الي من يهمه أمر الزعيم … واللي ما يشتري يتفرج !! سلام الله عليكم أيها الهلاليين ورحمته وبركاته : بدايةً أشكر لكم تشريفي بزيارة هذه الصفحة مع إتباعي جزيل شكري بشديد إعتذاري إن لم ترق هذه المشاركة لتطلعات أفكاركم النيرة ، ولكنني أحببت أن أشارك حباً لكم ، وتلبيةً لألحاح أخي الكريم (( أبو ناصر )) . حفظكم الله ورعاكم . <font SIZE=5><center>(( معاناة الهلال في عيون شاعر )) في كل عـــام ولك حكاية جديـــــدة 000 مجدك عديـــد ، ومشكــلاتك عديـــــدة وين العقول الراجحـــات السديـــدة 000 اللـــي تحــــلّ المشكــــلات وتــــداوي أسقـيـتـنـا يا هلال مــرّ المشــــارب 000 يتاجــــر السمســار فيــك ويضـــــارب كنت الخبير ، وصرت حقل التجارب 000 للاعـب المفلــس نزيــل القهــــاوي !! في كل يوم وليــل علـــم ايتســـرّب 000 عبر الصحافــــة عن وصول المـدرّب ناكل مقالب والحســــود ايـتـطــرّب 000 يرقص علـــى اخفاقاتـنـــا ينبعـاوي !! نكسب مــدرب يستحـــق الإشـــادة 000 ما يـنعـطــا فرصـــة يحقــق مـــراده باول خســـارة ينحكـــم بـالإبـــــادة 000 نبعـد خـبـيـر ونشـتري عقد هاوي !! في حـين للمفلـــس يطيب المقامــــا 000 يامـــا تغـاضـيـنـا ، ويـامـا ، ويـامــا حــلاّق يتـعلـــم بـــروس اليتــــامى 000 يكسب دراهمنــا ، ونكسب بــلاوي !! واكـــبر مشاكلنــــا مصيبـة وعقـدة 000 اللاعب اللـــي حـــان تجديـــد عقـــده البعض غالي ، يشغـــل البــال فقـده 000 والبعــض ناكر يشترط شــرط كــاوي فجوة جفــا ، تـنذر بنكسة خطـــيرة 000 لاعـــب يجـــافــي لاعــب ويـستـثـيره واللاعب الثاني ، يجــافـــي مديـــره 000 تلفـي شكــاوي قـبل تـقـفـي شــكاوي نشــر الغسيل اقوى الصفات القبيحة 000 ياللي عطاك الله لسان ٍ فصيحــــــــة تنوي نصيحة ، واستحالت فضيحــة 000 حكـّم ضميرك زين مــا دمـت نــاوي يهلال كل ٍ عنــك لاهـــي ومشغـــول 000 كثر التشاغل عنك ماهــوب معقـــول والفــارس الضرغــام لو طـاح معلول 000 فـــي وقتهــا يحتــاج وقفة مخـــاوي في وقف ابو يعقوب ليـش التخــاذل ؟ 000 لو قام عضو ٍ مخلص القول بـــاذل يكشف خفا ( بيتر ) وبعض العـــواذل 000 ويـبــان للعـــالم خسيـس المــــلاوي بعده حصل تأجيـــل كاس الـنـــــوادي 000 مسئولنـــا مطــــرق وغيره ينــــادي يسعون في وادي ، والازرق بـــوادي 000 وحده يصارع في الزمان ويقـــــاوي الكل منهــــم جــا بــرزمـــــة دفــاتـــر 000 يحمل بها شكوى لحضرة ( بلاتــر ) لفظ السعـــودي كان واهـــي وفاتـــــر 000 لو غير الازرق ، قام يرجي رجـاوي الــــكاس تطلـــب كل مــــرة بــديلــــه 000 فـــــي مرتين أقصـــوه منهـا بحيلــة كاس النــــــــوادي صـارت المستحيلة 000 مــــا لـــم يريــد الله جزيل العطـــاوي يـــاهل المناصب في اتحـــاد ورياســة 000 الازرق أولـــى مــن يشارك بكاســــه يحتــاج منكــــم كل بـــذل وسيـاســــة 000 علـــه يســــير بواثقـــات الخطـــاوي حقق جميـــع القـــاب كاس البطــولـــة 000 إنجـــازه العمـــلاق محـــدٍ يطولـــه يستـــاهل الدعم ، انهضوا خططوا لــه 000 يُنشـــر لمثلـــه كل كـــفٍ سخــــاوي أنا الهـــلال أشكــي لربعــــي وناســـي 000 يمكن يجي منهم صديق ٍ مواســـــي يفــزع معـي في مـعـمعــة وقـت قاسـي 000 مـــا يلتهــي عن نجدتــي باللهــــاوي أعــاتب أعضـــائي عساهــــا تعــــودي 000 واقـــوى العـتـب للاتحــاد السعــودي ردود فعـلـــــه تـتـصــف بـــالــــبرودي 000 فــــي حـــين يلوينـي من الهــم لاوي لقب فريــق القــرن مـــاجــــاب طـــاري 000 لين انتبهـــت وشفـت ملعوب جــاري سجّــل بطــــولات الحُـفــر والحـــواري 000 وارسل لـ ( بيتر ) نسخته في غطاوي نخـيـت ربعــي لجــل كشــف الحـقــايــق 000 أكثرهم أقفــى ، قــال مـانـيـب رايـــق غــــير القليــل اللـــي نظـــــر للوثــايــق 000 قام اشتــكى ، فعـل الغثيث الشقــاوي ياهل الهــلال أن كان للقــــرن نــــــــادي 000 مــن تـنـحـنــي لـه آســيا بانقيــادي ؟ يـــانــاس ويــن أهــل الضمــير الحيادي ؟ 000 هبـّوا على الطاغي لكشف المسـاوي تعبث بنادينـــا كفـــوف الصحـــافـــة 000 بعض الجرايد كل ابوها سخـــافـــة تخفي خبر وافـــي ، وتـنـشـر خلافـه 000 تستهدف النـــادي بزيف الدعـــاوي والخصـــم يطلــق بالشتــايم لسـانـــه 000 واللي يشوفـه قــال فــارس زمانــه يحــق لــه ما دام عنــده حَصَــانـــــة 000 مـحـدٍ يــرده عــن قبيـح الحـــكاوي يطلــق لسان الحقد الاعمى مع الريح 000 مهما تفـنن واطلق الفـاظ تجريـــح ما تـنحجـب شمس الحقيقة بتصريـح 000 مــير الجريمــة قذفنــا بالرشـــاوي وين اللجـــان الحاكمــــة بالعدالــــة ؟ 000 تكبح جمــاح المستـبـد بضلالـــه لــو هــاجت امواج الزعيم ورجالــــه 000 يلزم حدوده حينهــا كل غــاوي ! أنا الزعيم أصــرخ ، وطـال انتظــاري 000 وين الإدارة مـــا ترد اعتبـــاري ؟ وين الوفي ؟ قـــم يالوفي خذ بثـــاري 000 جسمي جريح وينهشه كل عاوي يفــلان يا عضـو الشـــرف يالهـــلالي 000 وين انت في ميلات سود الليالي؟ وقت المنصـــة ترفــع الكاس عالــــي 00والبيت الازرق منك في الضيق خاوي! يا كم رسمت بثغــرك احــلا ابتسامـــة 000 تشهد جبال أبها ورمل الثمامـــة والصـــاحب الــــوافي يــرد الكرامـــة 000 يكرم رفيق الدرب لو نام طـــاوي لا تتركونـــي فـــي دمـــاي اتضــــرّج 000 لا تتركون اهل الشماته تفــــــرّج يامــــا كتمت انفاسهـم فــي المــــدرّج 000 واهديتكم من فني احلا الغنـــاوي ياهل الهلال الله عطــــاكـــم خــــزينــة 000 ثروة قـــلوبٍ في هواكم رهينــة جمهوركم فــــي كل قِطـــر ومدينـــــة 000 بقلوبهم يسكن هواكم ويــــاوي يهلال لاتحــزن تــرى الخــير موجــود 000 و سعود ما قصّر بذل كل مجهود ياازرق ترانــا في الهوى كلنـــا سعـود 000 يسكن هواك اقلوبنــا بالتســــاوي<font SIZE=5><center> |
وعليكم السلام اخوي الشويعر صح لسانك ورجاءا لاتحرمنا من ابادعاتك |
الشاعر أو الشويعر ؟ الأستاذ : الشاعر .............. السلام عليكم . أتمنى أن يكون التصغير ( شويعر ) من باب التمليح فقط , أنت ياأستاذي شاعر مجيد , شعرك سهل اللفظ , جزل المعنى , وهذه القصيدة هي بمثابة الملخص ( لكل أحداث الصيف ) وما ينبغي على الهلاليين فعله هذه الأيام , وفقك الله يا " شاعر المنتدى " وإلى الأمام سر . ملحوظة : أنا لا أجامل , لا يوجد ما يدفعني للمجاملة أصلا , هي الحقيقة و أردت إظهارها . |
كلام جميل |
ماشاء الله تبارك الله ابداع ولا أروع ياشاعر 3 اسمح لي اقولك شاعر وليس شويعر لأنك فعلاً شاعر وشاعر كبير بعد وألف شكر على القصيدة الرائعة ياغالي :) |
رائع يالشويعر يالشاعر الكبير فعلاً بما تعنيه هذه الكلمه من معنى يعطيك الف عافيه كلمات جميله جداً ومعبراً من شاعر يعجز اللسان عن وصفه تحياتي لك ولشعر الرائع ،،، |
اخوي الشاعر صح لسانك قصيدة تعبر عن واقع الهلال ورجاء لا تحرمنا من ابداعاتك |
الشويعر الشويعر الشويعر ماعمري تسمرت عاجز وش اقول قدام اي موضوع في اي منتدى من عرفت شي اسمه انترنت مثل ماحصل لي في هالموضوع .. صح السانك ياعساه دوم .. كفيت ووفيت قليله على ماقريت .. بيطار ماجبت انا جديد اخوي الشويعر تراك باللي كتبت كنك مثل اللي دار على جمهور الهلال واحد واحد وقلت احكو لي عن شيا ودكم تقولونه .. وجيت كاتبه .. لانك بصراحه اصبت كبد الحقيقه في كل كلمة كتبتها حتى وجدت او وجدنا انفسنا نقرا ماكتبت وكأنك تتكلم بلسانا وهذا هو الابداع الحقيقي ان تعبر عن رأي الاغلبيه وتأسرهم بكلماتك صدقني مهما قلت قليل على ماقريت لكن مااقدر اقول الا الله لا يحرمنامنك ولا من ابداعاتك صوره مع التحية لكل من في يده القرار في نادي الهلال صوره مع التحية لكل لاعب هلالي للتذكير بان خلفهم قلوبا تحترق وراحتها بعد الله في يديكم |
صح السانك عزيزي الشويعر الذي يجب ان تكون من فحول الشعراء حقيقة ابداع غير مسبوق وما شاء الله قرأتها جميع على طولها ووجدتها قمة في الوزن والمعنى اكرر تحياتي لك ولجميع الجماهير الهلالية |
ما شاء الله الأخ العزيز الشويعر بعد التحيه كلمة إبداع قليلة على هذا الشعر الخالد .. فكل مقطع منه يحكي جزء من معانة زعيم الأندية !! لا أقول إلا سلمت يداك ورجائي أن لا تحرمنا من هذا الأبداع .. |
تحية وتقدير الاخ العزيز / الشويعر كلام جميل جدا ومعبر - ابداع حقيقى - (( ما قصرت )) الى ادارة المنتدى .......>> ( هذا الكلام يستحق التثبيت ) |
<FONT FACE="DecoType Naskh Variants"><FONT SIZE="10"><FONT COLOR="#0000C6">ا</FONT><FONT COLOR="#0903BC">ل</FONT><FONT COLOR="#1206B2">أ</FONT><FONT COLOR="#1B09A8">خ</FONT><FONT COLOR="#240C9E"> </FONT><FONT COLOR="#2D0F94">/</FONT><FONT COLOR="#36128A"> </FONT><FONT COLOR="#3F1580">ا</FONT><FONT COLOR="#481876">ل</FONT><FONT COLOR="#511B6C">ش</FONT><FONT COLOR="#5A1E62">و</FONT><FONT COLOR="#632158">ي</FONT><FONT COLOR="#6C244E">ع</FONT><FONT COLOR="#752744">ر</FONT></FONT></FONT> هلا والله وغلا وصح لسانك على هالكلام وتسلم قريحتك على هذا الوصف الرائع والله يوفقك للأفضل إن شاء الله على الدوم . تحياتي , , , |
الله اكبر ماا روعك السلام عليكم: خذو الحكمه من افواه الشعر من فاه اخينا الشويعر ....ابدعت وسطرت ابدعاتك في منتدى الابطال منتدى الزعماء والحكماء منتدى الهلال بشبكة الزعيم,,, الحقيقه شدني بل اعجبني هذا المقطع ,,, ياهل الهــلال أن كان للقــــرن نــــــــادي 000 مــن تـنـحـنــي لـه آســيا بانقيــادي ؟ يـــانــاس ويــن أهــل الضمــير الحيادي ؟ 000 هبـّوا على الطاغي لكشف المسـاوي الله يعطيك العافيه والصحه.... اخوك شويعر صغير سداح:cool: |
ليس هناك مايدعوني للمجامله كما قال الاستاذ جدار الطين ..... بحق الموضوع قد اكثر من اشاده وكما قال الاخ العزيز وااازعيماه تسمرت قدام الموضوع ..... لله درك انها الحقيقه موضوع القرن ووصف الحال الهلالي بكل دقه وسلاسه تستحق اكثر من وقفه وتعظيم سلامه لكاتبها ... |
مشكور اخوي شويعر مشكور اخوي شويعر اقولها مئة مره عشان انت ملك الشعر |
الوقت المعتمد في المنتدى بتوقيت جرينتش +3.
الوقت الان » 05:39 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd