نادي الهلال السعودي - شبكة الزعيم - الموقع الرسمي

- منتدى الرياضة العربية و العالمية (http://vb.alhilal.com/forumdisplay.php?f=13)

- - ريال مدريد .. الى أين !! (http://vb.alhilal.com/showthread.php?t=231399)

ريال مدريد .. الى أين !!

[align=center]السلام عليكم

اكيد الكثير منكم ممن رأو ان الموضوع يختص بالريال وان كاتبه
هو 10Ronaldinho10 ظنوا بأن الموضوع يهدف الى السخرية او ماشابه ذلك !! :rolleyes: ..

صحيح اني ما اداني مدريد ودم ضروسي سيرته :D .. بس لابد نتناقش مع اننا
مروقين وماعندنا شي ..

المسألة ومافيها اني جالس في المجلس مع الشباب وطبعا اللي ماكل الجو هي سواليف الكورة والانتقالات والتوقعات لنتايج الفرق وفقا لمعايير تعزيزاتها وانتقالاتها التي قامت بها
في فترة الصيف ..

ومن نادي لنادي الى ان وصلنا الى النادي العزيز :D .. ريال مدريد .. !!

طبعا كان المجلس فيه برشلوني واحد اللي هو انا ومدريديين اثنين يعني ماهوب ماديني اهايط الا بشوف البيالات ناصية جبهتي :D ..

عموما الخلاصة او الاسباب التي استدعتني الى كتابة هذا الموضوع هو شيء في نفسي لمعرفة الاراء بشكل اوسع بحكم ان المنتدى يضم اصحاب الميول المدريدية وغيرها ..

( خلونا نكون واقعيين شوي .. )

بالطبع الكل من متابعي الكرة بشكل عام ومتتبعي الكرة الاسبانية بشكل خاص يتذكرون ولو الشيء القليل من الانتقالات التي جرت في اخر ثلاث سنوات مضت ..

واتوقع اذا لم اكن جازما ان النسبة الاكبر من التعزيزات الصيفية للاندية لمركز " الهجوم " او الوسط المهاجم " كانت لمدريد .. بغض النظر عن المراكز الاخرى ..

الريال اتى برونالدو موسم 2002 /2003 .. وكان عنده راؤول وموريانتس وفيغو وزيدان ..
هنا انا اتوقع ان هالخطوة اللي قام بها رئيس الريال بيريز

كانت خطوة مجازفة ومغامرة .. لانه كان سيحضر اسم كبير ولامع ورونالدو كان هداف المونديال وتوه شايل كاس العالم وبالتأكيد لن يرضى بأن يكون محله دكة الاحتياط .. ان رضى هو الملايين من عشاقه وعشاق الريال لن يرضو بذلك ..
وبنفس الوقت كان عنده ثنائي خيالي اللي هم مورينتس وراؤول وما اتوقع ان احد فيهم مكانه الدكة او بالاحرى محد يستاهل انه يجلس بالدكة الاحتياطية !!
ومر منتصف الموسم الثاني وديلبوسكي تعامل مع الوضع وكان مورينتس الضحية ..

عموما حصل الريال على الدوري واتى الموسم اللي بعده وتلخبطت الاوراق كاملة ً ..
الريال بدأ يستغني عن ابرز عناصره .. وبالاخص ماكليلي .. واللي اظن انه نص المنتصف المدريدي !!

وبدأت "لعنة" بيريز تنحل .. فقد اتى بـ بيكهام اللي اجزم بأن الفريق لم يحتاجه وترك المركزين اللي اصبحوا شاغرين بمغادرة هييرو وماكليلي ولم يحرك ساكنا فيهم !!

ومع وجود سلسلة من النجوم الكبار بعد عودة مورينتس .. قام المدعو بفلورنيتنو بيريز بجلب مهاجم رابع او خامس وكان مهاجم لايختلف على موهبته اثنان وكان من الظلم والبهتان مشاهدته
جالسا في دكة الاحتياط .. الموهبة اوين اصبح ضحية بيريز في الموسم بعدما كان مورينتس الضحية التي قبله !!

انتقل مورينتس من الريال واصبح السبب الاكبر في خروج مدريد من التشامبيونز ليغ .. كأنه يقول لهم هذا هو ثمن اهمالي !!

عاد مورينتس وتواصل الاهمال .. وبات الفريق في زومعة كبيرة بدخول مدرب وخروج اخر .. !!
وضاع بفترة قصيرة .. وقام بيريز بالتعاقد مع مدافعين .. واحد منهم ماشفنا خشته خير شر :D ..

والاخر لم يستطع الصمود "وحده" طيلة الموسم .. يعني بيريز اصلح شيئا بسيط من غلطته الموسم الذي قبله ..

ومر الموسم الاخر ولكن دون اي شيء يذكر .. تكرر نفس سيناريو الموسم اللي قبله ولكن باختلاف بسيط وهو بجلب جرافيسن !! ولكن بعد ايش ؟؟

و اخفق الريال .. وتلك هي المرة الثانية .. !!

طبعا بعد ذلك الجميع قال بأن بيريز سيصحو من سباته وبيشوف حل للفريق في فترة الانتقالات ..
ولكن ماذا حدث !!

بعد ان انحلت مشكلة الوسط او المحور .. ذهب صامويل الى الانتر واصبح الريال دون دفاع من وجهة نظري .. يعني هيلغيرا وبرافو او بافون ينغزا بهم ؟؟ :D ..

طبعا توقع الجميع بأن بيريز بيشوف حل لمشكلة الدفاع ..

ولكن قام بيريز ليفاجئ العالم بتعاقده مع مهاجمين اخرين !! لماذا ؟
فريقك بأمس الحاجة لخط الدفاع تجي وتضيف علة فوق العلل اللي عندك !!

يعني بابتيستا وين بيلقى مكان مع اوين وراؤول ورونالدو وروبينهو ..

وروبينهو احيانا كيف بيلعب وزيدان فيه !!

حقيقة لا ارى اي مبرر لافعال رئيس مدريد !!

دعوة لمعرفة اقوالكم ياعشاق مدريد .. او لأي شخص يقدر يفيدنا بمقدرته التحليلية لوضع الريال وافعال الرئيس الخطير :D ..

الى اين سيقودهم الحال ؟؟

تحيتي للجميع[/align]

مغامر .. مجازف .. يجازف بأعماله ... :)

وهو اصلا لو بإيده كان جاب كل لاعبي العالم وحطهم على دكة الاحتياط ... وبعد يخسر في آر شئ ...

وثاني شئ ترا انا مثلك برشلوني ... يعني اذا بغيت فزعة بس قول لي ... واكون عندك على طول ...

يعني اذا جاء احد مدريدي :laugh:

مشكور اخوي ...

اوين طلع رسميا ..

بابتيستا يلعب وسط .. بالريال .. ..

ويتبقى بالهجوم روني و راؤول .. روبينهو باالاحتياط مع بورتيو ..

وباقي الدفاااااااع ننتظر راموس .. ليكون مع ودقييييت

إقتباس:

الرسالة الأصلية كتبت بواسطة Raul _7

وزياده على ذلك.. روبينيو ليس مهاجم صريح.. يلعب في اماكن كثيره واهمها خلف المهاجمين لصناعة الفرص..

نجي للدفاع.. الصفقات الجديده منها كارلوس ديوجو اللي الكل ينسى يذكره.. لاعب 21 سنه ومهاراته رائعه..قادم من ريفر بليت وعنده مستقبل كبير مع الريال.. وودجيت اللي رجع من الاصابه وبيلعب اساسي بعد ما يتأقلم مع جو المباريات.. سيرجيو راموس قادم قريبا وسيعلن عن الصفقه في الساعات القليله القادمه.. ولا تنسون روبرتو كارلوس سلجادو .. هلجيرا واحد من احسن المدافعين بس مرات مادري شو يصيرله.. العاها ت اللي عندنا برافو وبافون فقط..

بابتيستا لاعب وسط وليس مهاجم!!!!!!

راول صح لسانك ..

بابتستا يلعب وسط ايمن تقريبا .. نفس مكان فيغو

وروبينهو يلعب مهاجم وفي بعض الاحيان يلعب جناح .. مثل كأس القارات الاخيرة مع المنتخب

ولا تنسى راموس .. ودييجو الظهير .. وسيسنهو بدال سلغادو :) :)

تحيتي لك ..

إقتباس:

الرسالة الأصلية كتبت بواسطة Raul_G

s60s s60s

موضوعك جميل أخوي :) ..
ويفتح مجال لنقاش رائع ..
وأتمنى نكثّر من المواضيع الهادفة والنقاشات الرائعة بدون أي ( خناق ) :D

طبعاً الآن أوين انتقل رسمياً لنيوكاسل ..
وأصبح أوراق الهجوم بأيدي رونالدو ، راؤول ، روبينهو ولنقل بوريتو كذلك ..
انا وضعت باتيستا في خط الوسط باعتبار أن المدرب اعتقد سيقدمه في ذلك المركز ..

كذلك شي رائع لما تشوف الفريق وفيه أوراق رابحة في خط الهجوم ..
في حالة إصابة رونالدو ، فـ روبينهو الورقة الرابحة ..

أنا أجزم بأن الريال لو أتى بقلب دفاع من الـTop يلعب مع وودجيت .. سيكون الريال في أجمل صورة يبروزها في الليغا ..
على العموم ، نتمنى يكون النقاش أخوي بين الجميع ، وما أحد يغلط على الثاني :)
ونكون ( حبايــب ) .. كالعـادة :)

يعطيك العافية أخوي ..

صح لسانك أخوي وماتقصر على الموضوع الجميل s13s
لوفيه جائزة أوسكار لعطيتك بس مافيه :laugh:
يعني مافيه إلا جائزة نوبل :laugh:
ومرة أخرى مشكور على الموضوع الجميل s13s s13s s60s

والله مدريد انشالله راح يروح ضحيه المهاجمين ياخي دفاعنا مافيه احد عندك

صرااااااااااااااااحه موضوع رهيب

اما دفاعهم من جد سكه

البطولة برشاوية ان شاء الله

سيرجيو راموس قادم

وبجانبه وودقيت

يعني الدفاع تقريبا s60s

باقي الخطوط مكتمله s60s

وشكرا على موضوعك

[align=center]وعليكم السلام ,,

في حال أنتهت فترة الأنتقالات وبيريز ماجاب مدافع ,,
راح تكون كارثه ,, :rolleyes:
مشكلة الريال الدفاع وشاهدنا في جولاته الأسيويه الأهداف سهلة جداً
لكن الأنباء تتردد عن قدوم راموس للنادي الملكي ,,

يعطيك العافيه[/align]

[align=center]مرحبا اخوي .. رونالدينهو .. بصراحه تابعت ردود الاخوه السابقين .. ولم اجد من يجاوبك بقدر السؤال الذي سألته واجد عندي رد عفوي ورد شافي وكافي بإذن الله ..

هجوم برشلونه :: ( رونالدينهو < اذا قلنا مهاجم > , ايتو , لارسن , جولي , ماكسي , ميسي , سافيولا < قبل رحيله > , انيستا < شفناه بلقاء اليوفي كان هجوم > , وسيرجيو جارسيا < كل سنه بفريق والبارسا رافض بيعه على ما اعتقد > ) عديت معي كم لاعب هجوم عند البارسا .. ليش ما سئلت عن كثرتهم قبل ما تسأل عن الريال .. نرجع لهجوم الريال :: ( رونالدو , راؤول , بابيستا < اذا حسبناه مهاجم > , روبينهو , اوين < قبل رحيله > , بورتيلو < قبل رحيله > , سولدادو ) واستغنى الريال عن اثنين .. وحول واحد للاعب وسط متقدم .. وجلب مدافع اللي هو راموس .. الريال اقترب من الاكتمال .. وشكراً لك على هالموضوع الحواري واتمنى تكون فهمت ردي زين [/align]

إقتباس:

الرسالة الأصلية كتبت بواسطة بطولات زعيم

s60s

نسيت ابارك للمدريديين صفقة راموس.. الف مبروووووووووووووك :D

http://i6.photobucket.com/albums/y21...amos310805.jpg
الترجمه:- راموس الى مدريد

اغلقت الصفقه وننتظر الموقع الرسمي يعلنها

في حالة قدوم سرجيو راموس لن يكون هناك مشكلة في دفاع ريال مدريد ولكن سينقصهم التأقلم مع بعض والتفاهم فقط

ستكون الحراسة s60s

الدفاع s60s

الوسط s60s s60s

الهجوم s60s s60s s60s

[align=center]

إقتباس:

هجوم برشلونه :: ( رونالدينهو < اذا قلنا مهاجم > , ايتو , لارسن , جولي , ماكسي , ميسي , سافيولا < قبل رحيله > , انيستا < شفناه بلقاء اليوفي كان هجوم > , وسيرجيو جارسيا < كل سنه بفريق والبارسا رافض بيعه على ما اعتقد > )

سافيولا راح .. ميسي لايشاهد في المستطيل وماكسي احتياطيا وهؤلاء الاثنان لازالوا في بداية
مشوارهم ولايقارنوا برونالدو وراؤول وبابتيستا وروبينهو !! :rolleyes: ..

يعني هجوم البارسا (ايتو - لارسون .. جولي .. ورونالدينهو خلف المهاجمين بس بحسبه لك مهاجم ..

اما انييستا ماخبرناه مهاجم ابد .. لا مع المنتخب الاسباني ولا مع برشلونة !!

وسيرجيو غارسيا رحل الموسم الماضي لـ ليفانتي الظاهر معارا .. يعني من تبقى ؟؟

ايتو لارسون جولي .. < اثنين راس حربة و واحد جناح .. وروني خلف المهاجمين .. اما ماكسي وميسي يعدون كمالة عدد اذا راح نقارنهم بمهاجمين مدريد ..

وغير كذا .. الموضوع يخص مدريد وانتقالاته .. ليه دخل برشلونة في الموضوع !!

إقتباس:

وجلب مدافع اللي هو راموس .. الريال اقترب من الاكتمال .. وشكراً لك على هالموضوع الحواري واتمنى تكون فهمت ردي زين

عزيزي مايرمي له الموضوع هو لماذا الريال مهتم في خط الهجوم اكثر من اهتمامه في الدفاع وهو المركز الذي في حاجته الريال اكثر من اي مركز اخر ..

ارجو انك استوعبت الموضوع زين ..

تحيتي ومقدر لك مرورك ومرور الاخوة الكرام ..[/align]

مشكور على الموضوع ومثل ما قالو الاخوان ان با بتيستا راح يكون في الريال جناح لاكن روبينهو لن يعود الى الوسط الا في حال دخول راؤول يعني راؤول راح يكون بدكة الاحتياط

في حالة شفاء وودقيت وتقديمه لمستوى يوازي المبلغ المدفوع فيه وضم راموس ومن ثم ضم سيسنهو في موسم الانتقالات الشتوية

راح يكون الريال فريق قوي جدا

واعتقد راح تبقى علة المحور لان قرافيسن لم يتمكن لحد الان من فرض نفسه

ما ادري بيريز كيف ضيع صفقة فييرا وهو الي كان يناقز عليه من كم موسم

إقتباس:

الرسالة الأصلية كتبت بواسطة spanish eyes

اخوي لا تنسى بابلو جارسيا.. لاعب قوي جدا!! واثبت نفسه في المباريات اللي قبل الموسم :) وجرافيسين لاعب اكثر من جيد.. لو تتابعه عدل بتشوف شو يسوي في الملعب.. تقاه في كل مكان!

إقتباس:

عزيزي مايرمي له الموضوع هو لماذا الريال مهتم في خط الهجوم اكثر من اهتمامه في الدفاع وهو المركز الذي في حاجته الريال اكثر من اي مركز اخر ..

الجواب نقطتين:

الأولى:أن رئيس الريال يهمه الربح المادي (إقتصادي بحت)..

زين فلما يجيب على سبيل المثال ماكليلي ماكليلي ماهو صاحب شعبية عشان كذا ماراح احد يشتري قميصه وعشان كذا ماراح شركه تتعاقد معاه على عكس رونالدو وزيزو والباقين..(لن تعود منه اي ارباح مادية)..

الثاني:انه رئيس الريال في اوائل تصريحاته صرح انه سيجلب لاعبين يجلبون المتعه للجمهور فقط..

على العموم رئيس الريال مدريد لايهمه وضع الريال اهم شي الربح المادي العائد من ورى الريال ولو كان الريال احد اهتمامته لجلب اللاعبين المناسبين فالأعمى يعرف اين مشكلة الريال او على الاقل سلم مهمة جلب اللاعبين الى المدرب كما يعمل ابراموفتش رئيس شيلسي..