[frame="4 80"] اولا حياكم يا احلى جمهور
خالد عزيز ذلك الاعب الذي اوقف التشاديه عند حدهم وساهم بشكل رئيسي ومباشر في تحقيق
الرباعية كما كان له اسهامات في فوز الهلال على النصر اخيرا وهو افضل محور في المملكه
ويتميز بالبنيه الجسمانيه الاوربيه

صحيح انه غلط ونحاش في المباراه النهائيه وبطريقه بايخه لان الشيطان لعب في مخه والشيطان شاطر بس انه رجع واعتذر للهلاليين اشد الاعتذار وقال بالحرف الواحد كما تريدون ان تعاقبوني فافعلوا يعني الولد ندمان طيب ليش القسوه عليه وهو واحد من عيالنا وتوه صغير يعني طيش

واللي صار هذا بالعكس يمكنه خلاه يحس بالمسؤوليه تجاه جماهيره وان الجماهير هي من انقذته

انا معاكم انه لازم يتعاقب ولازم نعطيه درس و..........و.................

بس مو بالطريقه هاذي تخلونه هاوي مره وحده وحرمانه من المباريات

احسموا منه مكافاة البطوله واحرموه منها وتتفاهم معه الاداره عدم التكرار ويتعهد بذلك امام الاعبين عشان ياخذو درس


بتقول هو اصلا مو هلالي و يبي يروح وانا اقلك لو كان كذه ما كان اعتذر وقال لو عرضوا علي خمسين مليون ماني رايح لان حب الزعيم لا يساوي شي وبعدين هو حتى الحين وهو معنا ولا تقدر تحكم عليه لانه سوى حركه طايشه


ومن هذا المنطلق ارجو من الاخوان المشاركه معنا في الحمله للسماح عن خالد عزيز (الجندي المجهول)


باكثر عدد ممكن من الاعضاء ونوجهها رساله الى امير الهلال وهو قدها وقدود بالعفو عنه




واللي مو مقتنع بالكلام اقول له ( قل خيرا او اصمت )


ولاتنسون انه ولدنا ومشارك مع المنتخب يعني قرار السماح له بتعطيه دفعه معنويه كبيرة وبيلعب وهو مرتاح والمصلحه للمنتخب وللنادي



وحرام عليكم القسوه هاذي كلها على الاعب ومن اعفى واصلح فأجره على الله[/frame]

انا معك اخوي

وشكرا لك

سمو الأمير الشاب طلبتك بوجهى أن تعفى عن خالد عزيز ولك تحياتى يا أمير

اضم صوتي لكم

من اجل السماح عن خالد عزيز

فهو افضل محور الان بالمملكة

فلاتتركونا نخسره

أنا موافق لكلامك مئة في المئة ويعطيك العافية

السماح لخالد عزيز

لاعب كبير

اضم صوتي لكم

والله إني أحترمه على كثر اللي سواه

طالبينك يابو سلطان تكفى مشيها له هـ المره ..

وكفايه العقاب اللي جاه ..

طلبناك يابو سلطان اسمحله وعلشان يطفش البلوي من الحركه واشكاله

هو راح يعاقب على سوء فعلته مو على سوء مستواه
هذا أولا
وثانيا عزيز كذب على أبو سلطان مرتين وخان الفريق بعز حاجة الفريق له
ولو إننا إنهزمنا من الشباب
ما قلتوا هالكلام
كان طالبتوا بطرده من النادي
وللي يقول إنه عوقب ما أشوف إنه عوقب أبد
اللي جاه سخط من الجماهير بس
لازم يوقف عند حده حتى ما يكون عندنا جمعان ثاني
وكلنا متفقين على إنه لاعب فنان ومستواه متطور جدا
وأنا أشوف لازم يعاقب
عقاب يتناسب مع حجم خطأه
هذي وجهه نظري
ممكن تكون صح وممكن تكون خطأ
وسلامتكم

انا معك اخوي

السلام عليكم ورحمه الله وبركاته...........أول شي يعطيكم العافيه للاخوه القائمين على الموقع ثاني شي الامير محمد بن فيصل قدم ومازال يقدم أشي شي راح يخدم الزعيم وأتقوع أنه ماراح يخذل جمهور الزعيم في هذا الطلب لأن العفو من شيم الرجال ويعطيكم العافيه