مــســاعــده عــاجــلــه بــخــصـــوص الــنــهــائــي الــمــنـتـظــر ... - نادي الهلال السعودي - شبكة الزعيم

عــشــق الــكــتــابـه · #1 26/09/2005, 09:58 AM

[align=center]الــســـلام عـلــيــكم

حـيــالله كـلـن بأسمــه

....

ندخل في الموضوع

ومع اقتراب موعد المباراه والكل ينتظر ان يقول الهلال كلمتة فيها

لنا مع الذهب والانجاز موعـد

زي ما انتوا عارفين

ان النهائي بيحظره الآف الجماهير من الفريقين

والكل راح يكون في الموعد يوم 3 رمضان

طبعاً بعد ما نعبي البطن من الفطور والله الله بالفمتو

<=== ياحبه للفمتو

على العموم

حنا اهل الشرقيه يمكن بيكون صعبه علينا نمشي بعد الفطور .. يمكن مايمدينا نوصل و نحجز اماكن

زي ما انتوا عارفين ان كل واحد بيدخل الملعب بيحجز جنبه عشر اماكن

وفي الاخير ربعه اللي بيجون للملعب اثنين

ولا يهون اللي كان جنبنا في المباراه النهائيه العام الماضي

مسوي فيها قوي

المهم ماعلينا

انا ان شاء الله جاي للرياض ومعـي 3 يعني حنا اربعه

بالرياضيات 3 + 1 <== اللي هو انا

= 4

جبت شي جديد

بس للأسف اني ما اعرف مكان ملعب الامير فيصل

لأنه في وسط البلد وانا مااعرف في الرياض كثير

حدي الاستاد و محل المنتدي اللي جنبه وامسك خط الرجعه

فـ الله لايهينكم ابي مساعده منكم

سواءاً من المشرفين الافاضل او من الاعضاء

عاشق ابو بندر و الداوود والغريب و معذبهم ومنادي وزعيم دي سي

اتمنى انكم ماتقصرون معي ولا تنسون ان حنا بنجي على شان نآزر هلالنا وبنمشي يمكن اربع ساعات في الطريق :sad:

ولا يهونون الاخوان الاعضاء

اتمنى تشوفون الطريقه الافضل انكم توصلوني للملعب .. ترا هالمباراه فيها حياه او موت بالنسبه لي

وعشاكم علي في المنتدي اللي جنب الاستاد

علماً اني مااعرف كثير في الرياض وماودي اضيع فيها

زي واحد من الشباب راح الرياض الى بيت عمه يوم دخل الرياض ماشاف نفسه الا في القصيم

ماودي اضيع و اوصل نجران الله لايهينكم

واللي يبي يساعدني جزاه الله الف خير

وعمري ماراح انسى له هالمعروف

وياليت المشرفين يثبتون الموضوع <=== ماهوب شايف احد

ولكم كل الشكر والتقدير

اخـــــــــــوكم

عــشــق الــكــتــابــه[/align]