مغامرات BoW WoW في بريطانيا ... الجزء الثاني ( نسخه اصليه .. يعني مش ...!!!! )
مـــــــــــــــــــــــــــرحبــــــــــــــــــــا شباب ...
ادري اني طولت عليكم ... ولكن ( كل تاخيره وفيها خيره ) ... مادري صح كذا ولا غلط ??????
وحياكم في الجزء الثاني .. من مغامراتي
واللي حاب يتذكر الجزء الاول يضغط هنا ..
http://alzaeem.com/vb/showthread.php3?threadid=23306
**************************************************************
المهم انطلقنا الى مطار الملك خالد الدولي بسيارتنا البيجو .. والله ياهي سيارة تصدقون الشي الوحيد اللي مايطلع فيها صوت هو البوري ( حلو حلو حلو )
وبعد ذلك استقلينا الطيارة وبما اني انا اللي ناجح خلوني اركب في المرتبة القدامية جنب السواق .. وياليتني ماركبت طلع سواق الطيارة اندونيسي ... وكل ما وقفنا عند محطه على الخط قال لي رح انزل جب ميراندا .. رح انزل جب بكت مارلبورو .. رح ورح .. رح ورح ..
عاد انا اللي كان مهونها علي اني كل مانزلت في محطه رحت اختلي بنفسي في حماماتها واهون علي عناء السفر الين وصلنا مطار هيثرو .. وحنا وصلنا والا ماوصلنا .. تصدقون عاد اليوم شفت الزحمة واشكال بناتهم حسيت ان بناتنا رجال متنكرين
تصدقون اسود ركبة بنت بريطانية ابيض من ابيض بنت عندنا لا والا عاد الربيع ياخي ربيعهم اطلق من الصمان عندنا .. الامر اللي خلى الوالد ينبسط ( على باله بيلقى فقع ) ... ماعلينا عاد احنا كنا حاجزين في العييري للشقق المفروشة ولما رحنا ودخلت حماماتهم لقيتها دون المتوسط وجات اغلب فترات الشوط الثاني (
ماعليه شباب شطحت اشوي )
اقول الحمامات ما كانت في المستوى .. فجلست اصيح
عاد ابوي ما يستحمل يشوفني اصيح ( ماعليش اتخيل اني وحيد امي وابوي )
المهم قال اخوي الكبير الله يحييه كلش والا بكوتك يا شعرة قلبي ( ما طلع اخوي ذا ... طلع حمام ( حنون جداً ) الحين نروح واسكنكم في قصر بيكهام .. الوالد كما اسلفت سابقاً ( حلوه كما اسلفت ) يحب الرزة فوافق مباشرة .... وصلنا قصر بيكهام وطبعاً كالعادة حجزت انا الغرفة اللي تطل على بيت الجيران ( عشان اشوف بنتهم كم مره تدخل الحمام في اليوم )
واكيد اني بنام في الحمام .. والله يا حمامات في قصر بيكهام ( تصدقون في حمامهم كتبت خمس قصايد في جلسة تفريغ وحده
وبما اننا جوعانين نقز ابوي يم اقرب محل وجاب لنا كبدة حاشي .. والله ياهي كبده وعلى الحاشي تصدقون ان البعارين في بريطانيا لون ركبهم بيض
.. يعني العلة عندنا مو بس في البنات الموضوع صار واصل حتى الحيوانات الامر الذي يحتم علينا اننا نناشد جمعية حقوق الانسان والحيوان وهيئة الامم المتحدة ومدرسة الحياة الاهلية ( هه وش دخلها ذي ) وجميع الجمعيات العالمية قاطبة ( حلوه قاطبة ) يشوفون لنا حل لمشكلة ركب بناتنا وبعاريينا ..
ما صارت حياة هذي نبغى نستمتع احنا ..... مو معقول اللي يصير
... هذا الظلم بعينه ...
عموماً انا احب ازف البشرى لفتياتنا انه تم اختراع عقار جديد في بريطانيا خصيصاً لبنات السعودية والخليج سموه ( ركبه في طور اعادة التأهيل ) .. والله لو يسوون اللي يسوون مافيه عقار يقضي على هذه المعضله ( حلوه المعضله ) عموماً بعد ما اكلنا الكبده واحتسينا جغمات حمراء ( اخبرها ليالي حمراء وش دخل جغمات ) من الزنجبيل والحليب الممزوج بالهيل (راعييين بر طبعاً اكيد كنا تعابنين اول ماوصلنا .. لكن القروي قروي والله مايتعب لو ايش فا قلنا خل نستغل الوقت ونتمشى .. طبعاً كنا محتارين ما ندري وين نروح ناس يقولون عالم الطفل وناس يقولون البيكا ديللي وناس يقولون ملاهي الخيمه وناس يقولون تراكاديرو وناس يقولون قصر الاليزيه ( وش دخل قصر الاليزيه في بريطانيا انا اخبره في الحوطه ) تصدقون بعد ان بعض اهلي يقولون خل نروح برج ايفل مايدرون ان اليوم شباب بس .... مافيه عوائل ...
وبعد هذا النقاش الحاد وعلى راي الشاعر ( اتفق العرب على ان لا يتفقوا ) ولازم واحد يفرض رايه طبعاً فرض اخوي رقم 36 رايه ( بعد مادري هو رقمه 36 أو 63 ... المهم انه بينهم ) ورحنا للهايد بارك وياليتنا مارحنا ( بتسألوني ليه اقول لكم ؟؟ ... اولاً : لاني تذكرت حديقة الفوطه في منفوحه وكيف كنت وسيماً حينما كنت صغيراً وكيف ان البنات اللبنانيات ( ترى منفوحه كانت مليانه بنات لبنانيات أول ) كانوا يتساقطون تحت اقدامي ;) .. اما الآن وبعد ان نضجت وبلغت ال23 خريفاً واصبحت شيفة الشيف ( يعني شين وله عين ) .. لم يعد لي نصيب من نساء هذه الارض ..
رابعاً : لان الهايد بارك مليان من ربعنا وانا ماصدقت على الله افتك من هاالركب الا ونشوفها وبكميات خياليه حتى في بريطانيا ... طبعاً دفنت نفسي ( حلوة دفنت نفسي ) وقررت انحاش منهم .. تعرفون انا انسان حساس ( امبير على غفله ) وكبدي تحوم بسررررعه .. فقلت خل اروح قهوة آخذ لي معسل عشان اهضم ( وش دخل المعسل في التهضيم ) واخش لك ذاك المحل اللي مهنا احسن منه اريد ان احتسي كاساً من المعسل واذا بتلك الفتاة اللي لابسه تنورة لين نص الكتف وتي شيرت الا نص الفخذ وبلوفر من الذهب الخالص وكانت ترمقني ( حلوه ترمقني ) بنظرات خاثره وبعد برهة من الوقت جت وجلست جنبي .. وقالت : لي ممكن نتعرف طبعاً انا شكيت انها بنت حسيت انها حمام يا عالم البنت لما جلست جنبي بديت احلم اني ادخل حمام فخم وقطيع من الخرفان يقفز فوق رأسي وانا قاعد اعد ( ون تو .. اي لوف يو .. ثري فور .. لوف مي مور .. فايف سكسز .. طاح سروالك في السكه ) ولم افق من احلامي الورديه الا على صوت جرة السيفون اللي اعلن انتهاء هذا الحلم الجميل واذ بتلك الفتاة خضراء العينين ممشوقة القوام وردية الوجنتين كثيفة شعر الابطين ( بيضاااااااااااااااااااااااااااااااااااااء الركبتين ) تقترب مني وتضع يدها فوق اذني ( وش دخل اذني ) وتقول اش فيك انت بطنك يعورك ( الله يلعنها مادري اشلون اعرفت اني مشتاق للحمام )
عموماً قلت لها لا .. لكن الوجه هذا قد مر علي من قبل ( والله من النصب ... اسلوووب انا ) ... المهم ان البنت قالت لي ستاند أوب بس ستاند أوب ( قم بس قم )
ثم قالت لي باللغة البرطانية : انت وش اسمك ؟؟ ... فرديت عليها باللغة العنجليزية : انا باواو واوا ...
قالت : باواو واوا ابن ...... قلت : بن برييييييه ..... قالت : وش انت من رجال ...... عاد انا ما فهمت وش تقصد وسكتت لاني ماحب الكلام الوصخ ...
البنت ماش مصرررة رجعت تقولي : انت وش ترجع انت ..... برضو اعيد .... واكرر انا ماحب الكلام الوصخ فسكتت واذا بهذه البنت الانجليزيه والآتيه من محافظة ويلز الواقعة على بعد ثلاثة فراسخ ( حلوه فراسخ ) من محافظة الحوطه واذا بها تتمتم بصوت خافت : الظاهر انك اصلبي !!... تصدقون ان فيه ابدويات بريطانيات ( بس برضو ركبهم بيييض ) عموماً انا سويت نفسي ماسمعت وقلت لها وش رايك نحتسي الجعه ... واعزمها على ثلاث صحون جعه وهي اللي تلحس ابو الصحن ماتخلي فيه شي ( ما عليش مادري وش الجعه ) المهم البنت حححححبتني ( ايه سعودي اول ماتغلط بنت وتشوفه يقول حبتني ) عموماً قالت لي اش رايك نطلع فوق .... قلت والله براسك ... ( تصدقون فهمت براسك ) .. وطلعنا فوق واثاري الدور الثاني معهد تدريب الدفاع المدني حيث يعلمون الاطفائيات وشلون يتزحلقون على المواصير ( على نياته ) بس مادري ليه يخلونهم يتزحلقون من غير هدوم ... واثر خويتي ( صارت خويتي :p ) اطفائيه على مستوى وبعد ماخلصت استعراضها والعالم يحطون الفلوس في طرف صروال السنه حقها ......... رجعت وقالت لي انت ماودك تشتغل معنا بما انك ممشوق القوام غريب لون الوجه ( اتحدى احد يحدد لون وجههي ) متدلي الشفتين ( البرطمين ) واسع فتحة المنخرين كثيف شعر الجانبين ( زي بوزو ) عريض المنكبين ( المنكبين اللي تحت ظهري ) قلت طيب وش ابتخرج بأي رتبه ( على نياتي الى الحين احسب انه معهد دفاع مدني )
قالت لي : ايش رتبه انت الثاني الله يمرمر سبدك ان كانك رخمه ماتدري وين الله حاطك ( لا ..... تعرف تهزئ ) هذي شغله شريفة يستمتع من خلالها الجمهور بجمالك ( قال شريفه قال ) والله وانا اللي اعرف قصدها وانفجر بالبكاء ...( ذكرتني بواحد كان يتمنى يطلعني لسطح بيتهم عشان يوريني الحمام اللي عنده ( حمام ) يعني اللي يطير مو حمام اللي مايطير ... وبعد ان نضجت وبلغت ال23 خريفاً واصبحت شيفة الشيف .. كل ماجيت لواحد ابي اشوف الحمام اللي عنده قال : ماعليش بعنا الحمام ..... عزلنا ...... ماعاد عندنا شي ....... والله ما عاد عندي الا ريشه )
تفجرت من البكاء عرفت ان اعيال الحارة لم يقدرو جمالي ووسامتي ( ايه هين ) وان اللي ما عاد استحمل واروح اركض ادور حمام ( حمام هنا بمعنى الحمام اللي مايطير ) اشتكي له .. وافتح احد ابواب الحمامات والقى لك واحد ماهوب غريب علي الظاهر انه احد هواة تربية الحمام في حارتنا منذ مبطي ومعه ولد بريطاني حليييييييييييييوه ... واثره قاعد يقول للولد : ياخي انا مدري وين حطيت الحمام لكن انا متاكد ان فيه حمامه هنا ....
وأنا اللي اصك باب الحمام وانحاش ( الزم ما علي شرفي ) عرفت بعد كذا ان فيه ناس ظلمت الحمامات واستغلوها ابشع استغلال ولم يعرفوا قد هذه الحمامات في حياتنا العملية والعلمية ...
ياشباب اش راح تكون حياتنا من غير بيبسي ( جريتكم صح ) وانا اللي اطلع من هذه الحانه واروح يم ابوي واقول له السالفه ... ويسطرني دفتر على غفله ( وياكثر الناس اللي يحسبوني دفتر يوم كنت صغير ) المهم ابوي سطرني وقال الشرهه ماهيب عليكم الشرهه على اللي يودي قروي لبريطانيا ( الله واكبر اللي يشوفه الحين يقول مودينا جده ) طبعاً شاهد جميع رواد منتزه الفوطه .. اوه عفواً اقصد الهارد بارك شاهدوا جميعاً نقلاً حياً على الهواء مباشرة لما ابوي وهو يقوم وبكل جد ومثابره بتسطيري والعالم يشجعون وأنا غديت مسخررررررررررررررره ....
المهم وارجع للبيت مطأطأ الرأس .... حزين القلب ..... كثيف شعر الابطين ( هاه ذي اش دخلها !!؟ ) وان اللي احجز على اول سكوتشر رايح للسعودية ( يلعن ابو الزعل .......... اعرف ازعل اذا جاء وقت الجد ) ... والمشكله مالقيت حجز فاضطريت اتواضع واسافر بالطياره خلاص ماعاد نبي بريطانيا ولا اي شي تسوووووول له نفسه العبث بأمن هذه البلاد ( حتى في بريطانيا كنا ما نتابع الا القناة الاولى )
وحينما ركبنا الطيارة وارتفعنا في الجو وانا اللي اطلع راسي من دريشة الطيارة وازعق بصوت مرتفع ( الله يلعن ابوكم يا البريطانيين ) ( اصلاً انتم زلايب ) كلكم على .......... الهواء مباشرة ( حلوه التصريفه ) واشوي ابشركم المره هذي واحنا راكبين في الطياره طلعنا مع اكشخ سواق ( قصدي طيار ) .. كان عبد واسمه عنبر بعد .......... وابوي الله يحييه بحكم علاقته بالاخ ناشر قعيش ( حارس استراحتنا .... والله ياهو وسيم بعد ) فبحكم علاقة الوالد به كلمهم وخلا الطياره توقف عند باب البيت ( البيجو كان في الوكاله ....... عين ماصلت على النبي ) وان اللي انزل اركض واركض واركض ( مشتاق لحمامي ومحتاج اليه بعنف في نفس الوقت ... من جد كنت محتاج الييييييه )
ولكن كانت الطامه الكبرى والحزن الاكبر ان الحمام كان تعبان ومودينه المستشفى ( يا الله حمامي حساس ) وانا اللي اعرف ان الدنيا ما تسوى جناح بعوضه واعرف انك ممكن في اي لحظة ممكن تفقد احبابك واعرف برضو ان الحمام يبقى الوحيد اللي يسمع شكاويك دون اي ضجر وملل ويساعدك في انشاء قصائدك وتأليف بكشاتك واكتشاف قدراتك الصوتيه ...
الحمام عبارة عن استديو فني مصغر تستطيع من خلاله اكتشاف نفسك ... شخصيتك ... هوايتك ... تفكيرك ... نوعك ( ذكر أو انثى .......... آخر ****** حدد : ........؟؟!! ) ... ابداعاتك ...
فيا شباب من اكبر النعم اللي وهبها الله لنا نعمة الصحه والعافيه ( جريتكم صح )
هذا اللي حبيت اقوله لكم .... المهم عاد لاتصدقون تصيرون تنامون في الحمامات بعدين ماندري الا واحد داخله جني وجايتني امه تصجني تقول : انت اللي دشرت ولدنا وانت اللي طيحته في الدخان يالسرسري ( حلوه السرسري .. نفسي اعرف معناها انا سمعتها من وحده بريطانيه ) ... ياللي فيك مايخطيك الخخخخخخخخ من الالفاظ اللي تفتح النفس ..
خـــــــــــتـــــــــــــــامـــــــــــــاً .. صحيح ان هذي اول كتابه لي بعد فتره غياب ليست بالقصيره ( معي عذر طبي ) وبالرغم من اني طرحت في كتابتي هذه قضيه جريئه غفل الكثير عنها في مجتمعنا الا انني اتمنى ان يحوز ما كتبته على رضا زاده ( لاعب المنتخب الياباني ) ولكم خالص تحياتي ..
@@ نبض القلم@@
تقابلنا في آخر يوم وقالت لي .. حبيب الروح @@@ رجيتك بلل عروقي .. تعبت ارجي الجفاف ينام
رجيتك كثر ماتنزف .. في داخل هالقلوب جروح @@@ كثر ماتذبل ضلوعي .. كثر ماخانت الايام
رجيتك كثر ماتكذب .. كثر صدقي وكثر النوح @@@ رجيتك توقف بجوفي .. تضم الجمر والآلام
عرفت ان الزمان يدور .. عرفت ان الغرام طموح @@@ عرفت ان العشق فعروقها ماتحكمه احكام
سكت ولا عرفت احكي .. عجز حتى الكلام يبوح @@@ وقلتلها : عن اذنك بس ..انا ابغى اروح للحمام
$$$$$$$$$$$$$ جميع الحقوق محفوظه $$$$$$$$$$$$$$
$$$$ هذا الموضوع برعاية بيبسي بيت العود والعنبر والعطور $$$$
تقبلوا تحياتي
I'm BoW WoW ...
الوضع العادي
