[align=center]السلام عليكم و رحمة الله ,,,

بدأ الليجا يطرب جماهيره و زادت مفأجاته بعد انتصار سلتا فيجو على نادي القرن على أرضه و وسط جماهيره .. بشكل عام كنا في جولة في أسبانيا و حاولنا أن يكون تواجدنا بمدريد مصادف لأحدى مباريات البلانكو .. وصلنا لمدريد من برشلونة (( المدينة pb189 )) في يوم ما قبل المباراة ..

في اليوم التالي ذهبنا للملعب الساعة 12 .. خرجنا من محطة المترو .. و أصبح الملعب بوجييهنا .. شعور أليم أذا كنت تعشق الريال ..



الملعب من الناحية الشمالية .. و يلاحظ وجود اعلام جميع أندية الليجا بمافيها البرشلونة و اتليتكو مدريد الي ينتصفون بقية الاعلام ;)




برجين من الابراج الاربعة الي تزين السنتياجو برنابيو ..

ذهبنا لشباك التذاكر في الجهة الجنوبية (( مشوار رجلية )) ..كان بتوصية من أحد الاشخاص ان نشتري التذاكر في يوم المباراة او قبلها بيوم لان بامكانك اختيار الجزء من المدرج الي تبي تجلس فيه .. عوضاً عن ان تشتريها بالنت باسعار خرافية .. كنا نتوقع لا وجود للجماهير .. لكن طلعوا العالم مثلنا


طابور التذاكر .. و الشباك عند البرج ..

لكن وصلنا في اقل من نصف ساعة لشباك التذاكر .. أخترنا تذكرة بتوصية من العاملين هناك في المدرج الشرقي أمام مدخل اللاعبين .. صورة لشباك التذاكر ..



سألنا بعدها عن الجولة في النادي و اتضح ان في يوم المباراة الزيارة تكون فقط لغرفة الكؤوس .. حولنا باتجاه متجر الريال .. و طقينا بفنيلة الريال الزرقاء حقت العام pb189 .. من المتجر روبينهو و بيكهام مسيطررين بشكل كبير على ارقام الفنايل .. طبعا معصي احط بيكهام .. حطينا الملكي راؤول ;)



متجر الفريق .. و توضح الفنايل المخيسة مدري الجديدة و ياقة 1920

المهم .. اننا رجعنا قبل المباراة ب 30 دقيقة و جبنا معنا استرالي قابلناه في كوفي شوب و حنا نشوف ديربي مانشستر .. وصلنا للملعب التذاكر مباعة بالكامل (( رغم ان بالملعب حدود 1000 كرسي فاضي )) !! قلنا له شوف السوق السوداء وودعناه مدري صرفناه ;) ..



الجماهير الملكية قبل المباراة .. ..


مدخل المنصة من الناحية الشرقية .. و فيه جماهير تنتظر بيريز pb151 علشان تصوره ..


أحد مداخل الملعب .. التذكرة تمررها على الليزر و يقرأها الجهاز .. اللي بجنبي في الملعب (( بيجي طاريه )) .. صاحب تذكرة موسمية .. تمرر البطاقة مثل بطاقة الصراف و يفتح لك المدخل !!


لحظة دخولنا للمدرج .. ملعب رائع للغاية ..

طبعا اكلنا لنا نقعة خفيفة ندور على الكراسي لان التذاكر مكتوبة بالاسباني .. كنا خايفين تكون الكراسي ماهي ذاك الزود .. لكن طلعت احلى ما يمكن في منتصف المدرج و منتصف المسافة من الملعب .. اللاعبين واضحيين بشكل رائع .. و الملعب واضح بنفس الطريقة .. فوقنا بالتمام الصحفيين و فوقهم بالضبط معلقين القنوات الناقلة ..


المدرج الغربي


صورة أوضح .. للمدرج الغربي ..


المدرج الجنوبي .. الي ورا الباب بالضبط هم الرابطة .. محاطيين بجدار زجاجي قصير و ما احد يجلس معهم ..


المدرج الشمالي ..


شاشة الملعب ..بالملعب شاشتين علوية و كذا شاشة جانبية ..


الصحفيين .. و فوقهم كبينة المعلقيين ..

جلسنا و كان الي بجاننا اثنيين اسبان شباب و خويهم الانجليزي .. طبعا خذ لك نقاشات عن الخطط و سياسية النادي

دخل اللاعبين .. و بعدها دخل 4 اشخاص و معهم كأس و رزوه بالدايرة !! قلنا يمكن خربوها و جابوا الكاس من النوكامب .. طلعوا حسب كلام الاسباني ابطال الدوري الاسباني لكرة السلة .. ريال مدريد لكرة السلة <=== مكوشين على كل ابو شيء في اسبانيا pb034 .. مع اني اتذكر برشلونة بالسلة مهو بهين ابد ..


جوتي : خذوني معكم ابي اخرب عليكم و اناول مثل وجهي pb151


الريال بيسنتر لان سلتا في النزلة ..


بافون .. يبذل قصارى تخريبه مدري جهده .. اجل تنقز و يدك فوق راسك بالضبط


روبيرتو كارلوس .. والله ياهو دب مرة


سلتا فيجو .. سكروا بشكل ممتاز ..


فرحة السلتا بهدفهم الاول .. الكرة تنلعب مرتين في خط الستة بدون متابعة الدفاع .. اااه يالريال


جماهير السلتا .. بدون اي فاصل مادي او بشري عن جماهير الريال .. و بدون مشاكل ايضا !!


جرافيسن العنصري .. وجه يقول يا صبر البرنابيو ..لحظة الكرت الاصفر .. كان يستحق الاحمر (( اعتباطيا )) .. يركض باتجاه اقدام اللاعبين الحامليين للكرة !! بشكل مضحك للغاية ..





الريال يعود للمباراة ..


بعد السامري البرازيلي ..




مدري وش تبي الصورة .. بس منظر الغيوم اليم ..


بين الشوطين .. مع ساندوش جبن و لايت كوكا


راؤول (( قلب كبير للغاية )) <=== طراه فيه ناس يسمعون براؤول !!


.. .. ..





المعذرة على التقصير .. هاردلك للملكيين .. لكن السقوط بالبداية أفضل من خسارة النقاط في نهاية الدوري .. و الكلام كثير على اسلوب الريال الفردي .. [/align]