#1  
قديم 06/09/2005, 05:34 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
Post ]] BacK To ScHooL 2 [[

[align=center]

نحطم الأسعار تحطيماً <<< مب عاقل فتيحي


ايه وش كنا نقول ؟؟ << بدينا !! .. صح كنا نقول ان الدراسة قربت والإجازة انتهت .. وش احلى من كذا يا عاااااااااااالم ان الدراسة تبي تجي !! يا سلام .. واخيراً بعد ما ملينا من الإجازة نبي نرجع للدوام ونبي نرجع للحوسه ونبي نرجع لقومة الصبح ونبي نرجع للمواصل ونبي نرجع لتقلب وقت النوم مره انام العصر ومره المغرب ومره التسليمة الثانية لصلاة العشاء في السرير ومره الساعة 3 الفجر وانت ماشي ونبي نرجع لمتابعة الدوري الاسباني والإيطالي والإنجليزي والتشامبيونز ليق وتصفيات كأس العالم << تراه يحسب ان المباريات ماتجي إلا في الدراسة .. ونبي نرجع نشوف المصارعة يوم الثلاثاء ونبي نرجع نشوف النفسيات الزفت على الصبحية وكل واحد نفسه في طرف خشمه وأنا أولهم اللي نايم في السيارة مع ابوووه واللي داق اللطمة وابن امك تقوله شئ ونبي نرجع للزحمة في الإشارات والطقاق والصجة اول ما تصير الإشارة خضراء .. صح على طاري الإشارات الحين في ناس ياهم اغبياء والا اغبياء جداً جداً جداً .. الحين الإشارة زحمة وعالم قدامك واول ما تصير خضراء على طول يدق لك البوري ويزعجك !! يا لوح يعني ما تشوف ان قدامي سيارات ما بعد تحركت انت وخشتك يعني وش تبيني اسويلك اذا صار اللي قدامي ما بعد تحرك (( صورة وجه يقول يا انتم ترفعون الضغط )) صح نرجع لموضوعنا .. ونبي نشوف انواع الطقاق على مواقف الجامعة << يقول كان الله في عونهم وخصوصاً انت يالدووورب ;) والله يا انت تبي تبلش دوب وعجاز حلوها ..

ايه وما دامنا في طاري هالدوووب .. بسولف لكم عنه .. انسان ما عمري شفت زيه .. خلونا من سالفة الأخلاق وغيرها هو رجال ما تلقى زيه بس يقهرني في امور وسوالف !! اجل بالله احد يحب المخلل وغير كذا اكبر عجاز في هالدنيا واشك الا اجزم ان فيه 600 عرق سوداني اجل ذاك اليوم اكلمه يقول والله اني ميت عطش قلت له طيب انزل اشرب قال ياخي مشوار انزل من غرفتي وارجع تعب !! قلت بكيفك يا دوب وشوي أسأله هاه نزلت والا لا ؟؟ قال لا خلاص شربت بس ما نزلت !! قلت وشلون ؟؟ قال كان في غرفتي قارورة ماء لها ثلاث ايام وحطيتها عند المكيف (( يعنني المكيف يبي يخليها تصير بارده )) فوق انه عجاز دلخ بعد
وغير كذا الحين هو في آخر ترم له في الجامعة وربي يوفقه بس من الأساس وشلون وصل لـ المستوى هذا ؟؟ انسان ما يعرف يكتب زي الناس انواع الأخطاء الإملائية الفتاكة [[ طبعاً ما يوصل لـ أخطاء الفيروسه في موضوع الجمهره ]] لكن فوق انه ما يعرف يكتب حتى الكلام يجيب فيه العيد في الماسنجر انواع الأخطاء في الرسائل على الجوال انواع الأخطاء .. انا احس انه من العجز اللي فيه انه يشوف الخطأ لكن يقوووول يوه مشواااار اصلحه !! وفوق انه عجاز دووووب بشكل ما تتصورون ما شاء الله تبارك الله .. بس خل عنكم اول دوب اشوفه زين ;) .. بعطيكم عينة من الأخطاء اللي لعن ابو الحروف وشربكها ..

إقتباس
كلأنني المحرر بكبره ..

تراه يقصد كأني

إقتباس
عاد هالأجانب صضارمين ..

صارمين

إقتباس
قبل الباحر ( لا ) .. لأني وقفت عنهم و لقيت ( زحمه ) فمن الكسل نمت بدون عشاء مع إني مارهم الساعة 9 ..

يقصد البارح .. عندهم ..
شوفوا الرجال جوعاااااااااان وميت جوع وقف عند مطعم يحبه قلبه بالحيل تراه مب ماما نورة .. ويوم لقاه زحمه هون انه يأكل ..

إقتباس
وسطلطات

هذي ابن امه احد يفكر شفرتها والا يتوقع وش هالكلمة ..

ايه صح ترى عندنا تخفيضات بمناسبة العام الدراسي الجديد 15 % ;) .. وهي تشمل التالي ..

[glow=990033]يوزر جديد ما استخدم نهائياً ..[/glow]




[glow=990033]يوزر مستخدم استخدام حشمه يعني اقل من 100 مشاركة [/glow]




[glow=990033]يوزر مكروووف .. [/glow]





[glow=990033]يوزر مشكور ..[/glow]




طبعاً اليوزر اللي يباع ما يرجع نهائياً ولا يستبدل ..

وفيه سوالف كثيرة بس اصبروا خلونا نتعود على الوضع ;)

وكل عام وانتم بخير
[/align]
اضافة رد مع اقتباس
  #2  
قديم 06/09/2005, 08:00 AM
زعيــم نشيــط
تاريخ التسجيل: 11/11/2003
مشاركات: 796
إقتباس
هذي ابن امه احد يفكر شفرتها والا يتوقع وش هالكلمة ..



حياك الله صدى

سررت برؤيتك ==> فضاوة

بس مواضيعك تعجبني ( حيث انها دقاقة )


إقتباس
يعنني المكيف يبي يخليها تصير بارده )) فوق انه عجاز دلخ بعد

عادي شفيها ;) اخلي اي مشروب في غرفتي بعد شوي ارجع الاقيه بااارررد ما يبي الا مزمزه


الإشاراااااات افضل حل لها أن الواحد يستغل الوقت في الاستغفار ,,

يرتاح باله بشكل خيالي .. و يحس انه انجز شي بدال ملاسن خلق الله و لا التضرس و النرفزة ;)


ميغسيه صدى ..
اضافة رد مع اقتباس
  #3  
قديم 06/09/2005, 08:01 AM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
[align=center]هلا وغلا بهااااليوووزر
تو ماااااانور المنتدى يبو

ياااخوي انت وش سااااالفتك ماتجي الا مع بداايه الفصل
وتغيب الفصل كااامل



إقتباس
انسان ما يعرف يكتب زي الناس انواع الأخطاء الإملائية الفتاكة

ياااكثر هالنمووونه عندنا


بالنسبه لليوزرااات خيوو
احجز لي اليوزر الي ما استخدم نهااائي
وبالنسبه للسعر نتفاااهم انا وياك بعدين
الا بساالك تعطي عليه ضمان او لا



يسلموووو صدى على هيك مووووضع

بس كثر لنا من هالموااضيع الله يعاافيك




تحياتي لك كل ابووك
اخوك بروق نجد[/align]
اضافة رد مع اقتباس
  #4  
قديم 06/09/2005, 08:11 AM
زعيــم مميــز
تاريخ التسجيل: 11/12/2004
المكان: السعودية - الرياض
مشاركات: 1,659
[align=center]هلا صدى شخبارك تمام
إقتباس
يرحم أمكم عجزت أكتب موضوع وش السالفة :sad:

أجل هذا موضوعك ,, لو انك معطيني معروضك كان حليت مشكلتك من زماااان

إقتباس
صح كنا نقول ان الدراسة قربت والإجازة انتهت .. وش احلى من كذا يا عاااااااااااالم ان الدراسة تبي تجي

اي والله مافيه احلى من كذا (وجه عاض المخدة ويبكي)
بصراحه مايمديك تقول ليتها ماتجي لانها بتجي غصب عنك <<اسلوبة عجييب
ان شاء الله تكون سنه خيرها يحصدة الجميع ,

إقتباس
ونبي نرجع لمتابعة الدوري الاسباني والإيطالي والإنجليزي والتشامبيونز ليق وتصفيات كأس العالم << تراه يحسب ان المباريات ماتجي إلا في الدراسة

عاد توك قايم من النوم وشايل هم ان المباراة فاتتك ولا ,,
أنت تدري ان الجزيرة تشفرت << بالله عليك يقاله جاب شئ جديد

إقتباس
ونبي نرجع نشوف النفسيات الزفت على الصبحية وكل واحد نفسه في طرف خشمه

أوف عاد ياكثرهم وأنت عند الاشارة تلفت واضحك وتحمد ربك على النفس الزينه

إقتباس
وأنا أولهم

شكلــك تمزح

إقتباس
الحين الإشارة زحمة وعالم قدامك واول ما تصير خضراء على طول يدق لك البوري ويزعجك !!

والله ياعليهم حركات بايخه من جد ,,
ذكرتني بسالفه لواحد من اخوياي تراه مثل خويك دلخ بقوة ,, موقف عند الاشارة بعد ماصارت خضراء اللي وراة طاطططط طاااط يقول خويي ماامداها تصير خضراء وابو الشباب معلللق على البوررري ,, يقول عاندته ودقيت فليشر وفتحت الكبوت على بال ان سيارتي خربانه مسكين اللي وراة مايمديه يتحرك الناس مشوا الا هو,, عاد بعد ماصارت صفراء سكر الكبوت خويي ومشى
وجلس المزعج اللي وراة يحتري الاشارة تشتغل مرة ثانيه

إقتباس
قال كان في غرفتي قارورة ماء لها ثلاث ايام وحطيتها عند المكيف

خويك هذا يسمع بالتجارب الفيزيائيه
الله يقطع بليسه

إقتباس
الا اجزم ان فيه 600 عرق سوداني

والله قليله 600 عرق في حقة

إقتباس
طبعاً ما يوصل لـ أخطاء الفيروسه في موضوع الجمهره



إقتباس
كلأنني المحرر بكبره

خخ حسبت يقول باكل المحرر بكبرة << يقول وش عندة القوي

إقتباس
ايه صح ترى عندنا تخفيضات بمناسبة العام الدراسي الجديد 15 % .. وهي تشمل التالي ..

أفا نهون عليييك حنا اعضاء الشبكة ,, مفروض تعطي كل واحد كوبون مسبق الدفع

يعطيك العافيه يادووووب على هالخربشه
والله يوفقك ويوفقني ويوفق الجميــع

سلامي لك
[/align]
اضافة رد مع اقتباس
  #5  
قديم 06/09/2005, 08:31 AM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
[align=center]
الله من الدجة

الحمد لله إلى الحين الوضع تمام ..يعني مستمر بالدجة ..بس أتوقع إن الراس كبر شوي عن أول يعني طواقي العام ماراح تركب على راسك هالسنة ..طبعا السبب كثر النوم وأكل المطاعم ..وخاصة بواقي الأكل ..

طبعا صدى الأمس معروف إنه ما يروح للمطعم إلا قبل ما يقفلون عشان ممكن يحصل له سندويتشه زود أو بواقي العصير ( مبغوثات ) <---- تراه كذا ماهوب خطأ إملائي

على العموم عوداً حميداً وكان تبي دفاتر وشناط عندك شارع السويلم والعطايف أنواع الرخص .. وكانك هنا شارع المياه

وعلى فكرة ..ما ألقى عندك يوزر مستعمل خفييييف يعني مافيه إلا من خمسين رد وجاي ..وياليت تكون من طقة (( مشكوووووووور )) يعني ما أبيه قد دخل بنقاش حتى لو إنه عن اسمه


.....:: قفلة ::.....

إقتباس
<< يقول كان الله في عونهم وخصوصاً انت يالدووورب

;) :p


تحياتي لك ،،،[/align]
اضافة رد مع اقتباس
  #6  
قديم 06/09/2005, 08:58 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
[align=center]

أول شئ أشكر الغالي حبي تيماوي (( صورة وجه محمره خدوده )) ..

ثاني شئ والله يا عالم تبي تنبسط على هـ الموضوع والأخطاء اللي فيه

<<< من قالك تنشب لهم



هلا راسن ..

إقتباس
سررت برؤيتك ==> فضاوة

سررت بـ لقياك << تراهي تختلف عن رؤيتك

إقتباس
بس مواضيعك تعجبني ( حيث انها دقاقة )

وانت تعجبني اكثر لو انك غضيت الطرف شوي ;) .. << يقول والله يا ناس وااااجد فرحوا بردك ذا


إقتباس
عادي شفيها اخلي اي مشروب في غرفتي بعد شوي ارجع الاقيه بااارررد ما يبي الا مزمزه

والله لو ان مكيفك فريزر << جااب خبره

إقتباس
الإشاراااااات افضل حل لها أن الواحد يستغل الوقت في الاستغفار ,,

يرتاح باله بشكل خيالي .. و يحس انه انجز شي بدال ملاسن خلق الله و لا التضرس و النرفزة

الإستغفار في كل وقت وش زينه وهو احسن حل بدال ما تقعد تفكر مثل كل سعودي ;)

إقتباس
ميغسيه صدى ..


نو ميغسيه فور واجب

تحياتي لك ..



هلا والله بروق نجد ..

يالله انك تحييه وتبقيه ..

إقتباس
ياااخوي انت وش سااااالفتك ماتجي الا مع بداايه الفصل
وتغيب الفصل كااامل

تخبر نجي نحذف الترم ونمشي

إقتباس
بالنسبه لليوزرااات خيوو
احجز لي اليوزر الي ما استخدم نهااائي

يا خلفهم انت ما حددت اي تاريخ حدد قبل لا يروح عليك يوزر تبيه

إقتباس
وبالنسبه للسعر نتفاااهم انا وياك بعدين

السعر يالغالي شفه قدامك وهذي هي الأسعار النهائية ومافيها جدال وترى هذي الأسعار بعد التخفيض

إقتباس
الا بساالك تعطي عليه ضمان او لا

افا عليك !!!

اسمي اكبر ضمان

إقتباس
يسلموووو صدى على هيك مووووضع

وش قصدك ;) !!!


تحياتي لك يا خلفهم ونورت الموضوع ..




هلا والله ..][ فـهـد ][.. ..


إقتباس
أجل هذا موضوعك ,, لو انك معطيني معروضك كان حليت مشكلتك من زماااان

ليتك تشوف حالتي .. بس وش نقول شكلك من يوم نويت تكتب الموضوع وهو نازل مب انا لي يومين وليته نزل طبيعي !! لا بعملية قيصرية !!


إقتباس
والله مافيه احلى من كذا (وجه عاض المخدة ويبكي)


إقتباس
بصراحه مايمديك تقول ليتها ماتجي لانها بتجي غصب عنك <<اسلوبة عجييب

خلاص عشان كذا ليه الواحد يزعل ويشيل هم

إقتباس
ان شاء الله تكون سنه خيرها يحصدة الجميع ,

اللهم آمين ..

إقتباس
عاد توك قايم من النوم وشايل هم ان المباراة فاتتك ولا ,,

يا كثر ما تصير لي ..



إقتباس
والله ياعليهم حركات بايخه من جد ,,
ذكرتني بسالفه لواحد من اخوياي تراه مثل خويك دلخ بقوة ,, موقف عند الاشارة بعد ماصارت خضراء اللي وراة طاطططط طاااط يقول خويي ماامداها تصير خضراء وابو الشباب معلللق على البوررري ,, يقول عاندته ودقيت فليشر وفتحت الكبوت على بال ان سيارتي خربانه مسكين اللي وراة مايمديه يتحرك الناس مشوا الا هو,, عاد بعد ماصارت صفراء سكر الكبوت خويي ومشى
وجلس المزعج اللي وراة يحتري الاشارة تشتغل مرة ثانيه

والله ان هذا يعجبك .. قسم بالله انه رهيب ..
تدري وش اللي يقهرك .. انه يشوف امة محمد كلها قدامك وبينك وبين الإشارة 13867647867 سيارة ويدق لك البوري !!


إقتباس
خويك هذا يسمع بالتجارب الفيزيائيه
الله يقطع بليسه

علمه الله لا يهينك وعلم راسن معه

إقتباس
أفا نهون عليييك حنا اعضاء الشبكة ,, مفروض تعطي كل واحد كوبون مسبق الدفع

يا حبيبي قبل امس بايع يوزر على ابوي << يا كبرها .. اقولك بايعه بـ أعلى من هـ الأسعار .. عاد البزنس بزنس وما فيه اخوي ولا ولد عمي ولا شئ

إقتباس
يعطيك العافيه يادووووب على هالخربشه

يؤ وش درااااااااااااااااك ..



تحياتي لك ..



<<< فرحان ان الموضوع نزل على طول رد ويقول الله يستر بس لا يطير الرد بعد
[/align]
اضافة رد مع اقتباس
  #7  
قديم 06/09/2005, 09:11 AM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
[align=center]
هلا بـك صدى الامس ،،،،

قبل لاأخليك تصيد أخطائي ترى عندك اخطاء ماحطيت الهمزهـ ع الحروف ،،،
تبيني أسردهـا لك

إقتباس
ايه وش كنا نقول

إيه

إقتباس
صح كنا نقول ان الدراسة قرب

إن
إقتباس
اللي نايم

نامـ موب أنا اللي أقول غلط وورد يقول هالعضو عليك فيه يالفيروسه خذي اخطائه

إقتباس
3 الفجر وانت ماشي

وأنت
إقتباس
الدوري الاسباني

الأسباني

إقتباس
اغبياء والا اغبياء

أغبياء وإلا أغبياء

إقتباس
والصجة اول

أول



أقووووووووول تعبت بس أهمـ شي هالصيد ماراح يصير مثل صيد البارق
لك يسلمووووووو بروووق عرفت تصيد صدى


نجي لموضوعك يالداج

إقتباس
وش احلى من كذا يا عاااااااااااالم ان الدراسة تبي تجي !! يا سلام .. واخيراً بعد ما ملينا من الإجازة نبي نرجع للدوام ونبي نرجع للحوسه ونبي نرجع لقومة الصبح

أي وش زييييييييييييييييين الدراسـه أمووووت عليهـا وع زحمتها وع تعاستها
ياأخي الإجازهـ ذي ترفـع الضغط وجع مابغت تخلص [ تكفين يالإجازهـ لا تروحين والله ابغااااااك ]

إقتباس
ونبي نرجع للزحمة في الإشارات والطقاق والصجة اول ما تصير الإشارة خضراء .. صح على طاري الإشارات الحين في ناس ياهم اغبياء والا اغبياء جداً جداً جداً .. الحين الإشارة زحمة وعالم قدامك واول ما تصير خضراء على طول يدق لك البوري ويزعجك !!

لااااااااااااااااا الغبي جدددددددددداً
اللي تكون الإشاره خضراء وهو نايمـ وإذا صارت حمراء مشى وأزعج اللي قدامـه بالبوري
والله ياأشكالهمـ تضحك

إقتباس
ونبي نشوف انواع الطقاق على مواقف الجامعة

الحمدلله ماعندنا طقاق ع المواقف ... عندنا طقاق جو الجامعة .....!

إقتباس
[[ طبعاً ما يوصل لـ أخطاء الفيروسه في موضوع الجمهره ]]

الحمدلله جاء البارق وأخذ حقي منك
عاد أنت خطأ لك يساوي 10 عندي

إقتباس
هذي ابن امه احد يفكر شفرتها والا يتوقع وش هالكلمة ..

أتوقع السلطات

إقتباس
يوزر جديد ما استخدم نهائياً ..

أبي يوزر عامـ 1998

إقتباس
يوزر مستخدم استخدام حشمه يعني اقل من 100 مشاركة


وش معنى حشمه

إقتباس
يوزر مكروووف ..

ع طاري المكروف ببيع يوزري شرايك تجيب لي مشتري ولك نسبه ،،،



يسلمو خيو ع هيك موضوع خيف











الفيروسه الزرقاء [/align]
اضافة رد مع اقتباس
  #8  
قديم 06/09/2005, 11:25 AM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
الـحـاتـمــي ...


مــر مــن هـــنـــا ...


ويـقـول : الله لا يحييك يا صدى البارح إلا بكل خير ;)


شف لنا يوزري كم يسوى ودنا نبيعه !!


بس ( تقسيط ) ما نقبل !!
اضافة رد مع اقتباس
  #9  
قديم 07/09/2005, 03:02 AM
موقوف
تاريخ التسجيل: 29/04/2004
المكان: في اللفة !
مشاركات: 7,555



لي رقعة وتعليق ..!!
اضافة رد مع اقتباس
  #10  
قديم 07/09/2005, 03:08 AM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
إقتباس
هذي ابن امه احد يفكر شفرتها والا يتوقع وش هالكلمة ..

أنا أفكــّــر شفرتها

<< يا عالم شلون هالناس تكتب .. الى متى بنستحمل هالاخطاء الاملائيه


اضافة رد مع اقتباس
  #11  
قديم 07/09/2005, 03:29 AM
زعيــم فعــال
تاريخ التسجيل: 05/04/2005
المكان: تحت قدمي أمي
مشاركات: 379
هلا وغلا بالدوووووووب وين هالغيبات <<<<<< مسوي انه يعرفك

حمد لله على السلامة وعودا حميدا


نحطم الأسعار تحطيماً <<< مب عاقل فتيحي



لا والله وانت الصادق العثيم مول اجل فتيحي يحطم اللا يجمد


ايه وش كنا نقول ؟؟ << بدينا !! .. صح كنا نقول ان الدراسة قربت والإجازة انتهت .. وش احلى من كذا يا عاااااااااااالم




اي والله وخاصة اول اسبوع لطلاب الجامعة
ان الدراسة تبي تجي !! يا سلام .. واخيراً بعد ما ملينا من الإجازة



في ذي وربي صادق ملل وضيقة خلق

نبي نرجع للدوام ونبي نرجع للحوسه ونبي نرجع لقومة الصبح


قومت صبح انت وجهك ياالحبيب كبر المخدة وبس هذاك ونحن صغار نقوم الصبح <<< اللي يشوفه يقول كبير



.. ونبي نرجع نشوف المصارعة يوم الثلاثاء



قصدك اللي على الهواء مباشرة <<<< يغيب عن المحاضرات يوم الثلاثاء بالصبح



ونبي نرجع نشوف النفسيات الزفت على الصبحية وكل واحد نفسه في طرف خشمه



كل واحد يتكلم على نفسه لو سمحت <<<<< صاك الميانة



صح على طاري الإشارات الحين في ناس ياهم اغبياء والا اغبياء جداً جداً جداً ..



وبعد وحده مني فوق البيعة ( جدا)


الحين الإشارة زحمة وعالم قدامك واول ما تصير خضراء على طول يدق لك البوري ويزعجك !! يا لوح يعني ما تشوف ان قدامي سيارات ما بعد تحركت انت وخشتك يعني وش تبيني اسويلك اذا صار اللي قدامي ما بعد تحرك


هذا هم الشعب العربي والخليجي والسعودي بصفة خاصه والزحمة ماتجي الا في حالتين عند الاشارات واذا بطنه بدا يصوصو وهذي للخليجي اذا شافوا بنات الا من رحم ربك



(( صورة وجه يقول يا انتم ترفعون الضغط )) صح نرجع لموضوعنا .. ونبي نشوف انواع الطقاق على مواقف الجامعة


والله يااني اوقف خارج الجامعة واروح كعابي اروح للجامعة وبطني فللللللل واوصل لقاعات الدراسه وانا مهضم ;) بس اهم شي مااوسخ ثوبي بالطقاق






D


D ..


هذي ابن امه احد يفكر شفرتها والا يتوقع وش هالكلمة ..



على كذا نبي نستاجر قراصنه فك تشفير الاي ار تي





ايه صح ترى عندنا تخفيضات بمناسبة العام الدراسي الجديد 15 % ;) ..


والله لو انك منتجات روكو المدرسيه














طبعاً اليوزر اللي يباع ما يرجع نهائياً ولا يستبدل ..



وش رايك تكون وسيط بيني وبين العضو لوحة مميزة الله يذكره بالخر عشان ابيعه يوزري وربي صجني فيه

وفيه سوالف كثيرة بس اصبروا خلونا نتعود على الوضع ;)



وربي راح نتظرك على احر من الجمر <<<<<<<< لايكثر بس



يعطيك الف عافيه على هالوجبه الخفيفة <<<<<< ماقال دسمة عشان لا تجي وتطاحن تحسبها اكل لانك دوووووب


مشكور

تقبل تحياتي

اخوك/ سلطان
اضافة رد مع اقتباس
  #12  
قديم 07/09/2005, 04:09 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222


[align=center]

هلا والله ومليون هلا بالبارق (( صورة قلب كبييييييير بــ الحيل كبر دوارات البدائع ))

وألف مليون مبروك على قشعة آخر إشارة إلا هو صدز

إقتباس
الله من الدجة

وش الجديد يا خلفهم ما نتغير حنا << يحسبه يمدحه

إقتباس
الحمد لله إلى الحين الوضع تمام ..يعني مستمر بالدجة ..بس أتوقع إن الراس كبر شوي عن أول يعني طواقي العام ماراح تركب على راسك هالسنة ..طبعا السبب كثر النوم وأكل المطاعم ..وخاصة بواقي الأكل ..

اي رأس ;) يا خلفهم رأسي وإلا رأس المعسل
هين الرأس لازم يكبر .. تخبر صرنا نهاوش ونعرف نوقع حضور وإنصراف << اكبر همه

طيب وش العلاقة بين النوم وأكل المطاعم والبواقي قسم بالله انك انت الداج


إقتباس
على العموم عوداً حميداً وكان تبي دفاتر وشناط عندك شارع السويلم والعطايف أنواع الرخص .. وكانك هنا شارع المياه

الحمد لله مالي بــ الأمور ذي موصيهم كل واحد يجي ومعه عدته ..
وانا بذا يا خلفهم منب من اهل فيذا

إقتباس
فكرة ..ما ألقى عندك يوزر مستعمل خفييييف يعني مافيه إلا من خمسين رد وجاي ..وياليت تكون من طقة (( مشكوووووووور )) يعني ما أبيه قد دخل بنقاش حتى لو إنه عن اسمه

والله يالغالي طلبك صعب مره !!
يـ البارق وشلون تبي يوزر مشكور واقل من خمسين رد !! ما تجي يا خلفهم !!
ذولا الواحد يسجل اليوم امس العصر تلقى مشاركاته 60 !!
ومن قال انهم يدخلون في نقاشات !!
ذولا يا خلفهم بس يجي مدرعم مشكور ويمشي !!
والله بعضهم يقول مشكور والرجال يبي يحل !!
يعني عمرك شفت درعمه مثل تسذا !! والا واحد يسأل ويرد عليه بــ مشكور !!
بــ صراحه دور لك طلب غير هــ الطلب !! وما كان ودنا نردك بس وش نسوي !!


إقتباس
.....:: قفلة ::.....

اخس وصرت تعرف تلون بعد بس خل عنك وشلون طلعتها !!

البارق ..
إقتباس
أدري بتقول أحسن ..لكن برأيك اللي يعطون الأسئلة بالشكل هذا ..هل بيخلون الطلاب يفكرون ويحللون أئلة الوزارة ..؟!!!!

وش تقول في الجملة هذي !!
قسم بالله يوم قريتها بغيت اموت من الضحك بس ما بغيت احوس موضوع الرجال !!
أجل يحللون !! وأئلة !!

البارق تراني احبك : << خربها
نورت الموضوع يا خلفهم ..
تحياتي لك ..



هلا والله الفيروسه الزرقاء ..

إقتباس
قبل لاأخليك تصيد أخطائي ترى عندك اخطاء ماحطيت الهمزهـ ع الحروف ،،،
تبيني أسردهـا لك

يؤ على كذا أجل كل كلامتس خطأ × خطأ .. انا ما أحط الهمزة ولا اجيب كلمات جديدة


إقتباس
أقووووووووول تعبت بس أهمـ شي هالصيد ماراح يصير مثل صيد البارق
لك يسلمووووووو بروووق عرفت تصيد صدى

يؤ تعبتي !! على همزات !! اجل وش اقول انا ;) !!
ذاك اليوم اخذت اجازة من العمل بسبب الرد ذاك انواع الإرهاق الجسدي والذهني << يقول من قوة الكلمات واللخبطة اللي صارت فيها صدع رأسي ورأس الحارة كلهم

إقتباس
أي وش زييييييييييييييييين الدراسـه أمووووت عليهـا وع زحمتها وع تعاستها
ياأخي الإجازهـ ذي ترفـع الضغط وجع مابغت تخلص [ تكفين يالإجازهـ لا تروحين والله ابغااااااك ]

أصبري شوي .. الحين يوم انتي تقولي وع زحمتها وع تعاستها .. تقصدين على وإلا تقصدين انها وع يعني مهوب زينة !!
ترى والله العظيم ما ينقص منتس شئ ان كتبتي على << تراهي حرفين بس .. والحبر على المنتدى يعني منتب خاسره شئ من عندك ..


إقتباس
الحمدلله ماعندنا طقاق ع المواقف ... عندنا طقاق جو الجامعة .....!



جو الجامعه اي مناخها والا جوا يعني داخل
تكفين عربي

إقتباس
الحمدلله جاء البارق وأخذ حقي منك
عاد أنت خطأ لك يساوي 10 عندي

ليس الفتى من قال كان ابي .. لكن الفتى من قال اها بس

إقتباس
أتوقع السلطات



إقتباس
أبي يوزر عامـ 1998

ان شاء الله بس تراه يبي يكون غالي مره !!

إقتباس
وش معنى حشمه

يعني عكس هيفاء بنت وهبي


إقتباس
ع طاري المكروف ببيع يوزري شرايك تجيب لي مشتري ولك نسبه

انتي من يبي يوزرتس !!
أول شئ يوزر بنت وثاني شئ مكروووف لين ما قال بس ..

عدد المشاركات » 10,115 .. هذا ما يمديه يأخذه من عندتس إلا هو منتهي اليوزر ما فيه شده يمشي
بمعدل » 7.66 مشاركة يومياً .. اللي هذا معدل مشاركاتس محد يبيه !!

اقول شكلتس كنتي من أول الأعضاء اللي ابتدعوا بدعة الــ مشكور !!

ما شاء الله تبارك الله لا تقولين حسدنا


تحياتي لكِ << يازين وانا كاشخ بــ الكسرة


هلا والله بالحاتمي ..

إقتباس
ويـقـول : الله لا يحييك يا صدى البارح إلا بكل خير

الله لا يحييك
الله يحييك بمثله


إقتباس
شف لنا يوزري كم يسوى ودنا نبيعه !!

ما يسوى ولا ريال يوزر مغير يمر ويمشي راعي دوران يعني وفرفره بـالمنتديات يعني من السرابيت


إقتباس
بس ( تقسيط ) ما نقبل !!

انت خل احد يبيه همن تشرط انت وخشتك

تحياتي لك ..


هلا قلب الشلهوب

إقتباس
لي رقعة وتعليق ..!!

نحتريك بس لا تصيف ترى بأمشي باتسر << تكفى طس



هلا والله سهل 888 ..

إلا وش أخبار البرفسور

صدز والله بشرنا عنه ان شاء الله انه بخير ..

إقتباس
أنا أفكــّــر شفرتها

يا بعدي انتم اول زينوا منتداكم الداج همن حاسبوني على الأخطاء اجل لا نقدر نكتب موضوع ولا نقدر نعدل الردود ولا شئ لا الله ابوك من منتدى << خربها

إقتباس
<< يا عالم شلون هالناس تكتب .. الى متى بنستحمل هالاخطاء الاملائيه

سهل .. علم البارق والفيروسه تعبنا وحنا نصحح لهم


تحياتي لك .. <<< بغى يتهور ويقول لكِ



حمتو 123456789 بأرجع لك خلاص تعبت راحت اللياقة



[/align]
اضافة رد مع اقتباس
  #13  
قديم 07/09/2005, 01:17 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
[align=center]

هلا حمتو ..

إقتباس
هلا وغلا بالدوووووووب وين هالغيبات <<<<<< مسوي انه يعرفك

حمد لله على السلامة وعودا حميدا

هلا بك اكثر يالبثر <<< مسوي انه يمون
من قال اني مسافر

إقتباس
قومت صبح انت وجهك ياالحبيب كبر المخدة وبس هذاك ونحن صغار نقوم الصبح <<< اللي يشوفه يقول كبير

حمتو انت وخشتك ان كبرت المخدة وسحبت على الدوام تعطيني راتب

إقتباس
قصدك اللي على الهواء مباشرة <<<< يغيب عن المحاضرات يوم الثلاثاء بالصبح

اعلمك انك داااج تجي يوم الأثنين الصبح
واللي يقطعونها إذا جت ****

إقتباس
كل واحد يتكلم على نفسه لو سمحت <<<<< صاك الميانة

يازين من شاف خشتك الصبح يحلفون ان ودك تفرش عمرك من زود القفلة

إقتباس
هذا هم الشعب العربي والخليجي والسعودي بصفة خاصه والزحمة ماتجي الا في حالتين عند الاشارات واذا بطنه بدا يصوصو وهذي للخليجي اذا شافوا بنات الا من رحم ربك

الظاهر انها بس عندنا يـ السعوديين
بعدين لا تتكلم عن اهل الخليج وانت ما تدري
<<< يبي الأعضاء يشبون عليه

إقتباس
والله يااني اوقف خارج الجامعة واروح كعابي اروح للجامعة وبطني فللللللل واوصل لقاعات الدراسه وانا مهضم بس اهم شي مااوسخ ثوبي بالطقاق

هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

خبل

إقتباس
وش رايك تكون وسيط بيني وبين العضو لوحة مميزة الله يذكره بالخر عشان ابيعه يوزري وربي صجني فيه

انقلع بس
<< خربها

إقتباس
يعطيك الف عافيه على هالوجبه الخفيفة <<<<<< ماقال دسمة عشان لا تجي وتطاحن تحسبها اكل لانك دوووووب

ينعن ام الإشاعة اني دووووب
<<< يعنني مهوب دووووب

مشكور حمتو ,,

شف من كثر ما انا احبك حاط لك رد خاص فيك

<<<< والله من التسذب
[/align]
اضافة رد مع اقتباس
  #14  
قديم 07/09/2005, 02:41 PM
الصورة الرمزية الخاصة بـ واحد زاحف
زعيــم مميــز
تاريخ التسجيل: 30/01/2004
المكان: الرياض >><< ريدنق
مشاركات: 3,566
[align=center]احم احم .. ( يلمح لك تبيع يوزره ) ..

وه بس توجيهي :sad: ..

الله يعين . . [/align]
اضافة رد مع اقتباس
  #15  
قديم 07/09/2005, 03:45 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,453
[align=center]ماسكـه معي اليوميـن ذي ماغيـر ضحك على الطـلاب ،، لدرجـة اني متـوزي بأحـد اخواني وقايله ابرزلي ابيك بسالفـة واجـره الى الحـوش وانصحـه بطريقة تهكميـة ((شف وانا اخـوك انت طالب لازم تتعود ترقد بدري ترا مايصيـر تسهـر للساعـة 11 بالليل )) ، شوي الا يطالع فيني ويقول خلصت ؟ قلت ايه وامسك بطني من الضحـك ...

ياخـوي احمـدوا ربكـم عطلة ثلاث شهـور ، انا دوام من الساعة 7 للساعة 3:30 يوميا ماعدا الخميس والجمعـة اكرف زي ******* ;) وأخوياي اللي متسـدح شخري بها الشقق ، اول مااصحى من النوم واحط المنشفة على رقبتي واقطع الخط بين زحمـة العيال ((كني حاشي حطوه بحوش تيوس )) وماغير ضحك علي ...

المهم صـدى الأمس مالك بالطويلــة ..

أنا مستاااااانس واتشقق من الوناسـة ابي اداوم واحس ان هالعالم تداوم معي .. اشتقت للزحمـة الصباح ..اشتقت للبوري ... جرب تداوم بدون زحمـة ... صدقني لو تطول الاشارة دقيقتين مايجون علي الا انا شخري انتفض مكاني ...

على طاري المخلل .. ذكرتني بوااااحـد ... قرا نشـرة فيها فوايـد الجرجيـر ... صـااارت الوجبـة المفضلـة عنـده الجرجيـر ويختمها بفمتـو ...هذا مع رااااعي الفمتـو صدقني انصحهم يسووون توأمـة ..

الله يعطيك العافيـة صـدى ..
[/align]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:43 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube