#1  
قديم 27/09/2005, 05:29 PM
زعيــم جديــد
تاريخ التسجيل: 02/07/2002
مشاركات: 17
بطاقات نادي الهـلال (( هل هي حقيقه ؟ ))

السلام عليكم و رحمة الله و بركاته ...

في البدايه أحيي أعضاء منتدى الزعيم بدون استثناء و أشكر الأخ صاحب المعرف الذي سمح لي بكتابة الموضوع بواسطة معرفه لأنني لم أتمكن من التسجيل لعدم معرفتي بالطريقه

لن أطيل عليكم و سوف أتحدث عن ما أريد و بدون لغة فصحى لـ أتمكن من التعبير عن مايدور في خاطري .....


[line]


يوم من الأيام كنت رايح أشتري أدوات ألكترونيه من مركز ألكترو على طريق الملك عبدالله و لقيت واحد من الشباب ( ماشاء الله عليه زي الورد ) جالس في محل صغير ( كشك ) تبع بطاقات نادي الهلال ....

قلت في نفسي الهلال يستاهل و ندعمه و مادام الدعوه ما تحتاج نطق مشوار لـ العريجا خلنا نشوف وش عنده !!

رحت له و سئلته و قال فيه فئات و كل وحده لها ميزه خاصه ....

و قال البطاقه الفضيه بـ 300 ريال لمدة سنه !

و قال لي مو دعم للهلال بس !! أنت راح تستفيد و راح نعطيك كوبونات مختلفه و لعدة محلات مثل (( محلات تأجير سيارات - مطاعم - مشاغل نسائيه - ورشات - محلات تلميع - ألخ ألخ ..... ))

قلت في نفسي لو أني نصراوي بـ اخذ هالبطاقه و شلون و انا هلالي ؟؟؟؟؟؟؟

قال لي المطلوب صوره لي و أجي بكره و أخذها و عطاني رقم جواله و قال اتصل قبل عشان تتأكد أنها خلصت <<<<<< أخلاق هالموووووظف

و دقيت عليه من بكره و كان وقت اذان العشاء و قلت له يمدي اجيك ؟ قال راح انتظرك عند البوابه لا تشيل هم <<<<< قايل لكم أخلاق هالموظف


أخذت البطاقه و كان معها كوبونات التخفيض و هدايا رمزيه مثل : ( كوب - ميداليه - قلم - قبعه ) و صراحه حسيت ان الهلال مهوب جايه ولا 10 ريال من هالبطاقه <<<< كان وده انه مطلع بطاقتين



مرت الأيام و يوم من الأيام كانت زوجتي فاضيه ....

شافت الكوبونات تبع المشاغل و استغربت هالعروض المجانيه ؟؟!!!


قلت لها هذا الهلال مايلعب


المدام ماصدقت خذت التلفونات و بدأت تتصل على المشاغل وحده وحده و تقول لهم أبغى أسوي ( بدكير أو منكير ) يقولون لها حاضرين (( تقول لهم بس أنا معي كوبون تبع بطاقة الهلال !!!!!

يبدأ مشروع التصريف و الكوافيره مشغوله و زحمه و مانقدر كلمي وقت ثاني !!!

هالمسلسل أستمر مع جميع المشاغل القريبه من بيتنا


و لقيتها جايه لي و مستانسه ::: افرررررح بــ بطاقه الهلال و بــ لها و اشرب مويتها


شرحت لي الي صار لها !!

استغربت و قلت يمكن مشاغل و حريم ....

توكلت على الله و مسكت لي كوبون تأجير سيارات و كوبون تلميع و غيرها و طلعت بالنتيجه التاليه ::

بعض الأرقام المسجله في الكوبونات للمحلات مالها وجود !!

رفض قاطع من المحلات أنهم يقدمون لك العرض الموجود بالكوبون !!

إجبارك على أنك تطفش منهم بطريقه غريبه جدا (( مثلا واحد من محلات الإيجار كان العرض تبعه هو إيجار سياره ليوم واحد مجانا )) طبعا دخلت عليه ولا جبت سيرة بطاقة الهلال طلبت منه إيجار سياره لـ 5 أيام و اتفقنا على السعر و بعدها طلعت بطاقة الهلال و الكوبون و قلت راح ادفع قيمة 4 ايام و الخامس مجاني !

قال لأأ لازم تاخذ شهر عشان تاخذ يوم مجاني !!!!!!!!!!!

و لمّا قلت له وشلون و انا لي حق أرفع شكوى عليكم حاول يغير الموضوع و يقول بطاقة العمل تبعك مانقبلها عندنا أصلا !!!

طيب وشلون كنت قابلها قبل وشايف كل أوراقي ؟؟؟؟؟؟؟؟



أعتذر على الموضوع المطول و لكن كل ماحصل هو تجربه شخصيه لي أنا و تعبر عن وجهة نظر خاصه فيني و ماكتبت هالكلام الا من حبي للهلال و أي شخص يبي إثبات ماعليه الا أنه يحاول يتصل بواحد من المحلات المقدمه كوبونات تخفيض أو عروض مجانيه ...


تحياتي لكم أخوكم .......

أبو سعود
اضافة رد مع اقتباس
  #2  
قديم 27/09/2005, 06:25 PM
زعيــم مميــز
تاريخ التسجيل: 17/05/2005
مشاركات: 1,972
غريبه
اضافة رد مع اقتباس
  #3  
قديم 27/09/2005, 11:02 PM
زعيــم جديــد
تاريخ التسجيل: 02/07/2002
مشاركات: 17
إقتباس
غريبه


ما الغريب الا الشيطان و انا اخووك و هذا الحاصل !
اضافة رد مع اقتباس
  #4  
قديم 27/09/2005, 11:27 PM
زعيــم نشيــط
تاريخ التسجيل: 18/09/2002
مشاركات: 961
ايضا حصل معي وانا احمل البطاقة الزرقاء
ولكن للامانه هناك بعض المحلات متقيدة بما التزمت به
وقد تحدثت مع مسئول البطاقه في الشركة المعنية بالتسويق ووعدني خير.
المطلوب مننا ان نتحدث مع مسئولي الشركه المعنية
والسلام
اضافة رد مع اقتباس
  #5  
قديم 03/10/2005, 10:57 AM
زعيــم جديــد
تاريخ التسجيل: 02/07/2002
مشاركات: 17
إقتباس
الرسالة الأصلية كتبت بواسطة للمجد بقية
ايضا حصل معي وانا احمل البطاقة الزرقاء
ولكن للامانه هناك بعض المحلات متقيدة بما التزمت به
وقد تحدثت مع مسئول البطاقه في الشركة المعنية بالتسويق ووعدني خير.
المطلوب مننا ان نتحدث مع مسئولي الشركه المعنية
والسلام


الله يعين .....

والله ما أظن راح يسوون شيء لكن نتفائل خير .....

و ياليت أخوي تكتب ارقام الشركة المعنيّه بالأمر ...
اضافة رد مع اقتباس
  #6  
قديم 03/10/2005, 11:23 AM
زعيــم نشيــط
تاريخ التسجيل: 18/09/2002
مشاركات: 961
لايحضرني الان الرقم
ولكن اتصل على شركةاوسمه واطلب المسؤل عن تسويق البطاقه وهو مصري الجنسيه وستجده متجاوب باذن الله
الرقم تجده خلف البطاقه
وان كنت في الرياض فمقر الشركه في الملز - شارع جرير
والسلام
اضافة رد مع اقتباس
  #7  
قديم 03/10/2005, 12:08 PM
زعيــم فعــال
تاريخ التسجيل: 13/10/2003
مشاركات: 295
والله ياخوي شفت واحد اسمه ايمن في اليورو مارشيه
وسوالي دعايه لين فجر راسي .. بس بيني وبينك ماكنت مقتنع بالعروض قياساً بقيمة البطاقه

يعني 300 ريال مقابل كل هالعروض الخرافيه !!!!!!!!!!!!!!!!

حسيت ان فيه شي .. وان اغلب العروض وهميه ..

الموهم انا بضيف لكم نقطه بعد

واحد من الشباب اشترى هالبطاقه .. وطبعاً هالبطاقه تخليه يدخل النادري لمدة عام ( على حسب كلامهم )
لكن اتفاجأ انه لمن راح للنادي قالوله ان البطاقه هذي مادخله الا 12 مره خلال السنه

قالهم طيب حقين الكوشك اللي اشتريت من البطاقه يقولون لمدة سنه ..
قالو ماعليك منهم ..
اذا بتدخل لمدة سنه ادفع 800 ريال

الظاهر ان النصب والتحايل صار شي عادي في هالزمن
اضافة رد مع اقتباس
  #8  
قديم 03/10/2005, 03:26 PM
زعيــم جديــد
تاريخ التسجيل: 02/07/2002
مشاركات: 17
إقتباس
الرسالة الأصلية كتبت بواسطة للمجد بقية
لايحضرني الان الرقم
ولكن اتصل على شركةاوسمه واطلب المسؤل عن تسويق البطاقه وهو مصري الجنسيه وستجده متجاوب باذن الله
الرقم تجده خلف البطاقه
وان كنت في الرياض فمقر الشركه في الملز - شارع جرير
والسلام


لقيت الرقم ...

راح نكلم وش يصير ...
اضافة رد مع اقتباس
  #9  
قديم 19/10/2005, 08:13 AM
زعيــم جديــد
تاريخ التسجيل: 02/07/2002
مشاركات: 17



للرفع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:14 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube