ياللي تهاجمون جمهور الرياض - لحظه شوي - نادي الهلال السعودي - شبكة الزعيم

سعد بن ناصر · #1 28/09/2005, 12:27 PM

السلام عليكم ورحمة الله وبركاته

اخواني واخواتي اللي هاجمتوا جماهير الزعيم في الرياض

ماتلاحضون انكم تكلمتوا على جمهور الهلال اللي في الرياض وانه جمهور مايساند ولا ينفع

واننا بس نطالب بطولات وغيره وفي الاخير مانحضر

اولا المباراة في وسط الاسبوع وهنا اقد اقول العذر الاول

ثانيا الفريق يلعب بربع نجوم الفريق الالومبي وليس نجوم الفريق الاول يعني ماراح القى ابداع

وتكتيك راقي راح القى اجتهادات نص اللاعبين

ثالثا الخصم فريق ابها فريق صاعد ومافي اي نجوم ولا لاعبيين مبدعين ولا يساعد ان المباراة

تكون حماسية من البداية للنهاية

رابعا بعيونكم امس شفتوا المباراة كيف كانت

وخامسا وهو الاهم جماهير الرياض هي الجماهير الوحيده اللي بيضت وجه الهلال في النهائيات

والادوار النهائية وكانت تعبي الملعب من اوله لاخره ليش تحاسبون الجماهير عن مباراة

تعتبر اول مباراة في الدوري وفريق ماهو نجم ولاعبيين ماهم نجوم الا ماندر من لاعبيين الهلال

ارجوا ان يكون الانتقاد في محله وجماهير الهلال اللي في الرياض عمرها ماقصرت مع الهلال

مثل مالهلال عمره ماقصر مع جماهيره كلهم

ارجوا ان يكون كلامي خفيفا على اصحاب الانتقاد وان يعرفوا انهم لن يحبوا الهلال اكثر مننا

كلنا نعشق الهلال لكن لاتحاسبون على مباراة تعتبر مباراة بارده بكل المقاييس

ولا تنسوا حضورنا في الاوقات الحاسمه وتحاسبوننا على اي صغيره

ولكم اجمل تحية وتقدير

فيلسوف 15 · #2 28/09/2005, 12:33 PM

يعطيك ألف عافية علي كلامك العدل 100%

مجـنـون ســ6ــام · #3 28/09/2005, 12:46 PM

كلامك صح 100% انا امس حظرت المبارة وتفاجئت بالجمهور على الاقل يكون اكثر من كذا مو يعدون بالاصابع

هــلالــي مــوت · #4 28/09/2005, 12:51 PM

[align=center]

هلا اخوي سعد

وصدقني مش طبيعتي ادخل في جدال بسبب ذي المواضيع

بس اللي صار امس ماينسكت عليه ولا له اي عذر

نجي لأول شي اللي هي بنص الاسبوع

المباراة بملعب الامير فيصل يعني بوسط الرياض ولا يوجد اختبارات تعيق الطلبه

ولا يحزنزن بس الظاهر ان فيه ناس تفضل جلسة التلفزيون .

وثاني شيء تعلم ياشاطر انك تحضر مباراة مره ثانيه عشان الهلال مش عشان نجوم

الهلال اللي بيجي عليهم يوم ويغادروا الهلال ويبقى الكيان فقط .

وثالث شي لو الفريق اللي بيلعب مع الهلال مش ابها ( اللي نشف حلوقنا امس ) لو فريق

درجه ثانيه والمباراة في مسابقه فواجب علينا نحضر المباراة اذا كانت قريبه مننا .

ورابع شي ايه شفت المباراة والحمد لله ان المرشد ماسجل هاترك فينا .

وخامس شي لاتبخس حق الجماهير الهلالية بالمملكه فالكل حضر في الاوقات الحاسمه

بالموسم السابق وانا من ضمن اللي حضر مباراة الهلال والاتحاد والنهائي بين

الهلال والشباب وجيت بسيارتي الخاصه وشريت التذاكر ولا انتظرت أي شخص يعزمني

على المباراة لأن الفرصه اذا توفرت لي ماني متأخر عن الهلال رغم بعد المسافه بيني

وبين الرياض اكثر من 500 كيلو .

وبالنسبه للتقصير فالهلال صح عمره ماقصر مع جماهيره بس احنا الجماهير اللي قصرنا

في حق هلالنا

وبعدين اخوي سعد لما يشارك الهلال في بطوله أو في دوري لاتفرق بين أول مباراة

وآخر مباراة لأن مشوار الالف ميل يبدأ من خطوه وأمس كانت خطوة الهلال الاولى نحو

اللقب ان شاء الله

[/align]

المستشار الخاص · #5 28/09/2005, 01:08 PM

إقتباس

الرسالة الأصلية كتبت بواسطة هــلالــي مــوت


	[align=center] وخامس شي لاتبخس حق الجماهير الهلالية بالمملكه فالكل حضر في الاوقات الحاسمه بالموسم السابق وانا من ضمن اللي حضر مباراة الهلال والاتحاد والنهائي بين الهلال والشباب وجيت بسيارتي الخاصه وشريت التذاكر ولا انتظرت أي شخص يعزمني على المباراة لأن الفرصه اذا توفرت لي ماني متأخر عن الهلال رغم بعد المسافه بيني وبين الرياض اكثر من 500 كيلو . وبالنسبه للتقصير فالهلال صح عمره ماقصر مع جماهيره بس احنا الجماهير اللي قصرنا في حق هلالنا [/align]

صح لسانك يا شيخ انا بعد جاي من المدينه 1000 كيلو رايح و1000 راجع وبعد مادخلت القصيم الطريق صار كله اعلام الهلال

αlειη αlżαяqα · #6 28/09/2005, 01:19 PM

شوف بصراحة أنا شخصيا كغيري زعلان من جمهور الهلال في الرياض...
وزعلي عليه زعل محبة لأن هذا الجفا غريب على جمهور الزعيم خاصة في الرياض لأن جمهور الهلال غريبه عليه هالموقف والجفا لهلالهم الذي حقق ماعجزة عنه الأندية الأخرى..

وجمهور الهلال في الرياض دائما مايقف مع الهلال لكن فقط في المباريات المهمه فقط

ــــــــــــــــــــــــــــــــــــــــــــــــــــــــــ
نختلف لكن على حب الهلال نتفق

تحياتي

سعد بن ناصر · #7 28/09/2005, 01:20 PM

اولا اخوي الغالي احترم وجهة نظرك مهما كانت بس لي ملاحظتين سريعات

وثاني شيء تعلم ياشاطر انك تحضر مباراة مره ثانيه عشان الهلال مش عشان نجوم

الهلال اللي بيجي عليهم يوم ويغادروا الهلال ويبقى الكيان فقط .

اخوي اذا نجوم الهلال راحوا وماجاء بعدهم نجوم الكيان راح يسقط وهذا شي معروف
مافي كيان يعيش بدون نجوم ايش اللي راح يعيش مقر النادي والا البطولات السابقه
وهذا النصر اكبر مثال والوحدة اكبر واكبر مثال الوحدة في يوم من الايام كان بطل الدوري
وكان من الفرق الكبيره وراح نجومه وبقى كيانه اللي مايحرك شعره في اي مباراة

وثالث شي لو الفريق اللي بيلعب مع الهلال مش ابها ( اللي نشف حلوقنا امس ) لو فريق

درجه ثانيه والمباراة في مسابقه فواجب علينا نحضر المباراة اذا كانت قريبه مننا .

الحين لما فريق ابها ينشف حلوقنا دليل ان الهلال ماكان في مستواه وان ابها هو اللي مسيطر
وهو اللي نشف حلوقنا بدال ماننشف حلقه يعني الهلال بادي بداية ماهي البداية الحقيقية
والسبب النجوم اللي تخلي الكوره متعة ماهي موجوده

وتبقى هذي طريقتي في الدفاع عن جماهير منطقة الرياض وللمعلومية بعد جماهير الرياض راحوا لجده والشرقيه لعيون الازرق وهذا يدل على ان كل جماهير الزعيم من كل مكان تلحق فريقها

اتمنى ماحد يتضايق من كلامي ولكم تحية طيبة

القائد سامي9 · #8 28/09/2005, 01:27 PM

:sad: :sad: هذا مو سبب لان العبين مو الفريق الاول
ولا الفريق الثاني توه صاعد
احنا لازم نكون وراء الهلال حتى لو يواجه فريق حواري
انا اول واحد الوم نفسي بزعل ابو سلطان

واناسمعت تصريحه
احس انه يوجه الكلام هذا لي لاني كنت فاضي ومارحت

وبأذن الله اعدك وعد يابو سلطان سوف تراني يوم الاحد في الرس لتشجيع الزعيم وهذا وعد مني

وفي كل مباراة سوف اذهب الى الملعب في اي منطقه

وانا اسف يابو سلطان :sad: :sad:

fo0o fo0o · #9 28/09/2005, 01:28 PM

خالد@الخبر · #10 28/09/2005, 01:42 PM

لا تعلـــــــــــــــيق

السبب

في مباراه الهلال والقادسيه حضرت المبااارااه والله والله اني مارحت الدوااام بكره لاني وصلت البيت الساعه

5.5 الصبــــــــــــــــــح وطبعا الدواام الساعه 6 الصبح يعني كله من أجل الهلال مو من اجل النجوووووم

جمهوووووووور الشرقيه معرووف بمؤازرته للزعيم في أي بطوووووله سواء القدم لجميع الفئات او الطائره

او....... الخ اي مباراه الزعيم بالخبر نحضر مانقووول هذا فريق أول هذا اولبي اي لعبه للزعيم نحضر ونشجع

حبيبي المباراه امــس كانت حلوه والشباااب ماقصروا مهزوومين واحد ونيب ثلاثه اهدااف وشتبي اكثر من كذا

الضغط صار علينا امس بعد الطرد والطرد كان خـاطئ وللمعلوووميه الهدف حق أبهااا فاول على زيدان الجنوب

الي متابع المباراه يشوف كان في حجز للحارس يعني الفريق ماقصر

فرجــاء حبيبي لا تقوووول مباراه في نص الدوري في أول الدوري ماتفرق العام الي قبل الماضي لعب

الهلال مع الخليج الساعه 3.5 العصر والجووو حااااااااااااار وعز الرطوووبه طبعا ماقلنا حر ولا نبي نحضر

للمعلوميتك اخووي الرابطه كانت موجووده من الساعه 2 الضهر لتركيب الاعلااااام واكوون جااد معك شوي

مو الرااابطه الي كانت موجووده الي كان موجوود شخص واحد من ضمن الرااابطه واسمه ( ماجد الماجد ) لتركيب

الاعلااام الساعه 2 الضهر طبعا الوقت هذا انت نايم تحت المكيف ماتدري وين الزعيم بــــــــــه

صدقني احنااا بالخبر او بالاحرى بالمنطقه الشرقيه نتمــــــى ان ينقل الهلال مقـــر للشرقيه ويكوون عندنــا

على طوووول لكـــــي تشااهد انت وغيرك من الجماااااهير كم جمهووووووور الشرقيه وفـــــي مع الزعيم

بربــــــــي حز في نفــــــسي كلام ابو سلطـــان امـــس لما

قال ( اذا شبعت الجماهير من الحضووور نحن شبعــا من البطولااات )

ايعقل ان نشبع من حضووور مباارااايااات الزعيــــــــم وهو جايب 4 بطولات الضااهر جمهوور الرياااض تعوود

على الاسطواانه الي لازم نطالبه بالحضووور الــــــــــى متــــــى ايعقل هذا

اااااااااااااااااااااااااااااااسف على الاطـــــــــــــــــــــــــاله

بــــــــــــــــس كله لاجل الزعيـــــــــــــــــــــــــــــــم يهووووووووووووووووووون

أســ القلوب ــيـر · #11 28/09/2005, 02:36 PM

جمهور الازرق بيبيض الوجه يوم 3 رمضان بأذن الله ....

هلالي جدا · #12 28/09/2005, 02:49 PM

إقتباس

الرسالة الأصلية كتبت بواسطة سعد بن ناصر


	وخامسا وهو الاهم جماهير الرياض هي الجماهير الوحيده اللي بيضت وجه الهلال في النهائيات والادوار النهائية وكانت تعبي الملعب من اوله لاخره -------- ولا تنسوا حضورنا في الاوقات الحاسمه

خخخخخخخخخخخخخخخ والله حلوة تحضرون بالأوقات الحاسمة

وين رحنا ياجمهور القصيم والشرقية .. الظاهر نسيتوا وقفتنا مع زعيمنا رغم المسافة

معليش أخوي ..
بس جمهور الرياض معروف عنه العزوف عن الحضور ..

أحــب الـشـلـ 10ـهـوب · #13 28/09/2005, 02:53 PM

يعطيك ألف عافية علي كلامك العدل 100%

كريم الهلال · #14 28/09/2005, 03:00 PM

[font=Tahoma] السلام عليكم0000

جمهور الرياض ماحضر للمنتخب الا يوم حطوها مجانا000 سلمولي على جمهور جدة00 حتى صلاة

العيد في الملعب [/font]00

الزروقي · #15 28/09/2005, 03:05 PM

عز الله انك ماتوفقت بكلامك اخوي سعد

وياليت تكون الاسباب اكبر من اللي انت عديت

لانها ماهي منطقية وممكن تكون هالاسباب لك انت لحالك

ولا هي عن الناس الثانين

عموما بالتوفيق للجميع ان شالله ,,,