السلام عليكم ورحمة الله وبركاته ....
وكما توقعنا الإدارة الهلالية تعض أصابع الندم على التفريط في النجم الكبير / عبدالله المطرف

أمس تقابل فريق الهلال مع فريق التشاد على نهائي كأس الملك فهد بن عبدالعزيز (رحمه الله )
وانتهى اللقاء بفوز الإتحاد بالهدف الذهبي ، وكان فريق الهلال مسيطر على مجريات اللقاء كاملاً ، وعند الدقيقة الـ 40 زج مدرب الإتحاد يوردانيسكوا باللاعب الرائع والكبير الكابتن / عبدالله المطرف ، الذي قلب موازين اللعب لصالح فريقه الجديد الإتحاد ، وعند الدقيقة الـ 44 رفعة ولا أحلى من الكابتن / أحمد الدوخي ( لاعب الهلال سابقاً ،وإرتقاء من محمد كالون الذي إرتطمت كرته بالقائم وترتد للاعب / عبدالله المطرف الذي لن يتوانا في إيداعها في الشباك الزرقاء متوجاً آدائه الكبير بهدف الفوز لفريقه الإتحاد ليعلن الحكم بعدها بإنتهاء المباراة والكأس للإتحاد ...


مبروك للإتحاد ........

وبعدها أسف من الإدارة وحسف على التفريط باللاعب ، وبعدها مفاوضة من جديد

إحنا قمنا من صدمة الدوخي وخميس ؟؟؟؟


إخواني ....،،،
المقدمة محزنة ، والله لا يجيب ذاليوم ( قولوا آمين ) ....
تخيل المقدمة تنقلب حقيقة ،

بصراحة قريت اليوم في بعض الصحف عن تنسيق اللاعب الموهوب / عبدالله المطرف !!!!!!!!!

وبصراحة من أول ماقريت الخبر حزنت كثير لأن عبدالله لاعب كبير وموهوب بس للأسف ما أخذ فرصته .
وأنا أتأكد لو أخذ الفرصة الكاملة صدقوني راح تتغير وجهت نظر المدرب ،
لو نرجع لورى شوي على أيام بطولة الصداقة اللي كان فيها عبدالله كابتن الفريق اللي حصل عليها الهلال من أمام والله وأعلم ( الأهلي المصري ) لما كان من ضمن المجموعة اللاعب / تركي الشايع ، ومنصور الشهراني ، وعبداللع المطرف ، وغيرهم ......
كيف كان عبدالله المطرف شايل نص الفريق بمهاراته اللي كانت تذكرنا بالكابتن يوسف الثنيان
تذكرتوا ،، حتى بعض المرات نشوفه يدخل التشكيلة بس في البحر نقطة ، يعني بالسنة حسنة .
كان نص جمهور الهلال يتوقع ان عبدالله المطرف راح يكون له مكان ثابت في التشكيلة الأساسية لدرجة الكبار ، بس للأسف مكان عبدالله المطرف طار لمازن الفرج ، وفهد سرور اللي يقل بصراحة مهارة وذكاء عن عبدالله المطرف ......


وأنا كتبت هذا الموضوع لمطالبة الجمهور بالوقوف معي لمطالبة الإدارة الهلالية وعلى رئسها الأمير الرائع والذهبي الأمير / محمد بن فيصل حفظه الله ورعاه من كل مكروه .
بعدم التسرع بتنسيق اللاعب / عبدالله المطرف ، علشان ما نطيح بنفس الخطأ اللي طحنا فيه لما تمرن معانا الكابتن / رضا تكر ، والكابتن / يسري الباشا ، وغيرهم وغيرهم واللي عظينا أصابع الندم عليهم ، وبعد مايطير اللاعب لفريق ثاني ( منافس ) وياخذ فرصته الكاملة وبعدها نرجع ونفاوض لاعب كان في نادينا وتركناه وألحين (((((((نبيه ))))))) ، مثل ما حصل مع الكابتن ( عبداللطيف الغنام )) ، لما جا للنادي وطلب خمسين ألف ريال بس مقابل اللعب للهلال ، وتم رفض طلبه ، ولما راح للشباب وبدع رجعنا وطلبناه وكان رد الشباب ( 11000000 ريال إحدى عشر مليون ريال ((((((((((( بس )))))))))) وخذينا


وقارن انت

والله هذا الكلام من أجل مصلحة الهلال ، وغيرتي على فريق عشقته من يوم الصغر
وهذا والله يقدم اللي فيه الخير
واتمنى نجمع بطولات الموسم هذا


آسف على الإطالة