بسم الله الرحمن الرحيــم

هل تؤيد مشاركة الفريق الأول بالنهائي؟

انا صراحه اقول نعم اكيد الشباب ماقصروا جزاهم الله خير وبعدين الاهلي يلعب بالاول


وانتم ايش رايكم؟؟

الصغار هم من وصلوا للنهائي وهم أحق بحصد النتيجة ..

حرام فريق يلعب ويتعب ويوصل للنهائي وبعدين تقول له شكرا ما قصرت وهاتوا فريق ثاني يقطف الثمرة !!!

هذا رأيي الخاص

اولا السلام عليكم ثانيا


اختي الفاضله حنا مانبي البطوله وبس حنا نبي نستمتع في المباره

نبي نشوف مباره قويه بمشاركة ياسر ونواف والشلهوب والبقيه ..

بعدين انا اتوقع لو شاركنا في الفريق الاولمبي ما راح ناخذ البطوله ....


سلااااااااااااام ...

انا اقول لا لان الاولمبي هو تاْهل الا النهائي

بس ماتدرون الفريق الاول اخبر منهم بالبطولات

هو اكيد ياخوي نبي نستمتع وناخذ بطولة وش ورانا

من حقنا احنا يالهلالين عندنا لاعيبة لااله الا اللهعليهم ياكفون يوفون

الفريق الأولمبي أولى لأنهم هم اللي وصلو للنهائي.. و ما ينقصهم شي

نشجعهم وبس .. و هم ان شاء الله يبيضون الوجه

والله انا اايدك في الراي
لان الهلال فريق بطولات وصعبه يلعب الفريق بالرديف قدام الاهلي اللي يلعب بالفريق الاول

والله انا اتمنى الفريق الاول هو اللي يشارك مع بعض اسماء الاولمبي

لا لا لا لا


يعني مو كل اللاعبين الكبار


5 او 6 فقط يكفون ويوفون مع بقية الشباب

الفريق الأولمبي أولى لأنهم هم اللي وصلو للنهائي.. و ما ينقصهم شي

نشجعهم وبس .. و هم ان شاء الله يبيضون الوجه

أنا رأيي الخاص ان يلعب الهلال بالآلومبي

+ ياسر والشلهوب وتفاريس

صحيح يكونو اللاعبين مثل الشلهوب والغنام وتفاريس وكماتشو

يارجال والله ان اغلب الاولمبي ما عندهم سالفه ..

مشكلتنا زيس ماقال احد الاخوان انه اذا احد صلح هدف اوجاب هدف خلاص نسينا ماسوا ولا نعالج الامور ..

يا اخوان مو تقليل في الاولمبي لاكن لنكن واقعيين ..

هل الاولمبي قادر على تجاوز الاهلي بكامل نجومه ؟ ( اتمنى احد يجاوب )

ياخي الهليل والمرشدي بيوقفون طلال المشعل ورجيرو ؟ ( انا عن نفسي ما اضن )

الوسط بقيادة البارد مازن الفرج وسعد ذياب المتحمس قادر على مواجهة تيسير وصاحب ؟ ما اضن

ان جينا من حيث الاحق فأنا مع الاولمبي . لاكن اذا كنا نبي البطوله لا والله مع الاول ..

ويازينها من بطوله بتحرق قلب النجس ( حج ولم يعد )

يعني بالعربي بلا هياط وكلام ماخوذ خيره وهذا اللي اغلب الجماهير تبي تقوله لاكن بعضهم الله يجزاه خير مستحي يكتبه ..

عموما ياتي في المقدمه مصلحة الهلال ..

كلمه اخيره احب اقولها هذا رأئي وقلته لاكن الاداره ترى شئ لا اراه وبالعربي برضه هي ابخص ..

سلاااااااااااااااااااااااااااااااااااااااااااااام ..

[glow=FF3300][align=center]اللي يقول خل الأولمبي يلعب ترى الأولمبي لو يلعب مع الأهلي كان البطولة تكون أهلاوية وأكتب عليها السلام وحنا ودنا تكون هلاليه يعني تخيلو نادي يأخد خمس بطولات على التوالي والله قوية وأنا أقول أن الأولمبي ماقصر لعب ووصلنا للنهائي وياليت يلعبون الهلال بالفريق الأول علشان نحس بالفن ويمتلي الملعب ونحتفل جميعا بالبطولة الخامسة على التوالي [/align][/glow]