المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 01/10/2005, 03:40 PM
زعيــم فعــال
تاريخ التسجيل: 13/10/2004
المكان: الرياض
مشاركات: 308
Unhappy الهلال يشرب مقلب جيلسون+قصة المشجع الاتحادي معي أثناء مباراتهم+حقيقة العضو أبو سارة؟؟

بسم الله الرحمن الرحيم

الى أعز وأغلى جمهور السلام عليكم ورحمة الله وبركاته وبعد :-
(الهلال يشرب مقلب جيلسون)
طبعا راح الهلال للبرتغال لأداء معسكر وانشاء الله انه ناجح 100 % طبعا كما تعرفون التحق لاعب جديد في الهلال اسمه جيلسون وسافر مع الفريق المهم أنه للأسف صحافتنا المحلية لم تعطينا تصور عن مستوى هذا اللاعب علشان كذا الجمهور متعطش ومتلهف لرؤية هذا اللاعب في مباراة رسمية مع العلم ان باكيتا راهن على نجاحه خلاصة موضوعي أذكركم انشاء الله ان لعب جيلسون في مباراة الحزم أو الأهلي وقدم أداء عادي بدا الجمهور يسب فيه ويطالب برحيلة وينتقد الادارة وأن جيلسون صفقة فاشلة أو مقلب شربه الهلال ياجماعة والله حرام احنا جمهور واعي ومتعلم ومثقف كرويا وراح يؤخذ علينا تصور سيء ولو كثر مثل هالكلام ياجماعة !!! تبغوني أذكركم أن كان الحكم على الاجنبي بهذي السرعه وقبل ما يعطى فرصة كان باكيتا أقيل وتفاريس اللي دخل هدف على مرماه اول مباراه سفروه على أول طيارة وكماتشو اللي لولا الله ثم هو كان ما فزنا على الاتحاد والشباب طبعا مع تظافر جهود زملائه يا جماعة أنا متفائل انشاء الله بهذا اللاعب تدرون ليش مع أنه لم يختبر حتى الآن لكن يكفي انه اختيار المدرب الداهية باكيتا ودمتم..

@@@@@@@@@@@@@@@@@@@@@@@@@@@@@@@@@@@@@@@

(قصة المشجع الاتحادي معي أثناء مباراتهم)

ياجماعه أثناء مباراة نادي الاتهاد مع بوسان التايلندي عفوا :p الكوري كنت جالس أنا وواحد من ربعي اتحادي متعصب المهم كان متحمس للمباراة من جد المهم قعدت قبل المباراة عن ناديه نادي الافارقه المجنسين وعن دباشة ادارتهم وعن شدة التحيز لنادية من قبل الاتحادات سواء السعودية أو العربية أو الاسيوية المهم قاطعني وقالي أنتم يالهلاليين منقهرين منا ماتبون الاتحاد يفوز بالبطولة ويتأهل لكأس العالم وأنتم ما تأهلتوا قعدت أضحك قلتله انت ووجهك مشكلة والله اذا قالولك خذ هالكاس بعدين تتأهلون لكأس العالم بعدين تدفع مبالغ طائلة وتتعب وتفوز بهالبطولة بعدين يقولولك مافي كأس العالم (المقصود كأس اسيا اللي فاز فيه الهلال) المهم بدت المباراة بوسط المباراة كنا نشوف المباراة على دبي الرياضية فجأة تكلم المعلق عن السجل الشرفي لهذي البطولة وغيرها من بطولات اسيا طبعا قعد يتكلم عن الهلال وزعامته اسيويا وأنه له نصيب الاسد من بطولات اسيا كله المهم خويي ولع انقهر وانا قاعد اضحك الهم من زود القهر غير القناة وحط قناة الجزيرة الرياضية ياجماعة والله العظيم يمكن سبع دقايق وبدى معلق الجزيرة يقول نفس كلام معلق دبي لا ويمكن أزود خويي ما انفقع بغى يكسر التلفزيون او يتابع المباراة من دون صوت قلت لخويي ورى ما تدور قناة تنقل الباراة مافيها صوت حاطين واحد يشرح للصم والبكم قال وهو منقهر اخاف يأشر بيدة او يرمز برمز للهلال انا مت من الضحك وخويي مولع ودمتم...

@@@@@@@@@@@@@@@@@@@@@@@@@@@@@@@@@@@@@@

(حقيقة العضو ابو سارة )

ياجماعة كنت أقدر أكتب عن العضو ابو سارة في وسط المقال من دون ما اكتب اسمه في رأس الموضوع لكن أبغى كل الأعضاء يقرون الكلام اللي بينكتب عن هذا العضو ياجماعة ان كان عند الهلال داهية وهو باكيتا فحنا في الموقع عندنا داهية وهو ابو سارة ياجماعة تعجبني كتابة هذا الرجل الرائع ونقدة وطرحه وكل شي أما بالنسبة لحقيقة أبو سارة هو أنه قسم بالله أني ادخل موضوعه بدون ما اقرى رأس الموضوع لأني واثق في كتاباته ومعجب في طرحه سر الى الاماه ابو سارة فنحن خلفك... ودمتم

@@@@@@@@@@@@@@@@@@@@@@@@@@@@@@@@@@@@@@

همسات:-

1/ يجب على الجماهير الهلالية الوفية أن تشكر الفريق الأولمي على أدائهم في مباراة ابها وكأس الأمير فيصل
2/ كان قرار الادارة الهلالية صائب بمشاركة الهلال بالصف الأول لمباراة الحزم ليكون خير اعداد يسبق النهائي المنتظر.
3/ ألف سلامة للكابتن الخلوق والوفي الكابتن حسن العتيبي وما تشوف شر انشاء الله .
4/ مازال الفراش القذر جستنية يمارس ألفاظة النابية على زعيمة وتاج راسه .
5/ مازال ابن همام يماطل في ارسال سجل بطولات الهلال لينصب ناديا للقرن وكأنه يحتري الاتهاد يفوز ببطولة اسيا علشا يخلونه نادي القرن.
6/ ياجماعة وما تحتاجون توصية تكفون نبي نخلي استاد الامير فيصل بالنهائي فل لنقدمه اعتذار لسمو رئيسنا الغالي ولنزف الفريق انشاء الله للبطولة.
7/ ياجماعه تكفون للي يبغى يحظر النهائي تشوفون كيف المدخنين يغبون الولاعات ابي سوق الحمام قبل المباراة يدهر نبي نرج الملعب بالالعاب النارية والقنابل الدخانية.

@@@@@@@@@@@@@@@@@@@@@@@@@@@@@@@@@@@@@]

خاطرة :-

أتمنى من كل قلبي أنك ترجعلنا يا سامي بأسرع وقت والله لا يحرمنا منك والله يوفقك وين مارحت وجيت.

@@@@@@@@@@@@@@@@@@@@@@@@@@@@@@@@@@@@@


عتب على قدر المحبة:-

يضيق صدري لا شفت عضو يبارك لنادي الاتحاد على فوزه ويصف بأنه انجاز للكرة السعودية يا جماعه تراكم انتم راعين اصل لكن هم ما يستاهلون ياجماعه هذا النادي بالذات تعرفون كرهه للهلال وتقصده لنا فأرجو من بعض الاعضاء عدم المبالغة في الوطنية الزائدة وخاصة لهذا الفريق.

@@@@@@@@@@@@@@@@@@@@@@@@@@@@@@@@@@@@@


تهنئة:-

ألف مبروك لكم قرب حلول شهر رمضان والله يبلغكم اياه انتم ومن يعز عليكم اعوام واعوام.

@@@@@@@@@@@@@@@@@@@@@@@@@@@@@@@@@@@@@

آسف على الاطالة وسامحوني ولاتحرموني من ردودكم سواء بالنقد أو بالايجاب ومشكورين اخوكم/ ولد خالي مثنى ..
اضافة رد مع اقتباس
  #2  
قديم 01/10/2005, 03:46 PM
زعيــم مميــز
تاريخ التسجيل: 17/09/2005
المكان: داخــل أسوار الملكي
مشاركات: 2,074
لا إنشاء الله رايح يكونون متفهمين ....
الجماهير الهلالية متفهمة..
اضافة رد مع اقتباس
  #3  
قديم 01/10/2005, 04:10 PM
زعيــم متألــق
تاريخ التسجيل: 16/09/2004
مشاركات: 1,111
نشكرك اخوي على هذا الموضوع اللي وقته جاي مع نفضة الملحق,والظاهر انك نفضت افكارك معها,على العموم الجماهير الهلالية واعية عموما فلاتاخذ برأي القلة للحكم على لاعب معين حتى ولو كانت جريدة معينة لان المقال يكون معبرا لراي كاتبها..وبالنسبة لشكرك لابو ساارة اتوقع ان للموضوع علاقة ب(سليان) .شكر لعلي الحميد على المعلومات القيمة
اضافة رد مع اقتباس
  #4  
قديم 01/10/2005, 04:12 PM
زعيــم نشيــط
تاريخ التسجيل: 14/03/2005
مشاركات: 638
موضوع اكثر من رائع ع ع ع

إقتباس
ألف مبروك لكم قرب حلول شهر رمضان والله يبلغكم اياه انتم ومن يعز عليكم اعوام واعوام

.

الله يسلمك ومبارك عليك الشهر
اضافة رد مع اقتباس
  #5  
قديم 01/10/2005, 04:29 PM
مشرف سابق في منتدى المجلس العام
تاريخ التسجيل: 18/12/2004
مشاركات: 9,684
طرح جميل ورائع ...وياليت تتحفنا بمواضيعك ولا تقطعنا ...
ومبارك عليك الشهر ...
اضافة رد مع اقتباس
  #6  
قديم 01/10/2005, 06:31 PM
زعيــم نشيــط
تاريخ التسجيل: 16/08/2005
مشاركات: 931


يعطيك العافية
اضافة رد مع اقتباس
  #7  
قديم 01/10/2005, 06:41 PM
موقوف
تاريخ التسجيل: 29/04/2004
المكان: في اللفة !
مشاركات: 7,555
كفيت ووفيت ..!!


بالتوفيق للأزرق ..!!


سلمت يداك ..!!
اضافة رد مع اقتباس
  #8  
قديم 01/10/2005, 06:49 PM
زعيــم نشيــط
تاريخ التسجيل: 24/02/2005
المكان: في قلب الزعيم
مشاركات: 900
تسلم على الكلام الجميل

وبالتوفيق للزعيم
اضافة رد مع اقتباس
  #9  
قديم 01/10/2005, 06:49 PM
زعيــم فعــال
تاريخ التسجيل: 23/09/2005
المكان: وين ما راح الزعيم
مشاركات: 241
اضافة رد مع اقتباس
  #10  
قديم 01/10/2005, 06:49 PM
زعيــم فعــال
تاريخ التسجيل: 22/04/2005
مشاركات: 458
عنوان الموضوع ماله داعي
اي احد ما يدش يقرا التفاصيل رح يفهم شي ثاني
اضافة رد مع اقتباس
  #11  
قديم 01/10/2005, 06:50 PM
زعيــم متألــق
تاريخ التسجيل: 09/05/2005
مشاركات: 1,389
الف شكر وصرااحه صدقت في كلامك عن ابو سااره الله يخلييه لنا
اضافة رد مع اقتباس
  #12  
قديم 01/10/2005, 06:51 PM
زعيــم مميــز
تاريخ التسجيل: 30/04/2004
المكان: الخــــرج
مشاركات: 2,958
كلام كبيـــــــــــــــــــــــر



الله يعطيك الـــــــــــــــف عافيه
اضافة رد مع اقتباس
  #13  
قديم 01/10/2005, 06:55 PM
زعيــم فعــال
تاريخ التسجيل: 13/10/2004
المكان: الرياض
مشاركات: 308
الله يعطيكم العافية كلكم لكل من رد سواء بانتقاد موضوعي او بالثناء عليه واقول للي انتقدوا انا اسف وكل انسان معرض للخطأ اما اللي اثنوا فشكرا واوعدكم اني راح اكون عند حسن ذنكم ومشكورين مرة ثانية.
اضافة رد مع اقتباس
  #14  
قديم 01/10/2005, 06:57 PM
الصورة الرمزية الخاصة بـ blue tiger 30
مشرف مكتبة الفيديو
وعضو لجنة الفيديو والصوتيات
تاريخ التسجيل: 03/05/2005
المكان: الخبر , ليدز المملكة المتحدة
مشاركات: 6,490
يعطيك 1000000000000000000000000 عافية


مشكور
اضافة رد مع اقتباس
  #15  
قديم 01/10/2005, 07:07 PM
الصورة الرمزية الخاصة بـ ريـ ـ ـ ـ ـان
زعيــم متألــق
تاريخ التسجيل: 01/09/2005
المكان: حائل
مشاركات: 1,460
موضوع رائع صراحه
لكن عندي ملاحظه اخوي
انت تقول يضيق صدرك لا شفت بعض الاعضاء يبارك للاتحاد ؟؟
والله ماتوقعته منك ؟
انتصار الاتحاد وفوزه بخمسه او عشره او عشرين او فوزه بالكاس راح يسحب انظار الانديه الاوروبيه للاعبين السعوديين وللدوري السعودي .
ارجو انك تترك عنك التعصب وانشاءالله الاتحاد ياخذ البطوله لانه احق منها بالعين او غيره.
ومشكـــــــــــور على الموضوع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:21 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube