يا هلا والله بشاعرتنا الرائعه وخوذي الأبيات التاليه :
حاول وحاول ...يصير أفراقنا هادي
الله عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك .. ماينفع عنادي
لاصار ربي حرمنا .. من بيعطينا
فرقا وصارت ولاتحزن على أبعادي
وأنا بحاول على نسيان ماضينا
ونبدأ حياة جديدة كلن بوادي
ياحسرتي ياغرام ... عشته سنينا
ياوحشه الليل .. في بعدك بلا رقادي
ويا طوله اليوم ماشفتك ولو حينا
وأيضا ها القصيده:
لايطول غيابك ... ثم اخذ عليه
لو تخليت عنى ... عنك قلبي ماتخلى
العذر والتعلل والحكي ... مانبيه
من تحرك فؤاده ... بالهوى ماتخلى
طبعي الصبر لكن وش عليه ارتجيه
من طويل الصبر يعقوب وايوب وملا
دامني حي عطني وش بقي نحتريه
مابي دموعك ...اللي عقب موتي تهلا
مابقي بالعمر مقدر ماراح فيه
كل مازل يومٍ ... يوم بالعمر ولى
مايعرف الجمر مثل الذي يكتويه
احد يدفا بناره ... واحد فيه يتصلى
يامن القلب حطيته براحته يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى
ولا يحضرني كتاب القصايد الآن............
والقصايد هذي بصراحه مهيب قدرك بس وش نسوي الموجود حاليا...........
والحقيقه أنك تستاهلين أطيب القصايد اللي تليق بذوقك كشاعره ورح أبحث عن قصائد تستحق أن تنشر وأن لقيت أبشري بها والله...............
وما لهم حق والله بالصوره اللي حطوها لك
.........
من علمك كيف الكلام.. بكره يعلمك.. السكـــــوت 
الوضع العادي
