السلام عليكم ورحمة الله وبركاته

بصراحة قريت اليوم في بعض الصحف عن تنسيق اللاعب الموهوب / عبدالله المطرف !!!!!!!!!

وبصراحة من أول ماقريت الخبر حزنت كثير لأن عبدالله لاعب كبير وموهوب بس للأسف ما أخذ فرصته .
وأنا أتأكد لو أخذ الفرصة الكاملة صدقوني راح تتغير وجهت نظر المدرب ،
لو نرجع لورى شوي على أيام بطولة الصداقة اللي كان فيها عبدالله كابتن الفريق اللي حصل عليها الهلال من أمام والله وأعلم ( الأهلي المصري ) لما كان من ضمن المجموعة اللاعب / تركي الشايع ، ومنصور الشهراني ، وعبداللع المطرف ، وغيرهم ......
كيف كان عبدالله المطرف شايل نص الفريق بمهاراته اللي كانت تذكرنا بالكابتن يوسف الثنيان
تذكرتوا ،، حتى بعض المرات نشوفه يدخل التشكيلة بس في البحر نقطة ، يعني بالسنة حسنة .
كان نص جمهور الهلال يتوقع ان عبدالله المطرف راح يكون له مكان ثابت في التشكيلة الأساسية لدرجة الكبار ، بس للأسف مكان عبدالله المطرف طار لمازن الفرج ، وفهد سرور اللي يقل بصراحة مهارة وذكاء عن عبدالله المطرف ......


وأنا كتبت هذا الموضوع لمطالبة الجمهور بالوقوف معي لمطالبة الإدارة الهلالية وعلى رئسها الأمير الرائع والذهبي الأمير / محمد بن فيصل حفظه الله ورعاه من كل مكروه .
بعدم التسرع بتنسيق اللاعب / عبدالله المطرف ، علشان ما نطيح بنفس الخطأ اللي طحنا فيه لما تمرن معانا الكابتن / رضا تكر ، والكابتن / يسري الباشا ، وغيرهم وغيرهم واللي عظينا أصابع الندم عليهم ، وبعد مايطير اللاعب لفريق ثاني ( منافس ) وياخذ فرصته الكاملة وبعدها نرجع ونفاوض لاعب كان في نادينا وتركناه وألحين (((((((نبيه ))))))) ، مثل ما حصل مع الكابتن ( عبداللطيف الغنام )) ، لما جا للنادي وطلب خمسين ألف ريال بس مقابل اللعب للهلال ، وتم رفض طلبه ، ولما راح للشباب وبدع رجعنا وطلبناه وكان رد الشباب ( 11000000 ريال إحدى عشر مليون ريال ((((((((((( بس )))))))))) وخذينا


وقارن انت

والله هذا الكلام من أجل مصلحة الهلال ، وغيرتي على فريق عشقته من يوم الصغر
وهذا والله يقدم اللي فيه الخير
واتمنى نجمع بطولات الموسم هذا


آسف على الإطالة

ااااخووووووووي
المصدر؟

مرحبتين أخوي الروزنيري ( شكراً على الرد )

أما بالنسبة للمصدر ((( جريدة الرياض ، وجريدة الحياة ))) .


[align=center] [/align]

له اكثر من سنتين وهو ماقدر يثبت نفسه
يروح للحزم او الشعله يمكن يقدر يثبت نفسه عندهم

المطــــــــرف لااااااااعب كبيررررررر وأتمنى من الادااااره الهلاااااليه الانتبااااه قبل التنسيق

أما بالنسبه لقولك [رضا تكر] و [يسري الباشا] بالله هذووول لاعبين الحمدلله على كل حااال والله انا عندي المفرج افضل من رضااا بمليووون مرررره ممكن لو قلت المنتشري لكن تكر
ويسري وقسم بالله انا مااادريت انه تدرب في الهلااال لووو دريت انا قطيته مع اذنه ورميته برااا الواااحد يفكر قبل لااايقووول اسم لااااعب كثيررررر

آسف لو صدر مني غلط يالغااااااالي

مع تحياااتي لكل مشجـــــــــــع هلااااااااااااالي

مرحبتين
بالنسبة لرد أخوي هلالي %
لو تلاحظ في كلامي أني قلت انه ( ما أخذ فرصته )
وافهم الباقي .
وبالنسبة لرد أخوي هلالي الماسي
أنا ما قلت أن رضا هو طموح الهلال وأنا معك فهد المفرج أحسن ، بس والله مستواه جيد وكويس بالنسبة لنا كهلاليين ، وعلى فكرة سبق ورجعت الإدارة تفاوضة يوم راح للإتحاد يتدرب ورفض .

وبالنسبة ليسري الباشا ، أنا ضربت فيه كمثل للي يخلي اللاعب ويرجع ويفاوض ناديه . والا هو مايستاهل يلعب للهلال .

وأنا ألحين بعطيك إسم حارس والله راح تذكره مستقبلاً ، هو الحين في النصر ، وكان يتدرب مع الهلال من شهرين ، وعمره ما تعدى الــ 23 سنة ، ويكون يا إبن أخ محمد خوجلي ، أو إبن أخته ،، واسمه ( عبدالله الخوجلي ) يلقب بعبــــــادي ،
كان والله معاي في الفريق وحصل على أحسن حارس مرمى في دوري ( بايــسن ) من 5 شهور تقريباً ، واللي كانت مجريات المباريات على ملعب المعذر في المعذر .
وبعدها تمرن في الهلال قبل ما يتجه للنصر (((((( كلامي للذكرى ))))))

وهذا للتوضيح
وأنا بصراحة مقدر مشاركتكم
وشكراً

اتمنى ان يكون الكلام غير صحيح

عبدالله المطرف لاعب ممتاز بس ماعطي الفرصه الكامله

ويعطيك العافيه اخوي

مشكور اخوي ............


لاكن وين يبي يثبت نفسه بوجود الشلهوب التمياط ................ الخ

شكراً على المرور أخوي ســـ 6 ــامـ

وبالنسبة لأخوي fsoli
طيب التمياط والشلهوب وينهم ، في المنتخب صح ، طيب ممكن نحتاجة في حال إنضمام لعيبة المنتخب ، وبالنسبة لعبدالله المطرف يلعب في خانة التمياط وفي جهة الجناه الأيمن يعني أمام الظهير الأيمن ( ياسر إلياس ) والشلهوب في اليسار، يعني يفيدنا كثير .

ولو فرطوا فيه راح يندموا صدقني
... شكراً على الرد أخوي

المطرف أكثر لاعب خذ فرصة والمتميز يظهر بأقل فرصة

اللي نسق المطرف أقوله أنت

انا اطالب الجهاز الاداري والفني بنادي الهلال

عدم تسريح الاعب لان الهلال بحاجته من اي وقت مضى

المنتخب ماخذ من نادينا كل لاعبين الوسط

التمياط وعزيز والمبارك والغنام والشلهوب

وبالطريق الفرج وسعد الذياب لمنتخب الشباب

يعني الهلال يحتاج اي لاعب موجود

طيب الهلال يملك وجوه شابه تحتاج للفرصه
اما عبدالله المطرف اخذ الفرصه

يااخوان وين اخذ فرصته؟؟؟؟؟؟؟؟؟؟؟؟؟؟

الاعب موهوب موهوب موهوب ومن افضل لاعبين الهلال في الوسط بعد الشلهوب والتمياط


عبود المطرف كل مباراه يشارك فيه يمتع المتابعين فيها
وبصراحه ادارة الهلال مقصره في حقه هو مدرس ومتعين في نجران لمدة سنه وكان يشارك الهلال في العطل
مع ذلك اذا شارك ابدع

ثم تعين في القويعيه وصار يقطع يوميآ 400كيلو رايح وجاي ومع ذلك مبدع في التمارين ويوديه بكل اجتهاد

والله حرام والله حرام وتراه صغير في السن ميلاده1401

تكفي يااميرنا لاتنسقه وعطوه فرصته لاتخلونا ندم عليه