#1  
قديم 26/09/2005, 12:41 AM
زعيــم نشيــط
تاريخ التسجيل: 26/03/2005
مشاركات: 752
تكفى يابو سلطان ... هام جدا..تكفى .الهلال

السلام عليكم ورحمة الله

.
.
.
.
..
.
.
.
.



الى الاحبة الغيورين على الهلال وأكيد أنا من أولهم وأبو سلطان قائدهم وانتم سند الهلال


المطالبة من أبو سارة باللعب بالتشكيلة الهلالية الاساسية


وانا بعاكس أبو سارة ولا يزعل علي

رغم أني والله في بريطانيا ووقت المباراة محاضرة وادرس ماستر وتو بادي يعني الله يعينن على الدراسة بس أشوى الهلال يخفف السكر والضغط اللي يسببونه هالدكاتره


المهم


انا بقول وانتم قولوا وأبو سلطان عودنا على الصراحه وعلى التعبير الحر والديمقراطية وهو يأخذ الأفضل لكن بقول رأيي



الأول: يااخي ماوصلنا للنهائي إلا الشباب الحلوين .. ليه تحطمونهم ...


يأاخي قولوا لهم هالكلمة ( بعض الجمهور يبغى الكبار ... والبعض يبونكم وأنتم وش رايكم .... قدها ولا لأ؟؟؟؟ ) احلف بأنهم راح يقولون قدها وقدود وراح يلعبون جهد مضاعف


عكس الكبار اللي من هالحين نسبة فوزهم 80% ماادري من برنامج أس أس بي أس ولا من وين هالنسبة ولاا تزعل علينا



وبعدين ترى فشيلة لو خسروا الكبار والأهلي مقفلة معاه من الخروج يعني حطوا بوجهه الصغار وهم يعرفون له



وبعدين ماهو عيب لو حطيتوا كم لاعب من الأول يعني تحقيق أمنية ياسر باللعب


ودفاع واحد مع الهليل أو المرشدي



والاحتفاظ بالشلهوب والتمياط والغامدي بالاحتياط متى مادعت الحاجة



ويكون الصغار يلعبون بحماس لأنها بطولتهم



ومعروووف اللي مايتعب بحاجة مايقدر قيمتها ولا ثمنها ...

لكن اللي تعب فيها ولعب مع النصر مرتين ومع أبها والقادسية ... بإذن الله لاخوف عليه




وبعدين إذا بتفكرون في عدنان جستنوف والمريسيل ( فتى الهفوف وصديق بو عذاب )


بصراحه والله مايستاهلون تفكرون فيهم ترى ماعندهم ماعند جدتي


وبعدين ترى صعب تجيب الفريق الاول وتلعبه على طول نهائي صعبه والله


وتخيل وضعه لو أنهزم


وبعدين أول مباراة ... ووراه موسم وبطولات ... يعني لاتشبعونه بدري لو حققها






يابو سلطان ... اللعب بالتشكيلة حقت الأولمبي ....أرى ومن وجهة نظري الافضل مع مساندة (تفاريس أو المفرج بدلا من المرشدي أو الهليل )

وياسر بالهجوم



والاحتياط فيه نواف والشلهوب والغامدي ...ارى أنها فرصة لاتعوض




لدعم الشباب



وبعدين ياناس هذه بطولتهم هو اللي جاوا للنهائي ... صعب صعب ..تقولون لهم خلاص أنتهى دوركم ...ترى أنواع التحطيم








اجمل تحية للجميع



السرداب الكبير

من بريطانيا ..من مجانين الزعيم
اضافة رد مع اقتباس
  #2  
قديم 26/09/2005, 01:07 AM
زعيــم مميــز
تاريخ التسجيل: 15/05/2005
المكان: الشرقيه
مشاركات: 2,652
مشكوووووووووووور اخوي

والله معك حق يتعبون يتعبون وفي الاخير يقولون لهم خلاص

وانشاءالله الفريق الاولمبي فيه الخير وبأذن الله بيبيضون الوجه وهذا الي تعودنا على من شباب الزعيم
اضافة رد مع اقتباس
  #3  
قديم 26/09/2005, 01:31 AM
زعيــم نشيــط
تاريخ التسجيل: 31/08/2005
مشاركات: 965
مشكووووووووووووووووووور اخوي


وانشاءالله الفريق الاولمبي يحقق كاس الامير فيصل بن فهد
اضافة رد مع اقتباس
  #4  
قديم 26/09/2005, 01:48 AM
زعيــم مميــز
تاريخ التسجيل: 15/02/2005
المكان: الرياض
مشاركات: 1,839
والله انا لا اخفيكم انا محتاااااااااااااااااااااااااااااار وبقوه

يعني نلعب بالكبار يمكن يتحطمون الصغار لكن هذي اقيت لها حل ان الصغار مقبلين على مشاراكات قادمه وانهم يبي يلتحقون بالفريق الاول بعد كم سنه

لكن لو انهزمنا بالكبار الله لا يقوله تبي تكون فيه رده فعل قويه يمكن تلخبط اوراق الفريق في بدايه الموسم وهذي عجزت القى لها حل


لكن الفكره اللي جت في راسي وكني ثبت عليها وهي يكون فريق مختلط بين اللاعبين الاولمبيين والاساسيين
يعني الحارس جبلي
الدفاع الخثران تفاريس المرشدي العصفور
عزيز البرقان

الشلهوب سعد الذياب

العنبر ياسر القحطاني (لاننسى الثعلب لانه ورق رابحه وبقوه)

وهذا اخر حل عندي واسف على الاطاله
اضافة رد مع اقتباس
  #5  
قديم 26/09/2005, 01:56 AM
زعيــم نشيــط
تاريخ التسجيل: 26/03/2005
مشاركات: 752
هلالي شقراء : تعجبن اعجاااب شديد للغاية






------


برم القناص :

واصغر زعيم


اجمل تحية للمرور الجميل
اضافة رد مع اقتباس
  #6  
قديم 26/09/2005, 02:21 AM
زعيــم مميــز
تاريخ التسجيل: 23/10/2003
مشاركات: 1,612
[align=center]هلا اخوي ..

يا اخي تمنيت طرح وجهة نظرك بدون ذكرك لإسمي ..

المطالبة بالفريق الأساسي مو من ابو سارة لحاله .. من أغلب الاعضاء والاعلام الهلالي ..

يالغالي إذا الأولمبي راح يشاركون الله يوفقهم وحنا من خلفهم في المدرج ..

لكن نحن أمام إنجاز جديد لا يحتمل المغامرة..

ذكرت مثال في احد الشبكات الهلاليه لما ناقشني عضو هناك بنفس فكرتك ..

قلت :
لو أنت وأخوك ميكانيكيين في ورشة وحده ..

أخوك أطلق منك خبرة ومهارة ..

جته سفرة وراح ..

ومسكت الورشه انت ..

كلما جاك زبون تكفلت به ..

بالاخير جاك زبوون ( راهي ) وسيارته كشخه ومكسب للورشه ..

وفي نفس الوقت أخوك وصل من سفره ..

تغامر ؟ أو تخلي مصلحة الورشه فوق كل اعتبار وتخلي اخوك يستلمها ؟

أعتقد أن مصلحة الورشه اللي أنت فيها هي الأبدأ .. وبلاش مجاملات ;)

بس قبل لا أطلع حبيت أعلق على شيء شدني في مقالك :


إقتباس
عكس الكبار اللي من هالحين نسبة فوزهم 80% ماادري من برنامج أس أس بي أس ولا من وين هالنسبة ولاا تزعل علينا


ليش الزعل .. مافيه زعل .. بس نصيحه :

خلك في التراجيديا ترى الكوميديا مو لا يق [/align]
اضافة رد مع اقتباس
  #7  
قديم 26/09/2005, 02:28 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
خخخخخخخخخخخخخخخخخخخخخخخ
الله يرج ابليسك يبو سارة

في بداية المقال قال الأخ أنا بعاكس أبو سارة !!!!

وش السالفة يبو سارة لا تكون بطة وحنا ماندري ؟؟ ؟
اضافة رد مع اقتباس
  #8  
قديم 26/09/2005, 02:33 AM
زعيــم متواصــل
تاريخ التسجيل: 22/09/2005
مشاركات: 169
مشكووووووور اخوي على طرحك لمثل هالموضوع وان دل على شي فهو يدل على اهتمامك بالفريق وما تقصرعلى هالمبادره

وانا من وجهة نظري الفريق الاولمبي فيهم الخير والبركه

اضافة رد مع اقتباس
  #9  
قديم 26/09/2005, 02:33 AM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
ما اعتقدان الهلال بيلعب بالفريق الاساسي كامل اتوقع تفاريس والمفرج بس
اضافة رد مع اقتباس
  #10  
قديم 26/09/2005, 02:39 AM
زعيــم نشيــط
تاريخ التسجيل: 17/08/2005
المكان: البـدائـع
مشاركات: 984
إقتباس
الرسالة الأصلية كتبت بواسطة الهلالي- ابوسارة
[align=center]هلا اخوي ..

يا اخي تمنيت طرح وجهة نظرك بدون ذكرك لإسمي ..

المطالبة بالفريق الأساسي مو من ابو سارة لحاله .. من أغلب الاعضاء والاعلام الهلالي ..

يالغالي إذا الأولمبي راح يشاركون الله يوفقهم وحنا من خلفهم في المدرج ..

لكن نحن أمام إنجاز جديد لا يحتمل المغامرة..

ذكرت مثال في احد الشبكات الهلاليه لما ناقشني عضو هناك بنفس فكرتك ..

قلت :
لو أنت وأخوك ميكانيكيين في ورشة وحده ..

أخوك أطلق منك خبرة ومهارة ..

جته سفرة وراح ..

ومسكت الورشه انت ..

كلما جاك زبون تكفلت به ..

بالاخير جاك زبوون ( راهي ) وسيارته كشخه ومكسب للورشه ..

وفي نفس الوقت أخوك وصل من سفره ..

تغامر ؟ أو تخلي مصلحة الورشه فوق كل اعتبار وتخلي اخوك يستلمها ؟

أعتقد أن مصلحة الورشه اللي أنت فيها هي الأبدأ .. وبلاش مجاملات ;)

بس قبل لا أطلع حبيت أعلق على شيء شدني في مقالك :





ليش الزعل .. مافيه زعل .. بس نصيحه :

خلك في التراجيديا ترى الكوميديا مو لا يق [/align]






صــح لساااانكـ
اضافة رد مع اقتباس
  #11  
قديم 26/09/2005, 02:45 AM
زعيــم متواصــل
تاريخ التسجيل: 22/09/2005
مشاركات: 169
مشكووووووور اخوي على طرحك لمثل هالموضوع وان دل على شي فهو يدل على اهتمامك بالفريق وما تقصرعلى هالمبادره

وانا من وجهة نظري الفريق الاولمبي فيهم الخير والبركه

اضافة رد مع اقتباس
  #12  
قديم 26/09/2005, 02:54 AM
زعيــم نشيــط
تاريخ التسجيل: 26/03/2005
مشاركات: 752
شكرا للاحبة كلهم


وأخص أخوي أبو سارة



بقولك على مثال الورشة


أولا : المفروض أخوي يقول انت قدها وقدود ....ويعطيني الفرصة .... وهو يشرف ويكون قريب مني وملاحظ وِش أنا بسوي


ثانيا : أنا اتعلم واشتغل بالورشة عشان المستقبل ولا شلون كل ماجت سيارة كشخة وراعيها راهي بنحاش وأنادي أخوي ؟؟؟؟؟


ثالثا: بعيد الشر عن الهلال ولاعبيه وجمهوره لو مات أخوي وش أسوي أقفل الورشة ؟؟؟

اقصد الموت : الإرهاق اللي يصيب اللاعبين والتعب والبطاقات أو حتى المشاركة في بطولة وترك الرديف في بطولة ... لأن الهلال قدها وقدود يلعب بفريقين في نفس الوقت ولو يبون يلعب بثلاثة لعب مايقصر

رابعا والشىء الاساسي هو في مثالك الورشة ... يمكن أن تقول ان الميكانيكي الصغير اللي هو أنا يصلح السيارة الفخمة من زمان ولما وصل الى المرحلة النهائية في إصلاح هالسيارة قال أخوه المهندس الكبير بس عاد مو شغلك شغلي أنت ماتنفع هالحين ؟؟ هل راح يعرف يكمل المشوار مثل ماللي بداه هالصغير المكافح؟


الله أعلم
أما كلامك

اللعب في الفريق الأولمبي مغامرة

فأسمح لي أن اقول لك : ان اللعب في الفريق الأول مغامرة والسبب هو
1- الفريق الأول لم يلعب ولا مباراة رسمية وهل من المعقول تكون أول مباراة رسمية على الكأس
2- ماحال الفريق والجمهور في حالة الخسارة فالخسارة واردة جدا بعد خروج الاهلي
3- إذا ماخلينا الأولمبي يشوف نفسه ونفتخر فيه ونحط الثقة الحقيقية وليس فقط بالكلام الثقة

الأن مرحلة الثقة الحقيقية على الكأس وأمام الأهلي





أسمحوا لي أصبحت في وضع أهاجم اللعب بالفريق الاول
وانا لا واللي يلعب راح أصفق له وأدعمه بقلبي لكن
ودنا نفتخر بفريقنا الجديد


ليه لأ؟


تخيلوا يانس الهلال بالأولمبي يشيل الكأس



كلنا نتذكر كاس الصداقة قبل كم سنة يوم الهلال أخذها من قدام كل الفرق

ليه لأ الحين


بالتوفيق للجميع وللمشاركة
اضافة رد مع اقتباس
  #13  
قديم 26/09/2005, 02:58 AM
الصورة الرمزية الخاصة بـ التحدى
زعيــم متألــق
تاريخ التسجيل: 08/02/2005
المكان: بيتنا
مشاركات: 1,277
إقتباس
الرسالة الأصلية كتبت بواسطة هلالي شقراء
والله انا لا اخفيكم انا محتاااااااااااااااااااااااااااااار وبقوه

يعني نلعب بالكبار يمكن يتحطمون الصغار لكن هذي اقيت لها حل ان الصغار مقبلين على مشاراكات قادمه وانهم يبي يلتحقون بالفريق الاول بعد كم سنه

لكن لو انهزمنا بالكبار الله لا يقوله تبي تكون فيه رده فعل قويه يمكن تلخبط اوراق الفريق في بدايه الموسم وهذي عجزت القى لها حل


لكن الفكره اللي جت في راسي وكني ثبت عليها وهي يكون فريق مختلط بين اللاعبين الاولمبيين والاساسيين
يعني الحارس جبلي
الدفاع الخثران تفاريس المرشدي العصفور
عزيز البرقان

الشلهوب سعد الذياب

العنبر ياسر القحطاني (لاننسى الثعلب لانه ورق رابحه وبقوه)

وهذا اخر حل عندي واسف على الاطاله

اضافة رد مع اقتباس
  #14  
قديم 26/09/2005, 04:12 AM
موقوف
تاريخ التسجيل: 23/10/2003
المكان: في مرمى الخصوم
مشاركات: 1,072
إقتباس
الرسالة الأصلية كتبت بواسطة هلالي شقراء
والله انا لا اخفيكم انا محتاااااااااااااااااااااااااااااار وبقوه

يعني نلعب بالكبار يمكن يتحطمون الصغار لكن هذي اقيت لها حل ان الصغار مقبلين على مشاراكات قادمه وانهم يبي يلتحقون بالفريق الاول بعد كم سنه

لكن لو انهزمنا بالكبار الله لا يقوله تبي تكون فيه رده فعل قويه يمكن تلخبط اوراق الفريق في بدايه الموسم وهذي عجزت القى لها حل


لكن الفكره اللي جت في راسي وكني ثبت عليها وهي يكون فريق مختلط بين اللاعبين الاولمبيين والاساسيين
يعني الحارس جبلي
الدفاع الخثران تفاريس المرشدي العصفور
عزيز البرقان

الشلهوب سعد الذياب

العنبر ياسر القحطاني (لاننسى الثعلب لانه ورق رابحه وبقوه)

وهذا اخر حل عندي واسف على الاطاله

و أنا مثلك محتار
اضافة رد مع اقتباس
  #15  
قديم 26/09/2005, 09:35 AM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
اتوقع ان الهلال بيلعب بالاولمبي نفسه بدون زياده
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:48 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube