رجاءً مساعدة دينية ,دعوية يا شباب السلام عليكم جميعاً .. بصراحة يا شباب انا قلبتها وصرت داعي الى الاسلام وانا ما ادري ( ولله الحمد ). المهم كنت اتكلم في الشات مع وحدة يابانية ,وشوي صرنا نتكلم عن الاسلام وهي تسأل وانا اجاوب .اهي تسأل وانا اجاوب . لكن في النهاية حسيت انها تأثرت وحبت انها تتعرف اكثر عن الاسلام . عاد اخوكم في الله (الي هو انا ) تبرع انه يرسلها كتب عن الاسلام باليابانية ,لكن ما ادري من وين احصلها ؟؟؟ رجاءً ساعدوني ,لعل الله يكتب لها الاسلام ونكسب اجرها ,وسلامتكم . |
هلا اخوي بدر الله يجزاك خير هيات وزارة الشوؤن الاسلاميه والدعوه والارشاد مكاتب منتشره في انحاء المملكه لدعوة الجاليات ما عليك الا انك تروح الى اقرب مكتب وتاخذ من عندهم الى تبي ومره ثانيه جزاك الله الف خير |
اقرب محل توعيه الجاليات علمنا انت باي حي وانا اقولك اقرب مركز توعيه |
اشكركم على تجاوبكم السريع .. انا ساكن في حي الملز .... تقريبا جنب ملعب الملز وجزاكم الله كل خير |
========== عزيزي هذا رقم المكتب اللي في النسيم..((2350194))..لاني دقيت على الاستعلامات وقاااااااال مافيه رقم للملز قلت هات النسيم وش ورااااك انقز :).. . =============================== |
يا حظك يا بدر انا اشهد انه كنز وطاح بيدك (لان يهدي الله بك رجلا واحدا خير لك من حمر النعم) |
والله ياخوي صدقني فرصه عظيمه لاتفوتها ============================== معليش فيه مداخله: أنا تأكدت ان عاشق النمر مهوب هو ملك العشاق زي ماتقولون!!!:D أجل بالله عليكم عاشق يقدر يقول مثل ذا الكلام ؟:rolleyes: صفقوني:D |
الله يجزاكم خير جميعا على تعاونكم وعلى حرصكم على الدعوه لديننا الحنيف ..... وهذا مهوب مستغرب من شباب وطننا الكرام ,,, جعلها الله في موازين أعمالكم ,,, تحياتي للجميع ,,, |
الوقت المعتمد في المنتدى بتوقيت جرينتش +3.
الوقت الان » 02:58 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd