01/09/2005, 04:11 AM
|
| زعيــم نشيــط | | تاريخ التسجيل: 20/10/2002
مشاركات: 519
| |
|
لسنا كالاتحاد يامحمد بن فيصل
اولاً احب ابارك لجميع الزعماء التأهل بعد الفوز الجميل على نادي القادسيه
اما ثانياً فانا اود التحدث عن هذا الفريق الشاب الذي رأيته يتلألأ إبداعاً بملعب الامير فيصل بن فهد بقيادة النجم الاوربي والبرازيلي في آن واحد اللاعب الذي سيكتسح جميع المهاجمين السعوديين والعرب والاسيويين احمد الصويلح صراحه رحمت هاني العويض بعد هدف الصويلح احس انه ماشاف الكورة الا وهي مسنتره في الثمانيات .
بصراحه ودي اوجه رساله لحبيب الشعب الامير محمد بن فيصل وانا قلت حبيب الشعب لأن الهلال كما يقول الكاتب الكبير احمد الشمراني ا يمثل نصف سكان المملكه وقد يكون اكثر , اقوله ياوجه السعد ترى مانبي محترف ثالث فبصراحه اللي شفناه من شباب الهلال يطمن فلابد نعطيهم فرصه ولانخلي هالمبدعين اسيرين لدكة الاحتياط وهذا لمصلحة الهلال اولاً ولمصلحة الكره السعوديه بشكل أعم فالهجوم ماندري من اللي يستحق اللعب اساسي فعندنا الاسطوره سامي والكاسر ياسر ورونالدينو العرب العنبر واللاعب الأوروبرازيلي احمد الصويلح اضافةً للمدفعجي الجمعان واخوه فيصل وبدر الدخيل والخراشي فلو راح مجموعه منهم للمنتخب فانا متاكد ان الباقين لن يقلون مستوى عنهم .
اما من ناحية الوسط فالمحاور فهم افضل الموجودين في المملكه فهناك عزيز والغنام والغامدي والبرقان إضافةً للنجم الصاعد الدوسري .
اما الوسط المتقدم الشلهوب وكماتشو اللي ابدع الموسم الماضي في الوسط الايمن برغم انه اشول والفتى الذهبي نواف اللي مانبيه يلعب الا بنصف مستواه ويضمنها اساسي بالمنتخب اضافةً لفهد سرور والموري اللي ارى انه يبدع كوسط ايمن اكثر من انه مهاجم كما لاننسى شلهوب الكره السعوديه القادم سعد الذياب واللاعب اللي اتوقع له مستقبل باهر العبدالسلام ومازن الفرج صاحب المهارات العاليه والتحكم الرائع بالكره بس ليته يترك عنه الفلسفه اللي مالها داعي .
فنتمنى منك ياسمو الامير الاكتفاء باللاعبين الموجودين فوالله ان كل من ذكرتهم تتمنى الانديه الاخرى انهم يستعينون بهم بدلاً من الأجانب اللي يتعاقدون معهم .
فهاهو الاتحاد بالرغم من استقطابه للكثير من اللاعبيين وبميزانية مفتوحه الا انهم لم يفيدوه بتحقيق اي بطوله محليه الموسم الماضي ولم يبرز اي وجه جديد يفيد الكره السعوديه فهو نادي قتل المواهب هاذا اذا كان عنهم اصلاً مواهب .
اما بالنسبه للزعماء فيكفي ان اللعب اللي سوف يبرز انه يكون قد تشرب من روح الهلال اللي هي اضافةً للموهبه السر في انتصارات الزعيم .
واريد ان اذكر انه في العام الماضي لولا ان دسيلفا اكتشفنا انه بالاخير داج لما اتيحت الفرصه للعنبروكان حبيساً للإحتياط وبذلك نكون حرمنا الكره السعوديه من سرعة بروز مهاجم متمكن وهاهو الآن ينافس على اللعب كمهاجم اساسي بالمنتخب .
وفي الاخير انا متاكد انشاء الله ان شباب الهلال وبالرغم انهم الصف الثاني وقد يكونون الثالث في النادي الا انهم سيحققون بطولة كأس الامير فيصل بن فهد بالرغم من استعانة اكثر الانديه الاخرى بلاعبينهم الاساسيين واللاعبين الاجانب وسيكون ذلك إثباتاً لماقلت انشاء الله .
فتكفى ياوجه السعد مانبي لاعب اجنبي ثالث ولا لعيبه سعوديين ونتمنى الاكتفاء بأسود الميدان الموجودين . |
الوضع العادي
