بسم الله الرحمن الرحيم

لماذا صالح كامل يعامل السعوديين بهذه الوحشيه والقسوه ..... تصورا قبل شوي اتصلت عل محل لارتي لتوزيع كروت الجزيره وسالت العامل عن كروت الجزيره وقال لي بالحرف الواحد لازم تشترك في ارتي ب 1200 ريال حتى تحصل على باقه الجزيره معها ....... أي ان الجزيره لوحدها لن يوجد لها باقه بالسعوديه ب 100 ريال بل لازم كل شخص يشترك في الارتي اولا ب 1200 ريال حتى يحصل على الجزيره ياااااااااااااااااااااااااااه 1200 من اين ناتي بها حاليا ....... لماذا تفعل بنا الاتي كذا حتى تريد الكسب حتى ولو انك ما تبي تشترك في الارتي ...... يعني بالعربي لا دوري ايطالي ولا اسباني هالسنه الا لما تدفع 1200 ريال ....... شوفوا الكلب وتخطيطه راح للجزيره مسوي معهم صفقه لانضمام الجزيره لباقه الارتي واخر شي كذا يحوسنا الله ياخذه ويفكنا منه هالحقير ذا ...... وش ذنبا احنا يااخوان انا اتصلت قبل شوي على محل موزع لارتي وتهاوشت مع العامل والمسكين يقول انا مالي دخل كله من الشركه ارتي وقال لي ايضا ان الكروت بتنزل يوم السبت وانك لازم تولم 1200 اذا تبي الجزيره ..... واذا لم تدفع فاحلم بها ....... انا توهقت وش اسوي الحين كيف اجيب الكرت والدوري بيبدا بعد يومين ...... والمشكله ان ايمن جاده قال ان من اراد الجزيره لوحدها فسوف يحصل عليها من دون الاشتراك في ارتي ولكن الكلب صالح كامل بعد ما شاف ان العالم بيشتركون في الجزيره نظرا لوجود الدوريان الاسباني والايطالي وهما الاكثر شعبيه عند الناس قال لازم اكسب انا بعد ...... على العموم يا شباب لازم تكلمون الجزيره الرياضيه او تشوفون لنا حل يفكنا من هالمصيبه اللي ما توقعناها صراحه ...... وانا بقول لكامل يااخي انا مشترك ما عندي ارتي ابي الجزيره بس ما ابي الدوري الانجليزي وبطوله العرب وكاس العالم بس ابي الدوري الاسباني .... ياخوان اللي حولهم شركه ار تي لازم يروح لهم ويكلمهم ان فيه نااس على قدهم ما يقدرون يجيبون 1200 بسهوله ..... والله صعبه يا اخوان انا اتوقع ان كثير منكم ما عنده ار تي ...... يعني مثلي تتابعون الدوري الاسباني او الايطالي وش السواه طيب وش نسوي قولوا لي تكفون وش نسوي..... تصدقون شباب انا اول ما كان عندي الرسيرفر اللي يقبل كروت .... وقبل امس شريته ب 330 ريال وكنت فرحان ان الاشتراك رخيص في الجزيره يعني 100 ريال ما تضر لكن
اتفاجا بانه لازم تشترك في الارتي حتى تحصل على الجزيره .... والله انا محطم وش اسوي الحين لازم اشوف فالنسيا لازم اشوف البارسا والملوك وباقي الفرق ...... تكفون ابي تعليقاتكم خصوصا ياللي مثل حالتي ما عندهم ارتي ويبون الجزيره فقط...... انتظر ردودكم يا اخوان شوفوا لنا حل بسيط