ساعدوني في اتخاذ القرار في اسرع وقت..؟! - نادي الهلال السعودي - شبكة الزعيم

الأنفنز الهلالي · #1 06/09/2005, 03:00 AM

بسم الله الرحمن الرحيم

انا ادرس في مدرسه حكوميه تابعه لوزاره الدفاع والطيران الصف الثالث ثانوي

وتعرفون الواحد لازم يجيب 100% حتى يمخمخ عى الجامعه الى يبي

بس اخوي يقول انقل لمدرسه اهليه((خاصه)) احسن عشان الدرجات وكذا

وانا محتار لابعد الحدود

انقل ولا لا

واذا انقل وش تنصحوني فيه من مدرسه حتى انقلها

وشكرا

الهنوووف · #2 06/09/2005, 03:07 AM

اخووووي
انا مثلك محتاره
بس الحين قررت اجلس بمدرستي
وقالولي النسبه الي بتجيبنها هنا بتجيبنها بالاهليه
الي كاتبه ربي بيصير
وانت اذا مدرستك حلوووه ويساعدون لاتنقل

تمنياتي بالتوفيق

miss-ksa · #3 06/09/2005, 03:31 AM

انا مثل حالتكم صراحة ودي اروح اهليه بس المدرسات اللي فيها مايعرفون وين الله حاطهم

اقعد بالحكومية ازين

لوحة مميزة · #4 06/09/2005, 04:16 AM

[align=center]
اللي مرتاح في مدرسته

ودراسته السنين اللي راحت فيها ممتازة
وسمعته فيها زينه
ونسبته في السنين اللي راحت زينه وفيه تعاون من المدرسين
يعني علاقاتك من أحسن ما يكون
يجلس في مدرسته

واللي العكس أو فيه نقص
يحول لمدرسة أهلية

بكل الأحوال أنصح بمدرسة أهلية سنة 3 ثانوي إذا يقدر
لكن إذا أطبقت كل الشروط اللي فوق لا يغير مدرسته

وفي حال جلست بمدرستك حاول تحسن صورتك وتابع أول بأول
وإذا عندك مدرسين مواد أساسية مايعرفون يشرحون أو متساهلين
لا تتردد تبلغ الإدارة أو المرشد الطلابي

تحياتي ..
وتمنياتي لكم بدوام التوفيق والنجاح
[/align]

الفيروسه الزرقاء · #5 06/09/2005, 04:35 AM

[align=center]
لا والله أنتقل وغيروا مدرستكمـ

تدرون ليش

:
:
:
:
:
:
:
:
:
:
:
:
:
:

لانكمـ بتفلونهـا مع صديقاتكمـ

وتهبلون بالمراقبات

أما أذا انتمـ من خلقكمـ ربي وانتمـ هاديين وماتحبون تطلعون برا الفصل ... لأ أجلسوا أحسن لكمـ

بالاهليه بتجيب أعمال السنه كاملـه بس راح تنخسف بالنهائي إذا كنت كسلان
فلازمـ الأهتمامـ يكون منك ... علشان تجيب نسبه حلوهـ

،،،

بالتوفيق لكمـ ...

الفيروسه الزرقاء [/align]

صدى الامس · #6 06/09/2005, 04:50 AM

[align=center]
تبي الحق خلك على مجنونك لا يجيك اللي أجن منه

<< والله من زين النصيحه

يالغالي الأهلية ما عاد تفرق عن الحكومية .. الأهلية تبي تضمن بس درجات أعمال السنة لا أكثر ولا أقل .. وصدقني الحكومية ابرك في اوقات ..

يعني مدرستك اذا هي حلوه ومدرسينها تمام التمام ويعرفون يشرحون (( سمعت يالبارق

)) خلك فيها ولا تنقل ..

وموفق (( ولد حمزة ادريس

)) ان شاء الله .. [/align]

مغرور حدي · #7 06/09/2005, 05:12 AM

[align=center]اذا تبي نصيحتي ادرس برا الرياض بمدرسه اهليه او حكوميه
بس بشرط المدينه ماتكون كبيره يعني مثل الدمام الخبر جده
تعال شمال احسن لك

تحياتي للجميع
أحمد[/align]

كوكو2005 · #8 06/09/2005, 05:34 AM

انا بعطيك حل بس لا تزعل
انتحر افضلك لانك بتخرج من الجامعه ولا انتب لقي وضيفه فختصرها من الحين وانتحر

..][ فـهـد ][.. · #9 06/09/2005, 05:38 AM

[align=center]على حسب مستواك في السنتين الاخيرة
يعني اذا مستواك في تصاعد وجيد انصحك بالبقاء
اما اذا كان العكس فلازم تشوف لك مدرسه ثانيه
مع اني انصحك بالبقاء لانك خلال هالسنتين الي فاتت (المفروض) انك مكون علاقات قويه مع مدرسينك وهذي راح تنفعك آخر سنه

سلامي لك[/align]

سندريلا الهلال · #10 06/09/2005, 08:06 AM

انا من وجهة نظري ان الحكوميه افضل لانها ماتفرق بين شاطر وكسلان اللي يعطي ويجتهد

مايضيع تعبه وبعدين الحكوميه يأهلونك صح لاسئلة الوزاره اما الاهليه راح يكون فيه تساهل

واللي بيضيع في النهايه الطالب لكن الحكوميه تأسيسها للطلاب افضل والمدرسين متعاونيين

دائما مع الطلبه

تمنياتي لك بالنجاح والتوفيق في الدنيا والاخره

الفيروسه الزرقاء · #11 06/09/2005, 08:14 AM

[align=center]

إقتباس


	مايضيع تعبه وبعدين الحكوميه يأهلونك صح لاسئلة الوزاره اما الاهليه راح يكون فيه تساهل

من قال

....!

بالعكس الأهليـه والله يعطونـك مذكرهـ كلهـا أسئلـه وإجابه نموذجيه للاختبارات الوزارهـ ، غير كذا الأهليه باليومـ الواحد فيها 8 حصص

أما الحكوميه لأ

عموما،،
مو كل المدارس الأهليه كويسه كذلك الحكومية

إقتباس


	ويعرفون يشرحون (( سمعت يالبارق ))

لووووووو

ووووووووووووو

وووووووول

الفيروسه الزرقاء[/align]

البارق · #12 06/09/2005, 08:52 AM

[align=center]
إيه سمعت ..أشوفكم تضحكون

المهم رأيي إن الحكومية أفضل بكثير لتجربتي بالمراقبة في المدرسة الأهلية !!!

والله مستوى الطلاب في الأهلية ما يأهلهم ولا للمهني ( مع إحترامي للمهن الشريفة

)

يعني مثل ما قال البعض إن كانت أمورك زينة في المدرسة حقتك خلك فيها ..أما إن كان فيه مشكلة أو مشاكل الانتقال أفضل ..!!

مسألة الدرجات ..صح الأهلية يكبون درجات ( أعمال السنة !! ) لكن والله التأهيل عندهم أي كلام !! يعني تصور إن فيه سؤال أذكره لطلاب أول ثانوي أقسم بالله إنك لو جبت طالب ثالث إبتدائي إن يحله على الأقل بنسبة 85% ..!!!!

أدري بتقول أحسن ..لكن برأيك اللي يعطون الأسئلة بالشكل هذا ..هل بيخلون الطلاب يفكرون ويحللون أئلة الوزارة ..؟!!!!

كلام الأخت الفيروسة إنهم يعطون مذكرات ..ترى زيارة لأقرب مكتبة أو محل تصوير بتلقين فيه كل شيء ..وإن ما أعجبتك المنتديات التربوية كثرت فيها تقريبا أي إجابة لأي استفسار ..

والله رأيي إن المدارس الأهلية مكان لتحصيل الأموال فقط !!! صح بتنفع أو وثاني ثانوي ..لكن ثالث المسألة أسئلة وزارة وشلون الواحد يكون مؤهل لحلها ..

طبعا اسئل في المدرسة اللي أنت فيها عن المدرسين للمواد الحساسة وإن كان فيه أحد دون المستوى فيه مكتب الخدمات التربوية اللي يقوم بعملية الدروس الخصوصية المنظمة والنظامية وفيها تقدر تنقي المدرس اللي تبي بسعر معقول جداً ..

ترى الكلام هذا مجرد رأيي الخاص ولك الحق في الأخذ به او تركه ..

ولك علينا الدعاء لك بالتوفيق والنجاح وإن شاء الله تحقق أعلى الدرجات في الدنيا والأخرة ..

تحياتي لك ،،،[/align]