هل حقا يوجد خصم للهلال ومبروك للإتي كأس اسيا مسبقا
 

[align=center]بسم الله الرحمن الرحيم

بدأ الموسم الجديد واكثر شي لفت نظري فيه الجمهور اللي حضر مباراة ابها واللي اقل ما يقال
عنه انه يفشل والله فشلنا قدام ابو فيصل اللي سوا كل شي للنادي من وقته وماله وجهده وما طالب الا بحضوركم ولكن للاسف خيبتوا ظنه.

اللي يقهر في الموضوع ان الهلال مكوش على كل بطولات الموسم اللي راح ومتأهل لنهائي كأس فيصل للموسم هذا ورغم كل هذا فيه جفا للفريق .

سامي ياسر نواف الشلهوب الغنام كماتشو تفاريس المفرج وكثير من النجوم غيرهم فكر فيهم لحظه
وااااااااو والله ياهم رعب من جد . طيب خلونا ندرس خصومنا الاتحاد مستعد بقوه لكن كالعاده يتقوى على الصفاقسي والكوريين واذا قابل الزعيم قال سم يا عم ومن جهه ثانيه النصر قاعد يحاول يرتب اوراقه ولكن حاله في البطوله العربيه ما يبشر بخير واللي شاف فرحتهم يوم فازوا على شباب الاردن يدري انهم ما عندهم ماعند جدتي الله يرحمها مع ان الفريق اللي قابلوه حرام فيه يشارك في بطوله خارجيه القادسيه من جهتهم ما عندك احد من جد يلهفون من هالفلوس على غير فايده فريق مفكك وضعيف والاتفاق حاله اسوأ اما الاهلي فهو من جد سالفه ثانيه فريق كبير وقوي وراقي لكن وش علته محد عارف مع اني اتوقع انهم نزلوا نفسهم للمنافسه مع البلوي وخسروا كل شي خاصه ان اخينا في الله قذر وما يرده اي شي عن ايذاء الهلال او الاهلي اخر الفرق اللي بتكلم عنها هو الشباب اللي بصراحه صرت اشوف انه ضايع بين اللعب في الفلوس زي الاتحاد وبين الفريق المثالي والمدرسه القويه اللي عهدناها عن الليث على العموم الموسم هذا الشباب بيكون مفاجأه لكن مو معروف هل هي حلوه ام لا .

الطقم والطقم متى يجي الطقم متى يروح الطقم كانت هذي اهم سوالفنا الموسم اللي راح وفي الاخير طقم محطم بكل ما تحمله الكلمة من معنى وعادي جدا وواسع على كثير من اللاعبين وما شفناه الا في كم مباراة ومع بداية الموسم رجع الفريق لسلسلة من الاطقم اللي ما ادري وش تبي
وكأن الفريق عاجز عن احضار طقم يليق بهذا الفريق الاسطوري اتمنى ان هالمشكله تنحل وان الاداره تتصرف وتفكنا من هالاجتهادات في الاذواق .

كأس اسيا وبس هو الهدف الاول والاكبر والاهم لكل منتمي لهذا النادي العريق كأس اسيا وبس هو اللي بيروي ضمأنا والله اشتقنا لكأسنا ويكفي لعب الاطفال فيه الاتحاد والعين واللي يقهر ان الاثنين بيتقابلون على النهائي يعني واحد منهم بيحافظ على لقبه لكن بإذن الله رجال الزعيم في هذا الموسم بيرجعون لنا حقنا وكأسنا اللي غاب كثير عن زعيمه .

الاتحاد والعين على نهائي كأس اسيا بنسبه كبيره والله ما ادري اضحك والا ابكي خلونا اول في العين اللي لو يلعب في الدوري السعودي بيكون مصيره المركز الخامس او السادس وفي اسيا يلعب على النهائي والله مهزله أما الاتحاد فاظن اني من اكثر المستقرفين من اداره هذا النادي من بعض جماهيره الحمقى في الموسم الماضي فاز بكأس اسيا وببطوله ابطال العرب ويجي هنا ويترقع من الهلال حتى ما يقول ربي الله وفي البطوله العربيه يفوز على الهلال بهديه ما حد يقدر ينكرهها وفي الاخير يأخذ كأس اسيا اكيد بينط لي واحد وبيقول لي وانت وش حارق رزك بقول وبكل بساطه ان المستحق لكأس اسيا ما كان موجود والمستحق لكأس العرب تنازل عنه بغباء من باكيتا مع احترامي له .

اسف على الاطاله لكن اشياء تجول بخاطري وحبيت اشاركم فيها .

كأس اسيا هو الهدف وبس [/align]

كلامك عين الصواب


يعطيك العاافية على الموضوع

مشكور اخوي على كلامك


يا خي والله بكل صراحة


دوري ابطال اسيا هذا العام ضعيف جدا


كل الفرق القوية في اليابان ما تاهلت........والعين مرة زين ومرة شين متقلب


والاتحاد (( اتمخطري يا حلوة يا زينه ))


يعني والله ثم والله لو ما ياخذ الاتحاد الكاس بتصير مهزلة..(( طبعا هم بياخذونه ))


لكن وش يبون بعد............جمع البلوي ولقط كل اللعيبة المشهورين


وما قصر على فريقه في الفلوس


وشلون ما تبيهم يفوزون؟


عالعموم الدوري هذا العام هلااااااااااااااالي


ان شاء الله


ما عدا في حالتين ((( الاصابات.......مواعيد معسكر المنتخب )))


بعد هذي الامور فيها كلام ثاني


لكن اذا تهيت لنا الظروف........ما لها الا هلالها


اتوقع انه الاهلي راح يتطور اكثر في الدوري


والشباب راح يكون منافس قوي


والنصر الصراع عن الهبوط


والاتحاد ما عنده قاعدة قوية وراح يفشل في بعض المباريات السهلة


والاتفاق والقادسية...........مدري عنهم


والهلال..............راح يتفرغ له الجو بقوة فريقه الشباب والاساسين


................


اما دوري ابطال اسيا


لها كلام ثاني


بعون الله راح نحققها


ترى اذا هذي الفرق هي نفسها او تقريبا في نفس مستواها بتشارك في الدورة


البطولة على طول هلالية 100%


اما اذا تطور اللعب اكثر وكان هناك منافس اقوى وفرق اقوى


فالبطولة هلالية 99.99% s60s



تحياتي

ايه كااااس اسيا ولا غيره


مانبي اي شيء الا كاس اسيااااا

الي اعتقد اانننا رايحين ناخذه بسهوله

بلله عليكم دور نصف نهااائي نشوف اهداف بالدرزن

الله يرحم ايام البطوله اللي زمان
ايام استقلال والهلال وجوبيليو وسامسونج


تحياتىىى

8
8
8
8
s60s

مشكور اخوي على الموضوع


اول شي ابارك للاتحاد هذي البطوله مسبقا بعد العروض المضحكه والافلام الهنديه الي نشوفها قدامنا

معقوله هل هذه الفرق هي افضل مايوجد في قارة اسيا ؟؟

خمسه وسته وسبعه والجاي افضع بصراحه البطوله هذي مهزله ووعار على الكره الاسيويه

عموما البعض بدا يخاف ويرتعب من فريق الاتهاد لكن انا اقولها لكم وابصم بالمليون جميع الفرق عندما تلعب مع فريق القرن الاسيوي والزعيم الملكي نادي الهلال تلعب بطريقه عجيبه وقتاليه مفرطه ويكون هناك مستوى اخر ((وتحكيم اخر )) عموما

رساله لكل اتحادي ونصراوي واهلاوي وجميع الالوان

((الهلال شي ثاني)) وباذنه تعالى البطولات الموسم هذا هلاليه


تحياتي s13s

إذا غـــــــاب القط ... إلعب يا فار :sleep:

s60s s60s s60s

مشكور على كل الردود

وان شاء الله كاس اسيا بيرجع لربعه