الرابطه 100% ولكن ................
السلام عليكم ورحمة الله وبركاته :
هذا اول موضوع لي في الشبكه الي طالما حلمت التسجيل فيها لدرجة اني شكيت بنفسي يوم قرأت خبر القبول .
انا طالما حلمت احضر للهلال مباراة وتحقق هذا اما م الاتي بالرياض في المربع الذهبي
وفي نهائي خادم الحرمين الشريفين .
يوم حضرت كان ودي انقز وكان ودي اغني مع الرابطه ونزف الهلال ، انا مدري وش السالفه وشريت تذكره ب100 ريال ، ومن الساعه 5 العصر و انا هناك ونغني وكان تحدي من يطلع صوت اقوى الهلال او الاتحاد ، انا عصبت ذاك اليوم لأنه الي بجنبنا كلهم كبار سن ومهم جايين يشجعون
طلعت وصليت المغرب ورحت مع ابو 20 ريال والعسكري ضحك علي ليش احد عنده تذكره ب100 ويروح ب 20 انت صاحي ؟؟؟
قلتله انت ماعشت حب الهلال مثلي ، والحين ممكن ادخل قالي تفضل
دخلت انا واخوي الصغير وكنا عند مرمى العتيبي وما كنا بنفس مدرجات الرابطه
بس الصوت ياصل ، لكن الحيا منع الجمهور من التشجيع
قامو اثنين يرددون مع الرابطه وقمت انا واخوي ورددنا معاهم وقامو الي ورانا وطلع صوت قوي لدرجة انو الاتحاد يغني (وحبيبكم مين ... وحنا نقول هلالي ) الين سكتناهم
بس الهدف من الموضوع انه ليه مايكون فيه احد من الرابطه يشجعهم يرددون ومعه مكرفون عند كل بوابه وبكذا محد يستحي من احد .
يعني انا مباراة الشباب قلت ماعلي من احد بشجع انا واخوي ، وشجعنا وجا العسكري وقالي اسكت ، قلت : ليه اسكت
قال : ازعجتني قوم اطلع بره
قلت :هه انت تجي الملعب وتبي جو رومانسي !!
قال : انت قاعد بمدرجات الشباب
وفعلا كنت جالس فيها وطلعت لمدرجات الهلال لقيتها مقفلينها وجمهور هلالي كثيف مادخل
وبعدين ماقدرت ادخل رجعت محلي .
بس الهدف من الموضوع هذا كله
انو ليه مايكون فيه اثنين على كل بوابه ومهب لازم مكبرات صوت
كذا نغني وهم ينظموناعلشان كذا مدش يستحي من حد
صح .
يارب تسمعوني يالرابطه وبلاش نقلد اغاني الاتحاد ليه مانخترع ؟؟؟
يلا لو احاول وين اوديها ؟؟
ابقعد اغنيها بالبيت ولا .
يارب احد يسمع ويصلحون العيوب الي بالرابطه عشان نكون افضل من الكل
ونقول للكل شفتو الجمهور الهلالي ....... هذا ولا اعصار تسونامي
وآسف للاطاله
ويلا حاولو معي ايجاد الحلول
شكرا ً لكل اعضاء الشبكه :p
مشكورين على الردود
الوضع المتطور
