معـــاناة العنــــــــــــا - نادي الهلال السعودي - شبكة الزعيم

العنـا · #1 15/09/2005, 08:33 PM

[align=center]السلام عليكم

احلى منتدى مييييييييين؟ منتدانا

احلى اعضاء مييييييييين؟ انتم ;)
8
8
8
8
احرجكم ابيكم تردون

واذا جينا للجد غمرتوني بلطفكم واحرجتوني بطيبكم من اول مشاركه الله لا يحرمني منكم

برايفت الكنز وكيفي
شرايكم فيني

بس ارد

هذه مشاركه جديده اتمنى تعجبكم

عشنا الفرح والسعاده والافراح والحبور
انت جنه الدنيا وانت حوريه من الحور
يا زين دنياي بك يا احلى ملاك من نور
شلنا همنا والكدر ونسامح والكل معذور
غيابك يضايقني اصير مثل طفل مذعور
واتخيل صوتك يا حلو صوتك المغرور
واتذكر كلامك يسلي خاطري المكسور
هذي هي الدنيا ياعمري غياب وحضور

نسيتي يوم كنا نملا كل المكان بضحكنا
نسيتي يوم كان هم عيونهم بس تلاحقنا
نسيتي قولتك : هم ما لهم شغل الا احنا؟
نسيتي كبتك لكاس القهوه على ملابسنا
سقى الله أيام وليالي كثر ما هي جمعتنا
كان يمر الوقت فيها مثل البرق يسرقنا
تواعدنا ما نفترق وعلى العهد ماحافظنا
ماخبرت عشر اطول من وحده بحسبتنا

عشر سنين عشناها لحظه بلحظه!
يااااه ذيك البنت يا قو باسها! المعاند طبعها وما يلين ابد راسها! كل هذا يخبي وراه احساسها! وش كثر هو مرهف احساسها! كانت تقول مني بيطلع الشيب براسها! شعرها كنه الليل وتحرقني انفاسها! شيبت انا وذقت الموت ما شاب راسها! قلبها الطيب سر اسرارها! واخلاقها تتعبني تتعبني اخلاقها!
من عرفها اكيد عنت له ويتعنى لها! تاسرك ما بيدك شي ويتمثل لك دوم سرابها! لو خوالها عاشوا الدهر مع عمامها! ما جابوا من بالحلا له عشر اعشارها! مثلها لو تامر الكل يقول حنا لها! من شافها يحق له لو كل البنات بعدها عافها!

تذكرين يا بنت وعدك لي والقمر شاهد في ليله اكتمل فيها وكان يشبهك؟ تذكرين يومها قلت يا حظ القمر اليوم يشبهك ! بس القمر ما في غيره مره وحده في كل شهر يشبهك!

لو سالت القمر وجاوبني! ترجعين؟
لو قال القمر اني صادق ما كذبت! تجين؟
بس قولي لي انت لما انادي تسمعين؟

وانت يا قمر تذكر!

تذكر جلستنا يوم كانت بجنبي؟
تذكر يوم خذتنا السوالف ويدها بيدي؟
تذكر يوم ( سرقت ) مني سبحتي؟
تذكر عطرها؟ اغفي وافوق وانتشي؟
تذكر صوتها ؟ همسها ؟ سحر ماينتهي؟
تذكر جمر شفاياها؟ كان ابد ما ينطفي؟
تذكر يوم ودعتني وشيعتها بدمعتي؟

تمنيت وقتها لو تلتفت لحظه يمي! امتع عيوني ومن الحلا ارتوي! ذبحها الغلا تدري ابيها تلتفت وما تبي تحقق رغبتي!
هي بس ابعدت وقتها فقدت سبحتي! دورتها وفجاه تذكرت! وبلمح البصر التفت! الا ليتني ما التفت!
شفت الموت يوم شفت بركن فمها بسمتها! ما كان شي بالكون اعطيها ويرضيها! كانت تدور اتفه اشياء استخدمها وتاخذها!

ادري ماني قد التحدي! انا مو اني من البدايه ما انتبهت! انا منتبه بس اهم من سبحتي قلبي! ما رجعت لا بقلبي ولا بسبحتي!

وش كثر كانت دمعتها تعذبني! مو المشكله انها تبكي؟ المشكله اللؤلؤ اللي نخسره على خدها يمشي!
وش كثر كانت ضحكتها تونسني! انسى العالم والنشوه بدمي تسري! يا حلو ابتسامتها عذبه تجنني!
السؤال اللي دوم يؤرقني؟ كل عاشق يشوف محبوبته مثلي؟

تذكر يوم جت آخر مره تودعني؟
تذكر يوم جت وراحت ما صارحتني؟
خانتها عبرتها وعجزت! نزلت دمعتها حيرتني!
اختارت بالصمت ننتهي!

يا قمر احفظ سرنا! لا يدري به احد غيرنا! لا يشمتون فينا حسادنا! ما ابي احد يدري بدمعنا!

ليه يا قمر ما تحكي؟
ليه؟ تبخل حتى تخفف عني؟
انت تبكي يا قمر مثل ما انا ابكي؟
ودي اسولف لك اليوم يا قمر! دامك اليوم تشبه مطلبي!

تذكر يوم حبيبتي ( تسرق ) سبحتي؟ تدري انها بعد اقل من سنه رجعت لي؟
اكيد تبي تعرف قصتي!

كنت بمكان هادي! والحزن طبعي اصلا هو من يومها ما فارقني! وبنت صغيره مجنونه ازعاجها اذاني! بس للحق حلوه ومقبوله وكل شي فيها شي ثاني! البنت الصغيره اختفت ثواني! رجعت بشي هز وجداني! زلزل أركاني! دارت بي الدنيا وفقدت اتزاني! وسالت: من يقدر يتحمل ما جاني؟
رجعت البنت بسبحتي مدتها وقالت: حقتك؟؟؟؟؟؟؟؟؟؟؟؟؟!
ما صدقت!! الف سؤال وسؤال؟
و سمعت صدى صوت العنود يقول: عطرك توه عليها!
شميت عطري وعرفته! وسؤال سخيف ارتسخ: هي تدري اني من يومها ما استخدمت العطر! اخاف استخدمه وتفارقني ثاني!

رجعت لواقعي ونويت الوصل بايه طريقه! الغيت كل الحسابات وغضيت النظر عن اي نتيجه! بس انا وين ووين هي الحقيقه؟ وخفت من واقع جديد يكون امر من الذكرى الاليمه! ابتسمت وبكل هدوء للباب اتجهت لدنيا جديده! ادري عيونها تتبعني ويمكن كان ودها بالتفاته سريعه! بس انا ما التفت والسبب مو غلا زي فعايلها القديمه! بس ما فيني حيل احيي جروح جفت قديمه! وما بقى بي دم انزفه في جروح جديده!

قررت اعيش باقي العمر على ذكراي القديمه الجديده! ذكرى تسليني كل ما مريت اماكن حوتنا ساعات ومرتنا دقيقه!

من هي البنت؟ ومن وين جابت السبحه؟
ادري عندك كثير من الاسئله؟ للاسف ما عندي لك اجوبه!
هذي قصتي يا قمر وهذي معاناتي! يمكن يحتاج بيوم احد مثلي تواسي؟ لا تصير بخيل! قل له قصتي بس من دون اسامي! قل له هذي قصه معاناه العنـا؟ لا يدري انه انا! كانه أي واحد ثاني!
[/align]