قبل عشرين سنة كانت مطر !! - نادي الهلال السعودي - شبكة الزعيم

(( تركـي )) · #1 20/09/2005, 12:44 AM

[align=center]منتصف شعبان عام 1406هـ
يازين ذيك السنة
كانت سنة خير أمطار وبركة

وش اللي يذكرني بمطر ذيك السنة ؟!
وأنا اللي ناسي العام الفايت المطر جاء متى ؟!
مع أنها كلها أمطار

** ** ** **

اللي يذكرني بأمطار ذيك السنة ( بطولة الأندية الخليجية الرابعة )
أول بطولة خارجية للهلال
يذكرني بذيك السنة صالح النعيمة وهو يرفع الكأس ( لابس زي العربي الكويتي الأخضر )
ويهزه الكأس فوق
وأهتزت قلوب الجماهير على أمتداد خارطة الوطن
يذكرني فيها سعد مبارك ويوسف الثنيان وفهد المصيبيح
والنيفاوي وهذال وعبدالرحمن اليوسف ومشاري العويران وصالح السلومي

يذكرني بذيك السنة مدرجات الملز وهي مليانة جمهور ما ردته الأمطار عن الحضور
يذكرني بذيك السنة الجمهور ونحمد الله جات على ما نتمنى
يذكرني بذيك السنة ( لبن الهلال )
يذكرني بذيك السنة أغنية ( أنا الخليجي .. والخليج كله طريقي )
أو
أنا الهلالي .. أنا الهلالي
والهلال كله طريقي
تبارك يا هلالنا
تبارك تبارك
تبارك بعز وهنا
تبارك تبارك
هلالنا واحد
فريقنا واحد
يعيش .. يعيش
فليعيش
الله أكبر ياهلال افرح بنا
الله أكبر

كانوا الأهل بالبيت ما يطبخون إذا صار فيه مباراة للهلال
إذا فاز ( تجيك المشاوي والمقبلات )
وإذا إنهزم ( الجود من الموجود

)
وذيك البطولة كانت مشاوي

إذا أسعفني الوقت إن شاء الله
بنقل لكم عن مجلة ( اليمامة ) ومجلة ( الصقر القطرية )
ما كتب عن تلك البطولة من أشعار وكلمات في هلال كل الأجيال

تحيّاتي

[/align]