للمشرفين والأعضاء اللي يعرف وش الطبخة يقولي
وش السوات يفيدني ومشكور مقدما على الإفادة

أخوكم إذا شغل الجهاز طلع له :

مربع او مستطيل مكتوب فيه
فوق في الشريط الازرق للمربع العنوان يعني مكتوب مدقق windows فيه علامة اكس حمراء .
واللي مكتوب في المربع : صادف تسيل الدخول windows خطأ أثناء الوصول للتسجيل .

السطر الثاني : سيقوم wiindows بإصلاح التسجيل وإعادة تشغيل الكمبيوتر .

((((((((((((((( ومكتوب الخيار موافق )))))))))))))))))))

هذا في البداية طبعا اضغط موافق وبعدين يعيد التشغيل واحياناً يطلع شاشة زرقاء
مكتوب في اخر السطور في الشاشة
File Nam : VMM (12) + 00003755Error : 0E :0028 : CO 283755 Press any to con tinue
طبعاً هذا المكتوب في اخر السطرين من الشاشة تقريبا واخر الطلام مؤشر ( ـ ) مؤشر الكتابة اقصد .
وعنوان هذي الشاشة الزرقاء windows

ولا أدري وش السالفة اعيد في التشغيل الين يضبط معي .
(( الجهاز عندي مللنيوم للتوضيح ))

شاكر تعاونكم ولكم تحياتي , , ,

هلا والله بحساس ..

اخوي حساس .. الملينيوم مع انه روعه .. وممتاز الا انه حساس يعني مشاكله واجد لا زم يخرب في اليوم عدد افوجادروا .. يعني اقوللك انا شاري جهاز جديد .. وملينيوم الوندوز طبعا .. الى الان ثلاث مرات يتفرمت .. بسبب تهنيقات بسيطه .. بعدين تكبر المشكله .. ونفرمت .. مع العلم اني ما اوديه الا لواحد ما خذ مقلب فيه .. احسب انه فنان اثره من جنبها .. كل ما وديت له الجهاز .. على طول خذوه فغلوه .. لقطه وفرمته .. وذبه علي .. .. معليش يالغالي طولنا عليكك مع اننا ما افدناك .. لكن اقوللك لا تستغرب دام ان عندك الملينويم .. بيخرب الى بكرة .. واقوللك الجهاز القديم .. ويندوز 98 والله ما عمره اشتكى .. اذكروا الله يا شباب .. ومع انه قديم ولا يمشي الا بالدف.. لكن اتوقع ان الملينوم السبب لأن ناس كثير اشتكوا منه وانا بعد .. لكن لو يخرب الى يوم الدين ما نيب مغيره .. حبيته ........

أخوي عاشق العثرات هلا والله وغلا . . .

أنت الظاهر منت بعيد من نظرتي نفس النظرة لو يكتبون عليه تألف ما راح أغيره

والله شف أختلف الكثير في الأجهزة ونظرتك في محلها لكن كل واحد يرتاح لجهز يمدح فيه حتى الفاهمين في عالم الأجهزة يقولون نفس الكلام البحث عن رأي واحد صعب الكل يمدح لك جهاز ويمدح لك نظام معين وأنا مرتاح للملنيوم بقول ما راح اغيره وغيري نفس الشي يمدح لك 98 وغيره وغيره . بس مثل ما قلت ما راح يتغيير الى بعد بكرة واللي بعده بعد الين شفت القرص صدا ذيك الساعة غيرته .

ما ودي تذكرني الله يهديك بالفرمته من جد حقدت عليك .

يا أنا أنت أو أنت أنا :p والله نفس الوضع اللي عندك هو الحاصل وكن عينك تشوف بس عاد ما أبي أظم الجهاز لا يحقد علي مهوب خراب بمعنى دائما بس طواري بسببي الصراحة والمرة هذي لا والله شكل البش مهندس مللنيوم عصب وطلع لي المشكلة اللي فوق والله يستر مدري وش السالفة لهلمشكلة والظاهر الفاهمين ما يبون يصدموني ويعلموني بس عادي أنا وجهازي صدورنا رحبه قولو وش المشكلة إلى الحين أخوي عاشق محد رد تتوقع ما يبغون يصدموني .

عموما مشكور يالغالي على المشاركة وأتمنى لك ولجهازك الصحة والعافية إن شاء الله .

تحياتي , , ,

هلا بك اخوي حساس انت و اخوي عاشق العثرات


بالنسبة لمشكلتك فهي اعتقد بسبب الذاكرة لديك حيث ان VMM اختصار لكلمة :
Virtual Memory Manager وهو لادارة الذاكرة للجهاز .

و المشكلة انها قد تحدث لعدة اسباب من اهمها :

1- وضع برامج كثيرة في بداية التشغيل فلا يستطيع النظام تحميلها دفعة واحدة .

2- عدم وجود ذاكرة كافية للجهاز لتحميل عدد من البرامج .

3- عدم و جود مساحة كافية في القرص .

4- وجود برنامج يتحكم في الذاكرة ( يجب التأكد من انك لم تثبت برنامج يتدخل في عمل الذاكرة فقد يكون هو السبب و من ثم حذفه هو الافضل ) .

5- تغييرك لبعض الاعدادات في النظام .

و عموماً فهذي النقاط يمكنك التاكد منها بنفسك ( من 1 الى 5 ) , كما انه يمكنك معرفة اذا كان السبب هو رقم 1 أو حتى 5 بهذه الطريقة :

اذهب الى قائمة ابدأ و من ثم انقر على اختر تشغيل أو Run و من ثم اكتب msconfig في المستطيل و بعدها موافق .

تظهر لك شاشة فيها عدة تبويبات ( اختيارات ) اختر منها بدء التشغيل أإو Start up و بعد ذلك يظهر لك شاشة بيضاء فيها امتداد للبرامج و بجانبها علامة صح ( طبعاً المقصود ان هذه البرامج تعمل مع بدء التشغيل و إذا ازلت علامة الصح فهي لن تعمل و يمكنك تعديل ذلك في اي وقت ) فازل علامة الصح من بعض البرامج التي لا تعرفها أو غير مالوفة لديك . و من ثم تطبيق و بعد ذلك موافق و سوف يطلب منك اعادة التشغيل . انقر موافق و بعد ذلك شف هل تظهر لك الشاشة .

ارجو التاكد من عدم وجود برنامج يتدخل في عمل الذاكرة .

هلا والله أخوي عبدالله وألف شكر على هذي المعلومة وفعلا هذي المشكلة بس بطريقة ثانية .

بصراحة مدري واشلون بس كلامك اللي قلته لي قاله واحد قريب لأحد الزملاء له في المشاكل وإصلاحها وهو اللي صلح الجهاز وقال نفس الكلام وكلامك 100% يالغالي .

وأخينا في الله قال لي المشكلة في إعدادات النظام رقم 5 اللي ذكرتها مدري والله إعدادت أو حاجة شبيه بذالك المهم أنها في النظام .

حل المشكلة : راح وجاب الله لا يهينه عندي في البيت (( ديسك ــ فلوبي )) وركبه وطـفا الجهاز وشغله مرة ثانية ومدري وش سوى وقال لي هذا يرجع المعلومات للنظام أو حاجة مثل كذا .
المهم رجع الوضع طبيعي والا أدري هل فعلا بهذا الحل أنتهت المشكلة أو هذا حل مؤقت أخوي عبدالله والغريب أنه شغل الجهاز وفيه (( الديسك - الفلوبي )) .

عموماً ياليت بس تقولي هل هذا الحل مجدي والا لك وجهة نظر ثانية تنصحتي أسويها ؟

لأني بصراحة أتبع ما تنصحني فيه ( ماشاء الله ) لما تملك من مفهومية في هذا المجال .

وللمعلومية أنا سويت اللي ذكرته لي فوق وطلعت لي شاشة سودء مكتوب فيها بالابيض طلعت بسرعة واختفت بسرعة . . . ؟

وأخيرا يا بو فهد تقبل أطيب وأصدق التحيايا العطرة وما قصرت يالغالي , , ,