#1  
قديم 28/09/2005, 06:25 AM
موقوف
تاريخ التسجيل: 29/04/2004
المكان: في اللفة !
مشاركات: 7,555
بداية جميلة للمشوار .. لكن .. (( بو سلطان زعلان )) + أخبار وتصاريح أخرى

[align=center]سلام عليكم .. صبحكم الله بالخير ..!!


===========================


ألف مبروك الفوز المستحق لنادي الهلال في بداية مشواره بالدوري .. بالتوفيق ان شا الله للفريق ببقية مبارياته .. وبإذن الله يحافظ على اللقب ..!!


==========================


سمو الأمير محمد بن فيصل .. (( أبو سلطان )) .. في تصريح له .. أكد أن هذا الجمهور أبداً ليس هو جمهور الهلال .. وبدا عليه الغضب الواضح من قلة الحضور الجماهيري .. ويعتب على الجمهور .. وزعلان .. ويتمنى أن تحضر الجماهير بكثافة ..!!


========================


في اتصال هاتفي بالأستاذ ياسر الطلاسي .. منسق الجمهور الهلالي .. ومسؤول العلاقات العامة بالنادي .. أكد أن حضور الجمهور .. كان سيئاً .. وأنه أبداً ليس بطموحات النادي ..!!
وأكد أيضاً .. على زعل واستغراب رئيس النادي من الحضور .. كما أسلفنا سابقاً ..!!



========================



اللاعب مشعل الموري .. أكد في اتصال هاتفي .. أن المستوى اليوم .. لم يكن ممتازاً .. ولم يكن سيئاً .. بل هو متوسطاً .. ويجب مراعاة أن المباراة في أول الدوري .. ووصف مشاركته نهاية الشوط الثاني بالعادية جداً .. ووعد بتقديم الأفضل بالمباريات القادمة ..!!



=======================


اللاعب العائد من الإصابة .. بدر الخراشي .. الذي لم يعسكر مع الفريق للمباراة .. ولم يلعب .. أكد أن المباراة كان بالإمكان حسمها مبكراً في الشوط الثاني .. لكن سوء الحظ وقف ضد ذلك .. وأكد إن ضغط فريق أبها بعد الطرد .. كاد أن يتسبب في هدف التعادل .. وعلق على الطرد قائلاً .. أنه غير مستحق .. لأن الإنذار الأول .. كان غير صحيح .. لإنزلاق اللاعب على الكرة .. وتمنى التوفيق للفريق ..

وفي سؤال حول عدم مشاركته .. أو على الأقل دخوله المعسكر .. وهل الإصابة لازالت مؤثرة ؟؟
أكد اللاعب أن كل ذلك بيد المدرب .. وأنه الآن عاد لوضعه الطبيعي .. وينتظر تمثيل الفريق من جديد .. ويبلغ تحياته وسلامه لكل شخص هلالي .. ويطالبه بالحضور والمؤازرة في الملعب ..!!



======================

الصويلح .. العنبر .. الذياب .. تصاريح أكدوا فيها .. سوء الحظ الذي لازم الفريق في بعض الهجمات .. وحمدوا الله تعالى على تحقق الفوز .. وهو المهم ..!!



======================



شباب الهلال لهم مباراة غداً .. أمام الوحدة بمكة المكرمة .. بالتوفيق لشبابنا ..!!



=====================



بالتوفيق ان شا الله لزعيمنا .. وبإذن الله يستولي على البطولات ..!!



===================



أخوكم .. (( عبداللـــــــــه )) ..!![/align]
اضافة رد مع اقتباس
  #2  
قديم 28/09/2005, 06:34 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
قلب الشلهوب أخوي ...

جميل ماكتبت .. وتنسيق رائع وممتع أخوي ...

ألف مبروك للهلال الثلاث نقاط ... وأهم شي الفوز ... مانبي نخسر نقاط بمثل هالمباريات ...

ثاني شي قمة القهر ويحق لأبو سلطان يقول هالكلام ..

لعبنو ابليسكم ساكنين الرياض ليه ... 4 ملايين نسمة على الفاضي ... قسم بالله لو اني بالرياض مافوتها

والله لو هي رديف الهلال مع فريق حواري لأحضرها ..

قسم بالله فشلتونا .. نادي الهلال يلعب أول مشواره محتاج وقفة معه ..

والله من حق أبو سلطان يقفل أبواب النادي بوجهة الجماهير .. بالتدريب وبالمباراة الرسمية ...

والله فشلتونا وربي ... أربع بطولات السنة اللي راحت ومستوى كبير وأهداف ...

بالأخير كذا ..

أنا أقول يكون فيه عضوية جماهيرية ...

ومنها يكون للعضو مميزات إضافة عن مشجع القهاوي ...

قسم بالله مالكم داعي ياللي ماحضرتوا .. وفشلتونا عند ابو سلطان

ومباراة الهلال بالقصيم لزم علي أحضرها وبتشوفون مع انها بالرس بعد بس بحضر دامني اقدر اصلها ..

ومباريات الهلال القوية بجي لها .. ولولا ظروفي والمباراة بنص الاسبوع كان حضرت

بس الله يخلف



وأشكر لاعبي الهلال بما فيهم الموري على هالانتصار ..


تحياتي لك قلب ومشكور على النقاط ..


ابوساري
اضافة رد مع اقتباس
  #3  
قديم 28/09/2005, 06:34 AM
الصورة الرمزية الخاصة بـ fo0o fo0o
زعيــم مميــز
تاريخ التسجيل: 21/05/2005
المكان: الـريـاض
مشاركات: 2,110
الله يعطيك العافيه
اضافة رد مع اقتباس
  #4  
قديم 28/09/2005, 06:45 AM
زعيــم نشيــط
تاريخ التسجيل: 10/09/2005
مشاركات: 833
ماينلام أبوسلطان
لكن ان شاء الله المباريات القادمه يزداد فيها الحضور
اضافة رد مع اقتباس
  #5  
قديم 28/09/2005, 07:32 AM
زعيــم متواصــل
تاريخ التسجيل: 02/07/2005
المكان: الشرقية البهية
مشاركات: 71
يعطيك العافية عبدالله ..



بالتوفيق للهلال ..
اضافة رد مع اقتباس
  #6  
قديم 28/09/2005, 08:25 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
ليت الميول تتبدل والجماهير تستبدل فجمهور النصر يستحق الهلال

وجمهور الهلال يستحق النصر

الله يعطيك العافيه
اضافة رد مع اقتباس
  #7  
قديم 28/09/2005, 08:39 AM
موقوف
تاريخ التسجيل: 20/02/2002
المكان: الرياض
مشاركات: 2,100
حقيقة مادري وش يبي هالجمهور عشان يحضر....َ!!!

الحمدلله انا حضلات مع 2 من اخواني... واحد في الثانوي يعني طالب...

عشان كذا لا تتعذروا بالمدراس لان المباراة تنتهي بدري 10 تقريباً...

وان شاء الله الوعد النهائي يا جمهور...
اضافة رد مع اقتباس
  #8  
قديم 28/09/2005, 08:54 AM
زعيــم مميــز
تاريخ التسجيل: 05/10/2002
المكان: الاحساء
مشاركات: 1,744
معه حق أبو سلطان يزعل....حقيقه مهيب زينه من جمهور الهلال في حق الزعيم؟؟؟
اضافة رد مع اقتباس
  #9  
قديم 28/09/2005, 09:37 AM
زعيــم متواصــل
تاريخ التسجيل: 06/12/2003
مشاركات: 73
مشكووور على المووضوع بس قبل ما تنتقدوون الحضوور ما فكرتوا في الاسباب
طبعا في رأيي المتواضع في عدم حضور الجمهور الهلالي
اولا تعتبر اول مباره في الدوري ومع فريق صاعد ولعب الهلال بالفريق الاولمبي
ثانيا ياخي انتو ما تشووفون زحمة الرياض كيف صايره يعني انا في شمال الرياض يبيلي على الاقل ساعه لين ما اصل الملعب يمدحووون ملعب الملك فهد رحمه الله وشوووله البعد
ثالثا والاهم امس مباريات دوري ابطال اوروبا يعني بالعقل اترك برشلونه واودنيزي واحضر الهلال وابها

هذي وجهه نظري الخاصه وقد اكون مخطي وشكرا مره ثااانيه.
اضافة رد مع اقتباس
  #10  
قديم 28/09/2005, 09:48 AM
زعيــم متواصــل
تاريخ التسجيل: 21/02/2002
المكان: الرياض
مشاركات: 170
اولاً : مبروك الفوز بداية موفقه ان شاء الله
ثانياً : نكون اكثر صراحة (عشم ابوسلطان على العين والراس ) هالفريق اللي قاعد يخبص .. دفاع والله مدري عنه .. المرشدي يعك والهليل يوطي في خلق الله وغيره .... لوسمحتو لي الجماهير تحضر المباريات ليش ؟؟؟؟؟
علشان تتفرج على كورة جميلة ............. قولوا ياسر ونواف والنجوم بيلعبون قدام الحزم يوم الاحد ....شوف طريق القصيم وشلون بيصير .
تحياتي...
اضافة رد مع اقتباس
  #11  
قديم 28/09/2005, 10:04 AM
الصورة الرمزية الخاصة بـ هلااالي الماااسي
زعيــم مميــز
تاريخ التسجيل: 07/08/2005
المكان: jeddah - london
مشاركات: 3,276
لاااااااااا تعليـــــــــــــــــــــــق على الحضــــــــــــــــــــور


اضافة رد مع اقتباس
  #12  
قديم 28/09/2005, 10:05 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
[align=center]يعطيك الف عافيه عبدالله

الف مبروك الثلاث نقاط
مع أن المستوى لم يكون هو المأمول ولنلتمس لهم العذر بما أنها اول مباراه....


بالنسبه للجمهور فكل الجماهير الهلاليه الي خارج الرياض عاتبه على جماهير الرياض
جمهور الرياض لايحضر الا في المباريات الكبيره او النهائيات

مع العلم في أحد المواضيع قرأت ردا لااحد الاعضاء يقول :

كيـف تطالبوننا بالحضور والاعبون هم المرشدي ومضواح والهليل

عجبــــي من هـذا الشخص الحضور لتشجيع الهلال أم لعيون لاعـب واحد فقط


أتمنى أن أرى في المباريات القادمه حضور مكثف وتفاعل مع الرابطه أكثر و أكثر...

بالنسبه للاعب مشعل الموري أتمنى أن اشاهده يشارك بمجهود أكبر

وبالتوفيـق لشباب الهــلال أمام الوحده

تقبل خالص تحياتي وتقديري
أحمـــد[/align]
اضافة رد مع اقتباس
  #13  
قديم 28/09/2005, 11:07 AM
زعيــم مميــز
تاريخ التسجيل: 18/12/2003
مشاركات: 4,531
العذر والسموحة لطلاب المدارس بس هيه ساعتين في الاسبوع مع الفريق في المدرج....

مافيه عذر لاي احد

وانا اعتب على جمهور الرياض
اضافة رد مع اقتباس
  #14  
قديم 28/09/2005, 12:05 PM
الصورة الرمزية الخاصة بـ الهلال موتي
مشرف سابق بمنتدى الجمهور الهلالي
تاريخ التسجيل: 20/08/2005
المكان: تركيا
مشاركات: 12,937
مشــــــكوووووووووور يالغـــالي ,,

وكله إلا زعل الأمير محمد
اضافة رد مع اقتباس
  #15  
قديم 28/09/2005, 12:38 PM
الصورة الرمزية الخاصة بـ كلك 9 ذوق52
زعيــم مميــز
تاريخ التسجيل: 24/04/2005
مشاركات: 6,729
الله يبارك فيك يالغالي

وبصراحة معاه حق أبو سلطان يزعل وش هالحضور من أولها

بس إن شاء الله في المباريات الجاية يكون أكثر . .

يعطيك العافية أخوي عبدالله مجهود تشكر عليه . .

وبالتوفيق للزعيم إن شاء الله . .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:04 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube