السلام عليكم ورحمة الله وبركاته
مساء الخير للجميع

الحقيقه في شي يدور براسي ومحتار منه كثير أنا سافرت ليطاليا السنه هذي وحبيت اشوف كل شي فيها وعلشان هوايتي الرياضيه رحت للانديه ابشوف هل المنشأت افضل مننا ولا حنا افضل الحقيقه تفاجأت باكبر من هذا دخلت النادي الساعه 9 ليلا قلت الحين اول ماشوف اللاعبين ولا المدرب ولا الكور المنثره لكن لقيت اكبر من هذا لقيت مدينه كامله داخل نادي نعم مدينه متكامله من مطاعم ومحلات وسوبرماكت وناس يدخلون بعضويات رمزيه ويمارسون انواع الرفاهيه بالنادي والله كأن النادي سوق صاير مو نادي ....
فدار براسي شي وهو ليش نادي عريق كنادي الهلال مايصلح الاشياء هذي يعني حنا الجماهير نستفيد والنادي وهو الاهم عندنا يستفيد كمان يعني مدخلات كل هذي الاشياء من تعود له اليست لنادي الهلال وأحب أضيف شي حنا نشوف جدران النادي الصامته اللي ماحولها الا الشجر الميت ولا القراطيس المتناثره لماذا لاتزين اسوار النادي بالمحلات التجاريه ولماذا لاتوضع منتزهات للشباب ويعود دخلهما للنادي ...
والله صدقوني اذا نادي الهلال صلح هذي الاشياء ووضع وسائل الرفاهيه ووضع عضويه رمزيه للدخول انا اول واحد اشترك ولو وصلت العضويه لـ 500 ريال المهم اني اجد وسائل الراحه والرفاهيه بدل التسكع بالشوارع والاستراحات

ولنا بهذا اكبر مثل نادي الاهلي المصري حقيقه يعجبني هذا النادي وضع رسوم رمزيه لدخول النادي ووضع وسائل الرفاهيه بالنادي اللي يدخله مايحكم عليه انه نادي يقول عنه منتزه ترفيهي

اتمنى من المسؤلين بالنادي يدرسون هذا الاقتراح اذا كانوا حريصين على مصلحة النادي وحريصين على رفاهية جماهير نادي الهلال