|
لمن يهوى القصيد !! في الموضوع هذا كل واحد يكتب بيت شعر او ابيات شعر معجبته .. ولو يقول قائلها يكون حلو .. وراح ابدأ بنفسي: يفز دمعي واقهره داخل العين ..... اخاف عذالي يقولوا هزيمه لا والذي والف قلوب المحبين ..... ما حدرت عبرات جفني ظليمه الشاعر: نواف بن فيصل.. ======== و اقول ياخلي .. وش غيرك قل لي؟.. توعد وتخلف ولا تصدق بالاوعاد العين لك زلي .. الرمش لك ظلي .. والقلب في دبرتك يا غض الانهاد ماشفت دمع اللي .. بالخدين هلي .. مثل السحابه الى انهلت على وادي اجي معك كلي .. والحب طبع لي .. للناس عيدين وانت ثالث اعيادي ياليل يا مولي .. ما لي معك حلي .. غابت نجومك وانا في سريتي غادي الشاعر خلف بن هذال... ============= وعطونا من عندكم!!!!:) :) :) |
قالت مشارى صاحت الناس لبيه من زينها كل الخلايق مشارى |
فكرة حلوة .. وأنا راح أبدأ .. هذي من الأبيات التي أحبها وأرددها وهي : إذا قل ماء الوجه قل حياؤه *** ولا خير في وجهٍ إذا قل مـــاؤه حياؤك فاحفظه عليك وإنمـا *** يدل عـلى فـعـل الكريــم حياؤه لكن الصراحة ما أعرف القائل وهناك أبيات كثيرة جدا جدا لكن ... ما أتذكر الكثير ولكن في كل وقت راح أضيف شيء لو تسمحيلي .. تحياتي |
فكرة جميلة هالبيت ماأعرف من قاله وان شاء الله مابين فتره وفتره نضيف بعض الأبيات فل الحجاج وخل عنك الهواجيس ...... كلن يموت وحاجته ماقضاها |
فكره حلوه اختي عنود الصيد:) خذوا هالبيت وبصراحه معجبني مرررره :) اضحك مع اللي ضحك والهم طاويني ..... طية شنون العرب لاقطروا ماها وسلامتكم :rolleyes: |
صح لسانكم :D |
متأخر مرررررررررررره!! والله معجبني هالبيت بس مدري منهو اللي قاله.... إذا لم تعشق ولم تدري ماالهوى **** فقم فأعتلف تبناً فأنت حمار!!!! |
فكره رائعة جدا وطبعا الشعر الفصيحى وخصوصا الجاهلي والاموي والعباسي وشعر الاندلس ملي بالابيات الجميلة والمشهورة من الابيات الجميلة بلغتنا المحلية قول الشاعر واهني اللي من اللوعات خالي***ماعرف مر الليالي من حلاها والقصيدة المشهوره الرائعة... خلاص من حبكم يازين عزلنا ****ماعاد لي في هواكم شف او رادة اللي شبكنا معك ياحلو يخلصنا**** يكفيني اللي حصل ماستحمل زيادة اظن في حبكم ماحدٍ بغاصبنا**** واضمن منتب بعد في حلقي اقلادة دور على غيرنا وبلاش تتعبنا****في شرع الاجواد كلن يطلب مراده اول رغبناك يومك مثل راغبنا****ومن يطلب البعد حنا نطلب ابعاده واليوم ابشرك ياسيدي تعلمنا****وبدلنا نوم (الحزم) بفراش ووساده الحزم: يعني الضلع :الجبل الصغير رغم ان كثير من الفنانين غنوها (الحزن) وبكذا يكون البيت مكسور لان الحزن ماله نوم والحزين مايجيه النوم...واللي غناها صح ونطقها الحزم صاحب الاغنية الاصلي الفنان الشعبي المعروف فهد بن سعيد وفنان العرب محمد عبده . وقال الشاعر لا سلا خاطر ولادنيا صفت****وكل ماضاقت تمنيت الرحيل وقال الشاعر ضاقت بي الدنيا على كثر الافكار ****واسج سجاتٍ ولا هوهويً لي مايبرى الجرح المودة إلآ جار**** ومابنفع الموفتون كثر التمني والشعر النبطي ملي بالابيات الجميلة.... |
| الوقت المعتمد في المنتدى بتوقيت جرينتش +3.
الوقت الان » 02:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd