#1  
قديم 01/10/2005, 11:23 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
مقتطفات من تمريــن الزعيم بنادي النجمـــة + ابغى تذكرتين تكفون .....

-


ما ادري من وين ابدأ ومن وين انتهي ...

بدأت القصه حين قرائتي لاخبار الجرائد وان تمرين الهلال بعد المغرب سيكون في الرس ..

حتى اتى خبر قبل العصر وقال ان التمرين في ملعب النجمه .. واتصلت على نادي النجمه وقالوا فعلا الهلال بيجي عقب المغرب ...


المهم شغلنا الموتر انا وخويي ..

قال خويي ترا التمرين بالرس .. واترك عنك خراط سنترال النجمه ..

واقنعني .. وقلنا نبي نشوف تمرين الهلال ونبي نقص تذاكر ..


المهم اول مامسكنا طريق المدينه .. ويجيك توبيس نقل جماعي .. تلحقه سيارات فيها اعلام هلالية ..

ماصدقنا انفسنا وقطعنا الاشارة ووراهم ..

الين وقف الباص عند فندق عنيزة .. وتجمعوا الجماهير .. وبدوا يصورون مع اللاعبين ..

حسافه كنت اتمنى ان معاي كاميرتي الديجتل لكن نسيتها بالسيارة واكتفيت بكاميرا الجوال ..

ودخلوا اللاعبين الفندق ويتقهوون ... واكلوا شي خفيف ..

بعدين منصور الاحمد على باله ذكي ههههههههههههههههههه فديته هو وافكاره ..

قال لسواق الباص تعال من الباب الخلفي للفندق ..

الجماهير انتبهت وراحت تركض للشوارع الخلفية ..

طبعا المسؤلين قالوا التمرين بالرس .. حتى يضللوا الجماهير ..

والجماهير فطينة ووراهم وراهم .. وموكب رهيب .

الين وصلوا ملعب النجمة .. الذي كان الدخول بعشرة ريالات لمشاهدة التمرين ..

والحمدلله دبرنا واسطه ودخلنا بالمضمار ..

وكانت التدريبات عبارة عن احماء واطاله .. وبعدين سوى باكيتا تقسيمة مضحكه ..

الشلهوب والصويلح حراس ..

وابدع الشلهوب في الحراسة هههههههههههههه وصد اكثر من كورة لياسر .. (( مهوب بسيط ))

وياسر القحطاني الحمدلله ماتوجد فيه اي اصابه ..

وكان الجو مرح واللاعبين يتمازحون مع بعضهم ويضحكون ..

والصراحه كان الصويلح هو فاكهة الفريق ..

بعد ما انتهى التمرين .. دخلنا نصور مع اللاعبين ..

الحمدلله صورت مع ياسر والشلهوب ونواف والتمياط ..

ورحت وسلمت على منصور الاحمد وسولفت معه شوي ..

ودخل رئيس نادي النجمه للملعب وصافح منصور الاحمد قبل ان يذهب الفريق الهلالي ..

وقاله : حنا يالنجماويين كلنا للهلال .. واعذرونا على القصور .. وتكلموا شوي ..

جماهير قليلة صراحه اللي حضرت لان الغالبية كانوا متوقعينها بالرس .. ولكن نعمة من الله اننا شفنا الاتوبيس ..


اللعبه مدبره من الصحافه لتخفيف الضغوطات على الهلال .. واطلاق الكذبات وان التمرين سيكون في الرس ..


واخوكم بالله ماراح يقص تذكرة .... والتذاكر كلها خلصت ..

وانــــــــــــــــاشدكم ..... ابغى تذكرتين لو بألف ريال .. اللي يقدر يعطيني رقم جواله بالخاص .

واقابله بعد صلاة العصر عند الملعب واعطيه المبلغ اللي يبيه مع حبة خشم . .


اغلب التذاكر نفدت من الصباح .. واستأثر اهل الرس بنصيب الاسد منها .. والعشم ان يكون انصار الزعيم قد اشتروا تذاكر ..

متوقع تدفق جماهيري غفير لايتسع له الملعب .. والله يستر .. ويجيب العواقب سليمة ..




اشياء كثيرة بقولها .. لكن اعذروني على الاطاله ..
اضافة رد مع اقتباس
  #2  
قديم 01/10/2005, 11:49 PM
زعيــم مميــز
تاريخ التسجيل: 30/07/2005
المكان: عنيزة
مشاركات: 3,277
اضافة رد مع اقتباس
  #3  
قديم 01/10/2005, 11:53 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
لله يامحسنين تذكرة ودنا نشجع الزعيم .. هههههههههههههههههههههههههه



طيب ماعندي مانع اروح الظهر للرس لو كان باقي شي من التذاكر ..
اضافة رد مع اقتباس
  #4  
قديم 01/10/2005, 11:56 PM
الصورة الرمزية الخاصة بـ هلالي توب
مشرف منتدى الجمهور الهلالي
تاريخ التسجيل: 03/05/2005
المكان: Cـنيـزَة ً
مشاركات: 14,626
الله يسلمك ويطول عمررك على التغطيييييه الحلووه

بس ناقصها الصوووووور

والله لو معي تذكره كان تفداك يالغلا

ان شاء الله تلقى احد يساعدك ويعطيك تذكرة الدخووووووول

ولا ترى ماهنا اسهل من طمرة الجداار
اضافة رد مع اقتباس
  #5  
قديم 02/10/2005, 12:05 AM
زعيــم فعــال
تاريخ التسجيل: 06/06/2001
المكان: معقل البطولات
مشاركات: 291
اخوي طلبك موجود وعندي تذكرتين وكنت ناوي اروح الملعب مع اني من زمان مادخلت ملعب لان الشوف
شجر ويوم صارت المباراة منقوله تستاهلهم هديه وفوقها حبة خشم
اضافة رد مع اقتباس
  #6  
قديم 02/10/2005, 12:05 AM
موقوف
تاريخ التسجيل: 19/04/2005
مشاركات: 2,521
خخخخخخخخخخخ لو عندي تدكرة جان ابيعك اياهه ب 1000 ريال وحبتين خشم
اضافة رد مع اقتباس
  #7  
قديم 02/10/2005, 12:10 AM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
هلالي توب :


والله الكاميرا الديجتل ماتطيح من ايدي واحد اللقطات اللي اخذتها بكاميرتي شفها بتوقيعي ..


لكن نسيتها بالسيارة .. ويمكن خيره من الله ..

والصور بتشوفها من ملعب الحزم وقت المبارة .. بإذن الله ..

ان وفقنا الله بتذاكر ..

حبيب الهلال : شف رسائلك الخاصه

اسد بحريني : هين اوريك يالدب ..
اضافة رد مع اقتباس
  #8  
قديم 02/10/2005, 12:11 AM
زعيــم مميــز
تاريخ التسجيل: 14/08/2005
مشاركات: 3,148
اضافة رد مع اقتباس
  #9  
قديم 02/10/2005, 12:14 AM
موقوف
تاريخ التسجيل: 04/09/2003
المكان: www.allsport9.com
مشاركات: 862
مشكووووووووووور
اضافة رد مع اقتباس
  #10  
قديم 02/10/2005, 12:17 AM
زعيــم مميــز
تاريخ التسجيل: 14/05/2004
المكان: ..!
مشاركات: 1,718





ماشاء الله عليكم

بالتوفيق للجمهور وللفريق ,,

وبالتوفيق للجميع







اضافة رد مع اقتباس
  #11  
قديم 02/10/2005, 12:34 AM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
الف شكر لجميع الذين ردوا على الموضوع ..



أما بالنسبة للتذاكر ..


فلقد قررت السحب على المحاضرة الاخيره .. وكله يهون لاجل الزعيم ..

والذهاب الى استاد الرس الدولي .. في محاولة يائسة لايجاد تذكرة ..


انا ابنام الحين لاني صراحه تعبان وفيه محاضرات بكرا ..


لكن تكفون ماودي اترك المحاضرة الا انا ضامن ان فيه تذاكر تبي تباع قبل الظهر ..

ابي العلم اللي يجمد على الشنب ..

هل ستكون هناك تذاكر قبل صلاة الظهر او لا ..


واللي عنده تذكرتين .. يرسل رسالة على الخاص .. تكفون .. فزعتكم ..
اضافة رد مع اقتباس
  #12  
قديم 02/10/2005, 12:58 AM
زعيــم متألــق
تاريخ التسجيل: 03/09/2005
مشاركات: 1,064
والله نفس اللي صار معي

بس الحمد لله أنا أزين منك مارحت ولا توجهت للرس من عرفت إن التمرين بنادي النجمه وأنا ماوقفت اتصالات

على النادي حتى صلاة المغرب بعد ذلك ذهبت للنادي ووجدته مستعدين عرفت إن الزعيم راح يحضر

والحمدلله حضر وتمرن وتشرفنا والله بتواجدهم ..

ياسر مسكين كان معه المنديل وهو يتمرن وكان مزكوم شوي بس سألنا عن مدى مشاركته غداً وقال

إن شاء الله راح أشارك ياحبيل قلبه والله يحفظه .......
اضافة رد مع اقتباس
  #13  
قديم 02/10/2005, 01:12 AM
زعيــم فعــال
تاريخ التسجيل: 30/01/2005
مشاركات: 295
المشذاب اخوي انا عرضت عليك اليوم قبل لااروح اشتري لكن لاحياة لمن تنادي لكن اذكر واحد قابلته قبل شوي يقول عندي خمسين تذكره بس ماهي بسعرها وربي لو انك قايل لي الصبح خلاص جب لي وربي لااحجزلك بس لافات الفوت وبالنسبه للي يبيع التذاكر اعرفه بس ماعندي رقمه واحاول اجيبه لك وانت تستاهل كل خير
اضافة رد مع اقتباس
  #14  
قديم 02/10/2005, 01:31 AM
زعيــم متواصــل
تاريخ التسجيل: 04/09/2005
مشاركات: 71
عندي تذكرتين بس ب30 ريال
اضافة رد مع اقتباس
  #15  
قديم 02/10/2005, 01:52 AM
الصورة الرمزية الخاصة بـ حبايب انا والهلال
مشرف منتدى الرياضه السعوديه
ومنتدى المنتخب السعودي
تاريخ التسجيل: 03/03/2003
المكان: المملكة العربية السعودية
مشاركات: 5,146
ياحبيلكم يااهل القصيم





بالتوووفيق للزعيم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:41 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube