تـكفـى يابو سلطـان..ترى التـاريـخ مايـرحم !! + دردشـات سريـعــه .. - نادي الهلال السعودي - شبكة الزعيم

الهلالي- ابوسارة · #1 25/09/2005, 06:11 PM

[align=center]الهلالي ابوسارة يعود لكم من جديد..

مساء الخيرات جميعاً ..

بس وش رايكم بالعنوان؟ مو كأنه واحد مسروق حلاله وجاي (ذاب ) شماغه و ينتخي

فعلاً المووضوع عاجل وهام .. وهو بـ يد الله ثم ابو سلطان ..

بالتحديد : نهائي كأس فيصل القادم ..

---------------------------------

( النهائي المنتظر )

من يوم بدت بطولة فيصل وحنا نستمتع بأداء شباب الهلال ..

نشاهد لمحات راقيه .. وحماس منقطع النظير .. دون أي اكتراث للنتائج ..

كانت المؤشرات تقول: التأهل نصراوي أو قدساوي أو للأنصار نتيجة التكامل واللعب بالأساسي..

كان هدفنا بكل صراحه : مشاهدة فريق ونجوم واعده ..

ولكن الشباب الأزرق الواعد كسر توقعات النقاد والمتابعين بما فيهم أنا ;) ..

وطار بالبطاقة التأهيلية للنصف نهائي ..

واجه أبها .. وهو الفريق الحديث عهد بالأضواء .. فـ ألحقه بمن سبقه وطار للنهائي ..

ومن يومها .. وأنا مشغول بهذا النهائي .. ويدي على قلبي !!

سألت نفسي :

هل في لعب شبابنا للنهائي مجازفة ؟ أم استحقاق لهم و من الظلم عدم مشاركتهم فيه

..

وبعد تفكير عميق

توصلت للآتي:

الأهلي ليس كالنصر والقادسيه .. فهو أفضل نسبياً وله خبرته في النهائيات ..

ثم ان احراز اللقب لن يسمى غداً : كأس الفريق الأول أو كأس الفريق الرديف ..

إنما كأس جديد وانجاز هلالي آخر .. وزياده في عدد البطولات وإنهاك لمن يحاول اللحاق بالزعيم..

أجزم أن ابو سلطان لو سأل لعيبة الأولمبي ..

هل تودون خوض النهائي مع احتمال كبير للوصافه ..

أو مشاركة الفريق الأول المستعد في البرتغال وبالتالي احتمال كبير للظفر باللقب ..

أجزم أن اجابتهم ستكون: الهلال أولاً .. والكأس هي المطلب .. واسعاد الجماهير التي سيكتظ بها الملز..

يالربع تكفون لا ينط لي أحد ثم يتفلسف ويتفذلك ويقول:

ماعندك ثقة فيهم ! تحطمهم !! الأهلي نهزمه بالرديف حاله حال غيره !!

يا جماعة الخير .. نحن على أعتاب بطولة جديده فلا داعي للمغامرة ..

النهائي جاء بفضل الله ثم بمجهوداتهم .. مشكورين أن أوصلونا لهذه المرحله ..

ثم أنهم سيلعبون أول جولتين بالدوري ..

وكما قلت الأهلي ليس كالنصر بصراحه .. ثم ان خبرة النهائيات لم توجد بعد لدى رديفنا الشاب ..

شخصياً.. لو لعب الأولمبي في النهائي أتوقع الخسارة بنسبة 80 %

ولو لعب الفريق الأساسي فأتوقع اللقب بحول الله هلالي بنسبة 80 % ;)

سمو الأمير..

لو كان الأمر تكتيكي لما طالبناك بالتدخل ومشاركة الأساسيين لأننا ندرك أن التدخل في عمل المدرب سقطه اداريه.

لكن الأمر اختياري.. بين الأساسي والرديف .. ونحن من يقرر لأننا بصراحه:

اشتقنا للزعيم الأساسي ولا هو قصور في الأولمبي .

نتمنى مشاهدة الشلهوب وتفاريس والقناص في أول ظهور ..

نتمنى أن تكون عيدية مقدمه لنا ..

وأعيد وأكرر .. الفريق الأولمبي والأساسي.. هم فقط لخدمة الهلال ولا فرق بينهم

-------------------------

اللي ماتهمه البطولة يقرأ هـ الفقرة:

كتب علي حمدان النصراوي المتعصب قبل اسبوعين:

" سيتأهل الهلال والأهلي للنهائي..ثم كالعاده سيفوز الهلال .. السؤال:

هل ذهب الأهلي الذي كان يهزم الهلال في النهائيات بين جمهوره "

وكتب اليوم:

" الخروج الآسيوي يااهلاويين لن يداويه سوى التتويج ثالث رمضان "

وكتب صاحب الصوت الرقيق والاتصال المدفوع خلود الشعلان:

" متى يتخلص المشعل من بروده,, وكذلك الأهلي.. عليهم أن يدركوا أن أمامهم نهائي متعطشه له

جماهيرهم الصابره "

وكتب عين البقر لا فظ فوه وخلف الله على امه وابوه

:

" ليس الخروج من آسيا ياادارة الأهلي نهاية المطاف.. ففي رمضان دواء العله وانجاز تستحقونه "

كما شخص الأوزبكي عدنان جستنوف

وضع الأهلي وتكفل لهم جزاه الله خير بالحلول للخروج

من كبوة آسيا سريعاً قبل النهائي الموعود ..

أرأيتم هذا الاعلام المتربص !!

يتباكى على الأهلي على طريقة: ليس حباً في زيد ولكن كرهاً في عمرو !!

أرأيت يا ابو سلطان .. نحن في فوهة مدفع.. إما الشماته بنا أو أن نزيدهم غيظأ وكبتاً ..

لا أحد ينط لي ثانيه ترى ادري فيكم

ويقول:

مو همنا الاعلام .. خلهم يحكون القافلة تسير وماني عارف ايش..

ايه يالغالي .. القافلة تسير لكن لا صار قدامنا فرصة ( نغلهم ) ونزيدهم.. نزيدهم ليش لأ ---> أقشر

أبو سلطان:

لم يأتي رئيس محلي ولا حتى عربي .. ويحقق خمس انجازات متتاليه ..

ولو لم يكن بوخارست الروماني حقق 14 لقب متتالي لكان أنجازك عالمياً وليس عربياً..

لكن حسبنا الله على بوخارست

ابو سلطان أنت أمام انجاز تستحقه.. عمل تعبت عليه ومن حقك تنال حصده ..

البناء وتحق والله الحمد .. وقطف الثمار لا يجيده الا الفريق الأساسي الخبير والمتمرس ;)

______________________

( هلاليات ابو سارة )

** ثارت ثائرة اخواننا الأهلاويين عندما تم تثبيت موضوع في منتداهم يقول:

النهائي يوم ثلاثة رمضان في الرياض ..

جعلوا منا الفتى المدلل للاتحاد السعودي..والابن الغير شرعي له !!

جعلوا منا آفة الكرة السعوديه.. وأصحاب الخش والدس من تحت الطاولات !!

هنا لا بد من لفت نظرهم الى أن راعي المباراة الله لايهينكم هو من يحدد مكانها ..

1416 جينا عندكم في نهائي الدوري دون مايشارونا أحد ولا قلنا شيء ..

آخر نهائي جمعنا بكم على نفس هذه البطوله قبل اربع سنين كان في أرضكم بدون قرعه!!

وأغلب نهائيات الكرة السعوديه تقام في جده الا ما ندر ..

هدوا اللعب وادرسوا التاريخ زين ... أو جيدين بس في درس الأناشيد

** خرج الاتفاق باكراً من الخليجيه.. والنصر تمرمط في العربيه من بدري ..

هذا وهم ما خذوا بطولات .. بينما مكتسح البطولات الموسم الماضي تنتظره مشاركه خارجيه يتيمه!!

ويقولون : الهلال ابن الاتحاد السعودي المدلل

عجبي !!

** قال لي احد الزملاء: ما دريتا

؟ قلت: what ?

قال: سامي ماراح يشارك هالموسم إلا ما ندر ..

قلت : أجل ارتاحوا اللي في بالي ----> ترى ما أقصد باسم و تكر

** كم أتمنى أن يقرر ابو سلطان مشاركة الاساسي في قمة رمضان ..

كم أتمنى أن يقتنع بهذا الطرح الذي أعتقد أنه يمثل رأي الاغلبيه ..

فكما أعرف انه متابع ممتاز للمنتديات الهلاليه ..

وما شهادته العام الماضي لكتاباتي إلا دليل على متابعته الدقيقه للمواضيع والمنتدى ..

حتى لو كان الموضوع ( متلحط ) تحت ولا ( شم ) التثبيت ---> ما أدق يازعيم واشنطن انت وربعك

** المراسل الخنشليلي في جريدة الخرط الفاضي جريدة الرياضي عبدالعزيز المريسل النصراوي :

ينطبق عليه ماينطبق على ابو سلطان ( مع فارق التوقيت

).. فهو متابع للمنتدى الهلالي بقوة..

فما إن تطرح ادارة الأخبار انجاز أو سبق هلالي إلا ويسارع لتكذيبه بالصور الضوئيه

مع أن حجته واهية .. وأدلته الضوئيه مو واضحه بس اسم انها دليل

كم أتمنى أن يكون قرأ موضوع اخونا الغريب : (حجة الجهلاء) واشوف رده

ياحليله فتى خنشليله توهق

** المجستك عدنان جسجس آل جستينه قال:

كأس فيصل تنشيطيه .. ثم قال : الهلال زعيم هالبطولة .. ومارفع عدد بطولاته الا هي ..

قلت: عيرتني بالشيب وهو وقار ## ليتها عيرتني بما هو عار !!

(( مدري استشهادي بهالبيت صحيح يا أهل اللغه او جبت العيد

)

** تخيلوا.. اقول بس تخيلوا..

أول ظهور للقناص مع الهلال بطولة !! بحول الله طبعاً ..

ياوالله اللي انفقعت مرارتك يابو عباية مخصرة أنت وحاشيتك

** أحد زملائي الاتحاديين شفاه الله اتصل بي وقال:

شفت السباعيه؟ قلت: لا وش سباعيته ؟ قال: اللي في مرمى شاندوغ الصيني ..

قلت : لا والله ما شفتها.. بس بأسألك وش هالبطولة؟ قال: آسيا ..

قلت: الهلال فيها؟ قال: لا ..

قلت: أجل خلوه يتهنى بأفراحه . من زمان ماداوى جراحه

اذا غاب اللي ما ادري وش اسمه.. فـ ألعب ياللي مدري وش اسمك

زعل مني هالصديق وصار يرسل ولا عشرين رساله تحدي ويتوعد ..

استفزني برساله قال فيها :

" سباعية نارية اتحاديه تقض مضجع الهلاليين وأولهم الغالي علينا ابو ساارة "

قلت: مادرينا عنكم

وأهديته هالأبيات :

يقول اللي تولع في هلاله .. ابو سارة وفي قوله عداله

ترى من حاور العالم تعلم .. وم حاور - خبل - زاده جهاله

( ثم كم بيت مشفر لو ذكرتهم انطردت من النت كله مو المنتدى

)

إلى أن قلت ..

نسيتوا يوم يرفسكم كماتشو .. بكيتوا وحالكم في شر حاله

نسيتوا يوم الازرق خاض فيكم.. ترى ذيك الرباعية دلاله

ولكن دام الازرق في اوروبا .. فـ غنوا: هذا الإتي ياجماله

الى غاب القطو فالعب ياجرذي..اشوف الجرذي بالساحه لحاله

مصير الموج الازرق يلتقيكم.. ويكسركم مثل كسر البياله

مصير الذيب سامي يفترسكم..مصير الذيب (تمحطكم) نعاله

إلى آخرها وزي ماقلت لكم نصفها مشفر

ومازلت بإنتظار الرد الذي لا أظنه سيأتي

__________________

قفلة المقال همسة رومانسيه حزينه:

محشش يكلم نفسه.. هو ضفدع بالبانيو

لا لا .. امممم أرنب بالسطل

لا لا

مالي إلا اتصل بالدكتور ..

- ألو .. دكتور وش قلت اسم المرض اللي معي..

قال الدكتور.. يوووه هذي عاشر مرة تسألني.. ياخي قلت لك.. سرطان بالحوض ---> اعنبوا من علمك الرومنسيه

ادري طولت.. السموحه وهذي ضغطه على نشر الموضوع ارتاحوا

[/align]

الفرفور الهلالي · #2 25/09/2005, 06:19 PM

هلا ابو ساره وكلامك عين الصواااب وانا مبسوط اني اول واحد يرد عليك

سـامـي والباقي أسامي · #3 25/09/2005, 06:24 PM

هلا أبو ساره كلام جميل جدا وأنا مستانس أني ثاني واحد يرد عليك

أخوك
سامي والباقي أسامي

الهلالي النايم · #4 25/09/2005, 06:29 PM

صح يبو ساره كلامك صح 100 % لان هذي بطوله للهلال وحنا نبي نسوي زي الموسم اللي راح باذن الله

اخوك الهلالي النايم

وانا مبسوط اني ثالث واحد يرد عليك

eimar · #5 25/09/2005, 06:33 PM

ماقصرت ابو ساره ويعطيك العافيه

الهلالي- ابوسارة · #6 25/09/2005, 06:34 PM

وانا مبسوط اني رابع واحد يرد علي

..

وش السالفه طابوور هو

مليون فهد · #7 25/09/2005, 06:38 PM

مشكوووووووووور على الموضوع الرائع ويعطيك العافية

الياس وبس · #8 25/09/2005, 06:41 PM

كلام في محله يا ابو ساره

وأنامبسوط لأني خامي واحد ر عليك

;)

هلالي إلى الموت · #9 25/09/2005, 06:41 PM

إقتباس


	بس وش رايكم بالعنوان؟ مو كأنه واحد مسروق حلاله وجاي (ذاب ) شماغه و ينتخي

الا كانه من اللي يبيعون جح

إقتباس


	كما شخص الأوزبكي عدنان جستنوف

والله انك فلة يابو سارة

إقتباس


	قلت : أجل ارتاحوا اللي في بالي ----> ترى ما أقصد باسم و تكر

لا ابد منتب لمهم بعد تقصد هادي شريفي بس

إقتباس


	حتى لو كان الموضوع ( متلحط ) تحت ولا ( شم ) التثبيت ---> ما أدق يازعيم واشنطن انت وربعك

يارجال خل عنك السياسة بس

إقتباس


	قلت: عيرتني بالشيب وهو وقار ## ليتها عيرتني بما هو عار !! (( مدري استشهادي بهالبيت صحيح يا أهل اللغه او جبت العيد )

اي بالله جبت اليوم الوطني بكبره بعد

بس دامها منك فهي

إقتباس


	يقول اللي تولع في هلاله .. ابو سارة وفي قوله عداله ترى من حاور العالم تعلم .. وم حاور - خبل - زاده جهاله ( ثم كم بيت مشفر لو ذكرتهم انطردت من النت كله مو المنتدى

لا بالله لاتكمل كم هلالي ابو سارة عندنا؟

إقتباس


	نسيتوا يوم يرفسكم كماتشو .. بكيتوا وحالكم في شر حاله نسيتوا يوم الازرق خاض فيكم.. ترى ذيك الرباعية دلاله ولكن دام الازرق في اوروبا .. فـ غنوا: هذا الإتي ياجماله الى غاب القطو فالعب ياجرذي..اشوف الجرذي بالساحه لحاله مصير الموج الازرق يلتقيكم.. ويكسركم مثل كسر البياله مصير الذيب سامي يفترسكم..مصير الذيب (تمحطكم) نعاله

اما آخر بيت تحفة

إقتباس


	إلى آخرها وزي ماقلت لكم نصفها مشفر ومازلت بإنتظار الرد الذي لا أظنه سيأتي

اذا جاب النصر بطولة ذاك الوقت يجي الرد

لاهنت يابو سارة وسعت صدورنا كالعادة

آه بس لو يتفعل اشتراكي(زعيـم هلالـي) مهوب خويي اللي مستغلني رد باسمي يبي زيادة مشاركات بس

بس مدري انا محتار حول الفريق اللي ضد الاهلي ولو اني اميل للاولمبي علشان يحتكون بالخبرة<<< يازينك ساكت بس

الله لايحرمنا منك يابو سارة

هلالي ثنيان · #10 25/09/2005, 06:46 PM

[align=center]الـلـه يـعطـيـك الـعـافـيـة أخـوي ابـو سـارة دائـمـاً مـبـدع وكـلامـك عـيـن الـصـواب وحـنا نـبـي نـسـتأنـس[/align]
[align=center] بـبـطـولـة بـرمـضـان عـلـشـان تـصـيـر الـفـرحـة فـرحـتـيـن فـرحـة بـرمـضان وفـرـحة[/align]
[align=center]

بـالـبـطـولـة

[/align]

احب9 · #11 25/09/2005, 06:53 PM

مبدع وكلمه مبدع قليله في حقك

انا معك ان الهلال يلعب بالفريق الاساسي في النهائي

أبولافي الهلالي · #12 25/09/2005, 06:55 PM

[align=center]

حجز فاخر في الصفحه الأولى ...

كنك رحلة لماليزيــاا ... الحجــز بالصفحه الأولى عندك صعبــ ..

الله بالخيــر أبو سارهـ هـ هـ ... بداية ...

لننطلقـ لمناقشة الموضوعـ ..

هل في لعب شبابنا للنهائي مجازفة ؟ أم استحقاق لهم و من الظلم عدم مشاركتهم فيه ..

رأيكـ .. كان عقلانيـ وجميــل الى درجه بعيدهـ ..

وأنا علقت معي نسبه 80 % .. واتمنى يكون بعد الاساسي في ذيك المباراة 80 % ..

و20 % من الاولمبي .. ولا ننسى شي مهم ..

ان بعض اللاعبين الي شاركوا مع الاولمبي يعدون من الفريق الأول فمشاركتهم ستكون من باب أولى .. وبالتالي نكون استفدنا شيئين

اللاعبـ تعبـ في كامل البطوله ويستحق التواجد بالنهائي ..

اللاعبـ هو اصلا من سيشارك مع الكبار بعد جولتينـ ...

فمثلا ... العنبر .. والصويلح ... والعصفور .. وعزيز ..والبرقانـ .... هؤلاء من باب أولى مشاركتهم ..

ولو أني اشوف علي جبلي يستحق أن يكون اساسي بالمباراة النهائيه .. ليس تكريم فقط وانما لانه فعلا ملاء خانته بكل اقتدار ... (( خاصه في غيابـ الدعيع ..)) ..

علي جبلي .. تفاريس .. المفرج .. الخثران .. العصفور .. عزيز .. البرقان .. الشلهوب .. كماتشو ..التمياط .. العنبر ( أو الصويلح ) ... ياسر .. أعتقد هي التشكيله الاقربـ والاوفر حظا لدى جماهير الأزرقـ .. ( رأي خااآآآص ) .. ;)

بنسبه لمقالاتـ المتعصبين ضد أي شي أزرق ..
المثل الذي تم تزعيمـــه يقــول ::

(( القافلة تسير .. والبطولاتـ تاتي .. وسامي يرفع الكؤؤس .. والباقيـ اما متفرج أو ينبحـ )) ..

** ثارت ثائرة اخواننا الأهلاويين عندما تم تثبيت موضوع في منتداهم يقول:

النهائي يوم ثلاثة رمضان في الرياض ..

جعلوا منا الفتى المدلل للاتحاد السعودي..والابن الغير شرعي له !!

حتى لو كان بعض أخواننا في منتدى الاخضر الاهلاوي سقطوا في مصيده الاعلام الموجه ضد الازرق فنحن لن نكمل الدورة ونبدا بالغلط لان هذا ما يريده اعلام جوستنوف ;)

والرد الوحيد هو ما قلته انت .
ارجعوا للتاريخ لتجدوا اننا في حقبة من الزمن قد تم برمجتنا دائما أن النهائي في جدهـ .. ولا نسيتوا نهائي(( الهلال )) و(( ابراهيم العمر + النصر )) .. كل الفريقين من الرياض والمباراه النهائيه في جدهـ ;)

** خرج الاتفاق باكراً من الخليجيه.. والنصر تمرمط في العربيه من بدري .. ..

يبقى الهلال دائما هو الوحيد الذي يجيد رفع رؤؤسنا دائمــااا آآآ ..

يقولون أجل الهلال فتى الاتحاد السعودي المدلل ..

والدليل ان لاعبينه اليوم يشطبون وبكره يلعبون ... ;) ;)

** قال لي احد الزملاء: ما دريتا ؟ قلت: what ?

قال: سامي ماراح يشارك هالموسم إلا ما ندر ..

قلت : أجل ارتاحوا اللي في بالي ----> ترى ما أقصد باسم و تكر

هدفـ قفز الحواجز لا زال في دور العرض في مخيلة باسم كلما نامـ

صح لسانك على الأبياتــ ...

دمت بخيـر دمت هلالي ..

أخوك أبولافــي ...[/align]

النــواف · #13 25/09/2005, 07:05 PM

[align=center]

هلا ابو ساره

اسعد الله ايامك يالغالي

شف من ناحية المبدأ المفروض يشارك الاولمبي لانه هو اللي وصل للنهائي

يعني تخيّل نفسك مكان المرشدي ولا الفرج وبعد هالكرف ماتلعب على النهائي

اللي يعتبر ثمرة المجهود اللي بُذل في كل المباريات

يعني بتكون صعبه على النفس

لكن لما تفكر من ناحية اضافة بطوله جديده لسجل البطولات

والمباراة بالرياض وتتوقع حضور جماهيري كبير واحتفال جماهيري

وسهره خياليه ونحمد الله جت على مانتمنى ومبطي ماشفنا الفريق الاول

تقول الفريق الاول يلعب

وانا اجزم ان مااحد كثري مشتاق يشوف نواف

داري اني ماافدتك برأي بخصوص من يلعب او ناقشتك برايك

بس هذا اللي يدور براسي

نقطه اخيره انا ضد مسألة تطعيم الاولمبي بلاعبين من الاول

في حال لاسمح الله خسر الفريق راح يُقال ليش مالعب كل الفريق الاول

او ليش ماخليتوا الاولمبي يلعبون

والله يوفق اي فريق يشارك [/align]

يا مقطعهم ياهلال · #14 25/09/2005, 07:18 PM

كلامك عين الصواب وصحيح 100 %

الهلالي- ابوسارة · #15 25/09/2005, 07:21 PM

[align=center]هلالي الى الموت ..

ان شالله يتم تفعيل اشتراكك قريباً وتفتك من سالفة السلف

قل آمين ان الله يضحك سنك الطاحونة ذاك اللي متعلق في فكك الأيسر قبل الحلق

اتمنى من جد تواصلك لأنك ظريف وردك لذيذ وانا حبيتك-----> لاتذب الرقم

_________________

عاشق الهلال ومنال ..

هلا بالغالي ..

كل رد لك تلمح انك بتسكر النت وتجي بعدالصلاة..

بديت أشك انك في مقهى

وكل شوي طردي وراك الهنوود: صلاة صلاة

انتظرك ;)

_____________

نواف ..

هلا بك .. تصدق مدري وش أقولك .. لحست مخي ..

وأقنعتني من الجهتين

لكنك قلت أهم نقطه : نعم ضد تطعيم الأولمبي بالخبرة ..

يا الرديف لحاله ---> عشان لو فاز مكسبين..وان خسر قلة خبرة ..

أو الأساسي بكبره وهذا غاية ماأتمنى ان تدخلني ربي الجنه

----> متأثر بقناة المجد

[/align]