقي الغامدي وعلي حمدان الزهراني صاروا يخافون يذكروا اسماء عوائلهم

كل هذا من مبدأ المساواه في العمل هو فيه حد احسن من حد

وباب يجي لك منه الريح شيل اسم عائلتك منه

ياخسارة فلوسك يابلوي شاري جريده وتدفع رواتب وآخرتها صحفي يقال له احمد الذوادي ماعنده غير لقاء مع لاعب كويتي والله ماعرفه ولا أدري انتم تعرفونه ولا انا بس اللي ماعرفه
عبدالعزيز العنبري يقول ان ماجد احسن من سامي وكل يوم هالصحفي يعيد اللقاء معه ويجيب صوره جديده بس اهم شي يثبت لجمهور البياره ان ماجد احسن من سامي
طيب خلاص يا أحمد ماجد احسن من سامي بس تكفى جدد مواضيعك مايصير كذا تستلم راتب وانت ماتسوي شي ماغير تعيد المواضيع وتغير الصور

جريدة الرياضي ليست إلا إمتداد لمسلسل الضحك والتهريج لجريدة ماتت اسمها خزامى :sad:

بس ميزتها ان صاحبها عنده فلوس ومدعوم لكن سلطان الجوفي مطفر ومطرود



ونصيحه لكل صحفييها المهرجين تابعوا شبكة الزعيم وتابعوا اخبارها عشان تنقلوها اليوم الثاني في جرديدتكم وتتشرف بذكر اسمها


تابعوها عشان تعرفوا الأخبار من المصدار الموثوقه وعشان برضوه تتعلموا الكتابه

ومو كل كاس بنشرب منه ;)

تابعونا وحاولوا تضحكوا على جمهوركم ونزلوا مواضيع كثيره وواجد عنا وإكتبوا شبكة الزعيم قالت وشبكة الزعيم سوت

خلوكم تشتهرون فحربكم مع جريدة الجزيرة خسرتوها بالضربه القاضية وخسرتوا الشهره اللي كنتوا تتمنوها

لكن اذا كانت الحرب مع شبكة الزعيم راح تعيد لكم بعض من ماء وجهكم هذا اذا كان فيه ماء اصلاً :p

فليش لا خصوصاً ان الشهره والإنتشار هذي المره راح يكون أكبر وأفهم يافهيم ;)

ولاتنسوا شبكة الزعيم اخبارها اول بأول والكل يتابعها واولهم انتوا لكن جريدتكم قصدي بيارتكم ياحظي ماتنزل غير مره وحده باليوم ولا احد يشتريها

تابعونا في شبكة الزعيم وصدقوني على قولة الحلوه هيفاء مش حتقدروا تغمضوا عينيكوا

لأنكم اربع وعشرين ساعه في اليوم بتشاهدونا وتشاهدوا المواضيع وتنسون نفسكم وعملكم وهذا اللي نبيه

وما أخفي عليكم تابعونا لأني بصراحه فاتح عيادة ضغط وسكر وأبي زبايني يكثرون



بلويات

@@ لما يتكلم صحفي من أبناء وطني وينتقد عمل إدارة المنتخب ممكن أقبل كلامه لسبب بسيط وهو حرصه على منتخب وطنه وتشريفه وظهوره بالمظهر الذي يتمناه كل مواطن في هذا البلد وهذا ما رأيته في كتابات الأخ صالح الحمادي ولكن ان يظهر لي بعض الصحفيين من أدغال أفريقيا مثل عثمان ابو بكر مالي وصحفيين من بقايا حجاج آسيا مثل المهرج عدنان جستينه اللي له موضوع خاص عندي سيرى النور قريب وراعي البكله محمد بكيري ومحمد ابو هدايه ويدعون أنهم يكتوب لحب الوطن فهذي بحد ذاتها نكته مابعدها نكته

@@ يعني انتوا ووجيهكم يهمكم منتخب وطني أكثر مني

@@ ولا لزوم تحليل الراتب من صاحب النشره ;)

@@ يقول انه قاهر الهلاليين والله مادرينا من اللي قاهر الثاني وخلاك تكتب اسمك في المنتدى الفقراوي بهالأسم ;)

@@ هم عارفين انهم خسرانين ولاحد فكر يعلن في جريدتهم والدليل جرايدهم ماتنباع في المحلات بس عادي كله يهون أهم شي الموضوع فيه شهره وفلوس من ابو البلاوي

@@ وبعدين حتى لو مافيه احد يشتريها اهم شي لقوا بياره يتنفسوا فيها أيش بك يابويا اكثر من اربعين سنه والزعيم كابت عليهم وحارق دمهم


@@ غلطان يامعاند الزعيم صدقني غلطان ومثل ما أنهينا خزامى راح تنتهون بس حبه حبه على قولتكم

@@ آخر نكته الصحفي المطرود ملمع جزمة الريس واسمه سعود مرشح نفسه لمنصب رئاسة الإتحادات السنيه لكرة القدم
الله يهديه يبي يعلم عيالنا كيف يكونوا أبواق صحفيه وكيف يمسحوا جزمة الريس ويلمعوها بدل مايعلمهم الكوره

لغز أتحدى ابن أمه يحله

لاعب يسمونه ابو عبدالله عمره خمسين ولا بعد تزوج ليش ؟؟؟

الغريبه ان اسم ابوه أحمد وبالغصب يبون اسم ابوه عبدالله

الله يرحمك يا أحمد شايف بر ولدك فيك جاحدك وناسيك ومسمي ابوه باسم جده

طيب تتوقعون ليش ماتزوج للحين أختر الإجابه الصحيحه :

1- كان مشغول بتحقيق البطولات والإنجازات والمساعده في الوصول لمونديال كأس العالم وكأس العرب وكأس الخليج طوال هذي السنين

2- مابعد لقى بنت الحلال اللي تفهمه ويفهمها وبالغصب تسميه عميد لاعبي العالم مع انه ماكان يلعب في كل مباراه الا نص شوط

3- مو لاقي وقت فاضي فالتحليل الفضائي ولإنتقاد الفريق الكبير ونجمه الكبير وتحطيم اللاعبين الناشئين ماخذ كل وقته

4- يمكن الرجال متزوج بالسر ومايبي احد يعرف عشان المعجبات واجد ويخاف يزعلون :p [/align]



نشرة خزامى + نشرة الرياضي =

الدور المره الجايه على مين [/align]
اضافة رد مع اقتباس
  #2  
قديم 01/10/2005, 08:26 PM
زعيــم متألــق
تاريخ التسجيل: 02/03/2005
المكان: $$فوق هام السحب$$
مشاركات: 1,439



أخي الكريم والغالي .. (( الغالي )) .. يالله إن تسلم هالطله يالله .. تحيه طيبه وبعد ..,,

أخوي ممكن نبدا حبه حبه <-- على قوله أبو بكله ..

نبدا بـ عطر إتي 8 تدري المفروض هو إتي 9 بس عشان رقم الحبيب سامي قالوا .. ما ينفع .. ;) .. أجل يظبط الريحه هاه .. قد طبيت غليل يا بعدي .. .. إمحق (( إتي )) ..

نستلم الجريدهـ الموقرهـ جريدهـ الـ (( شيخ )) منصور .. يخوي ودي أقرا هالجريدهـ من كل قلبي بس مهنا بقالات حولنا تبيعها يقول راعي البقاله إنقرضت .. ;) .. والي جمبه يقول إنت لسا عايش والثالث يقول .. عندنا حلاو قطن تبي .. ليش ما يبيعونها ..

طال عمرك البقالات الي تبيع تتن .. يبيعون حرام وإلا لا (( الزكرتيه بيقومون علي )) .. المهم فبدال ما يبيع كلام ببلاش لا وفيه سب .. يا إبن الحلال .. روقنا ..

بس تدري (( جستنوف عدنان )) يوسع صدري .. أقولك قصتي قبل أمس مع أخوي الصغير جاي أنا من الدوام ونفسي بخشمي ..

قالي :: محمد

قلت :: نعم

قال :: شريت كتاب عن الكلاب وفيه كلب يقولون إنه يصيد 3 ذياب بوقت واحد ..

قلت :: متأكد أنت ..

قال :: موب هذا الي بقولك علي الي بقولك وشلون كلب يصيد 3 ذيابه وسامي مباراهـ الإتحاد جر بـ 4 كلاب وجستنيه الرابع ..

إفهم يا فهيم والله له مستقبل هالولد .. شاكرلك موضوعكـ الجميل .. وأخوي يسلم عليكــ





اضافة رد مع اقتباس
  #3  
قديم 01/10/2005, 09:05 PM
زعيــم فعــال
تاريخ التسجيل: 11/04/2002
المكان: -وانت شكو
مشاركات: 220
الله يرجك يا خي والله اني قعت اموت من الضحك مبدع
اضافة رد مع اقتباس
  #4  
قديم 01/10/2005, 09:21 PM
زعيــم مميــز
تاريخ التسجيل: 21/02/2005
المكان: الخــــرج
مشاركات: 4,727
يعطيك العــــافية أخوي Ghali والله مقــال روعــة

<< هل تزعجك رائحة جسمك ؟؟ هل تجد رائحة كريهه تفوح منك أثناء تشجيعك لفريقك ؟؟ هل تحس أنك عايش وسط بياره ونفسك مكتوم ؟؟

الآن عطر إتي 8 لديه الحل هههههههههههههههههههههه


أرجــوووو التثبيـــت
اضافة رد مع اقتباس
  #5  
قديم 01/10/2005, 09:28 PM
زعيــم مميــز
تاريخ التسجيل: 17/05/2005
مشاركات: 1,972
يعطيك العــــافية أخوي Ghali والله مقــال روعــة

<< هل تزعجك رائحة جسمك ؟؟ هل تجد رائحة كريهه تفوح منك أثناء تشجيعك لفريقك ؟؟ هل تحس أنك عايش وسط بياره ونفسك مكتوم ؟؟

الآن عطر إتي 8 لديه الحل هههههههههههههههههههههه


أرجــوووو التثبيـــت
اضافة رد مع اقتباس
  #6  
قديم 01/10/2005, 10:14 PM
زعيــم فعــال
تاريخ التسجيل: 11/08/2005
المكان: دولاب البطولات
مشاركات: 300
كبير كبير والله كبير...........


صدقني كبير يا غالي...



أما على طاري أبو عبدالله فأنت تعرف إن السوادنة أساميهم مركبة مثل أبو الفضل سيد أبو النورعثمان اسم الرجال أبو الفضل سيد واسم ابوه أبو النورعثمان...

وعلى هذا جرى التوضيح..


تحياتي القلبية,,,,,,
اضافة رد مع اقتباس
  #7  
قديم 01/10/2005, 10:59 PM
زعيــم مميــز
تاريخ التسجيل: 07/09/2005
المكان: ::معقل الابداع الكاتلوني.::
مشاركات: 2,443
[glow=FF0000][align=center]هههههههههههههههههههههههههههههههههههاي


الله يعطيك العافيـــه [/align]
[/glow]
اضافة رد مع اقتباس
  #8  
قديم 02/10/2005, 12:00 AM
زعيــم متواصــل
تاريخ التسجيل: 08/02/2004
المكان: الخبر
مشاركات: 101
هلالي ss

سلمني على اخوك
اضافة رد مع اقتباس
  #9  
قديم 02/10/2005, 12:14 AM
زعيــم جديــد
تاريخ التسجيل: 14/09/2005
مشاركات: 11
روووووووعه
اضافة رد مع اقتباس
  #10  
قديم 02/10/2005, 12:14 AM
موقوف
تاريخ التسجيل: 21/08/2005
المكان: البطولات الهلاليه
مشاركات: 556
تسلم يا غالي والله روووووووووووووووووووووووووووووووووعه وارجو تثبيت الموضوع
اضافة رد مع اقتباس
  #11  
قديم 02/10/2005, 12:17 AM
موقوف
تاريخ التسجيل: 21/09/2005
مشاركات: 336
Post

جريدة الرياضي جريده مخصصه لتكون ضد انجازات الزعيم وقريتها مره قسم بالله مهزله في

مهزله

بس والله عليهم طلعات ماهي صاحيه بس عسى الله يعين . .


هلالي والراس عالى ومايهزك جبالي


s60s s60s s60s s60s s60s s60s s60s s60s s60s s60s s60s s60s
اضافة رد مع اقتباس
  #12  
قديم 02/10/2005, 12:18 AM
زعيــم جديــد
تاريخ التسجيل: 02/01/2004
المكان: العاصمة
مشاركات: 25
يعطيك العافية

محمد البكيري الجميع يعلم بتاريخة الاباحي في بدية عمرة مع كتاب الاتحاد عندما كانت وسامتة
تقربة منهم والان ارد ان يرد الدين لمن اخذو بيدة !!

نسى تاريخة وتطاول على من هم ارفع منه خلاقاً
اضافة رد مع اقتباس
  #13  
قديم 02/10/2005, 12:21 AM
زعيــم متألــق
تاريخ التسجيل: 29/08/2005
المكان: غاليتي الريــاض
مشاركات: 1,113
يعطيك العااافيه اخوي والله مقااال رائع..
اضافة رد مع اقتباس
  #14  
قديم 02/10/2005, 01:24 AM
زعيــم متواصــل
تاريخ التسجيل: 08/02/2004
المكان: الخبر
مشاركات: 101
أما على طاري أبو عبدالله فأنت تعرف إن السوادنة أساميهم مركبة مثل أبو الفضل سيد أبو النورعثمان اسم الرجال أبو الفضل سيد واسم ابوه أبو النورعثمان...
اضافة رد مع اقتباس
  #15  
قديم 02/10/2005, 02:36 AM
زعيــم متألــق
تاريخ التسجيل: 09/03/2003
المكان: جــــــــده
مشاركات: 1,055
اخوي Ghali

ماشاء الله عليك

الحين كل ذا وانت قاري عدد واحد

اجل كيف لو انك متابع دائم لهذه النشره

ههههههههههههههههههههههههههههههههههههههههههههه

صراحه مقال رائع

واحلى مافيه انت والفاصل الاعلاني

يعطيك العافية
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:21 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube