يـــامن تنتقدون جمهور الرياض ,,, - نادي الهلال السعودي - شبكة الزعيم

laser · #1 29/09/2005, 03:00 AM

السلام عليكم ... تحيه للاخوه الزعماء ,,,

استغربت بصراحه الهجوم المشن على جمهور الهلال في الرياض ... صح المباراه الاخيره كان فيها تقصير كبير من الجماهير ,, لكن لا يصل هالامر الى اكبر من حده

يامن تنتقد جمهور الرياض ... الم تتذكر ما فعله الجمهور المخلص بمسانده الفريق في كل حال ... الم تتذكر حينما ملئ استاد الملك فهد بعد الخساره القاسيه من الشارقه 5-2 ..؟؟؟ وايضا اكلها بخمسه اخرى .؟؟

يامن تنتقد جمهور الرياض .. الم تتذكر النهائيات الاسيويه .. واخرها امام جابيليو .. حينما غص استاد الملك بالجماهير العاشقه لناديها ..

الم تتذكر مباراتي المربع العام الماضي ,,, حينما اغلقت مدرجات الدرجه الاولى في الساعه الخامسه عصرا ؟؟! في المباراه النهائيه ؟؟

؟؟ كل هذا وجماهير الرياض كسوله ... وراعين مقاهي ... وتكيات في البيت ؟

ثم ان الغياب الجماهيري في المباراه الاخيره كان له اسبابه !!

الموسم الرياضي بدأ والفريق الهلالي لديه مباراه في المعسكر البرتغالي يوم الاثنين .. واول مباراه في الدوري يوم الثلاثاء .. طبيعي الجماهير تترك المدرجات اذا لم يكن فيه اهتمام من قبل الفريق نفسه!!

اوقفتني كلمه سمو الامير (( اذا كان الجمهور الهلالي قد تشبع من الحضور فان الفريق قد تشبع من البطولات )) ؟ ؟ !!

ما اقول الا الله يهديكم بس ..!!

تحيتي لكم ....

D.Aziz · #2 29/09/2005, 03:11 AM

طيب هذا اللي قلناه

قلنا جمهور الرياض مايجي الا بالنهائيات بس

والله اني اضبط حجوزاتي قبل المباراة باسبوع علشان اروح اشوف الهلال وعلى فكرة انا من تبوك

وحضرت جميع مباريات الهلال في كاس الامير فيصل ماعدا مباراة الانصار في المدينة

وانتم الملعب جمبكم وماتروحون

وكلمة ابو سلطان صحيحه 100 %

ليفربولي · #3 29/09/2005, 03:12 AM

أبومسعد الشلاحي · #4 29/09/2005, 03:27 AM

<========<<< حــال الجمهــور الهــلالي

طــلال الصــامل · #5 29/09/2005, 03:29 AM

تبي الصدق والله انا مقصرين بس مالااح تفوتني اي مباراه في الرياض

هلاليه مررره · #6 29/09/2005, 03:37 AM

حطو قسم للبنات وتشوفون الحضور كيف

باكيتا الصغير · #7 29/09/2005, 03:37 AM

نقدر لك اهتمامك بهذا الموضوع الذي المفروض مايطرح لان جمهور الزعيم بصراحه فشلنا الحين:::::

الحين الامير /محمد الله يحفظه مل من كثر مايطلب الجماهير للحضور ياخي زي الاهلى والاتهاد والنصر

وجمهورنا الحبيب كل بطولات الموسم لهم ومايحضرون والله حلوه وشى يملل

ليفربولي · #8 29/09/2005, 03:41 AM

إقتباس

الرسالة الأصلية كتبت بواسطة هلاليه مررره


	حطو قسم للبنات وتشوفون الحضور كيف

ههههههههههههههههه

عشان نشوف زلة عبيد وكل واحد جايب زوليه وترامسه هو وعياله

بس احس ان البلو توث بيدهر

<<الأزرق المتوهج>> · #9 29/09/2005, 03:49 AM

انتم شوفو التشكيلة ...وتعرفون ليه الجمهور ماحضر ...وين التمياط ... وين سامي ...وين الشلهوب ... وين ياسر ...وين النجوم الجماهيريين

ريوووني · #10 29/09/2005, 04:05 AM

fsoli · #11 29/09/2005, 04:27 AM

El3zi · #12 29/09/2005, 06:21 AM

جمهور الهلال في الرياض ساند الزعيم في كل مباريات حبكت على مبارة وحده

كماند · #13 29/09/2005, 07:15 AM

المشكلة يا جماعة الخير إن المباراة ما تستاهل

وبعدين والله ثم والله ثم والله

ما راح أحضر ولا مباراة للهلال وجعلة ما يفوز

البارح نضحك على النصراويين لأنه رئيسهم بـ يقبل النادي واليوم رئيسنا يقول ما راح نجيب بطولات ؟؟

وش ذا المساومة !!!

طيب ومحترم وأخلاق والكل يشيد فيه على عيني وراسي من فوق لكن ما يوصل لـ ( يا تعالوا للملعب يا ما فيه بطولات )

إحنا الهلاليين عنوانا البطولات

إحنا الهلاليين كبار بلاعبينا وجمهورنا

إحنا الهلاليين إلي يتغير الرئيس والاعبين ويبقى الجمهور

إحنا الهلاليين إذا شفنا الفريق محتاجنا جينا له

---

مباراة مع فريق أبها وأول مباراة في الدوري ولا فيه ولا لاعب من الفريق الأول أساسي غير عزيز يستاهل تضرب مشوار للملعب عشانة

مو سالفة تذاكر ولا بنزين

لكن وسط الأسبوع وكل واحد مشغول وأنا عن نفسي ما شفت إلا أخر المباراة

وأستغربت التصريح إلي أقولها بصراحة حز في نفسي ليه ؟؟؟

ليه يا سمو الأمير ؟؟

التحدى · #14 29/09/2005, 07:40 AM

فيلسوف 15 · #15 29/09/2005, 01:23 PM