12/07/2001, 12:10 PM
|
زعيــم فعــال | | تاريخ التسجيل: 17/06/2001
مشاركات: 402
| |
(((((قصيده المغربيات والرد عليها)))))....... قرأت هذا الخبر بأحد المنتديات وحبيت أنقله لكم................
حامض علي بوزك بنات الجزيره
وانا اتصفح بعض المواقع طاحت عيني على هذي القصيده واعجبتني راح اخليكم تقرونها بس ايش رايكم في رده ما يبرد القلب حامض علي بوزك بنات الجزيره
حامض علي بوزك بنات الجزيره
السلا م عليكم ورحمة الله وبركاته
رايت بعض الشباب صباح هاذا اليوم يتناقلون قصيده حقيره مطبوعة في احدي المجلات لا اعلم صاحبها , ولكنه في رايي انسان مريض , يمدح فيها بنات الليل المغربيات ويذم بناتنا ويروج فيه لسوق السفر للصياعه في المغرب ... وانا اعتقد ان مجرد المقارنه بين بنا تنا الطا هرات والبنات اللا تي يقصدهن هاذا المريض مرفوضه ولكن ماذا نقول في اصحاب الفطر الممسوخه.....فلم اتمالك نفسي ورديت عليه بابيات حسب ما جادت به قريحتي ...
قصيده المريض :
ياللي تنشد عن علوم الذي طاف.......كل البحوروكل دوله وديره
خذ من علومي علم اوصافه اوصاف.....جزل سمين يشتعل له سعيره
الزين عقب المغربيات ينعاف....غيد لهن بالزين ذكر وسيره
فيهن حلا طاغي ولين بالاعطاف.....وفيهن حنان يشعل القلب غيره
حلوات وصف وفاهمات بالاعراف.....زينات منطق صافيات السريره
بنات قوم طيبهم غصب ينشاف.....اولاد مغرب في الليال العسيره
ياللي تنشد عن علومي بالانصاف.....هرجي يكفي صامله عن كثيره
الزين في لميا وتغريد والطاف....ماهوب في حصه وكشرة منيره
وهاذا ردي:
قال الذي عدا علي كل مشراف....وخاض الفيافي والبحور الغزيره
الحق عندي واقطعه صدق وانصاف...وترضخ لي القيفان لو هي عسيره
يوم القلم بالزور في يديك رعّاف.....لي سيف شعر باظهره من جفيره
ياللي توصف عقب ما رحت طوّاف...ثم جيتنا محتاس وراسك تديره
ومن الغواني صارلك خدن واولاف.....من ديرة فيها المراقص كثيره
لولا الدراهم ما حصلك تعطّاف....وحنانهن معروف وشهو مصيره
واعرافهن اعراف رقص وتغرياف... حلوات منطق والنوايا شريره
ولا رحت من عقبك طوابير واطواف....ياالجاهل المغرور يا اعمي البصيره
حصه ونوره ساسهن طيب وعفاف..... دهم الاصايل يا مدور حميره
حصه ونوره كلهن زين وظراف....وما همهن هرج العقول الغريره
وكشرة منيره كيف يا اللاش تنعاف....حامض علي بوزك بنات الجزيره
ارجع لكم والله انا اشهد اللي رد خبير ايش رايكم في
حصه ونوره ساسهن طيب وعفاف..... دهم الاصايل يا مدور حميره
حصه ونوره كلهن زين وظراف....وما همهن هرج العقول الغريره
وكشرة منيره كيف يا اللاش تنعاف....حامض علي بوزك بنات الجزيره
اخر تعديل كان بواسطة » مخاوي نجد في يوم » 12/07/2001 عند الساعة » 12:41 PM |