[align=center]السلام عليكم ورحمة الله
يمكن موضوعي قديم شوي لكن حبيت أقولكم الي صار لي وأفضفض لكم والله شاهد على كل كلمة أقولها
أخواني وأخوتي محبي الزعيم
نتذكر جميعنا فوزنا على الاتحاد في المربع الذهبي للدور بهدف كماتشو الخطير
المهم في الموضوع
لحظة المباراة كنت في جدة وللأسف في جدة
الي صار معي
مو أخوكم من أهل الرياض ومتعود على المسيرات والروحة للنادي والفرحة والهيصة الين الصبح والمواكب وووووووووووو
طبعا كنت مجهز العدة شاري أعلام وشالات وحتى كورة عليها شعار الهلال
وبعد المبارة طلعنا نبي نشجع
طبعا حنا كنا ثلاثة
وواحد كان خايف يقول فمونا من جمهور التشاد
قلت والله ما علي من أحد
أبشجع لو وش يصير
الزبدة وما لكم بالطوله
كنت راكب ورا وطالع مع الدريشة وماسك العلم وأشجع وأغني رابح صقر على أعلى صوووووووووت كان توه منزل الشريط
قبل كل شيء الي غبني وضيق صدري اني أنا الوحيد الي يشجع وما سك علم الهلال
طبعا نشجع وفي غمرة الأفراح
وما بين التحلية والكورنيش
ومبسوطين والبحر والناس الا وجتك دورية وصكونا بمخالفة على طول وما فيه شيء ما قاله
أن مقهوووووووووووووووووووووووور مرة
ليش طيب بالرياض ما يقولون شيء
تدرون وش رد قال جدة غير
الزبدة خذينا المخالفة
طبعا قعدت وماسك العلم بيدي وكل شوي دخل العلم يا راعي............
أقلقونا كأن ما في الكونيش الا حنا
بعدها قلت أبطلع مرة ثانية
ويجيك وماسك العلم أبو صقر وتنكس والعلم يرفرف الا وخش علي راعي على ما أظن همر وفيه أشكال الله لا يوريك تكرن ويبون يصدموني
بصراحة لو اني متأخر ثواني كان رحت بخبر كان
شفت الموت لحظتها
أنا هجدت وكملنا الليلة كذا
في اليوم الي بعده طالعين العصر على الكورنيش
أنا أسوق وخويي ماسك الشال مع الدريشة
ووقف على جنب يا راعي .....................(سيارة ايجار مستحي اقولها)
الزبدة انلخمت حزام ورابطين ........ سرعة مافيه وش يبي
طبعا خويي مطفوق نزل
وقاالوا له هات الأوراق الرخصة والاستمارة
طبعا جلس وسحب عليهم
المفروض هم يجون
الزبدة جاني معصب ويقول تتريق انت وياه
تستهبلون أنا أطلعه من ضهوركم
هاتوا الأوراق
طبعا أنا وخويي أطقع ما نشوف
قال ورايا على القسم
قلنا وراك وراك
طبعا شاف الوظيفة على ورقة الايجار بلم ووقف على جنب
وجاني ومسوي ينفخ
أنا عاد نزلت وناوي شر
قلت ليش وقفت على القسم يالله
قال انتم تستهبلون ومدري ايش
قلت المفروض انتم تجون
وحنا ما سوينا شيء وأمس خويك الي عطانا مخالفة قالي طلع العلم عادي
والا الشال يختلف عن العلم
قال لا بس هذي التعليمات
الزبدة زاد الكلام وتجمعت الناس
قمت أنا وبصوت عالي قلت هذا عشانكم اتحادية وما تبونا نشجع
قبل اسبوع كان الاتحاد فايز وتنظمون له المسيرة
ولا أحد قالهم شيء
جت علينا حنا أبشجع سواء في جدة الرياض الشرقية في كل محل
يالله مشينا القسم
هو حس انه غلطان وقال بالعكس مو كذا ومدري ايش
الزبدة عطانا الاوراق والناس تطالع وانواع الصياح
شوفوا أنا ما أعتب على المرور
لكن وين جمهور جدة ذاك اليوم
والله والله والله أنا الوحيد الي ماسك علم وأشجع ذاك اليوم
وتبهذلت
لو الجمهور طلع وشجع كان كلام ثاني ولا أحد قدر ينفس
وجمهورنا بجدة مو قليل
أقسم بالله في البطولة العربية هم ينظمون لهم المسيرة وأنواع الرقص والخبال
ليش حنا منبوذين في جدة
ما بقى الا ندخلها بجواز
شوفوا يا جمهور الزعيم بجدة أنا ذاك اليوم ضاق صدري والسبب أنتم
الله يخلي جمهور الأهلي الي كان يمر على الأقل يشر لك
الى متى وحنا كذا يجب أن نفرض وجودنا
هذا ما حدث معي حرفيا
والله شاهد علي
تكفون يا جمهور جدة شوفو لكم حل
تحياتي للزعماء
عين الصقر[/align]
اتشاديه 
الوضع العادي
