نادي الهلال السعودي - شبكة الزعيم - الموقع الرسمي

- منتدى المجلس العام (http://vb.alhilal.com/f1/)

- - مهزلة نحنُ ضحاياها!!! (http://vb.alhilal.com/t232141.html)

مهزلة نحنُ ضحاياها!!!

[align=center]

السلام عليكم و رحمة الله و بركاته

مهزلةٌ كبرى نشاهدها..بل نسمعها.. ونتعايش معها كل ليلة منذ بدء الإجازة الصيفية حتى هذه اللحظة..بل حتى في أيام الدراسة كان ليومي الأربعاء و الخميس لنا فيها نصيب..

الأفراح و ما يحدث فيها من سهر حتى ساعات الصباح الأولى..أنا لن أتحدث عن ظاهرة السهر.. و لكن ما استفز قلمي هو قرب منزلنا من قصور الأفراح.. فنحن كل ليلة نسهر على أنغام الموسيقى التي يصل صداها إلى منزلنا.. نستمع إلى الأغاني حتى في غرف النوم..أي مهزلةٍ تلك؟؟ ألا يوجد رقيب؟؟

فأقسم بالله أن المنابر يعلو منها الآذان و على مقربةٍ منها مهازلٌ غنائية تعلو على صوت المؤذنين.. هل انساق الناس في الملذات و الشهوات إلى هذه الدرجة؟؟ الآذان يُرفع و هي تغني " لا لا و تقول "......." اللي يبيني يجيني "*

و برب الأرباب أنه أثناء كتابتي لهذا الموضوع ما زال محمد عبده يعلو صوته في أغنية الزفة.. أتت إليّ أختي قائلة:" تعالي بسرعة " فانطلقت إليها لاستمع إلى تلك المهزلة عدت على الفور بينما هي بقيت تستمع إليها..أيعقل يا مسلمون أن يحدث هذا الخامسة و النصف فجراً

ما يخفف علينا مثل هذه الأصوات هو صوت جهاز التكييف..الذي لابد لي من تشغيله حتى الفجر لكي أسلم من هكذا تفاهات!!

ألا يوجد شيوخٌ كبار..و رجالٌ عاملون ينتظرون قدوم الليل للراحة من عناء العمل فيصطدمون بهكذا سخافات؟؟؟

عذراً لركاكة الأسلوب و لي عودة بعدما أحاول إخماد البركان الذي اعتراني

دمتم في حفظ الله و رعايته

أختكم

مجـــــــــــــد

* هي أغنية مشهورة عندنا " أهل المدينة " و مابين القوسين اسم أم العريس أو أم العروسة[/align]

[align=center]ريلااكس الوضع مايحتاج لهدرجه من العصبيه
لكن فيه حلول كثيره وسريعه
اتصال على مركز هيئه او مركز شرطه وياخذون عليهم تعهد
تكلمون امام المسجد بالوضع وهو اكيد ماراح يقصر

والله يعين بس

تحياتي للجميع
أحمـــد[/align]

لا حول ولاقوة الابالله:(

[align=center]

إقتباس:

الرسالة الأصلية كتبت بواسطة ..][ فـهـد ][..

بصراحة شئ عجيب
لاحول ولا قوة الا بالله ,, للدرجة هذي وصلت
صوت الأغاني يعتلي على صوت المنابـر,, الله لايغضب علينا

وماأقول إلا الله يعينك يامجــد على الصجة والأزعاج ويصبركم عليهم ,,
بس ماتقدرون تشكونهم ..؟! :confused:

سلامي لك

:) [/align]

الله يعينك والا غيروا بيتكم هههههه

[align=center]هدي اعصابك اختي مجد :)
انا لي جماعه عندكم بالمدينه كنت دايما استغرب من عروسهم اللي تجلس الى الصبح
وكنت اقول انا في الرياض في نعمه ولكن للاسف الشديد ماامدانا نكمل سنه الا والعروس عندنا الى ماقبل صلاة الفجر وللامانه الى صلاة الفجر
الدعوه ماهي محصوره على منطقه بحد ذاتها لا والله ولا حتى مجرد مقارنه ولكن اللي يحصل الان
ماهو مقبول خصوصا مثل ماقلتي الاغاني كلن يسمع صوتها اذا كان قريب من قصور لافراح
عموما اعتقد ان الحل مثل ماقال اخوي مغرور حدي
الاتصال على الهيئه اذا كانت الدعوه اغاني في وقت الاذان ( والله مصيبه )
اما غير كذا فمااعتقد ان الحل بيدهم
الله يكون في عونكم ياوخيتي :)
تحيه لك [/align]

هلا فيك اختي

كلنا نشعر بما تواجهينه انتي وغيرك وقلوبنا معكم :) وسعي صدرك ترى الدنيا ماتسوى

اعتقد ان اخوي مغرور حدي اسهب بالرد واتى به لكن اعتقد انه في زمن الواسطة زمن القوي يأكل الضعيف لن تفيد هذه الحلول فاقسم بالله ان هذا الداء هو سبب رئيسي في تدمير مجتمعنا :wallbash: اذا كنتي تملكي هذه الواسطة فايقني ان قاعة الافراح ستقفل او على اقل تقدير عدم الازعاج :)

اما بالنسبة لصوت الغناء وقت الصلاة ووقت الاذان هذه مشكلة بحد ذاتها وهي لا تقتصر على قاعات الافراح بل الى اصحاب السيارات وخاصة من الفئة المراهقه حيث انك تسمع صوت الغناء وانت في اخر الشارع ولا ابالغ ان قلت ان من به صمم سيسمع هذه الموسيقى الذي اقصده انحطاط الوعي الفكري لدى هؤلاء وهذا سببه من البيت نفسه اعتقد ان الفكرة وصلت :)

الحل يكمن في علاج هذا الفكر بالمناقشة وليس بالعقاب :rolleyes:

تقبلي تحياتي

اخوك سلطان

الـحـاتـمــي ...

مــر مـــن هـــنــــا ...

ويـقـول : المفترض أن يكون هناك تدّخل من الجهات الرسمية من الأمانة أو البلدية ووضع

حد أقصى الساعة 2 صباحا موعدا لإقفال القاعة , و ترتيب حفل الزواج على هذا الأساس ;)

و هكذا يكون تقارب ما بين وقت خروج الرجال الذي يكون بحد أقصى الساعة 12 منتصف الليل ...

وبذكر الموضوع ...

حضرت زواج أحد الأصدقاء في هذا الصيف والمسكين ( ملطوع ) :sleep:

قال إيش ,, ينتظرون زفـّـة العروس تخلّص بعدين يدخل !!s6s

[align=center]

ريوووني

شكراً على مرورك..

مغرور حدي

يا ابن الحلال طفح الكيل لمتى بنتحمل هالوضع يعني الواحد ما يقدر يرتاح ببيته.. لا و المصيبة إذا كان عند الرجال شعّار و لا سامري يمين بالله كني حاضرة الزواج عند الرجال :wallbash:

إقتباس:

اتصال على مركز هيئه او مركز شرطه وياخذون عليهم تعهد
تكلمون امام المسجد بالوضع وهو اكيد ماراح يقصر

أئمة المساجد من نفس الأحياء اللي جنب القصر..و الهيئة و الشرطة بتعدل في مين و بتخلي مين هالبلاوي في كل القصور.. لكن في بعضها بعيدة عن الأحياء و ما أحد داري عنها..

شاكرة لك أخوي مغرور حدي مرورك..

miss-ksa

شكراً لك أختي على حضورك..

..][ فـهـد ][..

هلا أخوي فهد

إقتباس:

وماأقول إلا الله يعينك يامجــد على الصجة والأزعاج ويصبركم عليهم ,,
بس ماتقدرون تشكونهم ..؟!

الله يعين الجميع..ياخي نشكي مين ولا مين؟؟ هو يا ليته قصر واحد المصيبة أكثر من قصر و تسمع في الوقت الواحد أكثر من أغنية

شكراً لك ..][ فـهـد ][.. على المشاركة

الهواء

إقتباس:

الله يعينك والا غيروا بيتكم هههههه

و إن غيرنا البيت بتنحل المشكلة.. إذا هالقصر يتوسط أكثر من ثمانية أحياء يعني كل سكان هالأحياء بيغيرون بيوتهم وين يروحون الخلق..و الله العظيم فيه قصر جدره و جدر البيت اللي جنبه واحد

و بيتنا مستحيل نغيره :nono: لنا عشرين سنة فيه من يوم كان عمري سنة و نص تقريباً و بعد هالعمر تبينا نغيره

شكراً الهواء على المشاركة

هلالي سمعا وطاعه

هلا أخوي ولد وايل

إقتباس:

هدي اعصابك اختي مجد

يا ابن الحلال هم خلوا فيها أعصاب وش بقى ما صلحوه

إقتباس:

انا لي جماعه عندكم بالمدينه كنت دايما استغرب من عروسهم اللي تجلس الى الصبح
وكنت اقول انا في الرياض في نعمه ولكن للاسف الشديد ماامدانا نكمل سنه الا والعروس عندنا الى ماقبل صلاة الفجر وللامانه الى صلاة الفجر

الله يعينكم أجل انتقلت العدوى لكم.. يا ابن الحلال الدنيا كل ما هي و مدحدرة. :wallbash: :wallbash: الحين تجي مطربة لحالها عند الحريم و الفرقة رجال من برى الصالة.. هي تنهق – و أنتم بكرامة- على قول أخوي و هم وراها ;)

إقتباس:

الدعوه ماهي محصوره على منطقه بحد ذاتها لا والله ولا حتى مجرد مقارنه ولكن اللي يحصل الان
ماهو مقبول خصوصا مثل ماقلتي الاغاني كلن يسمع صوتها اذا كان قريب من قصور لافراح
عموما اعتقد ان الحل مثل ماقال اخوي مغرور حدي
الاتصال على الهيئه اذا كانت الدعوه اغاني في وقت الاذان ( والله مصيبه )

إذا كان الآذان في نصه انتبهوا إنه أذن و يوقفون و بعد الصلاة يكملون.. زي اليوم أنا طلعت الحوش على الصلاة صراحة ما سمعت الأغاني و بعد الصلاة نادتني أختي و سمعنا المهزلة

إقتباس:

اما غير كذا فمااعتقد ان الحل بيدهم

لا في حل ..ليش يعطون أصحاب القصور تصاريح في الأحياء السكنية..فيه أحياء بعيدة يعني يقدرون يبنون فيها أصحاب القصور.. يقلعون قصورهم بآخر العزيزية و لا بآخر طريق الهجرة..و لا بشارع الملك عبد العزيز..و لا بعد المطار..ما أظن هالشيء بيأثر عليهم

إقتباس:

الله يكون في عونكم ياوخيتي

الله يكون في عون الجميع

شكراً لك أخوي ولد وايل على مداخلتك

حمتو123

هلا فيك أخوي

إقتباس:

كلنا نشعر بما تواجهينه انتي وغيرك وقلوبنا معكم وسعي صدرك ترى الدنيا ماتسوى

طيب أخوي لمتى بنتحمل.. يعني حتى الواحد و هو تعبان ما يرتاح..ولا يندعس بالغرفة ما يطلع منها

إقتباس:

اعتقد ان اخوي مغرور حدي اسهب بالرد واتى به لكن اعتقد انه في زمن الواسطة زمن القوي يأكل الضعيف لن تفيد هذه الحلول فاقسم بالله ان هذا الداء هو سبب رئيسي في تدمير مجتمعنا اذا كنتي تملكي هذه الواسطة فايقني ان قاعة الافراح ستقفل او على اقل تقدير عدم الازعاج

و إذا كانت واسطة صاحب القصر أقوى وش السواة.. و إذا فيه قصر صاحبه مخلي ريعه لأعمال الخير..و حتى إيجاره قليل.. تتوقع هالقصر بينقفل.. و صاحبه عنده واسطة..

إقتباس:

اما بالنسبة لصوت الغناء وقت الصلاة ووقت الاذان هذه مشكلة بحد ذاتها وهي لا تقتصر على قاعات الافراح بل الى اصحاب السيارات وخاصة من الفئة المراهقه حيث انك تسمع صوت الغناء وانت في اخر الشارع ولا ابالغ ان قلت ان من به صمم سيسمع هذه الموسيقى الذي اقصده انحطاط الوعي الفكري لدى هؤلاء وهذا سببه من البيت نفسه اعتقد ان الفكرة وصلت

أول شيء الله يهديهم..و بعدين ياخي وهو ماشي يعني إن طولت على الكثير خمس دقائق ما هو زينا من الساعة 12 تقريباً للفجر..

إقتباس:

الحل يكمن في علاج هذا الفكر بالمناقشة وليس بالعقاب

ساعات الفكر ما ينفع ولابد من العقاب..

شكراً لك أخوي حمتو123 على المداخلة

الحاتمي

إقتباس:

ويـقـول : المفترض أن يكون هناك تدّخل من الجهات الرسمية من الأمانة أو البلدية ووضع
حد أقصى الساعة 2 صباحا موعدا لإقفال القاعة , و ترتيب حفل الزواج على هذا الأساس

شوف أخوي قبل خمس سنوات كانوا بيطبقون هالقرار.. بس أظن قبل لا يتطبق توقف..لأنه عرف دراج عند أهل المدينة أفراح قبل الساعة أربعة الفجر تخلص ما فيه..و حنا طول عمرنا زي كذا ..فلما كانوا بيطبقون القرار ثارت ثائرة الشعب..و أعلنوا التمرد..و على فكرة فيه البعض يكتبون مثلاً موعد عشاء الرجال أو الحريم في الساعة الفلانية و ما حولك أحد..

إقتباس:

و هكذا يكون تقارب ما بين وقت خروج الرجال الذي يكون بحد أقصى الساعة 12 منتصف الليل ...

الساعة 12 هذاك من أول الحين عشاء الرجال الساعة وحدة و عليها :wallbash:

إقتباس:

وبذكر الموضوع ...

حضرت زواج أحد الأصدقاء في هذا الصيف والمسكين ( ملطوع )

قال إيش ,, ينتظرون زفـّـة العروس تخلّص بعدين يدخل !!

ذكرتني بلطعة أخوي يوم زواجه .. رحيمه قال له مشينا و أخوي الضعيف على باله أهله متصلين عليه.. المهم هذاك الوقت أنا كنت أنتظر أخوي ينتهي من تجهيزات البوفيه على أساس أفتح الباب للمعازيم..و العريس مكسر جوالي يقول لي من اليوم و أنا مرزوع في السيارة كني شحاد.. تفاهمي معاهم..و رحت لهم و جبت العيد معاهن :p :p

شكراً لك أخوي الحاتمي على المداخلة

[/align]

[align=center]الله يكون بعونكم

لكن انامع اخوي الحاتمي ومغرورحدي ان سكان الحي يجتمعون ويقدمون شكوى رسمية للجهات الرسمية لتتولى الموضوع وأن شاءالله تلقون حل لهاالمعاناة..!!

تحياتي وانااخوك

ابودانه[/align]

[align=center]اذا لم تستحي فاصنع ما شئت :confused: وصدقيني يا مجــــد دعوة ( شايب ) في
آخر الليل ممكن أن تجعل من زواج - كهذا - زواج فاشل سرعان ما يتنهي إما بطلاق
أو ....

" حالة خنااااااااااااااااااااق " !! [/align]

[align=center]وكلّو منك يا أم العروسه :p[/align]

الله يكون بعونك
لاكن الحل الامثل انك تكلم الهيئه

[align=center]
مجـــــــــــــد ..

كان الله في عونكم :( ..

في السابق كانت هـ الصفه وهي التأخر في الزواج موجوده في في اهل الغربية بـ شكل أكبر .. لكن مع الوقت انتقلت .. أجل ولد عمي ما مشى من القصر إلا الساعة 3 ونص الفجر !! وش بقى !!
اما اهل المدينة حضرت فيها اكثر من زواج وآخرها هـ الصيف .. اجل واحد من العيال والله ما مشى من القصر هو حرمته الا على أذان الفجر وين حنا فيه ؟؟
التأخر في الوقت ماله داعي .. أجل المعازيم ما يحضرون إلا من بعد الساعة 11 :confused: !!
يازين زواجات اهل القرى والمدن الصغيرة بالكثير 12 وهم مشطبين .. اجل ذاك اليوم زواج لنا في ديرة البارق ;) الساعة 11 ونص طالعين من القصر وماسكين خط الرياض !!

اما سالفة القصور و وجودها في الأحياء .. المشكلة مع الوقت والامتداد العمراني << متعوب عليها :D .. صارت الأحياء عند القصور .. وتلاحظين دايم القصور البعيده محد يحرص عليها لأنها بعيده ويبيلها مشوووار .. مع اني شفت كذا قصر جديد على الدائري << عشان يعلمك بس انه يعرف المدينة :D

إقتباس:

يقلعون قصورهم بآخر العزيزية و لا بآخر طريق الهجرة..و لا بشارع الملك عبد العزيز..و لا بعد المطار..ما أظن هالشيء بيأثر عليهم

على اللي سمعته انهم خلاص وقفوا تصاريح بناء قصور أفراح في المدينة !! بس ما أدري هل هو صحيح ؟؟

وان كان صحيح والا لا كان الله في عونكم في كل الحالات :( .. [/align]

[align=center]

برق الزعيم

هلا أخوي أبو دانة

الله يعين الجميع

إقتباس:

لكن انامع اخوي الحاتمي ومغرورحدي ان سكان الحي يجتمعون ويقدمون شكوى رسمية للجهات الرسمية لتتولى الموضوع وأن شاءالله تلقون حل لهاالمعاناة..!!

شوف أخوي صراحة سكان هالأحياء ينطبق عليهم المثل " لا يفزع و لا يعطي حذاه – و أنتم بكرامة-" :wallbash: يعني صعب إنهم يجتمعون.. و إذا كلمتهم يقولون القصر قريب و نافعنا نروح له على رجولنا.. يعني باختصار ما يتفقون.. و بعدين يقولون أصحاب القصور واسطتهم قوية و ليش نتمشكل معاهم

شكراً لك أخوي برق الزعيم على المشاركة

بطل الفيلم

هلا أخوي بطل

إقتباس:

وصدقيني يا مجــــد دعوة ( شايب ) في
آخر الليل ممكن أن تجعل من زواج - كهذا - زواج فاشل سرعان ما يتنهي إما بطلاق
أو ....

" حالة خنااااااااااااااااااااق " !!

طيب يا بطل وش ذنب الضعيّف اللي دافع دم قلبه فهالعرس :cry: ..و آخرتها طلاق و لا هواش.. و أنت عارف إن هالأشياء من عند " وزارة الداخلية " :D ..يعني حتى لو كان العريس رافض أمه و خواته بيعارضونه و إن ما قدروا له أرسلوا عليه عمة المستقبل ساعتها ما يقدر يتكلم ;) .. و بعضهم آخذها من باب ما أبغى زواج ولدي أقل من غيره..أو مركزه الاجتماعي أو من هالأشياء

إقتباس:

وكلّو منك يا أم العروسه

على فكرة ترى أم العروسة ما لها شغل باللي يصير بالزواج.. هي لها إنهم يعلمونها إنهم بيفتحون باب البوفيه الساعة الفلانية عشان تزف بنتها قبل هالوقت

شكراً لك أخوي بطل الفيلم على المشاركة..

نـــــــ15ــــــمر

هلا أخوي

و الله يكون بعون الجميع..

شكراً لك على المرور..

صدى الامس

كان الله في عون الجميع

إقتباس:

في السابق كانت هـ الصفه وهي التأخر في الزواج موجوده في في اهل الغربية بـ شكل أكبر .. لكن مع الوقت انتقلت .. أجل ولد عمي ما مشى من القصر إلا الساعة 3 ونص الفجر !! وش بقى !!

الله يعينكم دام إن العدوى انتقلت.. عسى بس تكون عدوى التأخير و ما تنتقل المهازل الثانية

إقتباس:

التأخر في الوقت ماله داعي .. أجل المعازيم ما يحضرون إلا من بعد الساعة 11 !!

هذا يمكن عند الرجال.. لكن الحريم بعد الساعة 12 و أحياناً وحدة.. و بعضهن يحضرن ثلاث زواجات بالليلة الوحدة ما أدري كيف يمديهن؟؟ :wallbash:

إقتباس:

يازين زواجات اهل القرى والمدن الصغيرة بالكثير 12 وهم مشطبين ..

إي و الله يا زينها بس ما عمري حضرتها لكن أسمع فيها :D

إقتباس:

اما سالفة القصور و وجودها في الأحياء .. المشكلة مع الوقت والامتداد العمراني << متعوب عليها ..

صارت الأحياء عند القصور ..

العكس أخوي القصور هي اللي صارت عند الأحياء.. لأن الأحياء الخلق ساكنين فيها قبل لا تنبني هالقصور

إقتباس:

وتلاحظين دايم القصور البعيده محد يحرص عليها لأنها بعيده ويبيلها مشوووار ..

يمكن بعضهم يفكر بهالنقطة.. فرضاً إذا جينا بنحجز قصر لواحد من إخواني مستحيل نخليه في آخر الدنيا لأن بعد ما ينتهي الزواج فيه وصل عائلة فلان و أهل فلان ما عندهم سيارة و هذي قصتنا فكل زواج فلو كان بعيد يعني العيال متى يمديهم يوصلون هالخلق و يرجعون للقصر و يجردون الأغراض.. لكن فيه بعض الناس ما تفكر في البعد تفكر في المادة و معاهم حق فهالشيء

إقتباس:

مع اني شفت كذا قصر جديد على الدائري << عشان يعلمك بس انه يعرف المدينة

قصدك الدائري اللي فيه قصر رتاج طيبة اللي عند محطة النسيم و قصر ريماس اللي مقابل المنتزه اللي على جبل أحد :D :D لا واضح إنها عارفها شبر شبر

إقتباس:

على اللي سمعته انهم خلاص وقفوا تصاريح بناء قصور أفراح في المدينة !! بس ما أدري هل هو صحيح ؟؟

من عذرهم يوقفونها خلاص تشبعت المدينة بالقصور.. شوف حنا ما نبيهم يوقفونها> ما أحد داري عنك ياللي بالظلمة تغامزين :rolleyes: < حنا نبيهم يقلعونها من الأحياء السكنية و بس

إقتباس:

وان كان صحيح والا لا كان الله في عونكم في كل الحالات ..

الله يكون بعون الجميع

شكراً لك أخوي صدى الامس على المداخلة..

[/align]

[align=center]
هلا والله وغلاا بمجودهـ ،،،

إقتباس:

لكن ما استفز قلمي هو قرب منزلنا من قصور الأفراح.. فنحن كل ليلة نسهر على أنغام الموسيقى التي يصل صداها إلى منزلنا.. نستمع إلى الأغاني حتى في غرف النوم..أي مهزلةٍ تلك؟؟ ألا يوجد رقيب؟؟

حسيت بمعناتك :cry: ، لأني مرهـ جربتهـا :D
بالأستراحـه اللي كنا مستأجرينهـا كان قبالهـا إستراحـه وفيهـا زواج وجايبين طقاقات بالأستراحـه ..!
كان حطوا زواجهمـ بقصر أفراح وإلا فندق مو إستراحـه :D ..!
عاد أنتي الله يعينـك بيتكمـ وعندكمـ قصر أفراح ... يعني لا راحة بعد اليومـ :D ، أحلى شي أسهري النهار كلـه وإذا جاء الليل صلي العشاء وع طول نومي :D .

إقتباس:

فأقسم بالله أن المنابر يعلو منها الآذان و على مقربةٍ منها مهازلٌ غنائية تعلو على صوت المؤذنين..

لا حول ولا قوة إلا بالله :) .. الحمدلله كل الزواجاتنا يوقفون قبل الأذان بـ 5 دقائق وأحيانا يكملون بعدهـا وأحياناً لأ يطلعون :)

إقتباس:

أتت إليّ أختي قائلة:" تعالي بسرعة " فانطلقت إليها لاستمع إلى تلك المهزلة عدت على الفور بينما هي بقيت تستمع إليها..

:D أختـك ملقوفـه كانها أنا :D ،،،

إقتباس:

إذا هالقصر يتوسط أكثر من ثمانية أحياء يعني كل سكان هالأحياء بيغيرون بيوتهم وين يروحون الخلق..و الله العظيم فيه قصر جدره و جدر البيت اللي جنبه واحد

مشكلـه والله :) فيه حلين لا ثالث لهمـا :D
1/ قصور الأفراح يخلونهـا في مكان واحد ومايحطون اي قصر داخل الأحياء السكنيه :D
2/ السماعات الله لايهينهمـ يقصرون عليهـا بحيث الصوت مايطلع برا القصر :) ... وهذا هو الحل الأقرب .

إقتباس:

الحين تجي مطربة لحالها عند الحريم و الفرقة رجال من برى الصالة.. هي تنهق – و أنتم بكرامة- على قول أخوي و هم وراها

صاااااااااااااااادقـه ... في زواج عندنا والله اللي يعزف ع الأورق رجال ،،
أقول لبنات خالي في أورق يقولون يالخباله طالعي ماعندهمـ جهاز الأورق ... يومـ سألنا أمـ العروس قالت لنا أيـه واللي يعزف ع الأورق رجال ، حتى المطربـه معها جهاز لاسلكي تعلمـه بالاغنيه اللي بتغنيهـا .

الله يـــهـــــديــــنا :) ...

إقتباس:

الساعة 12 هذاك من أول الحين عشاء الرجال الساعة وحدة و عليها

:D أي والله الرجال تطوروا :D .

إقتباس:

وكلّو منك يا أم العروسه

وش فيهـا أمـ العروسـه ...! ياعمري عليهـا كل شي حاطينه عليهـا :D
يمكنـها أمـ العريـس ;)

إقتباس:

التأخر في الوقت ماله داعي .. أجل المعازيم ما يحضرون إلا من بعد الساعة 11 !!

أجل متى تبينا نروح ...! 5العصر ..! :D يالله يمدينا نجهز أغراضنا ونروح :) ،،،

إقتباس:

يازين زواجات اهل القرى والمدن الصغيرة بالكثير 12 وهم مشطبين .. اجل ذاك اليوم زواج لنا في ديرة البارق الساعة 11 ونص طالعين من القصر وماسكين خط الرياض !!

أي والله زواجات أهل المدن الصغيرهـ بسرررعـه تخلص ...حتى عزايمهمـ :D .

تشكراتي خيتو مجودهـ ع هيك موضوع :) والله يعينكمـ ،،،

الفيروسه الزرقاء [/align]

[align=center]لاحـول ولاقـوة إلا باللــه ...

مثـل ماقال ولد وايـل اتصال بمركز الهيئة أو الشرطة يكفي ...

وبصـراحة الله يلوم من يلومك خصوصا عندما يختلط صوت الآذان بمزامير الشيطان ...

ومشكلة الأعراس مشكلة ...

صـارت الطقاقة شرط أساسـي ربمـا لايتـم الـزواج إلا بــه ...

وإذا مايقـوم الردح إلى الصبـح يصير العرس ناقص ..
;)
مانقـول غيــر ..

لاحــول ولاقــــوة إلا بالله ...[/align]

[align=center]

الفيروسه الزرقاء

هلا فيك فـيـو

إقتباس:

حسيت بمعناتك ، لأني مرهـ جربتهـا
بالأستراحـه اللي كنا مستأجرينهـا كان قبالهـا إستراحـه وفيهـا زواج وجايبين طقاقات بالأستراحـه ..!
كان حطوا زواجهمـ بقصر أفراح وإلا فندق مو إستراحـه ..!

الله يهديك و أنتِ وش عليك من خلق الله يحطون في المكان اللي يبغونه>> قلبت عليها :D

إقتباس:

عاد أنتي الله يعينـك بيتكمـ وعندكمـ قصر أفراح ... يعني لا راحة بعد اليومـ ، أحلى شي أسهري النهار كلـه وإذا جاء الليل صلي العشاء وع طول نومي .

فيو الحين إذا ما نمت في النهار اسمه سهر :wallbash: تصدقين هذا نظامي معظم الإجازة بس أحياناً تضرب الفيوز و نكمل يومين سهرانين و أحياناً لازم في الليل نكون صاحين تحسباً لأي طارئ عاد تصدقين حتى لو فكرت استمر على هالنظام عندي ناس ما يساعدون " عمة أنت جيتك,, عمة هذه المدلعة تفتح الباب,, عمة...,, عمة ...,, و أحياناً تكمل و تصير خالة.. .,, " و أنا توصل عندي للشيطان الرجيم

إقتباس:

أختـك ملقوفـه كانها أنا ،،،

عاد تصدقين لو إنا من الرياض كان شكيت إنها أنتِ :rolleyes:

إقتباس:

مشكلـه والله فيه حلين لا ثالث لهمـا
1/ قصور الأفراح يخلونهـا في مكان واحد ومايحطون اي قصر داخل الأحياء السكنيه

هذا الحل الأنسب بس ما حولنا أحد :cry:

إقتباس:

2/ السماعات الله لايهينهمـ يقصرون عليهـا بحيث الصوت مايطلع برا القصر ... وهذا هو الحل الأقرب

هذا قالوه يوم بنوا القصر عندنا.. قالوا بيحطون شيء ما أدري وش اسمه :confused: بحيث إنه يكتم الصوت و ما يطلع بس شكلهم حطوا شيء عكسه..
بس حتى لو سلمنا من الصوت الله لا يوريك صوت بواري السيارات بزفة العريس و لا صوت الشعار و لا السامري

إقتباس:

لا كل شيء ولا يوم إنه يدخل صوت الرجال في الأغنية مع الدقاقة على بالهم دويتو :D الله ينهض عنهم و لا يبلانا..و لازم يكون معاها لا سلكي عشان تفر القصر كله

إقتباس:

وش فيهـا أمـ العروسـه ...! ياعمري عليهـا كل شي حاطينه عليهـا
يمكنـها أمـ العريـس

يمكن متعاونات :rolleyes:

إقتباس:

أجل متى تبينا نروح ...! 5العصر ..! يالله يمدينا نجهز أغراضنا ونروح ،،،

و الله العظيم أحسن ع الأقل الواحد يحس بالفرحة..ما هو نحضر زي المعازيم من بعد الساعة عشرة..

شكراً لك أختي الفيروسة على المشاركة..

دبــل كيــك

هلا أخوي

إقتباس:

صـارت الطقاقة شرط أساسـي ربمـا لايتـم الـزواج إلا بــه ...

يا ليتها بس على الدقاقة.. لا تنسى البوفيه و هدية للدقاقة و هدايا للمعازيم و غيره و غيره..

إقتباس:

لاحــول ولاقــــوة إلا بالله ...

و نعم بالله

شكراً لك أخوي دبــل كيــك على مشاركتك

مجـــــــــــــد

[/align]

صراحة.. لو كان جنبنا قصر كااااااااان مت من الفرحة الله الله كل طق وعروس وحركات..
بس بالنسبة للسهر للفجر لاااااااااا والله ذي كبيرة.. يعني الساعة ثلاث ييكفي ويخب بعد..
أهم شي لاتعصبين خلك ريلاكس .. وخلك ايزي ياعزيزي