من الآن ببعد عن التعصب والتدخل في شؤون النصراوية أتمنى من الشبكتين ان يكون شعارهم... - نادي الهلال السعودي - شبكة الزعيم

هلالي أصلي · #1 07/09/2005, 04:16 PM

السلام عليكم

بعد برنامج صدى الجماهير والي صار بين بولما موومشرف بمنتديات العالمي

صح ان بولما تكلم عن عدد أعضاء موقع العالمي وعن الشيك لكن كان التعاون واضح

بين بولما وعبدالله الفقير مشرف منتديات النصر بعد اللقاء يمكن البعض ماله خلق يتابع بعد

البرنامج مين المخرج ومهندس الصوت ويقرأ أساميهم أنا قلت بشوف وش صار ولقيت بولما والفقير

سلمو على بعض ودار بينهم حوار وهذا الي نبيه على طول بين الجماهير الهلالية والنصراوية أنا كلمت عضو

بمنتدى العالمي يعني الطريقة الي تعرفت عليه فيها غريبة بدت بالسب والشتم بالماسنجر وانتهت بالسلام عليكم بالجوال

تكلمنا أنا وياه عن ماجد وسامي وشعبية النصر والهلال ودخلنا بموضوع التعصب وأنا يمكن الي يعرفني من أول مادخلت الشبكة

ماتكلمت عن النصر ولاجبت طاريه ولاكنه نادي موجود ببلدي لكن بعد مادخلت منتداهم ولقيت سب من أعضاءهم أنا مارضيت عن الهلال

ورجعت لهم السب وطلعت فضايح والكل قرأ الموضوع أنا أدري ان الجمهور النصراوي يدخل شبكة الزعيم والجمهور الهلالي يدخل شبكة العالمي بس

ليه مايدخلون عشان ياخذون آراء بعض وتتحسن العلاقة الي بينا الكل يتذكر بعد حادثت لاعب الإتحاد الخريش لما بلع لسانه تحسنت العلاقة بقوة بين الجماهير الأهلاوية

والإتحادية وأكيد بعض الجماهير الفاهمة من الهلاليين والنصراويين ينتظرون لاعب يبلع لسانه عشان تتحسن العلاقة

لكن أنا أقول من أحين انب ببعد عن التعصب ولاراح أتكلم

عن النصراوية ولاراح أجيب لهم طاري ((بشرط))وحطو تحتها مليون خط ان المتخلفين من النصراوية والمتخلفين من الهلالية لحد يزعل مني وما أنكر اني حتى أنا كنت منهم انهم يبعدون

عن سب بعض وصدقوني شوفو وشلون الديربي بيكون والله روعة لاسب ولا شتم وأقول ياليت من أحين ان يكون شعار شبكة الزعيم وشبكة العالمي(بعيدا عن التعصب) وأنا أول واحد ببعد عن سب النصراوية

وترى الكورة ماتسوي كل هذا بعد أي مباراة هوشات وطقاق وسحب جلنطات قدام بعض ليه؟؟

من جد أقول من أحين مالهم داعي كل هالمشاكل وكل واحد يتعب ويرح يطلع فضايح الثاني يعني تلاقي البعض أعمارهم كبيرة

بس عقولهم صغيرة كل واحد يحسب ان إذا ضرب هالنصراوي أو ضرب هالهلالي بيرتاح ويحس انه قهر هالهلالي أو النصراوي ترى الكورة ماتسوي كل هذا وأتمنى من الحين ان الكل يبعد عن التعصب ونبدأ صفحة جديد بين الجمهور الهلالي والنصراوي

سلاام

R@K@N9 · #2 07/09/2005, 04:50 PM

الله يستر عليك ويوفقك

لا اظن ان المشجع الهلالي هو الذي يبدأ بمثل ما ذكرت ومو لاني هلالي

لكن يدافع عن الهلال

واذا تبون الراحة كل ما قال احد الهلال فيه وما يخطيه خلوه لحاله ولا ترد عليه

لانه ( ما يطرح السحاب نبح الكلاب )

D.Aziz · #3 07/09/2005, 04:58 PM

هلالي اصلي ياعيني عليك والله كلامك درر

هلالي المحبة · #4 07/09/2005, 05:03 PM

كلامك صحيح اخوي 100%

والله ياليت يكون في محبه على الاقل

يعني لاحد يجرح النصر ولا النصر يجرح الهلال

اخوكم هلالي المحبة

hilaly 100% · #5 07/09/2005, 05:11 PM

صح عليك بس الحيين المشكله صارت وين؟؟ صارت انه الواحد حاط انه الهلالي قوم والنصراوي قوم ثاني والاتحادي قوم الخ....
يعني صرنا نسولف مع واحد وطقينا صحبة يسألني وش تشجع اقوله الهلال يقول ينقلع ذا هلالي ما ينفع صديق ولا يجيك واحد اجنبي تسولف معاه تقوله من وين يقولك الدولة الفلانية وتكمل ولا كأنه في شي ما اقول انه احقد على الاجنبي بس انه واحد من لحمك ودمك سعودي وتسوي فيه كذا استحو على وجيهكم!

وشكرا