طلعت لومينا 2005 ال اس بنظام التأجير المنتهي بالتمليك واستخدمتها لمده خمس اشهر وجيت ابرجعها لهم قالو لي لازم تدفع 19 الف ريال ونفسخ العقد بيننا وبينك وترجع السياره بصراحه المبلغ كبير ولا اقدر ادفعه ولا اقدر اخلي السياره معي لان قسطها 1800 ريال يعتبر كبير ولا عندي القدره اني اكمل الاقساط

وش العمل ؟؟ وشلون اتخلص من المأزق هذا مع العلم ان السياره جديده وحالتها ممتازه
لاتبخلون علي بالله بالرأي والمشوره وجزاكم الله خير

اللة يهديك يابدر وليش تاخذها مادام انك تبي ترجعها واللة ماعندي خلفية عن قوانيين التاجير والتمليك والاقساط واي خدمة و مساعدة على الخاص

تقدر تبيعها بالمعارض وتنقل اوراقهـا بأسم المشتري الجديد وبكذا يكمل هو اقساطها او يعطيك قيمة السيارة كاملة وانت تكمل أقساطها وبعد التمليك تنقل السياره بأسمه .. بس رأيي انك تبيعها على واحد يكمل اقساطهـا واذا تبي خدمه الخـاص موجود اخوي بدر .. الله يكون في عونك

الله يكون في عــــــــــــــونك والله انا اضم صوتي لأخوي عاشق ابو بندر


الله يعينك

تحياتي

عـــــاشق أبو بندر أعتقد أنه ما قصـــر

والله يكون في عونك فعلاً ..

مشكورين ياجماعه على التفاعل بس تدرون كم يبون اذا جيت اباخذها كاش يبون 65 الف واتوقع ان قيمتها بالمعارض ماراح تطلع عن 50 الف وعلى العموم مالي الا ادور احد ياخذها ويكمل اقساطها