بسم الله الرحمن الرحيــــــــــــــــــــــــــــم

السلام عليكم . . .

أنا هلالي . . . . وأنت هلالي . . . . وكل الموجودين هنا هلاليون

ولكن . . . .

هل توقفنا للحظة وسألنا أنفسنا لماذا نحن هلاليون أو كيف شجعنا الهلال ؟؟؟

رأيت هذا الموضوع مناسبا في هذه الفترة بالذات ( فترة توقف الموسم ) . . .

هذا الموضوع يعيد لنا الكثير من الذكريات الجميلة و القديمة . . .

فما هي ذكرياتك الجميلة مع الهلال ؟؟؟

كيف كانت بدايتك في تشجيع الهلال ؟؟؟

هل شجعت الهلال لأن والدك كان هلاليا أم أخاك ؟؟؟؟

هل أحببت الهلال من أول نظرة ؟؟؟

هل كنت مجبرا لتشجيع الهلال في طفولتك ؟؟؟

هل شجعته لأنك احسست أنه الافضل ؟؟؟

أم شجعته لأنك تحب اللون الازرق والابيض ؟؟؟

ماهي نقطة التحول التى أوصلتك لتشجيع الهلال ؟؟؟؟

ولكن . . . . السؤال الرئيسي وحور حديثنا هو . . . ما هي بدايتك مع الهلال ؟؟؟؟ حدثنا ، استرجع الذكريات . . . ( فش خلقك )



كلها أسئلة تعيد ذهنك الى الوراء . . . قبل سنين عديدة . . . أيام الطفولة . . .

فنتمنى من الاعضاء المشاركة في رواية بداياتهم في تشجيع الهلال ، فهي بالتأكيد ذكريات جميلة . . .

سأبدأ أنا و أحكي لكم بدايتي في تشجيع الهلال . . . .

قبل سنين عديدة وبالتحديد في سنة 1975م . . . حيث كان عمري 5 سنين وأذكر حتى الان كل المباريات التي كنت اشاهدها مع ابي في الملعب . . . . ( ذاكرتي قوية )

كان أبي هلاليا . . . و متعصبا فكان يذبح الذبايح عندما يفوز الهلال ببطولة ويغضب كثيرا حال خسارة الهلال . . . كان أبي يأخذني للملعب أحيانا وعمري لم يتجاوز 6 سنين .

ودائما ما كنت اشاهد فريقا يلبس ( أزرق وأبيض ) بحكم أن والدي هلالي فكان يأخذني لمباريات الهلال .

علق هذا الفريق في ذهني . . . .

وفي يوم . . . أخذني أبي معه لمباراة للمنتخب وكانت المباراة . . . أظن أنها ضد قطر . . .
ونحن نشاهد المباراة سألت الوالد : أين الفريق اللي يلبس ( أزرق وأبيض ) فضحك والدي وقال : هذا المنتخب . . . مهوب الهلال . . . وطبعا لم أفهم ما معني كلمة منتخب لأنني كنت صغيرا ولكن فهمت أن الهلال اسم للنادي الذي يلبس ( أزرق وأبيض ) .

وأيضا كان أخي الكبير هلاليا . . .
ودائما ما كان يقول لي شجع الهلال واذا فتحنا موضوع فيه كرة قدم كان يذكر اسم الهلال دائما كي يعلق هذا الاسم في رأسي ولا ادخل اسم ثاني معه .

كنت محاطا بعائلة هلالية . . . الوالد هلالي . . . اخوي هلالي . . . اخوي الصغير ( هالحين هلالي )

فأثر هذا الجو علي طبعا وأصبحت من طفولتي هلاليا . . .

وأشكر الله انه أحاطني بهذا الجو الهلالي حتى أصبحت أشجع هذا النادي الذي أفرحني في أوقات كثيرة وأزاح هموما كثيرة عني . . .

وأشكر الله أيضا أنني هلالي فأصبحت بينكم . . . . يالغاليين . . .

تقبلوا تحياتي . . . أخوكم بوهلالي



ن

انا كنت مثلك متاثر بالاهل وكانوا اهلي وما زالوا جمبع اقاربي يشجعون النصر وانا معاهم لاني كنت ما اعرف الكوره بحكم معيشي ايام الطفوله خارج المملكه واتيت للسعوديه وانا اشجع النصر وجاءت مبارات الهلال والنصر عام 1413 هـ حينما فاز الهلال على النصر 4/1 وبعدها وانا هلالي والحمدلله حتى الموت وقد يقول البعض انت ما زال فيك عرق من النصر اقولهم لا تخافون ياما بكانا سامي باهدافه على النصر وغيره وياما صار فيه اختلاف حاد في وجهات النظر بيني وبين الناس الثانين

ابقول الصراحه كان عمري 7 كنت اميز النوادي وكل شي عاد كنت نصراوي ايام ماجد عبدالله والهريفي الين ماصار عمري 10 سنوات صار شي خطير جدا جدا جدا اللي يبي اقول له الحادثه يدزلي ايميل عشان اعلمه. وعرفت ان النثر نادي ماعنده اي اخلاق واي اي احترام واخلاص.
مع تحيات أخوكم / هيثم الدواس

بسم الله الرحمن الرحيم
انا الفضل يعود لتشجيعي للهلال لاخواني ، انا عندي خمسة اخوان وانا الصغير فيهم
ما حقولكم انهم هلاليين (شويه هلاليين )فاذا كان للتعصب منبع فمنبعه اخواني ( حلوه هذي )
وتاثرت بهم وتعلقت بحب الهلال (طبعا بالطيب ) ولو ما شجعت الهلال ، كان غصب على باشجعه
(كل الدعوه طراقين ليني دايخ ).
الحمد لله على نعمة علي .

انا عشت طفولتي في وسط اتفاقي .. بحكم ان الوالد اتفاقي بحت واخوي الكبير طبعاً
وكان اذا فاز الاتفاق ببطوله ( طبعاً على ايام عزه ) يسوي الوالد حفله فيها كيك وبيبسي وحلويات
وحاجات كثيره ... ورغم اني ماكنت اميل لهذا النادي ( طبعاً صغير ماعرف شي ان فرحوا فرحت وياهم وان زعلوا زعلت وياهم رغم اني اجهل السبب ) ... بس مو معقوله اشوف حفله واقعد اطالع
فيهم .. ياشيخ انا اولهم
بس سبب عدم ميولي لتشجيع الاتفاق رغم انه كان نادي بطولات في تلك الايام ... هو الفريق الازرق ....
كنت ماعرف اسمه ... بس من يوم حضرت له مباراه ( على TV ) مع الاتفاق ... ورغم انه كان مهزوم في المباراه 1 - 0 ... الا انه شدني له وانتابني شعور غريب مايوصف
ومن بعدها وانا ماسال الا على الفريق الازرق ... متى يلعب ... فاز ولا لا

وفي مره من الايام زارنا خالي ... وكان نصراوي ... وبحكم اني كنت اصغر واحد في البيت ... كان يبيني اصير نصراوي زيه ( يبقى ياخذ بعقلي حلاوه )
وكان يقول كلام في النصر ويمدح فيه ماخله شي ما قاله ... لا وكان يحش في الاتفاق ( يقول لي هذا فريق تشجعه .. فريق ضعيف .. ولا لونه اخضر واحمر هذا لون ) ومايدري اني انا ماشجعه ...
وكان يرويني صور النصر طبعاً على ايام ماجد ومحيسن ... يقولي شوف هذا لون اصفر وازرق احلى ...
ومع هذا ماقدر علي ... لان الفريق الازرق ماخذ كل تفكيري

عاد انا جاوبت خالي بكل برائه ... انا ماحب الاتفاق
فرح :p ... ( يحسبني بديت اشجع النصر ) .. عاد انا ماعطيته فرصه يفرح واجد
وقلت له : وحتى النصر ما احبه
قال لي : ليه
قلت له : لانهم سود ( طبعاً النصر في تلك الايام كان اغلب لاعبينه من اصحاب البشرة السمراء .. ماعدا واحد وهو الهريفي )
ضحك وقال لي : بس عشان كذا
قلت له : لا .. انا احب فريق لونه ازرق
وفجأة انقلب حاله وناظرني بعين وقال لي : تحب الهلال
طبعاً انا ماكنت اعرف اسمه في تلك الايام
قلت له : الهلال لونه ازرق
قال لي : ايه
قلت له : ايه انا احب الهلال

والى يومكم وانا هلالي

الحمدالله ان انعم علي هذي النعمه ...

لا وبقول لكم سالفه بعد ماراح تصدقون ... انا كنت اشبه بفيروس هلالي اصاب العايله الكريمة
لدرجة بعد ماكنت انا الوحيد هلالي ...

صاروا اغلب العايله هلاليه ... الا اكثرهم هلاليين
حتى خالي النصراوي .. صار يميل نوعاً ما للهلال ( لدرجة انه يشجع الهلال في المشاركات الخارجية ... وهذي الصفة غير موجودة في معشر النصراويين )

وهذي قصتي وانشاءالله تعجبكم ...

تقبلوا تحياتي I'm BoW WoW ...