#1  
قديم 22/09/2005, 06:39 PM
زعيــم فعــال
تاريخ التسجيل: 13/05/2005
المكان: مملكة الانسانية
مشاركات: 318
وانا وسامي وقصة العاشق المجنون

[align=center]
منذ نعومة أظافري أيام المسح اللي يصير باليدين

عندما كنت صغيرا وش حليلي بس ماني نضيف مثل ما انتم عارفين :p

وبعد أن اشتغل عندنا التلفزيون وعرفت الهلال وعشقته بجنون

فأصبحت بحمد الله هلاليا <-- لان أول مباراة جابوها بالتلفزيون كانت للهلال فشجعته لأني مدري

إذا فيه أندية غيره وغير نادي الارطاوي

فتولعت بالهلال ومحد طفاني إلى الآن والحمد لله ..

وبقيت أشجع الهلال وأحب لاعبينه كل أبوهم .. من طيب الذكر أبو فهد

إلى خشة الحبشي فهد

لافرق بينهم عندي كلهم سواسية كأسنان المشط باسكال مشعلاني ..

ومع مرور الأيام أصبحت متعصباً للهلال ..

واذكر أني في مباريات الهلال كنت امسك بيدي نعلة قصيمية

أصفق بها رأسي عندما تضيع فرصة للهلال من شدة التعصب ..

ودارت الأيام ومشت الأيام وكبر دماغي من صفق النعول

وفجأة

ظهر هذا المدعو سامي الجابر غفر الله له ذنوبه وسدد خطاه

وكان هذا في بداية انتقالي للرياض للدراسة ..

ووينك يا ملعب الملز كل مباراة وأنا مثل الجني بالمدرج لحالي من بدري ..

وشوي شوي صرت أشوف نفسي أحب هالولد اللي ينقاله سامي

وأكيف وافرح إذا سجل قول .. أكثر من فرحتي يوم يوسف جازع يسجل

وكدت اشك بنفسي وأنا مني قلت لازم احلل

وسألت نفسي

قلت وش فيني بس افرح لأهداف سامي

فجاوبني صدى فؤادي انه الحب يا ولد

وبدأ هذا السامي يأكل قلبي شيئا فشيئا وأنا أتفرج عليه ولا اهاوشه

ومخليه على راحته .. ما أقول له شي

ولقيت نفسي صرت أبيه يسجل حتى لو انهزم الهلال

يعني صرت أشجع سامي مو الهلال ...

أما منتخبنا الوطني فحدث ولا حرج ..

فلا اذكر أني فرحت لهدف للمنتخب من غير سامي .. والله لو على كاس ا لعالم

وإذا مو بالتشكيلة أو مالعب .. المباراة كلها ما أشوفها

بالله وش لي فيهم بدون سمسم

وحتى إلى درجة واقسم بالله على هذا

إن ا سامي إذا تغير بالشوط الثاني اقلب وأشجع الفريق اللي ضد منتخبنا

ليش ماا دري ؟

وكانت الطامة أني شجعت النصر ضد الهلال رغم أني اكره النصر

أكثر من القمل والصيبان اللي براسي يوم أنا صغير

لكن بعد احتراف معشوقي .. أي سامي في بريطانيا

شجعت النصر في نهائي البطولة العربية ضد الهلال .. كش علي

ولا ادري إلى الآن لماذا

ربما حتى أقول للي ما يحب سامي


كش عليهم

نسمع من يقارن الاسامي بماجدهم

وش جاب الثرياء عند الثراء

امثال هلالية

سامي هو السامي والباقي اسامي

مسكين ياللي ماعنده سامي


**************************************************

قفلة
[/align]


[align=center]وأنا بعيد عنكِ ..وأنتِ بعيدة
تتوقف كل الحواس .. وتصبح بلا فائدة
وأكتفي بحاسة الشوق
التي تشتعل من أجلكِ بلاتوقف.[/align]
اضافة رد مع اقتباس
  #2  
قديم 22/09/2005, 06:53 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,057
يا سلاااااااااااااااااااااااااااااااام عليك

يارهييييييييييييييييييييييييب


طيب لو اعتزل سامي وش النادي اللي بتشجعه غير الهلال؟؟؟


بس بعد اعتزال ابو عبدالله ترى حزنك بيندبل مرتين حزن على اعتزال الذيب

والحزن الثاني هلى هزايم فريقك الجديد من زعيم اسيا

كان الله في عونك..... أمامك مشوار طويل في عالم الأحزان
اضافة رد مع اقتباس
  #3  
قديم 23/09/2005, 01:07 AM
زعيــم مميــز
تاريخ التسجيل: 10/06/2002
المكان: الرياض
مشاركات: 1,528
والله مشكوووووووور وما قصرت
وحبيت اقولك
انه مو انت لحالك الي متعذب مع شي اسمه






س ا م ي
اضافة رد مع اقتباس
  #4  
قديم 25/09/2005, 01:46 AM
زعيــم فعــال
تاريخ التسجيل: 13/05/2005
المكان: مملكة الانسانية
مشاركات: 318
مشكوووووووووور على الردود
اضافة رد مع اقتباس
  #5  
قديم 25/09/2005, 10:24 AM
زعيــم مميــز
تاريخ التسجيل: 10/05/2005
المكان: بيـــــ الـورود ـــن
مشاركات: 3,542
والله روعه وكلااااام حلووووو


وش بتسوي اذا اعتزل........
اضافة رد مع اقتباس
  #6  
قديم 25/09/2005, 12:50 PM
الصورة الرمزية الخاصة بـ مخاوي الحزن8
زعيــم متألــق
تاريخ التسجيل: 23/06/2004
المكان: نادي الهلال
مشاركات: 1,315
مقال أكثر من رائع

معلومه مهمه : إن كنت عاشقاً للهلال ,,,فأنت تعشق ساااامي

يعني بالعربي كلنا أكثر جنوناً بعشق سامي مو أنت لوحدك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:37 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube