الفرق بين...شارع البطحاء وشارع الشانزلزيه! هلاااااا وغلاااااااا ومسهلااااااا ومعط هلااااااا وتقطيع هلااااااا ومناظر هلااااااا ان صنته صانك وان خنته هانك ولا يحبه الا عيالك . فما هو هههههههههههه تراي اليوم رااااايق . رايق والا الفاهي .هييييييييييي دوك عيونهم صارت تقل بوادي وش دعوى تطيرون عيونكم. هي انت ياعاشق ارفق على رمشك لا يتقطع ترى الهيبة من الله مهب بقوت تطيير العيون . طيب الفرق هو : ان شارع الشانز مليان توبيسات خط البلدة بينما شارع البطحاء يونايتد يكتظ بالقطارات الكهربائية . ان العمالة الباكستانية في شارع الشانز لابسة لبسهم المعروف (الخلق) وريحتهم تجدع الطير بينما في شارع البطحاء يلبسون الجنز . ان شارع الشانز اغلى ساعة فيه بـ30 ريال بينما في شارع البطحاء سعر ارخص ساعة بـ30 الف دولار ان جميع العمالة التي في شارع الشانز ليس لديها جواز (متخلفين ) بينما في البطحاء كلهم يحملون جوازات نظامية ان شارع البطحاء مأوى للسياح بينما شارع الشانز مأوى للمتخلفين ان اجدد عمارة في شارع الشانز لها اكثر من ثلاثين سنه بينما اجدد عمارة في شارع البطحاء لها اقل من ثلاثين يوما ان شارع البطحاء يتميز بالمحلات التجارية الضخمة بينما في شارع الشانز محلات خردوات ووصاخة ان شارع البطحاء لمسة حضارية رائعة بينما شارع الشانز (الله بالخير) ان شارع البطحاء فخر للرياض بينما شارع الشانز عار على باريس ان وان وان وان وان لا استطيع ان اذكرها كلها ولكن هذا مااستطعت ان اجمعه عن شارع البطحاء واحتفظ بالباقي احتراما لمشاعر الفرنسيين . وشكرا لكم ولشارع البطحاء . |
ان شارع الشانز فيه كوبري الى بفيت تديور يبيلك تروق زي منت عليه الحين بينما شارع البطحاء اتمرجح من كثر الدوارات اللي فيه يقولون ان بالبطحاء ديسكو تحت الارض كله فرنسيات |
شارع البطاحاء ماتشوف الا ( شيف) مثلك وشرواك بينماء الشانزليزيه كله وجيه سفره :rolleyes: |
صدقت والله ياعاشق البطحاء مافيه الا شيف امثالك؟؟؟ :D على بالك جبت شي جديد؟؟؟؟ خلني اذكرهم بصورتك http://www.tasalinet.com/images/comment3.jpg :D |
موضوعك غايه في الجمال ورهيب وأتمنا لك التقدم |
أيضا..... أن شارع البطحاء مليان بنات نطل على مد النظر وشارع الشانزيليزيه مليان هنود ويمنى..... أن اللي ورا عماير الراجحي في البطحاء كلهم فرنسيين بينما اللي في عماير الشانزيليزيه كلهم فلبينيين..... =========================== هل أنت اللي كاتب قصه بيزا أم الفتى الذهبي (ملخبطين بينكم) المهم كانه أنت عجل علينا بالجزء الثالث..... ...........وشكرا |
مخاوي نجد ذبحتوني بلخبطتكم:D انا اللي حطيتها |
الفرق بعد إن العساكر في الشانزليه مايصدقون تسوي شي الا وهم صاكينك مخالفة ... أما في البطحاء ماتلقى منهم الا الابتسامة وما أحد يدقق ... بعدين الشانزله ورا شارع الغرابي ... أما البطحاء ما عندهم أحد يظلل .. |
الحين اللي يقول يوميا في الشانزليزيه |
=========== لالالالالالالالا في الشانزليزيه....انواع الوساخه اللي يتفل واللي يرجم وساخته... . وفي البطحاء الكل نظيف يرجمون اللي يبون في الزبايل..مافيه سعابيل ماليه الشوارع...ريييييييييحه تهبل بالمره... مو مثل الشانزليزيه الحمدلله رب العاااااااااااالمين منتب صاحين تقارنون بطحانا في شانزليزيتهم :D :D .. ================================================== |
أخ يالفتى هاهاهاهاهاها :- ضحكت من قلبي لصورة العاشق وتوه فرخ ؟؟؟ بس هذي روعة :- ان شارع البطحاء لمسة حضارية رائعة بينما شارع الشانز (الله بالخير) ان شارع البطحاء فخر للرياض بينما شارع الشانز عار على باريس تكفى يالفتى الرائع .........ممكن صورة ...للفيلسوف ( العاشق ) وهو توه متخرج من الثانوية:p أكيد أنها روعة ......وبعد لو ثقلت عليك ...وهو توه مستلم الوظيفة :D روحك مرحة ...... يعني 10 /10 لاتخليني أرسبك ......وتجامل ... أبو نمر:cool: |
الوقت المعتمد في المنتدى بتوقيت جرينتش +3.
الوقت الان » 05:41 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd